ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⵣⵣⴰⵢⴻⵔ ⵜⵡⴻⵜ-ⴷ « ⵙ ⵍⴵⴻⵀⴷ » ⴷⴻⴳ ⵜⵅⴰⵣⵣⴰⴱⵉⵢⵉⵏ-ⵏⵏⵉ ⵜⵉⵔⴻⴱⵔⴰⴱⵉⵏ ⵏ ⴰⵏⴽⴰⵔⴰ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵍⴻⵣⵣⴰⵢⴻⵔ ⵜⵡⴻⵜ-ⴷ « ⵙ ⵍⴵⴻⵀⴷ » ⴷⴻⴳ ⵙⵏⴰⵜ-ⵏⵏⵉ ⵏ ⵜⵅⴰⵣⵣⴰⴱⵉⵢⵉⵏ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵙⵙⴻⴱⵜ ⴷⴻⴳ ⴰⵏⴽⴰⵔⴰ (ⵟⵟⴻⵔⴽ) ⵢⴻⵔⵏⴰ ⵏⵖⴰⵏⵜ 86 ⵏ ⵢⵉⵎⴷⴰⵏⴻⵏ ⴰⵎ ⵡⴰⴽⴽⴻⵏ ⴰⵢ ⵊⴻⵔⵃⴻⵏⵜ 200 ⵏⵉⴹⴻⵏ ⴷⴻⴳ ⵢⵉⵡⴻⵏ ⵏ ⵓⵎⵙⴻⴳⵔⴰⵡ ⴰⵢ ⴷ-ⵢⴻⵍⵍⴰⵏ ⵉ ⵍⵎⴻⵏⴷ ⵏ ⵜⴰⵍⵡⵉⵜ.
« ⵏⴻⵙⵙⴰⵥⴻⵔ ⵙ ⵍⴵⴻⵀⴷ ⵙⵏⴰⵜ-ⴰ ⵏ ⵜⵅⴰⵣⵣⴰⴱⵉⵢⵉⵏ ⵜⵉⵔⴻⵎⵎⴰⵖⵉⵏ (ⵜⵉⵔⴻⴱⵔⴰⴱⵉⵏ) ⴰⵢ ⴷ-ⵢⴻⵍⵍⴰⵏ, ⴰⵙⵙ-ⴰ ⵏ ⵙⵙⴻⴱⵜ, ⴷⴻⴳ ⵜⵎⴰⵏⴻⵖⵜ ⵜⴰⵟⴻⵔⴽⵉⵜ ⵏ ⴰⵏⴽⴰⵔⴰ, ⴰⵢⴷⴻⴳ ⴷ ⵜⵉⵎⴻⵔⵡⵉⵏ (ⵍⵄⴰⵕⴰⵛⴰⵜ) ⵏ ⵢⵉⵎⴻⵙⴱⴰⵏⵉⵢⴻⵏ ⵉⵍⴻⵎⵔⵉⵢⴻⵏ ⴰⵢ ⵢⴻⵖⵍⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵟⵟⴰⵇ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⴰⴱⴷⴻⵍⴰⵣⵉⵣ ⴱⴻⵏⴰⵍⵉ ⵛⵀⴻⵔⵉⴼ, ⴷⴻⴳ ⵢⵉⵡⴻⵏ ⵏ ⵍⴱⴰⵢⴰⵏ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.
« ⵏⴻⵜⵜⵄⴻⵣⵣⵉ ⵜⵉⵡⴰⵛⵓⵍⵉⵏ ⵏ ⵜⴻⵖⵜⴰⵙ (ⴹⴹⴰⵃⴰⵢⴰ) ⵏ ⵜⴻⵊⵔⵉⵎⵜ-ⴰ ⵢⴻⵔⵏⴰ ⵏⴻⵙⵙⴽⴰⵏⴰⵢ-ⴷ ⴰⴱⴷⴰⴷ-ⵏⵏⴻⵖ ⵖⴻⵔ ⵢⵉⴷⵉⵙ ⵏ ⵓⵏⴰⴱⴰⴹ ⴷ ⵓⵖⵔⴻⴼ ⵉⵟⴻⵔⴽⵉⵢⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
« ⵙⴻⴳ ⵢⵉⴷⵉⵙ ⵏⵉⴹⴻⵏ, ⵏⴻⵜⵜⵄⴰⵡⴰⴷ ⵏⴻⵜⵜⵡⴻⴽⴽⵉⴷ-ⴷ ⴰⵙⵙⵉⵥⴻⵔ-ⵏⵏⴻⵖ ⵏ ⵜⵔⴻⵎⵎⵉⵖⵜ (ⵔⵔⴻⴱⵔⴰⴱ) ⴰⴽⴽⴻⵏ ⴱⵖⵓⵏ ⵉⵍⵉⵏ ⵡⵉⴷ ⴰⵢ ⵢⴻⵜⵜⴳⴻⵏ ⴷ ⵡⴰⵎⴻⴽ ⴰⵢ ⴷ-ⵢⴻⵜⵜⵉⵍⵉ, ⴰⵎ ⵡⴰⴽⴽⴻⵏ ⴰⵢ ⵏⴻⵜⵜⵄⴰⵡⴰⴷ ⵏⴻⵜⵜⵡⴻⴽⴽⵉⴷ-ⴷ ⴰⵄⴻⵡⵡⴻⵍ-ⵏⵏⴻⵖ ⴰⴽⴽⴻⵏ ⴰⴷ ⵏⴽⴻⵎⵎⴻⵍ ⴰⴷ ⵏⴻⵜⵜⴻⴽⴽⴰⵢ ⴷⴻⴳ ⵡⵓⵙⵙⵉⵙⴻⵏ (ⵍⵎⴻⴵⵀⵓⴷⴰⵜ) ⵏ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⵉ ⵢⵉⵎⴻⵏⵖⵉ ⵎⴳⴰⵍ ⵓⵅⴻⵚⵚⴰⵔ-ⴰ ⴰⵢ ⵉⵣⴻⵎⵔⴻⵏ ⴰⴷ ⵢⴻⵙⵡⴰⵖ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⵜⵉⴳⵔⴰⵖⵍⴰⵏⵉⵏ », ⵖⴻⴼ ⵡⴰⴽⴽⴻⵏ ⴰⵢ ⵜⵜ-ⵉⴷ-ⵢⴻⵅⵜⴻⵎ ⵓⵏⴻⵟⵟⴰⵇ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ.
