ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⵙⴻⴱⴷⴻⴷ ⵏ ⵚⵚⵉⵏⴰⵄⴰ ⵏ ⵍⴻⴱⵏⵉ ⴷ ⵢⵉⵡⴻⵏ ⵙⴻⴳ ⵢⵉⵙⵡⴰⵏ ⵉⵎⴻⵇⵔⴰⵏⴻⵏ ⵏ ⵜⵎⵓⵔⵜ
ⵡⴻⵀⵕⴰⵏ – ⵢⴻⵏⵏⴰ-ⴷ ⵓⵎⴰⵔⵓ ⴰⵎⴰⵜⵓ ⵏ ⵓⵖⵍⵉⴼ ⵏ ⵜⵏⴻⵣⴷⵓⵖⵜ, ⵏⴰⵙⵔⴻⴷⴷⵉⵏⴻ ⴰⵣⴻⵎ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵡⴻⵀⵕⴰⵏ ⴷ ⴰⴽⴽⴻⵏ ⴰⵖⵍⵉⴼ-ⴰ ⵍⴰ ⵢⴻⴽⴽⴰⵜ ⴰⴽⴽⴻⵏ ⴰⴷ ⵢⴻⵔⵔ ⵍⴻⴱⵏⵉ ⴷ ⵜⴰⵎⴳⵓⵔⵉ (ⵚⵚⵉⵏⴰⵄⴰ) ⴷⴻⴳ ⵜⵎⵓⵔⵜ ⵏ ⵍⴻⵣⵣⴰⵢⴻⵔ.
« ⵉⵙⵡⵉ-ⵏⵏⴻⵖ ⵏⴻⵜⵜⴰ ⴷ ⵜⵉⵔⵔⵉⵏ ⵏ ⵍⴻⴱⵏⵉ ⴷ ⵜⴰⵎⴳⵓⵔⵉ ⴷⴻⴳ ⵍⴻⵣⵣⴰⵢⴻⵔ ⵙ ⵓⵙⵙⴻⴼⵄⴻⵍ ⵏ ⵡⴰⵀⵉⵍⴻⵏ ⵏ ⵜⵏⴻⵣⴷⵓⵖⵜ ⴷ ⵍⴻⴱⵏⵉ ⵙ ⵓⵇⴰⴷⴻⵔ ⵏ ⵡⴰⴽⵓⴷ ⴰⵢ ⴷ-ⵢⴻⵜⵜⵡⴰⵃⵓⴷⴷⴻⵏ ⵉ ⵡⴰⵏⴻⵛⵜ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴰⵣⴻⵎ ⵉ ⵜⵖⴻⵎⵙⴰ ⴷⴻⴳ ⵢⵉⵊⵉⴼⴻⵕ ⵏ ⵓⵔⵥⴰⵎ ⵏ ⵜⵎⴻⵙⵔⵉⵜ ⵜⴰⴳⵔⴰⵖⵍⴰⵏⵜ ⵜⵉⵙ 6 ⵏ ⵍⴻⴱⵏⵉ ⴷ ⵓⵙⵙⴻⴼⵔⴻⴽ ⴰⵎⴷⵉⵏⴰⵏ ⴷⴻⴳ ⵡⴰⵎⵎⴰⵙ ⵏ ⵢⵉⵎⵜⴰⵡⴰⵢⴻⵏ ⵏ ⵡⴻⵀⵕⴰⵏ (ⵛⵛⵧ).
« ⴰⵙⵙⵉⴷⴻⴼ ⵏ ⵜⴻⵎⴳⵓⵔⵉ ⴷⴻⴳ ⵍⴻⴱⵏⵉ ⴷ ⴰⵢⴻⵏ ⴰⵔⴰ ⴰⵖ-ⵢⴻⴵⴵⴻⵏ ⴰⴷ ⵏⵇⴰⴷⴻⵔ ⴰⴽⵓⴷⴻⵏ ⴰⵢ ⴷ-ⵢⴻⵜⵜⵡⴰⵃⵓⴷⴷⴻⵏ ⵉ ⵡⴰⵀⵉⵍⴻⵏ » ⵢⴻⵔⵏⴰ ⴰⴷ ⴷ-ⵜⴻⵡⵊⴻⴷ ⵜⵏⴻⵣⴷⵓⵖⵜ ⵉ ⵡⵉⴷ ⴰⵔⴰ ⴷ-ⵢⴻⵙⴼⴰⵢⴷⵉⵏ ⵙⴻⴳ-ⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ ⴰⴱⵔⵉⴷ-ⴰ ⵢⴻⵍⵍⴰ ⴼⴻⵍⵍ-ⴰⵙ ⵍⴻⵜⵜⴽⴰⵍ ⵢⴻⵔⵏⴰ ⵢⴻⴹⵎⴻⵏ ⵜⴰⵖⴰⵔⴰ (ⴵⴰⵡⴷⴰ).
ⴰⴽⴽⴻⵏ ⴰⴷ ⵜⴻⵙⵙⵉⵡⴻⴹ ⵜⵎⵓⵔⵜ ⵖⴻⵔ ⵢⵉⵙⵡⵉ-ⴰ, ⵢⴻⵙⵙⴻⵡⵊⴻⴷ-ⴷ ⵓⵖⵍⵉⴼ ⴰⵀⵉⵍ ⴰⵢ ⵢⴻⵜⵜⴳⴻⵏ ⵉⴼⴰⴷⴷⴻⵏ ⵉ ⵢⵉⵎⵙⴻⴼⵜⵉⵢⴻⵏ ⴰⴷ ⴷ-ⵙⴱⴻⴷⴷⴻⵏ ⵜⵉⴽⴻⴱⴱⴰⵏⵉⵢⵉⵏ ⴰⵢ ⵢⴻⵎⵎⵓⵣⵣⴳⴻⵏ (ⵢⴻⵜⵜⵅⴻⵚⵚⴻⵚⴻⵏ) ⴷⴻⴳ ⵓⵅⴷⴰⵎ ⵏ ⵜⵛⴻⵇⵇⵓⴼⵉⵏ ⵏ ⵍⴻⴱⵏⵉ, ⵉⵎⵉ ⴷ ⵍⴻⴱⵏⵉ ⵙ ⵜⵛⴻⵇⵇⵓⴼⵉⵏ ⴰⵢ ⵢⴻⵜⵜⵖⴰⵡⴰⵍⴻⵏ ⵓⴳⴰⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴰⵣⴻⵎ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵏⵏⴰ-ⴷ ⵓⵎⴰⵙⴰⵢ-ⴰ (ⵍⵎⴻⵙ’ⵓⵍ) ⴷ ⴰⴽⴽⴻⵏ ⵉⵎⵉⵔ-ⴰ, 100% ⵙⴻⴳ ⵜⵏⴻⴳⵡⴰ (ⵍⵎⴰⵡⴰⴷⴷ) ⵏ ⵍⴻⴱⵏⵉ ⴰⵢ ⵍⴰ ⵢⴻⵜⵜⵡⴰⵙⵙⴻⵇⴷⴰⵛⴻⵏ ⴷⴻⴳ ⵡⴰⵀⵉⵍⴻⵏ ⵏ ⵓⵡⴰⵏⴰⴽ (ⴷⴷⵓⵍⴰ) ⵜⵜⵡⴰⵅⴻⴷⵎⴻⵏ-ⴷ ⴷⴻⴳ ⵜⵎⵓⵔⵜ ⵏ ⵍⴻⵣⵣⴰⵢⴻⵔ, ⵢⴻⵔⵏⴰ ⵜⴰⵎⵓⵔⵜ ⵜⴻⵙⵄⴰ ⵜⵉⵣⴻⵎⵎⴰⵔ ⴰⴽⴽⴻⵏ ⴰⴷ ⴷ-ⵜⴻⵅⴷⴻⵎ ⵜⵉⵏⴻⴳⵡⴰ ⵏ ⵍⴻⴱⵏⵉ ⴰⵢ ⵢⴻⵃⵡⴰⴵ ⵙⵙⵓⵇ ⴰⵖⴻⵍⵏⴰⵡ.
