ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵎⴰⵔⴰⵟⵓⵏ ⴰⴳⵔⴰⵖⵍⴰⵏ ⵡⵉⵙ 6 ⵏ ⵉⵎⴻⴷⵖⴰⵙⴻⵏ (ⵜⴰⴱⴰⵜⴻⵏⵜ): ⴷ ⵛⵀⴻⵉⴽⵀ ⵏⴰⵧⵓⵉ ⴰⵢ ⵉⵔⴻⴱⵃⴻⵏ
ⵜⴰⴱⴰⵜⴻⵏⵜ – ⴷ ⴰⵏⴰⴷⴷⴰⵍ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵛⵀⴻⵉⴽⵀ ⵏⴰⵧⵓⵉ, ⴰⵢ ⵉⵔⴻⴱⵃⴻⵏ ⴰⵙⵙ ⵏ ⵙⵙⴻⴱⵜ ⴰⵎⴰⵔⴰⵟⵓⵏ ⴰⴳⵔⴰⵖⵍⴰⵏ ⵡⵉⵙ 6 ⵏ ⵉⵎⴻⴷⵖⴰⵙⴻⵏ (ⵜⴰⴱⴰⵜⴻⵏⵜ) ⴰⵢ ⴷ-ⵢⴻⵍⵍⴰⵏ ⴳⴰⵔ ⵓⵙⵓⴷⴷⵉⵙ (ⵎⵓⵕⴰⴽⴽⴰⴱ) ⴰⵏⴰⴷⴷⴰⵍ ⵏ 1ⵓ ⵏ ⵏⵡⴻⵎⴱⴻⵕ ⴷ ⵓⵥⴻⴽⴽⴰ ⴰⵏⵓⵎⵉⴷⵉ ⵏ ⵉⵎⴻⴷⵖⴰⵙⴻⵏ ⵙ ⵜⴻⵖⵣⴻⴼ ⵏ 42,195 ⵏ ⵢⵉⴽⵉⵍⵓⵎⵉⵜⵔⴻⵏ. 1.201 ⵏ ⵢⵉⵎⴰⵣⵣⴰⵍⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵎⴰⵔⴰⵟⵓⵏ-ⴰ ⵙⴻⴳ 9 ⵏ ⵜⵎⵓⵔⴰ (ⴳⴰⵔ-ⴰⵙⴻⵏⵜ ⵍⴻⵣⵣⴰⵢⴻⵔ), ⴷ ⴰⵛⵓ ⴽⴰⵏ, ⵛⵀⴻⵉⴽⵀ ⵏⴰⵧⵓⵉ ⵢⴻⵣⵡⴰⵔ-ⵉⵜⴻⵏ ⵙ ⵡⴰⵟⴰⵙ ⴷⴻⴳ ⵓⵃⵔⵉⵛ ⴰⵏⴻⴳⴳⴰⵔⵓ ⵏ ⵜⴻⵎⵙⵉⵣⵣⴻⵍⵜ ⵢⴻⵔⵏⴰ ⵢⵓⴷⴻⴼ-ⴷ ⵖⴻⵔ ⵢⵉⵣⵉⵔⵉⴳ ⵏ ⵡⴰⵡⵡⴰⴹ ⵙ ⵡⴰⴽⵓⴷ ⵏ 2ⵙ22 ⵏ ⵜⴻⴷⵇⵉⵇⵉⵏ ⴷ 34 ⵏ ⵜⵙⵉⵏⵉⵏ.
ⴰⵎⴽⴰⵏ ⵡⵉⵙ ⵙⵉⵏ ⵉⵚⴰⵃ-ⴷ ⴰⵏⴰⴷⴷⴰⵍ ⵙⵍⵉⵎⴰⵏⴻ ⵎⵧⵓⵍⴰⵢ (ⵙⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ) ⴰⵢ ⵉⵔⴻⴱⵃⴻⵏ ⴰⵎⴰⵔⴰⵟⵓⵏ ⵏ ⵉⵎⴻⴷⵖⴰⵙⴻⵏ ⵏ 2013, ⵎⴰ ⴷ ⴰⵎⴽⴰⵏ ⵡⵉⵙ ⴽⵔⴰⴹ ⴷ ⵡⵉⵏ ⵏ ⵓⵇⵙⴻⵏⵟⵉⵏⵉ ⵜⴰⵢⴻⴱ ⴼⴻⵍⵍⴰⵍⵉ.
ⵛⵀⴻⵉⴽⵀ ⵏⴰⵧⵓⵉ, ⵓⵍⴰ ⵎⴰ ⵢⵓⵎⴰⵔ (ⵢⴻⴼⵕⴻⵃ) ⵙ ⵔⵔⴱⴻⵃ-ⵏⵏⴻⵙ, ⵢⴻⵙⵃⴰⵙⵙⴻⴼ ⵛⵡⵉⵟ ⵉⵎⵉ ⴰⵢ ⵢⴻⴵⴵⴰ ⵙ ⵡⴰⵟⴰⵙ ⵉⵅⵚⵉⵎⴻⵏ-ⵏⵏⴻⵙ ⵢⴻⵔⵏⴰ ⵓⵍⴰ ⴷ ⵢⵉⵡⴻⵏ ⵓⵔ ⴷ-ⵢⵓⵣⵣⵉⵍ ⵖⴻⵔ ⵢⵉⴷⵉⵙ-ⵏⵏⴻⵙ. « ⵙⵍⵉⵎⴰⵏⴻ ⵎⵧⵓⵍⴰⵢ ⵢⴻⵍⵍⴰ ⵢⴻⴵⵀⴻⴷ ⵎⵍⵉⵃ, ⵎⴰⵛⴰ ⵍⵍⵉⵖ ⵥⵔⵉⵖ ⴷ ⴰⴽⴽⴻⵏ ⴰⴷ ⵜ-ⵔⵏⵓⵖ ⴷⴻⴳ ⵜⴰⵣⵣⵍⴰ ⵙ ⵜⵖⴰⵡⵍⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ. ⴰⵎⴰⵔⴰⵟⵓⵏ-ⴰ ⵢⴻⴱⴷⴰ-ⴷ ⴷⴻⴳ ⵓⵙⵓⴷⴷⵉⵙ ⴰⵏⴰⴷⴷⴰⵍ ⵏ ⵜⴻⵎⴷⵉⵏⵜ ⵏ ⵜⴱⴰⵜⴻⵏⵜ. ⵉⵏⴰⵣⵣⴰⵍⴻⵏ ⵓⵣⵣⵍⴻⵏ ⴷⴻⴳ ⵢⵉⵣⴻⵏⵇⴰⵏ ⵉⵎⴻⵇⵔⴰⵏⴻⵏ ⵏ ⵜⴱⴰⵜⴻⵏⵜ ⴷⴻⴳ ⵢⵉⵡⴻⵏ ⵏ ⵍⵃⴰⵍ ⵢⴻⵍⵀⴰⵏ, ⵙⴰⴽⴽⵉⵏ ⴱⴷⴰⵏ ⵜⴰⵣⵣⵍⴰ ⴷⴻⴳ ⵢⵉⴱⵔⵉⴷⴻⵏ ⵢⴻⴽⴽⴰⵏ ⴳⴰⵔ ⵢⵉⴳⵔⴰⵏ ⵏ ⵜⵡⵉⵍⴰⵢⵜ-ⴰ, ⵢⴻⵔⵏⴰ ⴽⴽⴰⵏ ⵙⴷⴰⵜ ⵓⴷⵔⴰⵔ ⵏ ⴱⵧⵓⵄⴻⵞⵡⴰⵏ (ⵍⵎⴻⴹⵀⴻⵔ) ⴰⵢⵙⴻⴳ ⴰⵢ ⵇⴻⵍⵄⴻⵏ ⵢⵉⵏⴰⴷⴷⴰⵍⴻⵏ ⵏⵉⴹⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵣⴳⴻⵏ ⵏ ⵓⵎⴰⵔⴰⵟⵓⵏ-ⵏⵏⵉ ⴰⵢ ⴷ-ⵢⴻⵍⵍⴰⵏ ⴷⴰⵖ ⴰⵙⵙ-ⵏⵏⵉ.
