ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵎⴻⵙⵙⴰⵀⴻⵍ ⵢⴻⵎⵎⵓⴳⴻⵔ-ⵉⵜ ⵓⵙⴻⵍⵡⴰⵢ ⴰⵜⵓⵏⵙⵉ

ⵜⵓⵏⴻⵙ ⵜⴰⵎⴰⵏⴻⵖⵜ – ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵍⵎⴻⵖⵔⴻⴱ, ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴷ ⵜⴻⵎⵖⵓⵏⵜ ⵜⴰⵄⵕⴰⴱⵜ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ, ⵢⴻⵎⵎⵓⴳⴻⵔ-ⵉⵜ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵜⵓⵏⴻⵙ ⵜⴰⵎⴰⵏⴻⵖⵜ, ⵓⵙⴻⵍⵡⴰⵢ ⴰⵜⵓⵏⵙⵉ ⴱⴻⵊⵉ ⵛⴰⵉⴷ ⴻⵙⵙⴻⴱⵙⵉ.

ⴷⴻⴳ ⵢⵉⵡⴻⵏ ⵏ ⵓⵎⵢⴰⴳⴻⵔ ⴷ ⵢⵉⵏⴻⵖⵎⴰⵙⴻⵏ ⵎⵉ ⵉⴼⵓⴽ ⴰⵡⴰⵍ-ⵏⵏⴻⵙ ⴷ ⵓⵙⴻⵍⵡⴰⵢ ⴰⵜⵓⵏⵙⵉ, ⵎⴰⵙⵙ ⵎⴻⵙⵙⴰⵀⴻⵍ ⵢⴻⵏⵏⴰ-ⴷ ⴷ ⴰⴽⴽⴻⵏ ⵉⵇⴻⴷⴷⴻⵎ-ⴰⵙ-ⴷ ⵉ ⵎⴰⵙⵙ ⴻⵙⵙⴻⴱⵙⵉ ⵉⴳⵎⵓⴹⴻⵏ ⵏ ⵜⴻⵎⵍⵉⵍⵉⵜ ⵜⵉⵙ 18 ⵏ ⵓⵙⴻⵇⵇⴰⵎⵓ ⵏ ⵓⴹⴼⴰⵔ ⵏ ⵓⵎⵄⴰⵡⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵜⵓⵏⴻⵙ. ⵉⴳⵎⵓⴹⴻⵏ-ⴰ ⴰⴷ ⵜⵜⵓⵏⴻⴼⴽⴻⵏ ⵉ ⵜⵙⴻⵇⵇⴰⵎⵓⵜ ⵜⵓⵏⵏⵉⴳⵜ ⵜⵓⵅⵍⵉⴹⵜ ⴷⴻⴳ ⵜⴻⵎⵍⵉⵍⵉⵜ-ⵏⵏⴻⵙ ⵜⵉⵙ 20 ⴰⵔⴰ ⴷ-ⵢⵉⵍⵉⵏ ⴷⴻⴳ 25 ⴷ 26 ⵜⵓⴱⴻⵕ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷⴷⴰⵡ ⵜⵙⴻⵍⵡⵉⵜ ⵏ ⵓⵏⴻⵖⵍⴰⴼ ⴰⵎⴻⵏⵣⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⴷ ⵢⵉⵖⴻⴼ ⵏ ⵓⵏⴰⴱⴰⴹ (ⵍⵃⵓⴽⵓⵎⴰ) ⵏ ⵜⵓⵏⴻⵙ, ⵀⴰⴱⵉⴱ ⴻⵙⵙⵉⴷ.

ⵢⴻⵙⵎⴻⴽⵜⵉ-ⴷ ⵓⵏⴻⵖⵍⴰⴼ ⴷ ⴰⴽⴽⴻⵏ « ⴰⵎⵢⴰⴳⴻⵔ-ⴰ ⵢⴻⴵⴵⴰ-ⵜⴻⵏ ⴰⴷ ⴷ-ⵙⵙⵓⴽⴽⴻⵏ ⵜⵉⵟ ⵖⴻⴼ ⵜⴻⵎⵙⴰⵍ ⵏ ⵏⵏⴼⴻⵄ ⵓⵛⵔⵉⴽ ⴷⴻⴳ ⵜⴻⵎⵏⴰⴹⵜ ⵢⴻⵔⵏⴰ ⴰⴷ ⵇⴻⵢⵢⵎⴻⵏ ⴰⵎⵄⴰⵡⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵜⵓⵏⴻⵙ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵎⴻⵏⵖⵉ ⵎⴳⴰⵍ ⵜⵔⴻⵎⵎⵉⵖⵜ (ⵔⵔⴻⴱⵔⴰⴱ) ».

ⵢⴻⵜⵜⵓⵏⴻⴼⴽ ⴷⴰⵖ ⵡⴰⵣⴰⵍ, ⴷⴻⴳ ⵓⵎⵢⴰⴳⴻⵔ-ⴰ, « ⵉ ⵢⵉⵅⵚⵉⵎⴻⵏ ⵉⵍⵉⴱⵉⵢⴻⵏ ⴰⵢ ⵢⴻⵙⵙⴻⴼⴽⴻⵏ ⴰⴷ ⵎⵙⴻⴼⵀⴰⵎⴻⵏ ⵖⴻⴼ ⵜⵉⴼⵔⴰⵜ ⴰⵔⴰ ⵢⴻⵙⵙⵉⵡⴹⴻⵏ ⵖⴻⵔ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ (ⵍⵃⵓⴽⵓⵎⴰ) ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⴰⵔⴰ ⵉⵣⴻⵎⵔⴻⵏ ⴰⴷ ⵢⴻⵙⵙⴻⴷⴷⵓ ⵜⵓⴽⴽⵉⵜ (ⵍ’ⵉⵏⵜⵉⵇⴰⵍ), ⴰⴷ ⴷ-ⵉⵃⴻⵜⵜⴻⵎ ⴰⴷⴰⴱⵓ ⵖⴻⴼ ⵡⴰⴽⴽ ⵉⵃⵔⵉⵛⴻⵏ ⵏ ⵡⴰⴽⴰⵍ ⴰⵍⵉⴱⵉ ⵢⴻⵔⵏⴰ ⴰⴷ ⵢⴻⵏⵏⴰⵖ ⵎⴳⵔⴰⵍ ⵜⴻⴳⵔⴰⵡⵉⵏ ⵜⵉⵔⴻⵎⵎⴰⵖⵉⵏ ».

ⴰⵎⵢⴰⴳⴻⵔ-ⴰ ⵢⴻⵍⵍⴰ-ⴷ ⵙ ⵓⵃⴷⴰⵕ ⵏ ⵓⵏⵎⴰⵀⴰⵍ (ⵙⵙⴰⴼⵉⵔ) ⵏ ⵍⴻⵣⵣⴰⵢⴻⵔ ⴷⴻⴳ ⵜⵓⵏⴻⵙ, ⴰⴱⴷⴻⵍⴽⴰⴷⴻⵔ ⵀⴰⴷⵊⴰⵔ.