ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵓⵔⴰⵔⴻⵏ ⵉⵎⴰⴹⵍⴰⵏⴻⵏ ⵉⵙⴻⵔⴷⴰⵙⵉⵢⴻⵏ ⵏ 2015: ⴳⴰⵉⴷ ⵙⴰⵍⴰⵀ ⵉⵀⴻⵏⵏⴰ ⵜⴰⵖⵍⴰⵎⵜ ⵏ ⵜⵛⵉⵔⵜ ⵏ ⵓⴹⴰⵔ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵊⵉⵏⵉⵕⴰⵍ ⵏ ⵜⴼⴻⴽⴽⴰ ⵏ ⵢⵉⴳⴻⵏ, ⴰⵀⵎⴻⴷ ⴳⴰⵉⴷ ⵙⴰⵍⴰⵀ, ⴰⵏⵎⴰⵣⵓⵍ ⵏ ⵓⵏⴻⵖⵍⴰⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ, ⵉⵖⴻⴼ ⵏ ⵢⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ, ⵢⵓⵣⴻⵏ ⵜⴰⴱⵕⴰⵜ ⵏ ⵓⵀⴻⵏⵏⵉ ⵉ ⵡⴰⴽⴽ ⵉⵎⴰⵔⵉⵔⴻⵏ ⵏ ⵜⴻⵖⵍⴰⵎⵜ ⵜⴰⵙⴻⵔⴷⴰⵙⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ ⵉⵎⵉ ⴷ ⵏⵉⵜⵏⵉ ⴰⵢ ⵉⵔⴻⴱⵃⴻⵏ ⴷⴻⴳ ⵡⵓⵔⴰⵔⴻⵏ ⵉⵎⴰⴹⵍⴰⵏⴻⵏ ⵉⵙⴻⵔⴷⴰⵙⵉⵢⴻⵏ ⴰⵙⵙ ⵏ ⵙⵙⴻⴱⵜ, ⵎⵉ ⵔⵏⴰⵏ ⵜⴰⵖⵍⴰⵎⵜ ⵏ ⵜⵙⴻⵍⵟⵏⴰ ⵏ ⵄⵓⵎⴰⵏ.
« ⵙ ⵜⵓⵎⴻⵔⵜ (ⵍⴼⴻⵕⵃ) ⴰⵔⴰ ⴽⴻⵏ-ⵀⴻⵏⵏⵉⵖ ⵙⴻⴳ ⵡⵓⵍ ⵉⵎⵉ ⴰⵢ ⵜⵔⴻⴱⵃⴻⵎ ⵜⴰⵇⴱⵓⵛⵜ ⵜⴰⵙⴻⵔⴷⴰⵙⵉⵜ ⵏ ⵓⵎⴰⴹⴰⵍ ⴰⵢ ⴷ-ⵢⴻⵍⵍⴰⵏ ⴷⴻⴳ ⴽⵓⵔⵢⴰ ⵏ ⵓⵏⵥⵓⵍ ⴷⴻⴳ ⵜⵓⴱⴻⵕ ⵏ 2015, ⴰⵎ ⵡⴰⴽⴽⴻⵏ ⴰⵢ ⴷ-ⵜⵔⴻⴱⵃⴻⵎ ⵜⴰⵣⴰⵍⵖⵉ (ⵎⵉⴷⴰⵍⵉⵢⵢⴰ) ⵏ ⵡⵓⵔⴻⵖ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴻⴳ ⵜⴻⴱⵕⴰⵜ-ⵏⵏⴻⵙ ⵏ ⵓⵀⴻⵏⵏⵉ.
ⵔⵔⴱⴻⵃ ⵏ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⵜⴰⵙⴻⵔⴷⴰⵙⵉⵜ ⵏ ⵜⵛⵉⵔⵜ ⵏ ⵓⵏⴹⴰⵔ « ⵢⴻⵍⵍⴰ-ⴷ ⴷⴻⴼⴼⵉⵔ ⵢⵉⵡⴻⵏ ⵏ ⵓⵎⴻⵛⵡⴰⵕ ⴷ ⵓⵥⵡⵉⵔ ⴰⵢ ⵢⴻⵜⵜⵡⴰⵅⴻⵜⵎⴻⵏ ⵙ ⵔⵔⴱⴻⵃ ⵢⴻⵔⵏⴰ ⵢⵓⵙⴰ-ⴷ ⴷⴻⴼⴼⵉⵔ ⵔⵔⴱⵓⵃⴰⵜ ⵏ ⵜⴻⵎⵍⵉⵍⵉⵢⵉⵏ ⵏⵉⴹⴻⵏ ⴷⴻⴳ ⵜⴻⵇⴱⵓⵛⵜ-ⴰ ⵏ ⵓⵎⴰⴹⴰⵍ, ⵢⴻⵔⵏⴰ ⴷ ⴰⵢⴰ ⴰⵔⴰ ⵢⴻⴼⴽⴻⵏ ⵉ ⵍⴻⵣⵣⴰⵢⴻⵔ, ⵙ ⵓⵎⴰⵜⴰ, ⴷ ⵢⵉⴳⴻⵏ (ⵍⴵⴰⵢⵛ) ⴰⵖⴻⵍⵏⴰⵡ ⴰⵖⴻⵔⴼⴰⵏ ⵙ ⵍⵅⵓⵚⵓⵚ, ⵜⴰⵇⴱⵓⵛⵜ ⵏ ⵓⵎⴰⴹⴰⵍ ⵜⵉⵙ ⵙⵏⴰⵜ ⴷⴻⴳ ⵓⵎⴻⵣⵔⵓⵢ ⴰⵖⴻⵍⵏⴰⵡ ⴷⴻⴼⴼⵉⵔ ⵜⴻⵇⴱⵓⵛⵜ-ⵏⵏⵉ ⴰⵢ ⴷ-ⵢⴻⵜⵜⵡⴰⵔⴻⴱⵃⴻⵏ ⴷⴻⴳ ⴱⵔⵉⵣⵉⵍ ⴷⴻⴳ 2011 ».
ⵎⴰⵙⵙ ⴳⴰⵉⴷ ⵙⴰⵍⴰⵀ ⵉⵀⴻⵏⵏⴰ ⴷⴰⵖ ⵜⵉⵖⵍⴰⵎⵉⵏ ⵜⵉⵙⴻⵔⴷⴰⵙⵉⵢⵉⵏ ⵏ ⵜⵍⴻⴳⴳⵉⵎⵜ (ⵎⵓⵍⴰⴽⴰⵎⴰ), ⴰⵊⵓⴷⵧ ⴷ ⵜⴰⵜⵍⵉⵜⵉⵜ ⴷ ⵢⵉⵙⵍⴻⵖⵎⴰⵢⴻⵏ-ⵏⵙⴻⵏ (ⵎⵓⴷⴰⵔⵔⵉⴱⵉⵏ) ⵉⵎⵉ ⴰⵢ ⴷ-ⵡⵡⵉⵏⵜ 3 ⵏ ⵜⵣⴰⵍⵖⵉⵡⵉⵏ ⵏ ⵡⵓⵔⴻⵖ, 3 ⵏ ⵜⵣⴰⵍⵖⵉⵡⵉⵏ ⵏ ⵓⵥⵔⴻⴼ ⴷ 2 ⵏ ⵜⵣⴰⵍⵖⵉⵡⵉⵏ ⵏ ⵓⴱⵕⵓⵏⵣ ⴷⴻⴳ ⵡⵓⵔⴰⵔⴻⵏ ⵉⵎⴰⴹⵍⴰⵏⴻⵏ ⵉⵙⴻⵔⴷⴰⵙⵉⵢⴻⵏ ⵏ 2015.
