ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⵔⴰⵔⴻⵏ ⵉⴳⵔⴰⴽⴰⵍⴰⵏⴻⵏ ⴰⴷ ⴷ-ⵓⵖⴰⵍⴻⵏ ⵖⴻⵔ ⵍⴻⵣⵣⴰⵢⴻⵔ

ⵒⴻⵙⵛⴰⵔⴰ (ⵟⵟⴰⵍⵢⴰⵏ) – ⴰⴼⵔⴰⵏ ⵏ ⵜⴻⵎⴷⵉⵏⵜ ⵏ ⵡⴻⵀⵕⴰⵏ ⴰⴽⴽⴻⵏ ⴰⴷ ⵜⴻⵙⵙⵓⴷⴷⴻⵙ ⵜⴰⵥⵔⵉⴳⵜ ⵜⵉⵙ 19 ⵏ ⵡⵓⵔⴰⵔⴻⵏ ⵉⴳⵔⴰⴽⴰⵍⴰⵏⴻⵏ ⴷⴻⴳ 2021 ⴷ ⴰⵢⴻⵏ ⴰⵔⴰ ⵢⴻⴵⴵⴻⵏ ⵍⴻⵣⵣⴰⵢⴻⵔ ⴰⴷ ⵜⴻⵙⵙⵓⴷⴷⴻⵙ ⵓⵔⴰⵔⴻⵏ-ⴰ ⵉ ⵜⵉⴽⴽⴻⵍⵜ ⵜⵉⵙ ⵙⵏⴰⵜ ⴷⴻⴼⴼⵉⵔ ⵜⵉⵏ ⴰⵢⴷⴻⴳ ⴰⵢ ⵜⴻⵏ-ⵜⴻⵙⵙⵓⴷⴷⴻⵙ ⴷⴻⴳ 1975 ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ.

ⴰⴳⵔⴰⵡ ⴰⵎⴰⵜⵓ ⵏ ⵓⵙⴻⵇⵇⴰⵎⵓ ⴰⴳⵔⴰⵖⵍⴰⵏ ⵏ ⵡⵓⵔⴰⵔⴻⵏ ⵉⴳⵔⴰⴽⴰⵍⴻⵏ ⴷ ⵡⴻⵀⵕⴰⵏ ⴰⵢ ⵢⴻⴼⵔⴻⵏ ⵙ 51 ⵏ ⵜⵓⵖⴰⵛ ⵎⴳⴰⵍ 17 ⵏ ⵜⵓⵖⴰⵛ ⴰⵢ ⵉⴼⴻⵔⵏⴻⵏ ⵜⴰⵎⴷⵉⵏⵜ ⵜⴰⵜⵓⵏⵙⵉⵜ ⵏ ⵙⴼⴰⵇⵙ.

ⵎⴰ ⴷⴻⴳ ⵍⴷⵣⴰⵢⴻⵔ, ⵜⴻⵍⵍⴰ-ⴷ ⵜⵓⵎⴻⵔⵜ ⴷ ⵜⴰⵎⴻⵇⵔⴰⵏⵜ ⵎⵉ ⴷ-ⵉⴱⴰⵏ ⵓⴳⵎⵓⴹ ⵏ ⵜⴻⴼⵔⴰⵏⵜ ⵏ ⵓⵙⴻⵇⵇⴰⵎⵓ ⴰⴳⵔⴰⵖⵍⴰⵏ ⵏ ⵡⵓⵔⴰⵔⴻⵏ ⵉⴳⵔⴰⴽⴰⵍⴰⵏⴻⵏ, ⵢⴻⵔⵏⴰ ⴰⴼⵔⴰⵏ-ⴰ ⵓⵔ ⵉⵅⴻⵢⵢⴻⴱ ⴰⵔⴰ ⴰⵙⵙⵉⵔⴻⵎ ⵏ ⵜⵎⴰⴳⵍⴰ ⵜⴰⵣⵣⴰⵢⵔⵉⵜ ⴰⵢ ⵉⵃⴻⴷⵕⴻⵏ ⴷⴻⴳ ⵜⴻⴼⵔⴰⵏⵜ-ⵏⵏⵉ ⴷⴻⴳ ⵜⴻⵎⴷⵉⵏⵜ ⵜⴰⵟⴰⵍⵢⴰⵏⵉⵜ ⵏ ⵒⴻⵙⵛⴰⵔⴰ.

ⴰⵏⴻⵖⵍⴰⴼ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ ⵙ ⵜⵉⵎⵎⴰⴷ-ⵏⵏⴻⵙ, ⴻⵍ ⵀⴰⴷⵉ ⵧⵓⵍⴷ ⴰⵍⵉ, ⵢⴻⴷⴷⴰ ⵖⴻⵔ ⵒⴻⵙⵛⴰⵔⴰ ⴰⵙⵙ ⵏ ⵍⴰⵕⴻⴱⵄⴰ ⴰⴽⴽⴻⵏ ⴰⴷ ⵉⴷⴰⴼⴻⵄ ⵖⴻⴼ ⵓⴽⴰⵔⴰⵎ ⵏ ⵜⴻⵎⴷⵉⵏⵜ ⵏ ⵡⴻⵀⵕⴰⵏ, ⵢⴻⵔⵏⴰ ⵉⴱⴰⵏ-ⴷ ⵢⴻⵙⵄⴰ ⵍⴰⵎⴰⵏ ⴷⴰⴽⴽⴻⵏ ⴷ ⵍⴷⵣⴰⵢⴻⵔ ⴰⵔⴰ ⵜⵜ-ⵢⴰⵡⵉⵏ.

ⴰⵙⵙⵓⴷⴷⴻⵙ ⵏ ⵡⵓⵔⴰⵔⴻⵏ ⵉⴳⵔⴰⴽⴰⵍⴰⵏⴻⵏ ⴷⴻⴳ ⵡⴻⵀⵕⴰⵏ ⴷ ⴰⵢⴻⵏ ⴰⵔⴰ ⵢⴻⴵⴵⴻⵏ ⵍⴻⵣⵣⴰⵢⴻⵔ ⴰⴷ ⵜⴻⵙⵙⵓⴷⴷⴻⵙ ⵓⵔⴰⵔⴻⵏ-ⴰ ⵉ ⵜⵉⴽⴽⴻⵍⵜ ⵜⵉⵙ ⵙⵏⴰⵜ ⴷⴻⴼⴼⵉⵔ ⵜⴰⵥⵔⵉⴳⵜ-ⵏⵏⵉ ⴰⵢ ⵜⴻⵙⵙⵓⴷⴷⴻⵙ ⵢⴰⴳⵉ ⴰⴽⴽⴻⵏ ⵉⴳⴻⵔⵔⴻⵣ ⴷⴻⴳ 1975.

ⵉⴷⵣⴰⵢⵔⵉⵢⴻⵏ ⵎⴰⵣⴰⵍ ⵛⴼⴰⵏ ⵖⴻⴼ ⵡⵓⵔⴰⵔⴻⵏ-ⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⵙⵓⴷⴷⵉⵙ ⵓⵍⵉⵎⵒⵉ ⵉⵎⴳⴻⵔⵔⴻⵣ ⵏ 5 ⵢⵓⵍⵢⵓ, ⴷⴻⴳ ⵓⵙⴻⴳⴳⴰⵙ ⴰⵢⴷⴻⴳ ⵍⴻⵣⵣⴰⵢⴻⵔ ⵜⴻⵙⴼⵓⴳⴻⵍ ⴰⵎⵓⵍⵍⵉ-ⵏⵏⴻⵙ ⵡⵉⵙ 13 ⵏ ⵓⵣⴰⵔⵓⴳ.

ⴷⴻⴳ ⵜⴻⵎⵙⵉⵣⵡⴻⵔⵜ-ⵏⵏⵉ ⵜⴰⴳⵔⴰⵖⵍⴰⵏⵜ ⵜⴰⵎⴻⵇⵔⴰⵏⵜ, ⵜⵜⴻⴽⴽⴰⵏ 2444 ⵏ ⵢⵉⵏⴰⴷⴷⴰⵍⴻⵏ ⵙⴻⴳ 15 ⵏ ⵜⵎⵓⵔⴰ, ⵢⴻⵔⵏⴰ ⴰⴳⴷⵓⴷ ⴰⴷⵣⴰⵢⵔⵉ ⵢⵓⵎⴰⵔ (ⵢⴻⴼⵕⴻⵃ) ⵎⵍⵉⵃ ⵙ ⵢⵉⴳⵎⴰⴹ ⵉⴳⴻⵔⵔⵣⴻⵏ ⵏ ⵓⵏⴰⵣⵣⴰⵍ ⴱⵧⵓⴰⵍⴻⵎ ⵔⴰⵀⵧⵓⵉ (3000 ⵏ ⵍⵎⵉⵜⵔⴰⵜ ⵙ ⵜⴻⵎⴷⴰ), ⴷ ⵢⵉⵏⴰⴷⴷⴰⵍⴻⵏ ⴱⴻⵜⵔⵧⵓⵏⵉ, ⴷⵔⴰⵧⵓⵉ, ⴽⴻⴷⴷⵧⵓ, ⵙⴰⴼⵙⴰⴼⵉ ⴷ ⵡⵉⵢⴰⴹ, ⴷ ⵢⵉⵍⴻⴳⴳⴰⵎⴻⵏ ⵎⵧⵀⴰⵎⴻⴷ ⵎⵉⵙⵙⵧⵓⵔⵉ ⴷ ⵏⵉⵏⵉ ⵀⵧⵛⵉⵏⴻ.

ⵜⵉⴽⴽⴻⵍⵜ-ⴰ, ⴷ ⵜⴰⵎⴷⵉⵏⵜ ⵏ ⵡⴻⵀⵕⴰⵏ ⴰⵢ ⵢⴻⵙⵙⴻⴼⴽⴻⵏ ⴰⴷ ⴷ-ⵜⴻⵙⵙⴻⵡⵊⴻⴷ ⵎⵍⵉⵃ ⵉⵎⴰⵏ-ⵏⵏⴻⵙ ⴰⴽⴽⴻⵏ ⴰⴷ ⵜⴻⵎⵎⴰⴳⴻⵔ ⵜⴰⴷⵢⴰⵏⵜ-ⴰ ⵜⴰⵎⴻⵇⵔⴰⵏⵜ. ⵜⴰⵎⴷⵉⵏⵜ-ⴰ ⵜⴻⵙⵄⴰ ⴰⴽⴽ ⵜⵉⵣⴻⵎⵎⴰⵔ ⴰⴽⴽⴻⵏ ⴰⴷ ⵜⴻⵇⵇⴻⵍ ⴷ ⵜⴰⵎⴷⵉⵏⵜ ⵙ ⵡⴰⵣⴰⵍ-ⵏⵏⴻⵙ ⴷⴻⴳ ⵢⵉⵍⴻⵍ ⴰⴳⵔⴰⴽⴰⵍ: ⵜⴻⵣⴳⴰ ⵜⴻⵜⵜⵎⴰⴳⴰⵔ ⴰⴱⴻⴷⴷⴻⵍ ⵙ ⵜⴻⴼⵙⴻⵙ, ⵍⵍⴰⵏ ⴷⴻⴳ-ⵙ ⵢⵉⵙⴻⵏⴼⴰⵔⴻⵏ ⴷ ⵉⵎⴻⵇⵔⴰⵏⴻⵏ, ⵜⴻⵙⵄⴰ ⵉⵎⵓⴽⴰⵏ ⴷ ⵓⵛⴱⵉⵃⴻⵏ ⵢⴻⵔⵏⴰ ⵜⵉⴷⵓⵎⵚⵓⴽⵉⵡⵉⵏ-ⵏⵏⴻⵙ ⵊⴻⴱⴱⴷⴻⵏⵜ-ⴷ ⵉⵏⴻⵔⵣⴰⴼⴻⵏ.

« ⵡⴻⵀⵕⴰⵏ ⴰⴷ ⵜⵉⵍⵉ ⴷⴻⴳ ⵜⵜⵉⵄⴰⴷ ⵢⴻⵔⵏⴰ ⴰⴷ ⵜⵉⵍⵉ ⴷⴻⴳ ⵓⵙⵡⵉⵔ. ⴰⵢⴰ ⴷ ⴰⵛⵇⵉⵔⵔⴻⵡ ⴰⵎⴻⵇⵔⴰⵏ ⵉ ⵏⴻⴽⴽⵏⵉ. ⴰⵢⴰ ⵍⵄⴰⵀⴻⴷ ⴰⵔⴰ ⵏⴻⴳ ⵉ ⵢⵉⵎⴰⵏ-ⵏⵏⴻⵖ ⴰⴽⴽⴻⵏ ⵎⴰ ⵏⴻⵍⵍⴰ, ⴰⵎⴰ ⴷ ⵉⵖⴻⵔⵎⴰⵏⴻⵏ, ⴰⵎⴰ ⴷ ⵉⴷⵓⴱⴰ, ⴷ ⵉⵏⴻⴷⴱⴰⵍⴻⵏ ⵏⴻⵖ ⴷ ⵓⴷⴱⵍⵉⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵖⴻⵍⵍⴰ ⵏ ⵓⵙⵍⴻⴽⵎⴰⵏ ⵏ ⵜⵡⵉⵍⴰⵢⵜ, ⴰⴱⴷⴻⵍⴳⵀⴰⵏⵉ ⵣⴰⴰⵍⴰⵏⴻ.