ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⴳⴻⵍⴷⴰ ⵜⴰⵙⴰⵄⵓⴷⵉⵜ: 13 ⴰⵢ ⵢⴻⵎⵎⵓⵜⴻⵏ ⴷⴻⴳ ⵢⵉⵡⴻⵜ ⵏ ⵜⵅⴰⵣⴰⴱⵉⵜ ⴷⴻⴳ ⵓⵏⵥⵓⵍ ⵏ ⵜⵎⵓⵔⵜ
ⵔⵉⵢⴰⴹ - ⵎⵎⵓⵜⴻⵏ 13 ⵏ ⵢⵉⵎⴷⴰⵏⴻⵏ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵢⵉⵡⴻⵜ ⵏ ⵜⵅⴰⵣⴰⴱⵉⵜ ⴰⵢ ⵉⴳⴰ, ⵡⴰⵔ ⵛⵛⴻⴽⴽ, ⵢⵉⵡⴻⵏ ⵏ ⵓⵔⴻⴱⵔⴰⴱ ⴰⵢ ⵢⴻⵙⵟⴻⵔⴹⵇⴻⵏ ⵉⵎⴰⵏ-ⵏⵏⴻⵙ ⴷⴻⴳ ⵢⵉⵡⴻⵜ ⵏ ⵜⵎⴻⵙⴳⵉⴷⴰ ⴰⵢⴷⴻⴳ ⵜⵜⵥⴰⵍⵍⴰⵏ ⵢⵉⵙⴻⵔⴷⴰⵙⴻⵏ ⵏ ⵢⵉⵖⴰⵍⵍⴻⵏ ⵓⵣⵣⵉⴳⴻⵏ ⴷⴻⴳ ⵜⴻⵎⵏⴰⴹⵜ ⵏ ⴰⵙⵙⵉⵔ ⴷⴻⴳ ⵓⵏⵥⵓⵍ ⵏ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ.
ⴷⴻⴳ ⵢⵉⵡⴻⵏ ⵏ ⵓⵍⵖⵓ, ⴰⵏⴻⵟⵟⴰⵇ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⴰⵅⴰⵣⴰⴱⵉⵜ-ⴰ ⵜⴻⵍⵍⴰ-ⴷ ⴷⴻⴳ ⵢⵉⵡⴻⵜ ⵏ ⵜⵎⴻⵙⴳⵉⴷⴰ ⵏ ⵡⴰⵎⵎⴰⵙ ⵏ ⵢⵉⵖⴰⵍⵍⴻⵏ ⵓⵣⵣⵉⴳⴻⵏ ⴷⴻⴳ ⴰⴱⵀⴰ, ⵜⴰⵎⴰⵏⴻⵖⵜ ⵏ ⵜⵏⴻⴱⴹⵉⵜ ⵏ ⴰⵙⵙⵉⵔ.
« ⵜⴰⵅⴰⵣⴰⴱⵉⵜ-ⴰ ⵜⴰⵔⴻⴱⵔⴰⴱⵜ ⵜⵃⵓⴽⴻⵕ ⵉⵎⵥⵓⵍⵍⴰ ⵎⵉ ⵍⵍⴰⵏ ⵜⵜⵥⴰⵍⵍⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ. « ⵎⵔⴰⵡ (10) ⵏ ⵢⵉⵎⵙⵓⵍⵜⴰ ⴷ 3 ⵏ ⵢⵉⵅⴻⴷⴷⴰⵎⴻⵏ ⴰⵢ ⵢⴻⵎⵎⵓⵜⴻⵏ, ⴰⵎ ⵡⴰⴽⴽⴻⵏ ⴰⵢ ⵊⴻⵔⵃⴻⵏ 9 ⵏ ⵢⵉⵎⴷⴰⵏⴻⵏ ⵏⵉⴹⴻⵏ, ⴳⴰⵔ-ⴰⵙⴻⵏ 3 ⵏⴹⴻⵔⵔⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵟⵟⴰⵇ-ⴰ. ⵏⴰⵇⴰⵍ, ⵜⴰⵔⴳⴰ ⵏ ⵓⵡⴰⵏⴰⴽ ⵏ ⴻⵍ-ⵉⴽⵀⴱⴰⵔⵉⵢⴰ ⵜⴻⵏⵏⴰ-ⴷ ⴷ ⴰⴽⴽⴻⵏ 17 ⵏ ⵢⵉⵎⴷⴰⵏⴻⵏ ⴰⵢ ⵢⴻⵎⵎⵓⵜⴻⵏ.
ⴰⵏⴻⵟⵟⴰⵇ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⵢⴻⵙⵙⴻⵎⵄⴻⵏ-ⴷ ⴷ ⴰⴽⴽⴻⵏ ⵡⵉⵏ ⴰⵢ ⵉⴳⴰⵏ ⵜⴰⵅⴰⵣⴰⴱⵉⵜ-ⴰ ⵢⴻⵙⵟⴻⵔⴹⴻⵇ ⵉⵎⴰⵏ-ⵏⵏⴻⵙ.
« ⵓⴼⴰⵏ-ⴷ ⵉⴼⴻⵜⵜⵉⵜⴻⵏ ⵏ ⵜⴼⴻⴽⴽⴰ ⵏ ⵓⵎⴷⴰⵏ ⴷⴻⴳ ⵓⵎⴽⴰⵏ-ⵏⵏⴻⵙ, ⴷⵖⴰ ⵢⴻⵣⵎⴻⵔ ⵍⵃⴰⵍ ⴰⴷ ⵢⵉⵍⵉ ⴷ ⵢⵉⵡⴻⵏ ⴰⵢ ⵢⴻⵙⵟⴻⵔⴹⵇⴻⵏ ⵜⴰⴱⴰⴳⵓⵙⵜ ⵏ ⵍⴱⵓⵎⴱⴰⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
