ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵎ (8) ⵏ ⵢⴻⵎⴷⴰⵏⴻⵏ ⵙⴻⴳ ⵢⵉⵡⴻⵏ ⵓⵥⴻⵟⵟⴰ ⵢⴻⵍⵍⴰⵏ ⴷ ⴰⴼⵓⴷ ⵏ ⵔⵔⴻⴱⵔⴰⴱ ⵜⵜⵡⴰⵟⵟⴼⴻⵏ ⴷⵉ ⵡⴰⵔⴻⴳⵍⴰ

ⵍⴻⵣⵣⴰⵢⴻⵔ- ⵜⴰⵎ (08) ⵉⵄⴻⴳⴳⴰⵍⴻⵏ ⵙⴻⴳ ⵢⵉⵡⴻⵏ ⵓⵥⴻⵟⵟⴰ ⵢⴻⵍⵍⴰⵏ ⴷ ⴰⴼⵓⴷ ⵏ ⵜⵔⴻⴱⴱⵓⵢⴻⵄ ⵜⵉⵔⴻⴱⵔⴰⴱⵉⵏ ⵜⵜⵡⴰⵟⵟⴼⴻⵏ ⴰⵙⵙ ⵏ ⵜⵜⵍⴰⵜⴰ ⵙⵖⵓⵔ ⵢⵉⵡⴻⵜ ⵏ ⵜⴻⵊⵍⵉⴱⵜ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ (ⴰⵏⵒ) ⵢⴻⵇⵇⵏⴻⵏ ⵖⴻⵔ ⵜⴻⵎⵙⵉⴳⴰⵡⵜ ⵏ ⵡⴰⵔⴻⴳⵍⴰ, ⵉⴷ-ⵢⴻⵏⵏⴰ ⵢⵉⵡⴻⵏ ⵏ ⵡⵓⵍⵖⵓ ⵏ ⵡⴻⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ ⴷⴻⴳ ⵡⴰⵙ ⵏ ⵍⴰⵕⴻⴱⵄⴰ.

"ⴷⴻⴳ ⵓⵙⵓⵔⵔⵉⴼ ⵓⵎⴻⵏⵏⵓⵖ ⵎⴳⴰⵍ ⵔⵔⴻⴱⵔⴰⴱ ⵍⴰⴷⵖⴰ ⵙ ⵡⴰⴼⵓⴷ ⵏ ⵉⵙⴰⵍⵍⴻⵏ, ⵢⵉⵡⴻⵜ ⵏ ⵜⴻⵊⵍⵉⴱⵜ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⵢⴻⵇⵇⵏⴻⵏ ⵖⴻⵔ ⵜⴰⵎⴰ ⵜⴰⵎⵙⵉⴳⴰⵡⵜ ⵏ ⵡⴰⵔⴻⴳⵍⴰ ⴷⵉ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⵉⵜ ⵜⵉⵙ ⴽⵓⵥ, ⵜⴻⵟⵟⴻⴼ ⴰⵙⵙ ⵏ 13 ⵜⵓⴱⴻⵔ 2015, ⵜⴰⵎ (08) ⵉⵄⴻⴳⴳⴰⵍⴻⵏ ⵏ ⵢⵉⵡⴻⵏ ⵓⵥⴻⵟⵟⴰ ⵢⴻⵍⵍⴰⵏ ⴷ ⴰⴼⵓⴷ ⵏ ⵜⵔⴻⴱⴱⵓⵢⴰⵄ ⵜⵉⵔⴻⴱⵔⴰⴱⵉⵏ ⴰⵎ ⵡⴰⴽⴻⵏ ⵙⴻⵏ-ⵜⴻⴽⴽⴻⵙ ⵢⵉⵡⴻⵏ ⵓⴽⴰⵎⵢⵓⵏ ⵉ ⵍⵍⴰⵏ ⵙⵙⴰⵅⴷⴰⵎⴻⵏ ⴷⵉ ⵜⵅⴰⵣⴰⴱⵉⵢⵉⵏ-ⵏⵙⴻⵏ", ⵉⴷ-ⵢⴻⵙⵙⴻⴼⵀⴻⵎ ⵡⴻⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ.

ⵙⴻⴳ ⵢⵉⴷⵉⵙ-ⵏⵏⵉⴹⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵄⴻⵙⵙⴰⵙⵜ ⴷ ⵍⴰⵎⴰⵏ ⵏ ⵜⵍⵉⵙⴰ, ⵜⵜⵡⴰⵟⵟⴼⴻⵏ ⴷⴻⴳ ⵓⵏⵥⵓⵍ ⵏ ⵜⵎⵓⵔⵜ "ⵙⵏⴰⵜ ⵏ ⵜⵎⴻⵔⵡⵉⵏ ⴷ ⵜⴰⵎ (28) ⵉⵎⴰⴽⴰⵔⴻⵏ ⵏ ⵜⵎⵓⵔⴰ ⵢⴻⵎⵎⵅⴰⵍⵍⴰⴼⴻⵏ ⴰⴽⴽ ⴷ ⵜⵓⵟⵟⴼⴰ ⵏ ⴽⵓⵥ (04) ⵏ ⵜⴽⴻⵔⵢⴰⵙ ⵉⵍⴻⵃⵃⵓⵏ ⴷⵉ ⵢⴰⴽ ⵉⴱⴻⵔⴷⴰⵏ, ⴽⵓⵥ (04) ⵉⵎⵏⴰⴷⵉⵢⴻⵏ ⵏ ⵡⵓⵣⵣⴰⵍ, ⵙⴻⵎⵎⵓⵙ (05) ⵉⵄⵎⴷⴰⵏ ⵢⴻⵇⵇⴰⵣⴻⵏ, ⵜⴰⵎ (08) ⵏ ⵓⵙⴰⵅⴷⴻⵎ ⵏ ⵜⵔⵉⵙⵉⵜⵉ ⴰⴽⴽ ⴷ ⵜⵉⵍⵉⴼⵓⵏⴰⵜ ⵓⴼⵓⵙ".