ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵙ ⴰⵖⴻⵍⵏⴰⵡ ⵏ ⵓⵎⴵⴰⵀⴻⴷ : ⵜⵉⵎⴻⵖⵔⵉⵡⵉⵏ ⵏ ⵓⵙⴼⵓⴳⴻⵍ ⴷ ⵜⵉⴷ ⴰⵔⴰ ⵢⵉⵍⵉⵏ ⴷ ⵜⵉⵢⵉⵡⵏⴰⵏⵉⵏ ⴰⵙⴻⴳⴳⴰⵙ-ⴰ

ⵍⴻⵣⵣⴰⵢⴻⵔ – ⴰⵏⴻⵖⵍⴰⴼ ⵏ ⵢⵉⵎⴵⵓⵀⴰⴷ, ⵜⴰⵢⴻⴱ ⵣⵉⵜⵧⵓⵏⵉ, ⵢⴻⵏⵏⴰ-ⴷ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵖⴻⴼ ⵓⵣⴻⵎⵣ ⵏ 20 ⵖⵓⵛⵜ ⴱⴻⵍⵍⵉ ⴷ ⴰⵣⴰⵎⵓⵍ ⵏ ⵥⵥⴻⴷⵎⴰ ⵏ ⵓⴳⴰⴼⴰ ⵏ ⵇⵚⴻⵏⵟⵉⵏⴰ (1955) ⴷ ⵜⴻⵎⵍⵉⵍⵉⵜ ⵏ ⵙⵙⵓⵎⴰⵎ (1956), ⴷ ⵉⵣⴻⵎⵣⴻⵏ ⵢⴻⵎⵍⴰⵍⴻⵏ ⵉⵖⴻⴼ ⵢⴻⵔⵙ ⵓⵎⴻⵣⵔⵓⵢ ⵏ ⵜⴻⴳⵔⴰⵡⵍⴰⵏ, ⴷ ⴰⴷ ⴷ-ⵉⵍⵉⵏⵜ ⵜⵎⴻⵖⵔⵉⵡⵉⵏ ⵜⵉⵢⵉⵡⵏⴰⵏⵉⵏ ⵉ ⵓⵙⴼⵓⴳⴻⵍ ⵏ ⵙⵉⵏ ⵉⵎⵓⵍⵍⵉⵢⴻⵏ-ⴰ.

ⴷⴻⴳ ⵢⵉⵡⴻⵏⵜ ⵏ ⵜⴷⵉⵡⴻⵏⵏⵉⵜ ⵉ ⵜⵏⴻⴳⴳⴰ, ⵇⵔⵉⴱ ⴰⴷ ⵜⴰⵡⴻⴹ ⵜⴼⵓⴳⵍⴰ ⵏ ⵡⴰⵙⵙ ⴰⵖⴻⵍⵏⴰⵡ ⵏ ⵓⵎⴵⴰⵀⴻⴷ, ⵎⴰⵙⵙ ⵣⵉⵜⵧⵓⵏⵉ ⵢⴻⵏⵏⴰ-ⴷ ⴱⴻⵍⵍⵉ ⵥⵥⴻⴷⵎⴰ ⵏ ⵓⴳⴰⴼⴰ ⵏ ⵇⵚⴻⵏⵟⵉⵏⴰ, ⵉⴷⴻⴳ ⵉⴼⴻⵔⴷⵉⵙⴻⵏ ⵏ ⵢⵉⴳⴻⵏ ⵏ ⵓⵙⵍⴻⵍⵍⵉ (ⴰⵍⵏ) ⵡⵡⵜⴻⵏ ⵍⴽⴰⵥⵉⵔⵏⴰⵜ ⴷ ⵢⵉⵙⴻⵎⵍⴻⵏ ⵏ ⵢⵉⵙⴻⵔⴷⴰⵙⴻⵏ ⵉⵎⵀⴻⵔⵙⴰⵏⴻⵏ ⵉⴼⵔⴰⵏⵙⵉⵢⴻⵏ ⴰⵢⴰ ⵢⴻⵙⴽⴻⵏ-ⴷ ’’ⵍⴻⴱⵖⵉ ⵏ ⵡⵉⴷ ⵉ ⴷ-ⵢⴻⵙⵙⴻⴽⵔⴻⵏ ⵜⴰⴳⵔⴰⵡⵍⴰ ⵏ 1 ⵏⵓⵡⴻⵎⴱⴻⵔ ⴰⴽⴽⴻⵏ ⴰⴷ ⴽⴻⵎⵍⴻⵏ ⴰⵎⴻⵏⵏⵓⵖ ⵓⵎⵔⵉⴳ ⴰⵍⴰⵎⵎⴰ ⴷ ⴰⵣⴰⵔⵓⴳ ⵏ ⵜⵎⵓⵔⵜ.

ⵎⴰⵙⵙ ⵣⵉⵜⵧⵓⵏⵉ ⵢⴻⵙⵙⴰⵔⴰⵎ ⴰⴷ ⵉⵍⵉⵏ ⵢⵉⵃⵔⵉⵛⴻⵏ ⵏ ⵓⵙⴻⴳⵎⵉ, ⵏ ⵓⵙⴻⵍⵎⴻⴷ ⵓⵏⵏⵉⴳ, ⵏ ⵜⴻⵖⵡⴰⵍⵜ, ⵏ ⵢⵉⵍⵎⴻⵥⵢⴻⵏ, ⵏ ⵢⵉⴷⵍⴻⵙ ⴷ ⵓⵙⵉⵍⴻⵖ ⴰⵙⴰⴷⴰⵔ ⴷ ⵡⵉⴷ ⴰⵔⴰ ⵢⴻⴽⴽⵉⵏ ⴷⴻⴳ ⵓⵙⵉⵙⵙⴻⵏ ⵏ ⵜⴻⴷⵢⴰⵏⵉⵏ ⵜⵉⵎⴻⵇⵔⴰⵏⵉⵏ ⵏ ⵜⴻⴳⵔⴰⵡⵍⴰ ⵜⴰⵣⵣⴰⵢⵔⵉⵜ ⵉ ⵜⵙⵓⵜⵡⵉⵏ ⵉ ⴷ-ⵉⵜⴻⴷⴷⵓⵏ.