ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵛⵉⵔⵜ ⵏ ⵓⴹⴰⵔ: ⴰⴷ ⴷ-ⵜⴻⵔⵣⵓ ⵢⵉⵡⴻⵜ ⵏ ⵜⴻⴳⵔⴰⵡⵜ ⵏ ⴼⵉⴼⴰ ⵖⴻⴼ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⴷ ⴷ-ⵜⴻⵔⵣⵓ ⵢⵉⵡⴻⵜ ⵏ ⵜⴻⴳⵔⴰⵡⵜ ⵏ ⵜⴼⵉⴷⵉⵕⴰⵍⵉⵜ ⵜⴰⴳⵔⴰⵖⵍⴰⵏⵜ ⵏ ⵜⵛⵉⵔⵜ ⵏ ⵓⴹⴰⵔ (ⴼⵉⴼⴰ) ⵖⴻⴼ ⵍⴻⵣⵣⴰⵢⴻⵔ ⴰⵙⵙ ⵏ ⵍⴵⴻⵎⵄⴰ ⴰⴽⴽⴻⵏ ⴰⴷ ⵜⴻⵙⵙⴻⴼⵄⴻⵍ ⴽⵔⴰ ⵏ ⵡⴰⵀⵉⵍⴻⵏ ⵏ ⵓⵙⵏⴻⴼⵍⵉ (ⵜⵜⴰⵏⵎⵉⵢⴰ) ⵉ ⵍⵎⴻⵏⴷ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴰⵙⵙ ⵏ ⵍⴰⵕⴻⴱⵄⴰ ⵜⴼⵉⴷⵉⵕⴰⵍⵉⵜ-ⴰ.
« ⴷⴻⴳ ⵜⵖⵉⵎⵉⵜ-ⵏⵏⴻⵙ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵜⴰⵎⴰⴳⵍⴰ (ⵡⴰⴼⴷ) ⵏ ⴼⵉⴼⴰ ⴰⴷ ⵜⴻⵔⵣⵓ ⵖⴻⴼ ⵡⴰⵎⵎⴰⵙ ⴰⵜⴻⴽⵏⵉ ⴰⵖⴻⵍⵏⴰⵡ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ ⴷⴻⴳ ⵙⵉⴷⵉ ⵎⵓⵙⴰ, ⴰⵎ ⵡⴰⴽⴽⴻⵏ ⴰⵔⴰ ⵜⴻⵔⵣⵓ ⵖⴻⴼ ⵓⵅⵅⴰⵎ ⵏ ⵜⴻⵎⵖⵓⵏⵉⵏ (ⵔⵔⴰⴱⵉⵟⴰⵜ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ.
ⵜⵉⵔⵣⵉ-ⴰ ⴰⴷ ⴷ-ⵜⵉⵍⵉ ⴷⴷⴰⵡ ⵕⵕⴰⵢ ⵏ ⵓⵎⴰⵙⴰⵢ (ⵍⵎⴻⵙ’ⵓⵍ) ⵏ ⵓⵙⵏⴻⴼⵍⵉ ⵏ ⴼⵉⴼⴰ ⵉ ⵜⴻⴼⵔⵉⵇⵜ, ⵣⴻⵍⴽⵉⴼⵉ ⵏⴳⵧⵓⴼⵧⵏⵊⴰ, ⵢⴻⵔⵏⴰ ⴰⴷ ⴷ-ⴷⴷⵓⵏ ⴷⴻⴳ ⵜⵎⴰⴳⵍⴰ-ⴰ ⴽⵔⴰ ⵙⴻⴳ ⵢⵉⵎⴰⵙⴰⵢⴻⵏ ⵓⵏⵏⵉⴳⴻⵏ ⵏⵉⴹⴻⵏ ⵏ ⴼⵉⴼⴰ, ⴳⴰⵔ-ⴰⵙⴻⵏ ⵍⴰⵉⵍⴰ ⴳⴰⵔⴳⴰ ⴷ ⴰⵏⵏⴻ ⵏⵧⴻ.
ⵜⴰⵎⴰⴳⵍⴰ ⵏ ⴼⵉⴼⴰ « ⴰⴷ ⵜⴻⴳ ⵜⵉⵎⵍⵉⵍⵉⵜ ⵏ ⵓⵅⴻⴷⴷⵉⵎ ⴷ ⵓⵙⴻⵍⵡⴰⵀ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ, ⵎⵧⵀⴰⵎⴻⴷ ⵔⴰⵧⵓⵔⴰⵧⵓⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ ⵓⵍⵖⵓ (ⴱⴰⵢⴰⵏ) ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ.
