ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⵔⴰⵔⴻⵏ ⵉⴼⵔⵉⵇⵉⵢⴻⵏ ⵏ 2015: ⵜⴰⵧⵓⴼⵉⴽ ⵎⴰⴽⵀⵍⵧⵓⴼⵉ ⴰⴷ ⵢⴻⵜⵜⴻⴽⴽⵉ ⴷⴻⴳ ⴱⵔⴰⵣⵣⴰⵠⵉⵍⵍⴻ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵍⵖⵓⵖ ⵓⵍⵉⵎⵒⵉ ⵏ 1500 ⵏ ⵍⵎⵉⵜⵔⴰⵜ, ⴰⴷⵣⴰⵢⵔⵉ ⵜⴰⵧⵓⴼⵉⴽ ⵎⴰⴽⵀⵍⵧⵓⴼⵉ, ⵉⵡⴻⴽⴽⴻⴷ-ⴷ ⴷ ⴰⴽⴽⴻⵏ ⴰⴷ ⵢⴻⵜⵜⴻⴽⴽⵉ ⴷⴻⴳ ⵡⵓⵔⴰⵔⴻⵏ ⵉⴼⵔⵉⵇⵉⵢⴻⵏ ⵏ ⴱⵔⴰⵣⵣⴰⵠⵉⵍⵍⴻ ⵏ 2015 (ⴳⴰⵔ 4 ⴷ 19 ⵛⵜⴻⵎⴱⴻⵕ) ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⵃⴻⴷⴷ ⵓⵏⴻⵎⵀⴰⵍ ⵏ ⵜⴻⵖⵍⴰⵎⵉⵏ ⵜⵉⵖⴻⵍⵏⴰⵡⵉⵏ, ⴰⴱⴷⴻⵍⴽⵔⵉⵎ ⵙⴰⴷⵧⵓ.

« ⵎⴰⴽⵀⵍⵧⵓⴼⵉ ⵉⵡⴻⴽⴽⴻⴷ-ⴰⵖ-ⴷ ⴰⵜⵜⴻⴽⴽⵉ-ⵏⵏⴻⵙ ⴷⴻⴳ ⵡⵓⵔⴰⵔⴻⵏ ⵉⴼⵔⵉⵇⵉⵢⴻⵏ ⵏ 2015 », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⴱⴷⴻⵔ ⵜⴻⴱⵏⵉⵇⵜ ⵏ ⵜⴻⵖⵡⴰⵍⵜ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⵢⵔⵉⵜ ⵏ ⵜⴰⵜⵍⵉⵜⵉⵜ ⵢⴻⵏⵏⴰ-ⵜ-ⵉⴷ ⴰⴱⴷⴻⵍⴽⵔⵉⵎ ⵙⴰⴷⵧⵓ.

ⴰⵙⵙ ⵏ ⵍⵃⴻⴷⴷ ⴷⴻⴳ ⵒⵉⴽⵉⵏ, ⵜⴰⵧⵓⴼⵉⴽ ⵎⴰⴽⵀⵍⵧⵓⴼⵉ ⵓⵔ ⵢⴻⵙⵙⴰⵡⴻⴹ ⴰⵔⴰ ⴰⴷ ⴷ-ⵢⴻⵣⴳ ⴳⴰⵔ 3 ⵏ ⵢⵉⵎⵓⴽⴰⵏ ⵉⵎⴻⵣⵡⵓⵔⴰ ⴷⴻⴳ ⵜⴻⵎⵙⵉⵣⵣⴻⵍⵜ ⵜⴰⵏⴻⴳⴳⴰⵔⵓⵜ ⵏ 1500 ⵏ ⵍⵎⵉⵜⵔⴰⵜ ⴷⴻⴳ ⵜⴻⵍⵖⵓⵖⴰ ⵏ ⵓⵎⴰⴹⴰⵍ ⵏ 2015.

« ⵢⴻⵍⵍⴰ ⵢⴻⵙⵙⴻⴼⴽ ⴰⴷ ⴷ-ⵢⴻⴼⵔⵓⵔⵉ ⴷⴻⴳ 150 ⵏ ⵍⵎⵉⵜⵔⴰⵜ ⵜⵉⵏⴻⴳⴳⵓⵔⴰ ⴰⴽⴽⴻⵏ ⴰⴷ ⵢⴻⵙⵙⵉⵡⴻⴹ ⴰⴷ ⵢⴻⴹⴹⴻⴼ ⵎⴳⴰⵍ ⵢⵉⵅⵚⵉⵎⴻⵏ ⵢⵉⴽⴻⵏⵢⴰⵏⴻⵏ, ⵍⴰⴷⵖⴰ ⴽⵉⵒⵔⵧⵒ ⴰⵢ ⵢⴻⵙⵇⴻⴷⵛⴻⵏ ⵜⴰⵜⴰⴽⵜⵉⵜ ⵢⴻⵍⵀⴰⵏ ⴰⴽⴽⴻⵏ ⴰⴷ ⵢⴻⵔⴱⴻⵃ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵎⵓⵣⵣⴰⴳ ⴰⵢ ⴷ-ⵜⴻⴱⴷⴻⵔ ⵜⴼⵉⴷⵉⵕⴰⵍⵉⵜ.

ⴷ ⴰⵛⵓ ⴽⴰⵏ, ⴽⵔⴰ ⵏ ⵢⵉⵎⴰⵏⴰⵢⴻⵏ ⵏⵏⴰⵏ-ⴷ ⴷ ⴰⴽⴽⴻⵏ ⵎⴰⴽⵀⵍⵧⵓⴼⵉ ⵡⴻⵔⵄⴰⴷ ⵓⵔ ⵜ-ⵉⴷ-ⵢⴻⵇⵇⵉⵍ ⴰⵔⴰ ⵍⴵⴻⵀⴷ ⵏ « ⵓⵙⵡⵉⵔ ⵓⵍⵉⵎⵒⵉ » ⴷⴻⴼⴼⵉⵔ ⵎⴰ ⵢⵓⴹⴻⵏ ⵜⴰⴳⴰⵔⴰ-ⴰ, ⵢⴻⵔⵏⴰ ⵜⴰⵣⵡⴰⵔⴰ ⵏ ⵜⵙⴻⵎⵀⵓⵢⵜ-ⴰ ⵜⵓⵙⴰ-ⴰⵙ-ⴷ ⵜⴻⵡⵄⴻⵕ.

ⴰⴳⵎⵓⴹ ⵉⴳⴻⵔⵔⵣⴻⵏ ⴰⴽⴽ ⵏ ⵎⴰⴽⵀⵍⵧⵓⴼⵉ ⴷⴻⴳ ⵜⵙⴻⵎⵀⵓⵢⵜ-ⴰ ⵏⴻⵜⵜⴰ ⴷ 3:28.75, ⵢⴻⵔⵏⴰ ⵢⴻⵙⵙⴻⴼⴽ, ⵉⵎⵉⵔ-ⴰ, ⴰⴷ ⵢⴻⴱⴷⵓ ⴰⴷ ⵢⴻⵙⵙⴻⵡⵊⴰⴷ ⵉⵎⴰⵏ-ⵏⵏⴻⵙ ⵉ ⵜⵜⵉⵄⴰⴷⴰⵜ ⵉⵏⴰⴷⴷⴰⵍⴻⵏ ⴰⵢ ⴷ-ⵢⴻⵜⵜⴻⴷⴷⵓⵏ, ⵍⴰⴷⵖⴰ ⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵔⵉⵧ ⵏ 2016, ⴰⵏⴷⴰ ⴰⵢ ⵢⴻⵙⵙⴻⴼⴽ ⴰⴷ ⵉⵃⵓⴷⴷ ⴰⵣⵡⴻⵍ-ⵏⵏⴻⵙ ⵏ ⵓⵍⵖⵓⵖ ⵓⵍⵉⵎⵒⵉ ⴰⵢ ⴷ-ⵢⴻⵔⴱⴻⵃ ⴷⴻⴳ ⵡⵓⵔⴰⵔⴻⵏ ⵏ ⵍⵧⵏⴷⵧⵏ ⵏ 2012.