ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵏ ⵓⵎⴰⴹⴰⵍ ⵏ ⵜⴰⵜⵍⵉⵜⵉⵜ ⵏ 2015 (400 ⵏ ⵍⵎⵉⵜⵔⴰⵜ ⵙ ⵢⵉⴼⴻⵔⴳⴰⵏ) : ⵍⴰⵀⵧⵓⵍⵧⵓ ⴷⴻⴳ ⵓⵣⴳⴻⵏ ⵏ ⵜⵏⴻⴳⴳⴰⵔⵓⵜ

ⵒⵉⴽⵉⵏ – ⴰⵏⴰⴷⴷⴰⵍ ⴰⴷⵣⴰⵢⵔⵉ ⴰⴱⴷⴻⵍⵎⴰⵍⴽ ⵍⴰⵀⵧⵓⵍⵧⵓ ⵉⵄⴻⴷⴷⴰ ⵖⴻⵔ ⵓⵣⴳⴻⵏ ⵏ ⵜⵏⴻⴳⴳⴰⵔⵓⵜ ⴷⴻⴳ ⵜⴻⵎⵙⵉⵣⵣⴻⵍⵜ ⵏ 400 ⵏ ⵢⵉⵎⵉⵜⵔⴻⵏ ⵙ ⵢⵉⴼⴻⵔⴳⴰⵏ ⴷⴻⴳ ⵜⴻⵍⵖⵓⵖⴰ ⵏ ⵓⵎⴰⴹⴰⵍ ⵏ 2015 ⵏ ⵜⴰⵜⵍⵉⵜⵉⵜ ⵏ ⵒⵉⴽⵉⵏ ⵎⵉ ⴼⵓⴽⴻⵏⵜ ⵜⴻⵎⵙⵉⵣⵣⵍⵉⵏ ⵏ ⵡⴰⵙⵙ ⵏ ⵙⵙⴻⴱⵜ.

ⵍⴰⵀⵧⵓⵍⵧⵓ ⵢⴻⵜⵜⴻⴽⴽⴰ ⴷⴻⴳ ⵓⵎⴰⵣⵔⴰⵔ ⴰⵎⴻⵣⵡⴰⵔⵓ ⵏ ⵜⴻⵎⵙⵉⵣⵣⵍⵉⵏ, ⵢⴻⵔⵏⴰ ⵉⵚⴰⵃ-ⵉⵜ-ⵉⴷ ⵓⵎⴽⴰⵏ ⵡⵉⵙ 5 ⵙ ⵡⴰⴽⵓⴷ ⵏ 49.33 ⴷⴻⴼⴼⵉⵔ ⵉⴽⴻⵏⵢⴻⵏ ⴱⴻⵜⵜⴻ ⵏⵉⵛⵀⵧⵍⴰⵙ (48.37), ⴰⵔⵓⵙⵉ ⵛⵀⴰⵍⵢⵢ ⵜⵉⵎⵧⴼⴻⵢ (49.05), ⴰⴱⴻⵃⵕⵉⵏⵉ ⴳⵉⴱⵙⵧⵏ ⵊⴻⴼⴼⴻⵔⵢ (49.09) ⴷ ⵓⵎⵓⵣⴰⵎⴱⵉⴽⵉ ⴽⵓⵔⵜ ⵛⵧⵓⵜⵧ (49.15).

ⵍⴰⵀⵧⵓⵍⵧⵓ ⵉⵄⴻⴷⴷⴰ ⵙ ⵡⴰⵢⴰ ⵖⴻⵔ ⵓⵣⴳⴻⵏ ⵏ ⵜⵏⴻⴳⴳⴰⵔⵓⵜ ⴰⵔⴰ ⴷ-ⵢⵉⵍⵉⵏ ⴰⵙⵙ ⵏ ⵍⵃⴻⴷⴷ, ⵢⴻⵔⵏⴰ ⵢⴻⵣⴳⴰ-ⴷ ⴷ ⵡⵉⵙ 19 ⴷⴻⴳ ⵓⵙⴻⵜⵜⴻⴼ ⴰⵎⴰⵜⵓ ⵏ ⵢⵉⵎⴰⵣⵔⴰⵔⴻⵏ ⵏ ⵜⴻⵎⵙⵉⵣⵣⵍⵉⵏ. ⴷⴻⴳ ⵓⵣⴳⴻⵏ ⵏ ⵜⵏⴻⴳⴳⴰⵔⵓⵜ, ⵍⴰⵀⵧⵓⵍⵧⵓ ⴰⴷ ⵢⴻⵜⵜⴻⴽⴽⵉ ⴷⴻⴳ ⵓⵎⴰⵣⵔⴰⵔ ⴰⵎⴻⵣⵡⴰⵔⵓ ⵏ ⵜⴻⵎⵙⵉⵣⵣⵍⵉⵏ.

ⵙⵉⵏ-ⵏⵏⵉ ⵏ ⵢⵉⵏⴰⴷⴷⴰⵍⴻⵏ ⵉⴷⵣⴰⵢⵔⵉⵢⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵎⵙⵉⵣⵣⴻⵜ ⵏ 400 ⵏ ⵢⵉⵎⵉⵜⵔⴻⵏ ⵙ ⵢⵉⴼⴻⵔⴳⴰⵏ, ⵙⴰⴱⴻⵔ ⴱⵧⵓⴽⴻⵎⵧⵓⵛⵀⴻ ⴷ ⵎⵧⵓⵍⵧⵓⴷ ⵔⴰⵀⵎⴰⵏⵉ, ⵓⵔ ⵙⵙⴰⵡⴹⴻⵏ ⴰⵔⴰ ⴰⴷ ⵄⴻⴷⴷⵉⵏ ⵉ ⵜⵓⵣⵣⵢⴰ. ⴰⵎⴻⵣⵡⴰⵔⵓ ⵢⴻⵣⴳⴰ-ⴷ ⴷ ⵡⵉⵙ 6 ⵙ 51.54, ⵎⴰ ⴷ ⵡⵉⵙ ⵙⵉⵏ ⵢⴻⵣⴳⴰ-ⴷ ⴷ 7 ⵙ ⵡⴰⴽⵓⴷ ⵏ 50.21.

ⵍⵍⴰⵏ ⴷⴰⵖ ⵙⵉⵏ ⵏ ⵢⵉⴷⵣⴰⵢⵔⵉⵢⴻⵏ ⵏⵉⴹⴻⵏ ⴰⵢ ⵉⵄⴻⴷⴷⴰⵏ ⵖⴻⵔ ⵜⵏⴻⴳⴳⴰⵔⵓⵜ ⵏ ⵜⴻⵎⵉⵣⵣⴻⵍⵜ ⵏ 3000 ⵏ ⵢⵉⵎⵉⵜⵔⴻⵏ ⵙ ⵜⴻⵎⴷⴰ ⴰⵔⴰ ⴷ-ⵢⵉⵍⵉⵏ ⴰⵙⵙ ⵏ ⵍⴻⵜⵏⵉⵢⴻⵏ. ⵡⵉ ⴷ ⴱⵉⵍⴰⵍ ⵜⴰⴱⵜⵉ ⴷ ⵀⵉⵛⵀⴰⵎ ⴱⵧⵓⵛⵀⵉⵛⵀⴰ. ⵉ ⵓⵙⵎⴻⴽⵜⵉ, ⵍⴷⵣⴰⵢⴻⵔ ⵜⴻⵜⵜⴻⴽⴽⴰ ⴷⴻⴳ ⵜⴻⵍⵖⵓⵖⴰ-ⴰ ⵏ ⵓⵎⴰⴹⴰⵍ ⵙ 14 ⵏ ⵢⵉⵏⴰⴷⴷⴰⵍⴻⵏ, ⴳⴰⵔ-ⴰⵙⴻⵏ ⵜⴰⵧⵓⴼⵉⴽ ⵎⴰⴽⵀⵍⵧⵓⴼⵉ, ⴷ ⴰⵍⵖⵓⵖ ⵓⵍⵉⵎⵒⵉ ⵏ 2012 ⴷⴻⴳ ⵜⴻⵎⵙⵉⵣⵣⴻⵍⵜ ⵏ 1500 ⵏ ⵢⵉⵎⵉⵜⵔⴻⵏ.