ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵢⴻⵖⵔⴰ-ⴷ ⵉⵣⵣⴰⵢⵔⵉⵢⴻⵏ ⴰⴽⴽⴻⵏ ‘’ⴰⴷ ⴱⴻⴷⴷⴻⵏ ⵎⴳⴰⵍ ⵡⵉⴷ ⴰⴽⴽ ⵉ ⵢⴻⴱⵖⴰⵏ ⴰⴷ ⵡⵡⵜⴻⵏ ⴰⵔⴽⴰⴷ ⵏ ⵜⵎⵓⵔⵜ’’

ⵇⵚⴻⵏⵟⵉⵏⴰ – ⴰⵙⴻⵍⵡⴰⵢ ⵏ ⵜⴻⴰⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵢⴻⴼⴽⴰ-ⴷ ⵜⵉⵖⵔⵉ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵇⵚⴻⵏⵟⵉⵏⴰ ⵉⵣⵣⴰⵢⵔⵉⵢⴻⵏ ⴰⴽⴽⴻⵏ ‘’ⴰⴷ ⴱⴻⴷⴷⴻⵏ ⵎⴳⴰⵍ ⵡⵉⴷ ⴰⴽⴽ ⵉ ⵢⴻⴱⵖⴰⵏ ⴰⴷ ⵡⵡⵜⴻⵏ ⴰⵔⴽⴰⴷ ⵏ ⵜⵎⵓⵔⵜ ⴰⴽⴽⴻⵏ ⴰⴷ ⵜⵜ-ⴳⵔⴻⵏ ⴷⴻⴳ ⵍⵉⵃⴰⵍⴰ ⵏ ⵡⵉⵙⵙⴻⵏ’’.

‘’ⴰⴷ ⵛⵉⵔⴻⵖ ⵢⵉⵡⴻⵜ ⵏ ⵜⴻⵖⵔⵉ ⵉ ⵜⴰⵔⵡⴰ ⵏ ⵜⵎⵓⵔⵜ-ⵏⵏⴻⵖ ⴰⴽⴽⴻⵏ ⴰⴷ ⴷⴷⵓⴽⵍⴻⵏ, ⴰⴷ ⴱⴻⴷⴷⴻⵏ ⵎⴳⴰⵍ ⵡⵉⴷ ⴰⴽⴽ ⵢⴻⴱⵖⴰⵏ ⴰⴷ ⵙⴻⵎⴱⵉⵡⵍⴻⵏ ⴰⵔⴽⴰⴷ-ⵉⵙ ⴰⴽⴽⴻⵏ ⴰⴷ ⵜⵜ-ⴳⵔⴻⵏ ⴷⴻⴳ ⵍⵉⵃⴰⵍⴰ ⵏ ⵡⵉⵙⵙⴻⵏ’’, ⵉ ⴷ-ⵢⴻⵏⵏⴰ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⴷⴻⴳ ⵢⵉⵡⴻⵏ ⵏ ⵢⵉⵣⴻⵏ ⵉ ⵓⵖⵍⴰⵏ, ⵉ ⵍⵎⴻⵏⴷ ⵏ ⵓⵙⴼⵓⴳⴻⵍ ⵏ ⵡⴰⵙⵙ ⴰⵖⴻⵍⵏⴰⵡ ⵏ ⵓⵎⴵⴰⵀⴻⴷ, ⵢⴻⵖⵔⴰ-ⵜ-ⵉⴷ ⵙ ⵢⵉⵙⴻⵎ-ⵉⵙ ⵓⵏⴻⵖⵍⴰⴼ ⵏ ⵢⵉⴷⵍⴻⵙ, ⴰⵣⵣⴻⴷⵉⵏⴻ ⵎⵉⵀⵧⵓⴱⵉ.

‘’ⵓⵔ ⵏⴻⵙⵄⴰ ⴰⵔⴰ ⵍⵅⴻⵜⵢⴰⵔ ⵏⵏⵉⴹⴻⵏ, ⵎⴳⴰⵍ ⵉⵎⴰⵍ ⵏ ⵓⵔ ⵏⴱⴰⵏ ⴰⵔⴰ ⴷⴻⴳ ⵓⵎⴰⴹⴰⵍ, ⴰⵍⴰ ⵎⴰ ⵏⴻⵔⴼⴻⴷ ⴰⵣⴰⵍⴻⵏ ⵙⴻⴳ ⵓⵙⵖⴰⵏ-ⵏⵏⴻⵖ, ⴰⴷ ⵏⴰⴳⴻⵎ ⵙⴻⴳ ⵜⴻⴳⵔⴰⵡⵍⴰ ⴷ ⵓⵎⴻⴷⵢⴰ ⵏ ⵢⵉⵎⴻⵖⵔⴰⵙⴻⵏ-ⵏⵏⴻⵖ, ⵜⵉⵎⵙⵉⵔⵉⵏ ⵜⵓⴼⵔⵉⵏⵉⵏ ⴰⵛⴽⵓ ⴷ ⴰⵢⴰ ⵉ ⵢⴻⵔⵏⴰⵏ ⵍⴱⴰⵟⴻⵍ’’, ⵉ ⵢⴻⵔⵏⴰ ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ.