ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵣⵣⵉⵔⵜ ⵜⴰⵣⴻⵡⵡⴰⵖⵜ ⵜⴰⴷⵣⴰⵢⵔⵉⵜ ⵜⵓⵣⴻⵏ ⵍⴻⵎⵄⴰⵡⵏⴰ ⵉ ⵢⵉⵚⴻⵃⵔⴰⵡⵉⵢⴻⵏ
ⵍⴻⵣⵣⴰⵢⴻⵔ – ⵜⴰⵣⵣⵉⵔⵜ ⵜⴰⵣⴻⵡⵡⴰⵖⵜ ⵜⴰⴷⵣⴰⵢⵔⵉⵜ ⵜⵓⵣⴻⵏ ⵍⴻⵎⵄⴰⵡⵏⴰ ⵉ ⵢⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ, ⴷ ⵜⵉⵏ ⴰⵢⴷⴳⴻ ⵍⵍⴰⵏ ⵢⵉⴼⴰⵔⵉⵙⴻⵏ ⵏ ⵡⵓⵞⵞⵉ ⴷ ⵢⵉⵙⴰⴼⴰⵔⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵙⴻⵍⵡⴰⵢⵜ ⵏ ⵜⴰⵣⵣⵉⵔⵜ ⵜⴰⵣⴻⵡⵡⴰⵖⵜ, ⵙⴰⵉⴷⴰ ⴱⴻⵏⵀⴰⴱⵢⵍⴻⵙ.
ⵜⴰⵣⵣⵉⵔⵜ ⵜⴰⵣⴻⵡⵡⴰⵖⵜ ⵜⴰⴷⵣⴰⵢⵔⵉⵜ ⴰⴷ ⵜⴰⵣⴻⵏ ⵜⴰⵍⵍⴰⵍⵜ (ⵍⴻⵎⵄⴰⵡⵏⴰ) ⵏ 316 ⵏ ⵢⵉⵟⵓⵏⴻⵏ ⵏ ⵢⵉⴼⴰⵔⵉⵙⴻⵏ ⵏ ⵡⵓⵞⵞⵉ ⴷ ⵡⴰⵟⴰⵙ ⵏ ⵢⵉⵙⴰⴼⴰⵔⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵎⴰⵙⵙⴰ ⴱⴻⵏⵀⴰⴱⵢⵍⴻⵙ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ ⴰⵢ ⵜⴳⴰ ⵖⴻⵔ ⵢⵉⴷⵉⵙ ⵏ ⵓⵎⵜⵉⵍ-ⵏⵏⴻⵙ ⴰⵚⴻⵃⵔⴰⵡⵉ, ⴱⵓⵀⵧⴱⴻⵉⵏⵉ ⵢⴰⵀⵉⴰ.
ⵜⴰⵙⴻⵍⵡⴰⵢⵜ ⵏ ⵜⴰⵣⵣⵉⵔⵜ ⵜⴰⵣⴻⵡⵡⴰⵖⵜ ⵜⴰⴷⵣⴰⵢⵔⵉⵜ ⵜⴳⴻⵔ-ⴷ ⵜⵉⵖⵔⵉ ⵉ ⵜⵓⴷⴷⵙⵉⵡⵉⵏ ⵜⵉⴳⵔⴰⵖⵍⴰⵏⵉⵏ ⵏ ⵜⴰⵍⵍⴰⵍⵜ ⴰⴽⴽⴻⵏ ⴰⴷ ⵔⵣⵓⵏⵜ ⵖⴻⴼ ⵢⵉⵎⴰⵣⵉⵔⴻⵏ ⵏ ⵢⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ ⴰⴽⴽⴻⵏ « ⴰⴷ ⵥⵔⴻⵏ ⴰⵎⴻⴽ ⴰⵢ ⵜⴻⵅⵚⴻⵔ ⵜⴻⴳⵏⵉⵜ ⵏ ⵜⵎⴻⴷⴷⵓⵔⵜ » ⵏ ⵢⵉⵣⵔⵓⵣⴰⵖ, ⴰⵎ ⵡⴰⴽⴽⴻⵏ ⴰⵢ ⴷ-ⵜⵡⴻⴽⴽⴻⴷ ⴷⴰⴽⴽⴻⵏ « ⵜⴰⵣⵣⵉⵔⵜ ⵜⴰⵣⴻⵡⵡⴰⵖⵜ ⵜⴰⴷⵣⴰⵢⵔⵉⵜ ⵜⵓⴳⵉ ⴰⴷ ⵜⴻⵜⵜⵡⴰⵙⵙⴻⵇⴷⴻⵛ ⵜⴰⵍⵍⴰⵍⵜ ⴷ ⵍⴻⵙⵍⴰⵃ ⴰⵙⴻⵔⵜⵉ ⵉ ⵍⴼⴰⵢⴷⴰ ⵏ ⴽⵔⴰ ⵏ ⵢⵉⴷⵉⵙⴰⵏ ».
« ⵡⵉⴷ ⴰⵢ ⵍⴰ ⵉⵄⴻⵔⵔⴹⴻⵏ ⴰⴷ ⵙⵍⴰⵥⴻⵏ ⴰⵖⵔⴻⴼ ⴰⵚⴻⵃⵔⴰⵡⵉ ⵡⴻⵔⴵⵉⵏ ⴰⴷ ⵙⴼⴻⵛⵍⴻⵏ ⵉⵎⴻⵏⵖⵉ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵙⵎⴻⴽⵜⵉ ⴷⴰⴽⴽⴻⵏ ⵜⴰⵎⵙⴰⵍⵜ ⵜⴰⵚⴻⵃⵔⴰⵡⵉⵜ ⵢⴻⵙⵙⴻⴼⴽ ⴰⴷ ⵜⴻⴼⵔⵓ ⵙ ⵜⵙⴻⴼⵔⴰⵏⵜ ⵏ ⵓⴳⴳⵓⵛⵛⴻⵍⵎⴰⵏ ⵙ ⵓⵇⴰⴷⴻⵔ ⵏ ⵜⵏⴻⵖⵜⵓⵙⵉⵏ ⴷ ⵢⵉⵔⴽⴰⵡⴰⵍⴻⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.
