ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵏⴰⵙⵖⴻⵍ – ⵜⵓⵣⵣⵢⴰ ⵜⴰⵎⴻⵇⵔⴰⵏⵜ ⵏ ⵍⴻⵣⵣⴰⵢⴻⵔ: ⵜⴰⵥⵔⵉⴳⵜ ⵏ 2016 ⵙⴻⴳ 4 ⵖⴻⵔ 28 ⵎⴻⵖⵔⴻⵙ

ⵍⴻⵣⵣⴰⵢⴻⵔ – ⵜⵓⵣⵣⵢⴰ ⵜⴰⵎⴻⵇⵔⴰⵏⵜ ⵏ ⵓⵙⵏⴰⵙⵖⴻⵍ ⵍⴻⵣⵣⴰⵢⴻⵔ ⵏ 2016 ⴰⴷ ⴷ-ⵜⵉⵍⵉ ⴳⴰⵔ 4 ⴷ 28 ⵎⴻⵖⵔⴻⵙ ⴰⵢ ⴷ-ⵢⴻⵜⵜⴻⴷⴷⵓⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵢⵉⵎⵙⵓⴷⴷⴻⵙ ⵏ ⵜⴻⴷⵢⴰⵏⵜ-ⴰ ⵜⴰⵏⴰⴷⴷⴰⵍⵜ, ⵔⴰⴱⴰⵀ ⵧⵓⵛⵀⴰⵧⵓⴰ.

« ⴰⵙⵙⴻⵡⵊⴻⴷ ⵏ ⵜⴻⵥⵔⵉⴳⵜ ⵏ 2016 ⵏ ⵜⵓⵣⵣⵢⴰ ⵜⴰⵎⴻⵇⵔⴰⵏⵜ ⵏ ⵍⴻⵣⵣⴰⵢⴻⵔ ⵍⴰ ⵢⴻⵜⵜⴻⴷⴷⵓ ⴰⴽⴽⴻⵏ ⵢⴻⵍⵀⴰ. ⵏⵀⴻⵢⵢⴰ-ⴷ ⴰⵀⵉⵍ ⴰⵎⴰⵜⵓ ⵏ ⵜⴻⵎⵙⵉⵣⵣⴻⵍⵜ ⵢⴻⵔⵏⴰ ⴰⴷ ⴷ-ⵉⵍⵉⵏ ⴷⴻⴳ-ⵙ 22 ⵏ ⵢⵉⵎⴻⵛⵡⴰⵕⴻⵏ, 5 ⵏ ⵢⵉⵎⵏⴻⵏⵏⵉⴹⴻⵏ ⴷ 5 ⵏ ⵜⵓⵣⵣⵢⵉⵡⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵔⴰⴱⴰⵀ ⵧⵓⵛⵀⴰⵧⵓⴰ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ ⴰⵢ ⵉⴳⴰ ⴷⴻⴳ ⵓⵅⵅⴰⵎ ⵏ ⵓⵙⴻⵇⵇⴰⵎⵓ ⵓⵍⵉⵎⵒⵉ ⴷ ⵓⵏⴰⴷⴷⴰⵍ ⴰⴷⵣⴰⵢⵔⵉ ⵉ ⵍⵎⴻⵏⴷ ⵏ ⵓⵇⴻⴷⴷⴻⵎ ⵏ ⵜⴻⵛⵔⴰⵡⵜ ⵏ ⵓⵔⵎⵓⴷ ⵏ ⵓⵣⴳⴻⵏ ⴰⵎⴻⵣⵡⴰⵔⵓ ⵏ ⵓⵙⴻⴳⴳⴰⵙ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵓⵙⵏⴰⵙⵖⴻⵍ.

ⵖⴻⴼ ⵍⴻⵃⵙⴰⴱ ⵏ ⵢⵉⵎⴹⴻⴱⴱⴻⵔ-ⴰ, ⴰⵙⴻⵇⵇⴰⵎⵓ ⵏ ⵜⵓⴷⴷⵙⴰ ⵉⵀⴻⵢⵢⴰ-ⴷ 120 ⵏ ⵢⵉⴽⴰⵔⴰⵎⴻⵏ ⴰⵔⴰ ⴷ-ⵢⴻⵜⵜⵡⴰⵇⴻⴷⴷⵎⴻⵏ ⵉ ⵜⴽⴻⴱⴱⴰⵏⵉⵢⵉⵏ ⵢⴻⵎⴳⴻⵔⵔⴰⴷⴻⵏ ⴰⴽⴽⴻⵏ ⴰⴷ ⴷ-ⵜⵜⴻⴽⴽⵉⵏⵜ ⵙ ⵜⴻⴷⵔⵉⵎⵜ ⴷⴻⴳ ⵜⴻⴷⵢⴰⵏⵜ-ⴰ ⵜⴰⵏⴰⴷⴷⴰⵍⵜ ⴰⵔⴰ ⵢⴻⴽⴽⴻⵏ ⵖⴻⴼ ⵙⵏⴰⵜ ⵏⴻⵖ ⴽⵔⴰⴹⵜ ⵏ ⵜⵡⵉⵍⴰⵢⵉⵏ ⵜⵉⵎⴰⵢⵏⵓⵜⵉⵏ, ⵢⵉⵍⵉ ⴷⴻⴳ ⵜⴻⵥⵔⵉⴳⵉⵏ ⵢⴻⵣⵔⵉⵏ, ⵜⵓⵣⵣⵢⴰ-ⴰ ⵜⴻⵍⵍⴰ ⵜⴻⵜⵜⴻⴽⴽ ⵖⴻⴼ 26 ⵏ ⵜⵡⵉⵍⴰⵢⵉⵏ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉⵎⵙⵓⴷⴷⵙⴻⵏ ⵏ ⵜⵓⵣⵣⵢⴰ ⵜⴰⵎⴻⵇⵔⴰⵏⵜ ⵏ ⵓⵙⵏⴰⵙⵖⴻⵍ ⵏ ⵍⴻⵣⵣⴰⵢⴻⵔ ⴱⵖⴰⵏ ⴰⴷ ⵔⵔⴻⵏ ⵜⴰⴷⵢⴰⵏⵜ-ⴰ ⵜⴰⵏⴰⴷⴷⴰⵍⵜ ⴷ « ⵜⴰⴷⵢⴰⵏⵜ ⵜⴰⴷⴻⵍⵙⴰⵏⵜ-ⵜⴰⵎⴻⵔⵔⴰⵢⴰⵏⵜ », ⴷⵖⴰ ⵖⴻⴼ ⵡⴰⵢⴰ ⴰⵢ ⴷ-ⵢⴻⵍⵍⴰ ⵓⵏⴻⵔⵎⵉⵙ ⴷ ⵢⵉⵖⵍⵉⴼⴻⵏ ⴰⵢ ⵜⵣⴻⵔⵣⴰ ⵜⴻⵎⵙⴰⵍⵜ ⴰⴽⴽⴻⵏ ⴰⴷ ⴷ-ⵜⵜⴻⴽⴽⵉⵏ ⴷⴻⴳ ⵓⵙⴻⵏⴼⴰⵔ-ⴰ ⴰⵣⵉⵜⴰⵍ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⴰⵖⵍⴰⵎⵜ ⴰⵢ ⴷ-ⵢⴻⵍⵀⴰⵏ ⵙ ⵓⵙⵙⵓⴷⴷⴻⵙ ⵏ ⵜⵓⵣⵣⵢⴰ ⵜⴰⵎⴻⵇⵔⴰⵏⵜ ⵏ ⵓⵙⵏⴰⵙⵖⴻⵍ ⵍⴻⵣⵣⴰⵢⴻⵔ ⵏ 2016 ⵍⴰ ⵜⵅⴻⴷⴷⴻⵎ ⴰⴽⴽⴻⵏ ⴰⴷ ⴷ-ⵜⵀⴻⵢⵢⵉ ⴰⵎⵏⴻⵏⵏⵉⴹ ⴰⵏⴻⴳⴳⴰⵔⵓ ⵓⵔ ⵢⴻⵜⵜⵄⴻⴹⴹⵉⵍⴻⵏ ⴰⵔⴰ ⴰⴷ ⴷ-ⵢⴻⵜⵜⵡⴰⴽⵛⴻⴼ, ⵢⴻⵔⵏⴰ ⴷⴻⴳ ⵜⴻⵥⵔⵉⴳⵜ ⴰⵢ ⴷ-ⵢⴻⵜⵜⴻⴷⴷⵓⵏ, ⴰⴷ ⵜⵜⴻⴽⴽⵉⵏⵜ ⴰⵣⴰⵍ ⵏ 30 ⵏ ⵜⴻⵖⵍⴰⵎⵉⵏ ⵢⵉⵍⵉ ⴰⵙⴻⴳⴳⴰⵙ-ⴰ ⵏ 2015, ⵜⵜⴻⴽⴽⴰⵏⵜ 20.

ⵙⴻⴳ ⵢⵉⴷⵉⵙ-ⵏⵏⴻⵙ, ⴰⵙⴻⵍⵡⴰⵢ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵓⵙⵏⴰⵙⵖⴻⵍ, ⵔⴰⵛⵀⵉⴷ ⴼⴻⵣⵧⵓⵉⵏⴻ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵢⴻⴹⵎⴻⵄ ⴰⴷ ⵜⴻⵇⵇⴻⵍ ⵜⵓⵣⵣⵢⴰ ⵜⴰⵎⴻⵇⵔⴰⵏⵜ ⵏ ⵓⵙⵏⴰⵙⵖⴻⵍ ⵏ ⵍⴻⵣⵣⴰⵢⴻⵔ ⴷ ⵜⴰⴷⵢⴰⵏⵜ ⵜⴰⵏⴰⴷⴷⴰⵍⵜ ⵜⴰⵎⴻⵇⵔⴰⵏⵜ ⴰⵔⴰ ⵜⵜⴹⴰⴼⴰⵔⴻⵏⵜ ⵓⵍⴰ ⴷ ⵜⵉⵔⴻⴳⵡⴰ ⵏ ⵜⵍⵉⵥⵔⵉ ⵏ ⵜⵎⵓⵔⴰ ⵏ ⵜⵓⵕⵓⴼⵜ, ⵢⴻⵔⵏⴰ, ⵖⴻⴼ ⵍⴻⵃⵙⴰⴱ-ⵏⵏⴻⵙ, ⴰⴷ ⴷ-ⵢⵉⵍⵉ ⵡⴰⵢⴰ ⵙ ⵓⵙⵜⴻⵏⵢⵉ ⵏ ⵍⴻⵄⵇⴻⴷ ⴷ ⴽⵔⴰ ⵏ ⵜⴽⴻⴱⴱⴰⵏⵉⵜ ⵜⴰⴳⵔⴰⵖⵍⴰⵏⵜ ⵏ ⵜⴻⵖⵡⴰⵍⵜ ⴰⵢ ⵢⴻⵎⵎⵓⵣⵣⴳⴻⵏ ⴷⴻⴳ ⵜⴻⴷⵢⴰⵏⵉⵏ ⴰⵎ ⵜⵉ.