ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵓⴹⴹⴼⴰ ⵏ ⵙⵉⵏ ⵏ ⵢⵉⵎⴷⴰⵏⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵛⵛⵡⴰⵍ ⵏ ⵜⵖⴻⵔⴷⴰⵢⵜ
ⵍⴻⵣⵣⴰⵢⴻⵔ– ⵜⵜⵡⴰⴹⴹⴼⴻⵏ ⵙⴻⴳ ⵎⴻⵍⵎⵉ ⴽⴰⵏ ⵙⵉⵏ ⵙⴻⴳ ⵢⵉⵎⴷⴰⵏⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⴷⵢⴰⵏⵉⵏ ⵏ ⵛⵛⵡⴰⵍ ⴷ ⵜⵔⵓⵥⵉ ⴷⴻⴳ ⵜⵖⴻⵔⴷⴰⵢⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵖⴰⵍⵍⴻⵏ ⵏ ⵜⴻⵎⵙⵓⵍⵜⴰ. « ⴷⴻⴳ ⵓⴽⴰⵜⴰⵔ ⵏ ⵍⴻⵛⵖⴰⵍ ⴰⵢ ⵜⵜⴳⴻⵏ ⵢⵉⵖⴰⵍⵍⴻⵏ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⵜⴰⵖⴻⵍⵏⴰⵡⵜ ⴷⴻⴳ ⵜⵡⵉⵍⴰⵢⵜ ⵏ ⵜⵖⴻⵔⴷⴰⵢⵜ ⴰⴽⴽⴻⵏ ⴰⴷ ⴹⴹⴼⴻⵏ ⵡⵉⴷ ⵢⴻⵍⵍⴰⵏ ⴷⴻⴼⴼⵉⵔ ⵛⵛⵡⴰⵍ ⴷ ⵜⵣⵓⵕⵉ ⵏ ⵡⴰⵢⵍⴰ ⵏ ⵓⵡⴰⵏⴰⴽ ⴷ ⵎⴻⴷⴷⴻⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⵡⵉⵍⴰⵢⵜ-ⴰ, ⴹⴹⴼⴻⵏ ⵢⵉⵖⴰⵍⵍⴻⵏ ⵏ ⵜⴻⵎⵙⵓⵍⵜⴰ ⵙⴻⴳ ⵎⴻⵍⵎⵉ ⴽⴰⵏ ⵙⵉⵏ ⵏ ⵢⵉⵎⴷⴰⵏⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⵔⵓⵥⵉ, ⵜⵓⴽⴻⵔⴹⴰ ⴷ ⵓⵛⴻⵡⵡⴻⵍ ⵏ ⵓⵎⵎⵉⵣⵡⴻⵔ ⴰⵏⴰⴳⴷⵓⴷ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⴰⵙⵙ ⵏ ⵙⵙⴻⴱⵜ ⵢⵉⵡⴻⵏ ⵏ ⵓⵍⵖⵓ ⵏ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ. ⵉⵖⴰⵍⵍⴻⵏ ⵏ ⵜⴻⵎⵙⵓⵍⵜⴰ ⵏ ⵜⵡⵉⵍⴰⵢⵜ-ⴰ ⵇⴻⴷⴷⵎⴻⵏ-ⴷ ⵖⴻⵔ ⵛⵛⵕⴻⵄ ⵙⵉⵏ ⵏ ⵢⵉⵎⴷⴰⵏⴻⵏ ⵏⵉⴹⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵜⵄⴻⴷⴷⵉ, ⵜⴰⵔⵓⵥⵉ ⴷ ⵓⵛⴻⵡⵡⴻⵍ ⵏ ⵓⵎⵎⵉⵣⵡⴻⵔ ⴰⵏⴰⴳⴷⵓⴷ. ⵜⴰⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⵜⴻⵏⵏⴰ-ⴷ ⴷⴰⴽⴽⴻⵏ ⵍⴻⵛⵖⴰⵍ-ⴰ ⵏ ⵢⵉⵖⴰⵍⵍⴻⵏ ⵏ ⵜⴻⵎⵙⵓⵍⵜⴰ « ⵍⴰ ⴷ-ⵜⵜⵉⵍⵉⵏ ⵙ ⵓⵇⴰⴷⴻⵔ ⵏ ⵍⵇⴰⵏⵓⵏ ⵉ ⵍⵎⴻⵏⴷ ⵏ ⵜⵓⴹⴹⴼⴰ ⵏ ⵢⵉⵎⴷⴰⵏⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⴽⵔⵉⴹⵜ ⴷ ⵜⵔⵓⵥⵉ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⵡⵉⵍⴰⵢⵜ ⵏ ⵜⵖⴻⵔⴷⴰⵢⵜ ».
