ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⵇⴰⵏⵓⵏ ⵏ ⵜⴻⴷⵔⵉⵎⵜ ⵏ 2015 ⴰⴷ ⵢⴻⵃⵕⴻⵙ ⴰⵙⵙⴻⵅⴷⴻⵎ ⵏ ⵢⵉⵅⴻⴷⴷⴰⵎⴻⵏ ⴱⴻⵕⵕⴰ ⵉ ⵍⵇⴰⵏⵓⵏ

ⵍⴻⵣⵣⴰⵢⴻⵔ – ⵍⵇⴰⵏⵓⵏ ⵏ ⵓⵙⵙⵎⴰⴷ ⵏ ⵜⴻⴷⵔⵉⵎⵜ ⵏ 2015 ⴷⴷⴰⵏ-ⴷ ⴷⴻⴳ-ⵙ ⵢⵉⵃⴻⵣⵣⵉⴱⴻⵏ « ⵉⴵⴻⵀⴷⴻⵏ » ⵉ ⵓⵃⵕⴰⵙ ⵏ ⵢⵉⵅⴻⴷⴷⴰⵎⴻⵏ ⵢⴻⵍⵍⴰⵏ ⴱⴻⵕⵕⴰ ⵉ ⵍⵇⴰⵏⵓⵏ ⴰⴽⴽⴻⵏ ⴰⴷ ⵙⵖⴻⵔⵜⴻⵏ ⵉⵎⴰⵏ-ⵏⵙⴻⵏ « ⵙ ⵍⴻⴱⵖⵉ-ⵏⵙⴻⵏ » ⵖⴻⵔ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵅⴻⴱⴱⵔⴻⵏ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵓⵖⵍⵉⴼ ⵏ ⵓⵎⴰⵀⵉⵍ (ⴰⵅⴻⴷⴷⵉⵎ), ⴰⵙⵙⴻⵎⵔⴻⵙ ⴷ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ.

« ⵉⵃⴻⵣⵣⵉⴱⴻⵏ-ⴰ ⴷ ⵡⵉⴷ ⴰⵔⴰ ⵉⴳⴻⵏ ⵉⴼⴰⴷⴷⴻⵏ ⵉ ⵎⴻⴷⴷⴻⵏ ⴰⵢ ⵉⵅⴻⴷⴷⵎⴻⵏ ⴷⴻⴳ ⵓⵃⵔⵉⵛ ⵢⴻⵍⵍⴰⵏ ⴱⴻⵕⵕⴰ ⵉ ⵍⵇⴰⵏⵓⵏ ⴰⴷ ⵙⵖⴻⵔⵜⴻⵏ ⵉⵎⴰⵏ-ⵏⵙⴻⵏ ⵙ ⵍⴻⴱⵖⵉ-ⵏⵙⴻⵏ ⴷⴻⴳ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ ⴰⴽⴽⴻⵏ ⴰⴷ ⴷ-ⵙⴼⴰⵢⴷⵉⵏ ⵙⴻⴳ ⵜⴷⵓⵍⵉ ⵜⴰⵏⵎⴻⵜⵜⵉⵜ ⴰⵎⴰ ⴷ ⵏⵉⵜⵏⵉ, ⴰⵎⴰ ⴷ ⵡⵉⴷ ⵢⴻⵜⵜⴰⵍⴰⵙⴻⵏ ⴷⴻⴳ-ⵙⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ ⴷⴻⴳ ⵓⵖⵍⵉⴼ ⴷⵊⴰⵧⵓⴰⴷ ⴱⵧⵓⵔⴽⴰⵉⴱ.

ⵖⴻⴼ ⵍⴻⵃⵙⴰⴱ ⵏ ⵢⵉⵎⴹⴻⴱⴱⴻⵔ-ⴰ, « ⵢⴻⵙⵙⴻⴼⴽ ⴽⴰⵏ ⵖⴻⴼ ⵢⵉⵅⴻⴷⴷⴰⵎⴻⵏ-ⴰ ⴰⴷ ⴷ-ⴰⵙⴻⵏ ⵖⴻⵔ ⵜⵏⴻⴳⴳⴰ ⵏ ⵓⵙⴻⵏⵇⵓⴷ ⴰⵖⴻⵍⵏⴰⵡ ⵏ ⵢⵉⵙⴻⵏⴽⵉⴷⴻⵏ ⵉⵏⵎⴻⵜⵜⵉⵢⴻⵏ (ⵛⵏⴰⵙ) ⵏ ⵜⵡⵉⵍⴰⵢⵜ-ⵏⵙⴻⵏ ⴰⴽⴽⴻⵏ ⴰⴷ ⵞⵞⴰⵕⴻⵏ ⵢⵉⵡⴻⵏ ⵏ ⵍⴽⴰⵖⴻⴹ ⵢⴻⵔⵏⴰ ⴰⴷ ⵜⵜⵅⴻⵍⵍⵉⵚⴻⵏ ⵜⴰⴱⵣⴰⵔⵜ ⵢⴰⵍ ⴰⵢⵢⵓⵔ. ⵜⴰⴱⵣⴰⵔⵜ-ⴰ ⵜⴻⵜⵜⵡⴰⵇⴻⵢⵢⴻⵎ ⵙ 12% ⵙⴻⴳ ⵜⵛⴻⵀⵕⵉⵜ ⵜⴰⵖⴻⵍⵏⴰⵡⵜ ⵜⴰⴷⴷⴰⵢⵜ ⵢⴻⵜⵜⵡⴰⴹⴻⵎⵏⴻⵏ (ⵙⵏⵎⴳ), ⵏⴻⵖ 2.160 ⵏ ⵢⵉⴷⵉⵏⴰⵕⴻⵏ ⵉ ⵡⴰⵢⵢⵓⵔ ⴷⴻⴳ ⵜⴰⵍⵍⵉⵜ ⵜⵓⵄⴹⵉⵍⵜ ⴰⵔⴰ ⵢⴻⵇⵇⵉⵎⴻⵏ, ⵎⴰ ⴰⵟⴰⵙ, 3 ⵏ ⵢⵉⵙⴻⴳⴳⴰⵙⴻⵏ ».

ⵎⴰⵙⵙ ⴱⵧⵓⵔⴽⴰⵉⴱ ⵢⴻⵙⵙⴻⴼⵀⴻⵎ-ⴷ ⴷ ⴰⴽⴽⴻⵏ ⵉⵃⴻⵣⵣⵉⴱⴻⵏ-ⴰ ⴷ ⵡⵉⴷ ⴰⵔⴰ ⵢⴻⵔⵔⴻⵏ ⴽⵔⴰⴹ-ⴰ (3) ⵏ ⵢⵉⵙⴻⴳⴳⴰⵙⴻⵏ ⵓⵄⴹⵉⵍⴻⵏ ⵏⵏⴻⵃⵙⴰⴱⴻⵏ ⴷⴻⴳ ⵜⴻⵙⵜⴰⵖⵜ (ⵔⴻⵜⵔⴰⵉⵜⴻ) ⴷⴻⴼⴼⵉⵔ ⵎⴰ ⵚⴻⴳⴳⵎⴻⵏ ⴰⴽⴽ ⵍⴻⴽⵡⴰⵖⴻⴹ-ⵏⵙⴻⵏ.

ⵢⴻⵔⵏⴰ-ⴷ, ⵢⵉⵎⴹⴻⴱⴱⴻⵔ-ⴰ ⴷ ⴰⴽⴽⴻⵏ ⵉⵃⴻⵣⵣⵉⴱⴻⵏ-ⴰ ⵣⴻⵎⵔⴻⵏ ⴰⴷ ⴵⴵⴻⵏ ⴰⵡⴰⵏⴰⴽ ⴰⵢ ⴷ-ⵢⴻⵊⵎⴻⵄ ⵓⴳⴰⵔ ⵏ ⵙⵉⵏ ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⵉ ⵓⵙⴻⴳⴳⴰⵙ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ ⵙ ⵡⴰⵢⴰ, ⵍⴻⵣⵣⴰⵢⴻⵔ ⴰⴷ ⵜⴻⵇⵇⴻⵍ ⴷ ⵢⵉⵡⴻⵜ ⵙⴻⴳ ⵜⵎⵓⵔⴰ ⵜⵉⵎⴻⵣⵡⵓⵔⴰ ⴰⵔⴰ ⵉⴳⴻⵏ ⴰⵢⴰ ⴰⴽⴽⴻⵏ ⴰⴷ ⴷ-ⵜⴻⵙⵙⵉⴷⴻⴼ ⵉⵅⴻⴷⴷⴰⵎⴻⵏ ⵢⴻⵍⵍⴰⵏ ⴱⴻⵕⵕⴰ ⵉ ⵍⵇⴰⵏⵓⵏ ⵖⴻⵔ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵎⴰⵙⵙ ⴱⵧⵓⵔⴽⴰⵉⴱ ⵢⴻⵙⵎⴻⴽⵜⵉ-ⴷ ⴷ ⴰⴽⴽⴻⵏ ⴰⵎⴹⴰⵏ ⵏ ⵢⵉⵎⴷⴰⵏⴻⵏ ⵢⴻⵜⵜⵡⴰⴹⴻⵎⵏⴻⵏ ⵖⴻⵔ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ ⵢⴻⵡⵡⴻⴹ, ⴷⴻⴳ ⵍⴻⵣⵣⴰⵢⴻⵔ, ⵖⴻⵔ ⵡⵓⴳⴰⵔ ⵏ 11 ⵏ ⵢⵉⵎⴻⵍⵢⵓⵏⴻⵏ, ⵢⴻⵔⵏⴰ ⵎⴰ ⵏⴻⵔⵏⴰ-ⴷ ⵡⵉⴷ ⵢⴻⵜⵜⴰⵍⴰⵙⴻⵏ ⴷⴻⴳ-ⵙⴻⵏ, ⴰⴷ ⵢⴰⵡⴻⴹ ⵍⴻⵃⵙⴰⴱ ⵖⴻⵔ 36 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵣⴰⵢⵔⵉⵢⴻⵏ ⴰⵢ ⵢⴻⵜⵜⵡⴰⴹⴻⵎⵏⴻⵏ ⵖⴻⵔ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ.