ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵜⵛⵉⵔⵜ ⵏ ⵢⵉⵙⵡⵉ: ⵍⴻⵣⵣⴰⵢⴻⵔ ⵜⴻⵔⴱⴻⵃ ⴷⴻⴳ ⵙⵀⴰⵔⵎ ⴻⵍ ⵛⵀⴻⵉⴽⵀ (ⵎⴰⵚⴻⵔ)

ⵍⴻⵣⵣⴰⵢⴻⵔ – ⵜⴰⵖⵍⴰⵎⵜ ⵏ ⵍⴷⵣⴰⵢⴻⵔ ⵏ ⵜⵛⵉⵔⵜ ⵏ ⵢⵉⵙⵡⵉ (ⵉⵔⴳⴰⵣⴻⵏ) ⵜⴻⵔⴱⴻⵃ-ⴷ ⵜⴰⵍⵖⵓⵖⴰ ⵜⴰⴳⵔⴰⵖⵍⴰⵏⵜ ⵏ ⵜⴻⵎⴷⵉⵏⵜ ⵏ ⵙⵀⴰⵔⵎ ⴻⵍ ⵛⵀⴻⵉⴽⵀ ⴷⴻⴳ ⵎⴰⵚⴻⵔ, ⵎⵉ ⵜⴻⵔⵏⴰ ⴷⴻⴳ ⵜⵏⴻⴳⴳⴰⵔⵓⵜ, ⵜⴰⵖⵍⴰⵎⵜ ⵜⵓⵕⴷⵓⵏⵉⵜ ⵙ 17 ⵖⴻⵔ 16 (7-8 ⴷⴻⴳ ⵓⵣⴳⴻⵏ ⵏ ⵡⴰⴽⵓⴷ) ⴷⴻⴳ ⵜⴻⵎⵍⵉⵍⵉⵜ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵍⵊⴻⵎⵄⴰ.

ⵜⴰⵍⵖⵓⵖⴰ-ⴰ ⵜⴻⵍⵍⴰ-ⴷ ⴷⴻⴳ ⵓⴽⴰⵜⴰⵔ ⵏ ⵓⵙⵙⴻⵡⵊⴻⴷ ⵉ ⵜⴻⵍⵖⵓⵖⴰ ⵏ ⵜⴻⴼⵔⵉⵇⵜ (ⵉⵔⴳⴰⵣⴻⵏ ⴷ ⵜⵍⴰⵡⵉⵏ) ⴰⵔⴰ ⴷ-ⵢⵉⵍⵉⵏ ⴷⴻⴳ ⵍⴷⵣⴰⵢⴻⵔ ⴷⴻⴳ ⵡⴰⵢⵢⵓⵔ ⵏ ⵡⴻⵎⴱⴻⵕ ⴰⵢ ⴷ-ⵢⴻⵜⵜⴻⴷⴷⵓⵏ ⴷ ⵓⵄⴻⴷⴷⵉ ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵢⵉⵎⴻⵄⴷⴰⵕ ⵏ ⵔⵉⵧ ⵏ 2016. ⵜⴰⵍⵖⵓⵖⴰ-ⴰ ⵏ ⵙⵀⴰⵔⵎ ⴻⵍ ⵛⵀⴻⵉⴽⵀ ⵜⴻⵍⵍⴰ-ⴷ ⴷⴰⵖ « ⴷ ⴰⴽⴰⵢⴰⴷ ⴰⵢⴷⴻⴳ ⴷ-ⵜⴻⵍⵍⴰ ⵍⴼⴰⵢⴷⴰ » ⵉ ⵢⵉⵎⴰⵔⵉⵔⴻⵏ ⵏ ⴰⵀⵎⴻⴷ ⴼⴻⵔⴷⵊⵧⵓⵏⵉ ⴷ ⴰⵉⵙⵙⴰ ⵙⵧⵓⴰⵍⵎⵉ.

ⵉⵙⵡⵉ ⵏ ⵜⴻⵍⵖⵓⵖⴰ-ⴰ ⵏ ⵓⵙⵙⴻⵡⵊⴻⴷ ⵏⴻⵜⵜⴰ ⴷ ⴰⵜⵜⴻⴽⴽⵉ ⴷⴻⴳ ⵓⵎⴹⴰⵏ ⴰⵎⴻⵇⵔⴰⵏ ⵏ ⵜⴻⵎⵍⵉⵍⵉⵢⵉⵏ ⴰⴽⴽⴻⵏ ⴰⴽⴽ ⵉⵎⴰⵔⵉⵔⴻⵏ ⵏ ⵜⴻⵖⵍⴰⵎⵜ ⴰⴷ ⵜⵜⴻⴽⴽⵉⵏ ⴷⴻⴳ ⵓⵏⵔⴰⵔ ⵢⴻⵔⵏⴰ ⴰⴷ ⵓⵔⴰⵔⴻⵏ ⴰⵟⴰⵙ ⵏ ⵜⵙⴰⵄⵜⵉⵏ.

« ⴷ ⵜⵉⴷⴻⵜ, ⴰⵙⵡⵉⵔ ⵓⵔ ⵉⴳⴻⵔⵔⴻⵣ ⴰⵔⴰ ⵎⵍⵉⵃ, ⵍⴰⴷⵖⴰ ⵉⵎⵉ ⴰⵢ ⵖⴰⴱⴻⵏⵜ ⵜⵎⵓⵔⴰ ⴰⵎ ⵍⵄⵉⵔⴰⵇ, ⵕⵓⵎⴰⵏⵢⴰ ⴷ ⵉⵕⴰⵏ, ⵎⴰⵛⴰ ⵛⵡⵉⵟ-ⵏⵏⵉ ⵏ ⵜⴻⵎⵍⵉⵍⵉⵢⵉⵏ ⴰⵢⴷⴻⴳ ⵜⵓⵔⴰⵔ ⵜⴻⵖⵍⴰⵎⵜ-ⵏⵏⴻⵖ ⴵⴵⴰⵏⵜ ⵉⵙⵍⴻⵖⵎⴰⵢⴻⵏ ⴰⴷ ⵙⵄⵓⵏ ⵜⴰⴽⵜⵉ ⵉⴳⴻⵔⵔⵣⴻⵏ ⵛⵡⵉⵟ ⵖⴻⴼ ⵡⴰⵣⴰⵍ ⵏ ⵢⵉⵎⴰⵔⵉⵔⴻⵏ-ⴰ ⵢⴻⵔⵏⴰ ⴰⴷ ⵥⵔⴻⵏ ⴰⵢⴻⵏ ⴰⵢ ⵃⵡⴰⴵⴻⵏ ⵉ ⵍⵎⴻⵏⴷ ⵏ ⵜⴰⵏⵏⴰⵏⵉⵏ ⴷ ⵜⴻⵍⵖⵓⵖⵉⵡⵉⵏ ⴰⵢ ⴷ-ⵢⴻⵜⵜⴻⴷⴷⵓⵏ ⵉ ⵍⵎⴻⵏⴷ ⵏ ⵓⵙⵙⴻⵡⵊⴻⴷ ⵏ ⵜⴻⵖⵍⴰⵎⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ ⴰⵜⴻⴽⵏⵉ ⴰⵖⴻⵍⵏⴰⵡ, ⵣⵧⵓⴱⵉⵔ ⴰⵉⵛⵀⴰⵉⵏⴻ.

ⵎⴻⵏⵖⵉⵔ ⵍⴷⵣⴰⵢⴻⵔ, ⵜⴰⵍⵖⵓⵖⴰ ⵏ ⵙⵀⴰⵔⵎ ⴻⵍ ⵛⵀⴻⵉⴽⵀ ⵜⵜⴻⴽⴽⴰⵏⵜ ⴷⴰⵖ ⴷⴻⴳ-ⵙ ⵎⴰⵚⴻⵔ ⴷ ⵍⵓⵕⴷⵓⵏ, ⴷ ⵜⴻⵖⵍⴰⵎⵜ ⵜⴰⵎⴰⵚⵔⵉⵜ ⵏ ⵏ ⴰⵍ ⵉⵎⴰⵏⴻ (ⴰⵢ ⵢⴻⵙⵙⵓⴷⴷⵙⴻⵏ ⵜⴰⵍⵖⵓⵖⴰ-ⴰ).

ⴷⴻⴳ ⵜⴻⵎⵍⵉⵍⵉⵜ-ⵏⵏⴻⵙ ⵜⴰⵎⴻⵣⵡⴰⵔⵓⵜ, ⵜⴰⵖⵍⴰⵎⵜ ⵏ ⵍⴷⵣⴰⵢⴻⵔ, ⵓⵍⴰ ⵎⴰ ⵓⵔ ⵜⵜⴻⴽⴽⴰⵏ ⴰⵔⴰ ⴷⴻⴳ-ⵙ ⴰⴱⴷⴻⵍⵀⴰⵎⵉⴷ ⵍⴰⵔⴱⵉ, ⵎⵧⵀⴰⵎⴻⴷ ⵎⵧⴽⵔⴰⵏⴻ ⴷ ⵉⵙⵀⴰⴽ ⴱⵧⵓⵜⴰⵍⴻⴱ (ⴰⵢ ⵢⴻⵙⴳⵓⵏⴼⴰⵏ), ⵜⴻⵔⵏⴰ ⵙ ⵜⴻⴼⵙⴻⵙ ⵜⴰⵖⵍⴰⵎⵜ ⵜⴰⵎⴰⵚⵔⵉⵜ (10 ⵖⴻⵔ 0).

ⴷⴻⴳ ⵜⴻⵎⵍⵉⵍⵉⵜ-ⴰ, ⵉⵙⵍⴻⵖⵎⴰⵢⴻⵏ ⵙⵙⴰⴷⴼⴻⵏ-ⴷ ⵉⵎⴰⵔⵉⵔⴻⵏ ⵉⵍⴻⵎⵥⵉⵢⴻⵏ ⴰⵎ ⵉⵎⴰⴷⴻⴷⴷⵉⵏⴻ ⴳⵧⴷⵎⴰⵏⴻ ⴷ ⴷⵊⴰⵍⴰⵍ ⴱⵧⵓⵜⴰⴷⵊⵉⵏⴻ ⴰⵢ ⵢⵓⵔⴰⵔⴻⵏ ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴷⴻⴳ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ.

ⴷⴻⴳ ⵜⴻⵎⵍⵉⵍⵉⵜ ⵜⵉⵙ ⵙⵏⴰⵜ, ⵉⴷⵣⴰⵢⵔⵉⵢⴻⵏ ⵄⴰⵡⴷⴻⵏ ⵔⵏⴰⵏ ⵎⴰⵚⴻⵔ ⵙ 10 ⵖⴻⵔ 5.

ⴷⴻⴳ ⵜⴻⵎⵍⵉⵍⵉⵜ-ⵏⵏⴻⵙ ⵜⵉⵙ 3, ⵍⴷⵣⴰⵢⴻⵔ ⵜⴻⵔⵏⴰ ⵍⵓⵕⴷⵓⵏ ⵙ 10 ⵖⴻⵔ 7 ⵙ ⵓⵜⵜⴻⴽⴽⵉ ⵏ ⵢⵉⵎⴰⵔⵉⵔⴻⵏ ⴰⵢ ⵢⵓⵔⴰⵔⴻⵏ ⴰⴽⴽⴻⵏ ⵉⴳⴻⵔⵔⴻⵣ (ⴳⵧⴷⵎⴰⵏⴻ, ⴷⵊⴻⵍⴰⵍⵉ ⵛⵀⴻⵏⴰⵧⵓⵉ ⴷ ⴱⵧⵓⵜⴰⴷⵊⵉⵏⴻ). ⵓⵍⴰ ⵎⴰ ⵓⵕⴷⵓⵏⵉⵢⴻⵏ ⵙⵙⴰⴷⴼⴻⵏ ⵉⵙⵡⴰⵏ ⴷⴻⴳ 8 ⵏ ⵜⴻⴷⵇⵉⵇⵉⵏ ⵜⵉⵎⴻⵣⵡⵓⵔⴰ, ⵉⴷⵣⴰⵢⵔⵉⵢⴻⵏ ⵙⵙⴰⵡⴹⴻⵏ ⴰⴷ ⵙⵙⴰⵍⵉⵏ ⴰⴳⵎⵓⴹ-ⵏⵙⴻⵏ ⵢⴻⵔⵏⴰ ⴰⴷ ⵔⵏⵓⵏ ⴰⵅⵚⵉⵎ-ⵏⵙⴻⵏ.

ⵜⵉⵎⵍⵉⵍⵉⵜ ⵜⵉⵙ ⵙⵏⴰⵜ ⴰⵢ ⵔⵏⴰⵏⵜ ⵓⵔⴰⵔⴻⵏⵜ-ⵜⵜ ⵍⴷⵣⴰⵢⴻⵔ ⴷ ⵍⵓⵕⴷⵓⵏ ⴰⴽⴽⴻⵏ ⴰⴷ ⴷ-ⵜⴱⴰⵏ ⵜⵉⵏ ⴰⵔⴰ ⵉⵔⴻⴱⵃⴻⵏ ⴷ ⵜⵉⵏ ⴰⵢⴷⴻⴳ ⵍⴷⵣⴰⵢⴻⵔ ⵜⴻⵙⵙⴰⵡⴻⴹ ⴰⴷ ⵜⴻⵔⵏⵓ ⵍⵓⵕⴷⵓⵏ ⵙ ⵍⵃⵉⴼ ⵙ ⵓⴳⵎⵓⴹ ⵏ 17 ⵖⴻⵔ 16, ⵎⴰⵛⴰ ⵜⴻⵙⵙⴰⵡⴻⴹ ⴷⴰⵖ ⴰⴷ ⴷ-ⵜⴻⵔⴱⴻⵃ ⵜⴰⵍⵖⵓⵖⴰ-ⴰ.