ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⵉⴱⵢⴰ: ⵜⵉⵖⵔⵉ ⵏ ⵜⴷⵓⴽⵍⵉ ⵜⵓⵕⵓⴼⵉⵜ ⵉ ⵓⵇⴱⴰⵍ « ⵓⵄⵊⵉⵍ » ⵏ ⵍⵃⵓⴽⵓⵎⴰ ⵏ ⵜⴷⵓⴽⵍⵉ
ⵍⵓⵅⴻⵎⴱⵓⵔⴳ – ⵜⴳⴻⵔ-ⴷ ⵜⴷⵓⴽⵍⵉ ⵜⵓⵕⵓⴼⵉⵜ ⵜⵉⴽⴽⴻⵍⵜ ⵏⵉⴹⴻⵏ ⵜⵉⵖⵔⵉ ⴰⵙⵙ ⵏ ⵍⴻⵜⵏⵉⵢⴻⵏ ⵉ ⵢⵉⴷⵉⵙⴰⵏ ⵉⵍⵉⴱⵉⵢⴻⵏ ⵢⴻⵎⵅⴰⵚⴰⵎⴻⵏ ⴰⴽⴽⴻⵏ ⴰⴷ ⵇⴻⴱⵍⴻⵏ « ⵙ ⵜⵖⴰⵡⵍⴰ » ⴰⵎⵜⴰⵡⴰ (ⵉⵜⵜⵉⴼⴰⵇ) ⴰⵢ ⴷ-ⵙⵙⵓⵎⵔⴻⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ (ⵍⵃⵓⴽⵓⵎⴰ) ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ.
« ⵜⴳⴻⵔ-ⴷ ⵜⴷⵓⴽⵍⵉ ⵜⵓⵕⵓⴼⵉⵜ ⵜⵉⵖⵔⵉ ⵉ ⵡⴰⴽⴽ ⵉⴷⵉⵙⴰⵏ ⵉⵍⵉⴱⵉⵢⴻⵏ ⴰⴽⴽⴻⵏ ⴰⴷ ⵇⴻⴱⵍⴻⵏ ⵙ ⵜⵖⴰⵡⵍⴰ ⵢⴻⵔⵏⴰ ⴰⴷ ⴱⴻⴷⴷⴻⵏ ⵖⴻⵔ ⵢⵉⴷⵉⵙ ⵏ ⵓⵎⵜⴰⵡⴰ-ⴰ ⴰⴽⴽⴻⵏ ⴰⴷ ⵜⴰⵖ ⵍⵉⴱⵢⴰ ⴰⴱⵔⵉⴷ ⵏ ⵜⴰⵍⵡⵉⵜ ⴷ ⵍⴻⵀⵏⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏⵜ ⵜⵎⵓⵔⴰ ⵏ ⵜⴷⵓⴽⵍⵉ ⵜⵓⵕⵓⴼⵉⵜ ⴷⴻⴳ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ) ⵓⵛⵔⵉⴽ. ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵙⵙⵓⵎⵔⴻⵏ-ⴷ (ⵇⵜⴰⵔⵃⴻⵏ-ⴷ) ⴷⴷⵓⵕⵜ ⵢⴻⵣⵔⵉⵏ ⵉⵙⵎⴰⵡⴻⵏ ⵏ ⵓⵏⴻⵖⵍⴰⴼ ⴰⵎⴻⵏⵣⵓ ⴷ ⵢⵉⵏⴻⵖⵍⴰⴼⴻⵏ ⴰⴷ ⵢⴻⵜⵜⴻⴽⴽⵉⵏ ⴷⴻⴳ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⴷⴻⴳ ⵍⵉⴱⵢⴰ, ⵢⴻⵔⵏⴰ ⵡⴰ ⴷ ⴰⵙⵓⵔⵉⴼ ⴰⵎⴻⵣⵡⴰⵔⵓ ⴷⴻⴳ ⵓⵎⵜⴰⵡⴰ-ⴰ ⴰⵢ ⴷ-ⵢⴻⵍⵍⴰⵏ ⵙ ⵍⴻⵎⵛⴰⵡⵕⴰⵜ ⴷ ⵜⵉⵡⴻⵄⵕⴰⵏⵉⵏ ⴰⵢ ⵢⴻⴹⴹⴼⴻⵏ ⴰⵛⵃⴰⵍ ⴷ ⴰⵢⵢⵓⵔ.
ⴰⵎⴰⵣⵓⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴱⴻⵔⵏⴰⵔⴷⵉⵏⵧ ⵍⴻⵧⵏ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵢⴻⵍⵍⴰ-ⴷ ⵓⵎⵙⴻⴼⵀⴰⵎ ⵖⴻⴼ ⵢⵉⵙⴻⵎ ⵏ ⵓⵏⴻⵖⵍⴰⴼ ⴰⵎⴻⵏⵣⵓ ⵢⴻⵔⵏⴰ ⴷ ⴼⴰⵢⴻⵣ ⴻⵍ-ⵙⴰⵔⵔⴰⵊ ⴰⵢ ⵢⴻⵜⵜⵡⴰⴼⴻⵔⵏⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵜⵜⵡⴰⴼⴻⵔⵏⴻⵏ 17 ⵏ ⵢⵉⵏⴻⵖⵍⴰⴼⴻⵏ (ⴳⴰⵔ-ⴰⵙⴻⵏ ⵙⵏⴰⵜ ⵏ ⵜⵍⴰⵡⵉⵏ) ⴷ 3 ⵏ ⵢⵉⵏⵎⴰⵣⵓⵍⴻⵏ (ⵏⵓⵡⵡⴰⴱ) ⵏ ⵓⵏⴻⵖⵍⴰⴼ ⴰⵎⴻⵏⵣⵓ.
ⵍⵉⴱⵢⴰ ⵜⴻⵙⵄⴰ ⵙⵉⵏ ⵏ ⵢⵉⵎⵏⴰⵏ (ⴱⴰⵕⵍⴰⵎⴰⵏⴰⵜ) ⵢⴻⵎⵅⴰⵚⴰⵎⴻⵏ. ⵢⵉⵡⴻⵏ ⵙⴻⴳ-ⵙⴻⵏ ⴰⵜⴰⵏ ⴷⴻⴳ ⵜⴻⵎⴷⵉⵏⵜ ⵏ ⵟⵓⴱⵔⵓⵇ (ⴷⴻⴳ ⵓⴳⵎⵓⴹ) ⵢⴻⵔⵏⴰ ⵙⵜⴻⵄⵕⴼⴻⵏⵜ ⵢⴻⵙ-ⵙ ⵜⵎⵓⵔⴰ ⵏⵉⴹⴻⵏ, ⵎⴰ ⴷ ⵡⴰⵢⴻⴹ ⴰⵜⴰⵏ ⴷⴻⴳ ⵟⵔⴰⴱⵍⴻⵙ (ⵜⴰⵎⴰⵏⴻⵖⵜ) ⵢⴻⵔⵏⴰ ⴰⵜⴰⵏ ⴷⴷⴰⵡ ⵕⵕⴰⵢ ⵏ ⵜⴻⵎⵍⵉⵛⵉⵏ ⵏ ⴼⴰⵊⵔ ⵍⵉⴱⵢⴰ. ⵉⵙⵎⴰⵡⴻⵏ ⵏ ⵢⵉⵎⴹⴻⴱⴱⵔⴻⵏ ⴰⵢ ⴷ-ⵙⵙⵓⵎⵔⴻⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵢⴻⵙⵙⴻⴼⴽ, ⵉⵎⵉⵔ-ⴰ, ⴰⴷ ⵜⴻⵏ-ⵇⴻⴱⵍⴻⵏ ⵢⵉⵎⵏⴰⵏ-ⴰ ⴷⴻⴳ ⵙⵉⵏ ⵢⵉⴷ-ⵙⴻⵏ.
