ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵜⴻⵊⵕⵉⴱⴰ ⵏ ⴹⴹⵎⴰⵏⴰ ⵏ ⵢⵉⵅⴻⴷⴷⴰⵎⴻⵏ ⴷⴻⴳ ⵍⴻⵣⵣⴰⵢⴻⵔ ⵓⵔ ⵜⴻⵙⵄⵉ ⵜⴰⵎⵜⵉⵍⵜ ⴷⴻⴳ ⵜⵎⵓⵔⴰ ⵜⴰⵄⵕⴰⴱⵉⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵏⵏⴰ-ⴷ ⵜⵏⴰⵔⵉⵜ ⵜⴰⴳⵔⴰⵖⵍⴰⵏⵜ ⵏ ⵓⵅⴻⴷⴷⵉⵎ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷ ⴰⴽⴽⴻⵏ ⵜⵜⴻⵊⵕⵉⴱⴰ ⵜⴰⴷⵣⴰⵢⵔⵉⵜ ⴷⴻⴳ ⴹⴹⵎⴰⵏⴰ ⵜⴰⵏⵎⴻⵜⵜⵉⵜ (ⵉⴵⵜⵉⵎⴰⵄⵉⵢⵢⴰ) ⴷ ⵓⵎⵛⵉⵡⴻⵕ ⴷ ⵙⵙⴰⵏⴷⵉⴽⴰⵜ ⵓⵔ ⵜⴻⵙⵄⵉ ⵜⴰⵎⵜⵉⵍⵜ ⴷⴻⴳ ⵜⵎⵓⵔⴰ ⵜⴰⵄⵕⴰⴱⵉⵏ ⴷ ⵜⴻⴼⵔⵉⵇⵜ.
« ⵜⵜⴻⵊⵕⵉⴱⴰ ⵜⴰⴷⵣⴰⵢⵔⵉⵜ ⴷⴻⴳ ⵓⵃⵓⴷⴷⵓ ⴰⵏⵎⴻⵜⵜⵉ ⴷ ⵓⵎⵛⵉⵡⴻⵕ ⴰⵏⵎⴻⵜⵜⵉ ⵓⵔ ⵢⴻⵙⵄⵉ ⵜⴰⵎⵜⵉⵍⵜ ⵎⴰ ⵏⵇⵓⵔⴻⵏ-ⵉⵜ ⵖⴻⵔ ⵜⵎⵓⵔⴰ ⵜⴰⵄⵕⴰⴱⵉⵏ ⴷ ⵜⴻⴼⵔⵉⵇⵉⵢⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ ⵏ ⵜⵏⴰⵔⵉⵜ ⵜⴰⴳⵔⴰⵖⵍⴰⵏⵜ ⵏ ⵓⵅⴻⴷⴷⵉⵎ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵎⵧⵀⴰⵎⴻⴷ ⴰⵍⵉ ⴷⴻⵢⴰⵀⵉ, ⴷⴻⴳ ⵓⵙⴰⵔⴰⴳ ⴰⵎⵏⴰⴹⴰⵏ (ⵉⵇⵍⵉⵎⵉ) ⵏ ⵓⵎⵄⴰⵡⴻⵏ ⴰⵏⵥⵓⵍ-ⴰⵏⵥⵓⵍ ⴷⴻⴳ ⵓⵏⵔⴰⵔ ⵏ ⴹⴹⵎⴰⵏⴰ ⵏ ⵢⵉⵅⴻⴷⴷⴰⵎⴻⵏ.
ⵎⴰⵙⵙ ⴷⴻⵢⴰⵀⵉ ⵢⴻⵔⵏⴰ-ⴷ ⴷ ⴰⴽⴽⴻⵏ ⵍⴻⵣⵣⴰⵢⴻⵔ ⵜⴳⴰ-ⴷ ⵉⴳⵎⴰⴹ ⵢⴻⵍⵀⴰⵏ ⴷⴻⴳ ⵓⵏⵔⴰⵔ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴹⴹⵎⴰⵏⴰ ⵏ ⵢⵉⵅⴻⴷⴷⴰⵎⴻⵏ ⴷ ⵜⵡⴰⵛⵓⵍⵉⵏ, ⵢⴻⵔⵏⴰ « ⴰⵃⵓⴷⴷⵓ ⴰⵏⵎⴻⵜⵜⵉ ⴷ ⵢⵉⵡⴻⵏ ⵙⴻⴳ ⵍⵍⵙⵉⵙⴰⵏ ⴰⵢⵖⴻⴼ ⴰⴷ ⵜⴻⵜⵜⵡⴰⴱⵏⵓ ⵜⵎⴻⵜⵜⵉ ⵜⵓⵖⴷⵉⵎⵜ (ⵄⴰⴷⵉⵍⴰ) ⵢⴻⵔⵏⴰ ⴷ ⵜⴰⵎⵏⴻⴽⵏⴰⵢⵜ (ⵎⵓⵜⴰⵡⴰⵣⵉⵏⴰ) ».
ⴰⵃⵓⴷⴷⵓ ⴰⵖⴰⵔⵉⵎ « ⴷ ⴰⵍⵍⴰⵍ ⵙ ⵡⴰⵣⴰⵍ-ⵏⵏⴻⵙ ⴷⴻⴳ ⵓⵙⵙⴻⵏⵇⴻⵙ ⵏ ⵍⴻⵅⵚⴰⵚ ⴷ ⵜⴻⵔⴳⴰⴷⴷⴰ (ⵄⴰⴷⴰⵎ ⵍⵎⵓⵙⴰⵡⴰⵜ), ⵢⴻⵔⵏⴰ ⵢⴻⵙⴷⵓⵇⵇⵓⵙ-ⴷ ⴰⵏⵏⴻⵔⵏⵉ ⴰⵢⴷⴻⴳ ⴰⴷ ⵜⵜⴻⴽⴽⵉⵏ ⴰⴽⴽ ⵎⴻⴷⴷⴻⵏ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⵍⵀⴰⵢ ⵜⴰⴷⴰⵡⵙⴰ (ⵚⵚⵉⵃⵃⴰ) ⴷ ⵜⴻⵣⵎⴻⵔⵜ ⵏ ⵢⵉⵎⴷⴰⵏⴻⵏ ⵓⴹⵄⵉⴼⴻⵏ ⴰⴽⴽⴻⵏ ⴰⴷ ⵜⵜⴻⴽⴽⵉⵏ ⵙ ⵜⵉⴷⴻⵜ ⴷⴻⴳ ⵜⵓⴽⵛⵉ ⵏ ⵍⵖⴻⵍⵍⴰ ⴷ ⵓⵙⵏⴻⴼⵍⵉ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵎⴰⵙⵙ ⴷⴻⵢⴰⵀⵉ ⵢⴻⵛⴽⴻⵕ-ⴷ « ⴰⵄⴻⵡⵡⴻⵍ » ⵏ ⵍⴻⵣⵣⴰⵢⴻⵔ ⴰⴽⴽⴻⵏ ⴰⴷ ⴷ-ⵜⴻⴱⵏⵓ ⵜⴰⴷⴰⵎⵙⴰ ⵏ ⵜⴻⵎⵙⴻⵜⵍⴻⵍⵜ (ⵜⴰⴹⴰⵎⵓⵏ) ⴷ ⵓⵙⵏⵓⵍⴼⵓ ⵏ ⵓⵅⴻⴷⴷⵉⵎ ⴰⵢ ⵜⴻⵔⵔⴰ ⵍⴻⵣⵣⴰⵢⴻⵔ ⴷ ⵛⵛⴻⵔⴹ ⵙ ⵡⴰⵣⴰⵍ-ⵏⵏⴻⵙ ⴷⴻⴳ ⵓⵙⵏⴻⴼⵍⵉ ⴰⵎⴰⵜⵓ ⴰⴷ ⵉⴷⵓⵎⴻⵏ.
