ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵓⵥⴻⵔ ⵍⴻⵣⵣⴰⵢⴻⵔ ⵙ ‘’ⵍⴵⴻⵀⴷ ⴰⵎⴻⵇⵔⴰⵏ’’ ⵜⵉⴳⴰⵡⵉⵏ ⵜⵉⵎⴰⵢⵏⵓⵜⵉⵏ ⵏ ⵔⵔⴻⴱⵔⴰⴱ ⴷⴻⴳ ⵜⴻⵎⴷⵉⵏⵜ ⵏ ⵙⵉⵔⵜ ⴷⴻⴳ ⵍⵉⴱⵢⴰ

ⵍⴻⵣⵣⴰⵢⴻⵔ - ⵜⵓⵥⴻⵔ ⵍⴻⵣⵣⴰⵢⴻⵔ ⵙ ‘’ⵍⴵⴻⵀⴷ ⴰⵎⴻⵇⵔⴰⵏ’’ ⵜⵉⴳⴰⵡⵉⵏ ⵜⵉⵎⴰⵢⵏⵓⵜⵉⵏ ⵏ ⵔⵔⴻⴱⵔⴰⴱ ⴷⴻⴳ ⵜⴻⵎⴷⵉⵏⵜ ⵏ ⵙⵉⵔⵜ ⴷⴻⴳ ⵍⵉⴱⵢⴰ, ⴳⵍⴰⵏⵜ-ⴷ ⵙ ⴷⴷⴻⵇⵙ ⵏ ⵜⴻⵖⵜⴰⵙ, ⵉ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴱⴻⵕⵕⴰ.

‘’ⵍⴻⵣⵣⴰⵢⴻⵔ ⵜⵓⵥⴻⵔ ⵙ ⵍⴵⴻⵀⴷ ⴰⵎⴻⵇⵔⴰⵏ ⵜⵉⴳⴰⵡⵉⵏ ⵜⵉⵎⴰⵢⵏⵓⵜⵉⵏ ⵏ ⵔⵔⴻⴱⵔⴰⴱ ⴷⴻⴳ ⵙⵉⵔⵜ ⵉ ⴷ-ⵢⴻⴳⵍⴰⵏ ⵙ ⵡⴰⵟⴰⵙ ⵏ ⵜⴻⵖⵜⴰⵙ. ⴰⵅⵚⴰⵔ ⵏ ⵍⵉⵃⴰⵍⴰ ⵏ ⵜⵖⴻⵍⵍⵉⵙⵜ ⴷⴻⴳ ⵜⴻⵎⴷⵉⵏⵜ-ⴰ ⵜⴻⵣⵎⴻⵔ ⴰⴷ ⵜⴻⵏⴼⴻⴹ ⵖⴻⵔ ⵜⴰⵎⵓⵔⵜ-ⴰ ⵢⴻⵍⵍⴰⵏ ⴷ ⵜⴰⵊⴰⵔⴻⵜ, ⴰⴷ-ⵢⴻⴳⵍⵓ ⴷⴰⵖⴻⵏ ⵙ ⵜⵡⴻⵔⵏⴰⴹⵜ ⵉⵣⴻⵎⵔⴻⵏ ⴰⴷ ⵜⵓⵖⴰⵍ ⴷ ⵉⵎⵉⵀⵉ ⵏ ⵜⵉⴷⴻⵜ ⵖⴻⴼ ⵜⵖⴻⵍⵍⵉⵙⵜ ⵏ ⵜⴻⵎⵏⴰⴹⵜ’’, ⵉ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⵏⵏⵉ.

‘’Lezzayer ixeddmen lmeǧhud-is akken ad tesdukkel akk timuɣliwin n uɣref alibi ala tamuɣli n tegrawin n rrebrab i teɛzel Tuddsa n Yiɣlanen Yedduklen (ONU), tules-as-d i teɣri tuɛjilt akken ad yers deg Libya yiwen n unabaḍ n tdukli taɣelnawt ara izemren ad yeḥrez tadukli taɣelnawt, tin n wakal n tmurt, tlelli n tmurt d usdukel n uɣref alibi yellan d atmaten-nneɣ, akken ad iqabel ugur-a n tɣellist’’, i yerna yenna-d ulɣu n uɣlif n Tɣawsiwin n beṛṛa.

‘’ⵎⴰⵣⴰⵍ ⵍⴻⵣⵣⴰⵢⴻⵔ ⵜⵓⵎⴻⵏ ⴱⴻⵍⵍⵉ ⵜⵉⴼⵔⴰⵜ-ⴰ ⵜⴰⵙⴻⵔⵜⴰⵏⵜ ⴰⵔⴰ ⴷ-ⵢⴰⵙⴻⵏ ⵙ ⵍⴻⴱⵖⵉ, ⴷ ⴰⴱⵔⵉⴷ ⴰⵢⵉⵡⵏⴰⵏ ⵏ ⵜⴻⵍⵡⵉⵜ ⴰⵔⴰ ⵢⴻⵙⵙⴻⵏⵙⴻⵏ ⵟⵟⵔⴰⴷ ⴷⴻⴳ ⵍⵉⴱⵢⴰ’’, ⵉ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⵏⵏⵉ.

‘’ⵍⴻⵣⵣⴰⵢⴻⵔ, ⵜⴻⴷⴷⴰ ⴷ ⵍⵎⴻⴵⵀⵓⴷ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⵍⴻⵏ, ⵜⴻⵙⵙⴻⴱⵖⴻⵙ ⵉ ⵜⵉⴽⴽⴻⵍⵜ ⵏⵏⵉⴹⴻⵏ ⴰⵜⵎⴰⵜⴻⵏ ⵉⵍⵉⴱⵉⵢⴻⵏ, ⵢⴻⵙⵄⴰⵏ ⵜⴰⵣⵎⴻⵔⵜ, ⴱⴻⵖⵖⵓ ⴰⵙⴻⵔⵜⴰⵏ ⴷ ⵜⵎⴰⵙⵉⵜ, ⵉ ⵓⵙⵍⴰⴳ ⵏ ⵍⵎⴻⴵⵀⵓⴷ-ⵏⵙⴻⵏ ⴰⴽⴽⴻⵏ ⴰⴷ ⵙⴻⵏⵢⴰⴼⴻⵏ ⴰⴱⵔⵉⴷ ⵏ ⵓⵎⵛⵉⵡⴻⵔ ⴰⴳⵔⵉⵍⵉⴱⵉⵢⴻⵏ ⵉ ⵍⴼⴰⵢⴷⴰ ⵏ ⵍⵉⴱⵢⴰ, ⵏ ⴳⵎⴰⵜ-ⵏⴻⵖ ⴰⵖⵔⴻⴼ ⴰⵍⵉⴱⵉ ⴷ ⴰⴽⴽ ⵜⴰⵎⵏⴰⴹⵜ’’, ⴰⴽⴽⴰ ⵉ ⵉⵙⴻⴳⴳⵔⴰ ⴰⵡⴰⵍ-ⵉⵙ ⵓⵍⵖⵓ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴱⴻⵕⵕⴰ. (ⵜⴰⵏⴻⴳⴳⴰ)