ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⴷⴻⵃⵃⴰⵙ ⵏ ⵎⵉⵏⴻⵏ ⵢⴻⵏⵖⴰ ⵓⴳⴰⵔ ⵏ 1.200 ⵏ ⵢⵉⵎⴷⴰⵏⴻⵏ

ⵎⴻⴽⴽⴰ (ⵜⴰⴳⴻⵍⴷⴰ ⵜⴰⵙⴰⵄⵓⴷⵉⵜ) – ⵎⵎⵓⵜⴻⵏ, ⵎⴰ ⵓⵍⴰⵛ, 1.200 ⵏ ⵢⵉⵎⵃⵓⴵⴵⴻⵏ ⴷⴻⴳ ⵓⵎⴷⴻⵃⵃⴰⵙ-ⵏⵏⵉ ⴰⵢ ⴷ-ⵢⴻⵍⵍⴰⵏ ⴷⴻⴳ ⵎⵉⵏⴻⵏ (ⵙⴷⴰⵜ ⵎⴻⴽⴽⴰ) 15 ⵏ ⵡⵓⵙⵙⴰⵏ ⴰⵢⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏⵜ 28 ⵏ ⵜⵎⵓⵔⴰ, ⵢⴻⵔⵏⴰ ⴰⵢⴰ ⵢⵓⴳⴰⵔ ⵙ ⵡⴰⵟⴰⵙ ⵍⴻⵃⵙⴰⴱ-ⵏⵏⵉ ⵓⵏⵚⵉⴱ ⵏ 769 ⵏ ⵢⵉⵎⴻⵜⵜⴰⵏⴻⵏ ⴰⵢ ⴷ-ⵜⴻⵏⵏⴰ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ.

ⵔⵉⵢⴰⴹ ⵡⴻⵔⵄⴰⴷ ⵓⵔ ⴷ-ⵜⴻⴼⴽⵉ ⴰⵔⴰ ⵍⴻⵃⵙⴰⴱ ⵏ ⵡⵉⴷ ⵢⴻⵎⵎⵓⵜⴻⵏ ⵙⴻⴳ ⵢⴰⵍ ⵜⴰⵎⵓⵔⵜ ⴷⴻⴳ ⵜⵡⴰⵖⵉⵜ-ⴰ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ 24 ⵛⵜⴻⵎⴱⴻⵕ.

ⴷ ⴰⵛⵓ ⴽⴰⵏ, ⵖⴻⴼ ⵍⴻⵃⵙⴰⴱ ⵏ ⵢⵉⵡⴻⵏ ⵏ ⵓⵊⴻⵎⵎⴰⵍ ⴰⵢ ⴷ-ⵜⴻⴼⴽⴰ ⴰⴼⵒ ⵙⴻⴳ ⵍⴻⵃⵙⴰⴱⴰⵜ ⴰⵢ ⴷ-ⵜⴻⵍⵇⴻⴹ ⵙⴻⴳ 28 ⵏ ⵜⵎⵓⵔⴰ, ⴰⵎⴹⴰⵏ (ⵍⴻⵄⴷⴰⴷ) ⵡⵉⴷ ⵢⴻⵎⵎⵓⵜⴻⵏ ⵢⴻⵡⵡⴻⴹ ⵖⴻⵔ 1.221 ⵏ ⵢⵉⵎⴷⴰⵏⴻⵏ ⴰⵙⵙ ⵏ ⵍⴻⵅⵎⵉⵙ.

ⵜⵉⵎⵓⵔⴰ ⴰⵢ ⵢⴻⵙⵕⵓⵃⴻⵏ ⴰⵟⴰⵙ ⴰⴽⴽ ⵏ ⵎⴻⴷⴷⴻⵏ ⴷ ⵉⵕⴰⵏ ⵙ 464 ⵏ ⵢⵉⵎⴻⵜⵜⴰⵏⴻⵏ, ⵎⴰⵚⴻⵔ ⵙ 148 ⵏ ⵢⵉⵎⴻⵜⵜⴰⵏⴻⵏ, ⵉⵏⴷⵓⵏⵉⵙⵢⴰ ⵙ 120 ⵏ ⵢⵉⵎⴻⵜⵜⴰⵏⴻⵏ, ⵒⴰⴽⵉⵙⵜⴰⵏ ⵙ 76 ⵏ ⵢⵉⵎⴻⵜⵜⴰⵏⴻⵏ, ⵏⵉⵊⵉⵔⵢⴰ ⵙ 64 ⵏ ⵢⵉⵎⴻⵜⵜⴰⵏⴻⵏ, ⵎⴰⵍⵉ ⵙ 60 ⵏ ⵢⵉⵎⴻⵜⵜⴰⵏⴻⵏ, ⵙⵉⵏⵉⴳⴰⵍ ⵙ 54 ⵏ ⵢⵉⵎⴻⵜⵜⴰⵏⴻⵏ ⴷ ⵍⵀⴻⵏⴷ ⵙ 51 ⵏ ⵢⵉⵎⴻⵜⵜⴰⵏⴻⵏ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷ ⵜⵉⵡⵉⵏⴰⵙ (ⵍⵎⵉ’ⴰⵜ) ⵏ ⵢⵉⵎⵃⵓⴵⴵⴻⵏ ⴰⵢ ⴷ-ⵎⴰⵣⴰⵍ ⵄⴻⵔⵇⴻⵏ ⴷⴻⴼⴼⵉⵔ ⵓⵎⴷⴻⵃⵃⴰⵙ-ⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴻⵙⵡⵉⵄⵜ-ⵏⵏⵉ ⵏ ⵓⵕⵊⴰⵎ ⵏ ⵓⵛⵉⵟⴰⵏ ⴷⴻⴳ ⵎⵉⵏⴻⵏ, ⵖⴻⴼ ⵍⴻⵃⵙⴰⴱ ⵏ ⵢⵉⵏⴰⴱⴰⴹⴻⵏ (ⵍⵃⵓⴽⵓⵎⴰⵜ) ⴷ ⵜⵙⴻⵇⵇⵓⵎⴰ ⵜⵉⵖⴻⵍⵏⴰⵡⵉⵏ ⵏ ⵍⵃⵉⴵ.