ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵟⵟⴰⵍⵢⴰⵏ ⵜⴻⴼⴽⴰ-ⴷ 200.000 ⵏ ⵡⵓⵕⵓⵜⴻⵏ ⵉ ⵢⵉⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⴼⴽⴰ ⵓⵎⵢⴰⵍⴻⵍ (ⵜⴰⵄⴰⵡⵓⵏ) ⴰⵟⴰⵍⵢⴰⵏⵉ 200.000 ⵏ ⵡⵓⵕⵓⵜⴻⵏ ⵉ ⵓⵙⴻⵇⵇⴰⵎⵓ ⵓⵏⵏⵉⴳ ⵏ ⵢⵉⵣⵔⴰⵣⴰⵖⴻⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵍⴼⴰⵢⴷⴰ ⵏ ⵢⵉⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ ⴰⵢ ⵉⵃⵓⵣⴰ ⵓⴳⴻⴼⴼⵓⵔ ⵏ ⵡⵓⵙⵙⴰⵏ-ⴰ ⵉⵏⴻⴳⴳⵓⵔⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵎⴰⵀⴻⵍⵜ (ⵙⴰⴼⴰⵔⴰ) ⵏ ⵟⵟⴰⵍⵢⴰⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷⴻⴳ ⵢⵉⵡⴻⵏ ⵏ ⵍⴱⴰⵢⴰⵏ ⴰⵢ ⴷ-ⵢⴻⵡⵡⴹⴻⵏ ⵖⴻⵔ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.

« ⴰⵎⵢⴰⵍⴻⵍ ⴰⵟⴰⵍⵢⴰⵏⵉ ⵢⴻⴼⴽⴰ ⵉⵏ ⵓⵙⴻⵇⵇⴰⵎⵓ ⵓⵏⵏⵉⴳ ⵏ ⵢⵉⵣⵔⴰⵣⴰⵖⴻⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵍⴻⵎⵄⴰⵡⵏⴰ ⵜⴰⵡⵉⵣⵉⵜ ⵜⵓⵄⵊⵉⵍⵜ ⵏ 200.000 ⵏ ⵡⵓⵕⵓⵜⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵎⴰⵀⴻⵍⵜ ⵜⴰⵟⴰⵍⵢⴰⵏⵉⵜ.

ⴰⵄⴰⵡⴻⵏ-ⴰ ⴰⵟⴰⵍⵢⴰⵏⵉ ⵢⴻⵍⵍⴰ-ⴷ ⵉ ⵍⵎⴻⵏⴷ ⵏ ⵓⵄⴰⵡⴻⵏ « ⵡⴰⵔ ⵍⴻⵄⴹⵉⵍ » ⴷⴻⴳ ⵓⵚⴻⴳⴳⴻⵎ ⵏ ⵢⵉⵎⴰⵣⵉⵔⴻⵏ ⵏ ⵢⵉⵣⵔⴰⵣⴰⵖⴻⵏ, ⴷ ⵛⵛⵖⴻⵍ ⴰⵢ ⵢⴻⴱⴷⴰ ⵢⴰⴳⵉ ⵢⴻⵜⵜⴻⴳ-ⵉⵜ ⵓⵙⴻⵇⵇⴰⵎⵓ ⵓⵏⵏⵉⴳ ⵏ ⵢⵉⵣⵔⴰⵣⴰⵖⴻⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.

ⵜⴰⵎⵙⴻⵜⵍⴻⵍⵜ-ⴰ (ⵜⴰⴹⴰⵎⵓⵏ) ⵜⴻⵍⵍⴰ-ⴷ ⴷⴻⴼⴼⵉⵔ ⵎⴰ ⵏⴹⴻⵔⵔⴻⵏ ⵢⵉⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ ⵏ ⵜⴻⵎⵏⴰⴹⵜ ⵏ ⵜⵉⵏⴷⵓⴼ ⵙⴻⴳ ⵓⴳⴻⴼⴼⵓⵔ ⵏ ⵡⵓⵙⵙⴰⵏ-ⴰ ⵉⵏⴻⴳⴳⵓⵔⴰ ⴰⵢ ⴷ-ⵢⴻⴵⴵⴰⵏ ⵉⵅⴻⵚⵚⴰⵔⴻⵏ ⴷ ⵉⵎⴻⵇⵔⴰⵏⴻⵏ ⴷⴻⴳ ⵢⵉⵎⴰⵣⵉⵔⴻⵏ ⴰⵢⴷⴻⴳ ⵣⴻⴷⵖⴻⵏ.

ⵖⴻⴼ ⵍⴻⵃⵙⴰⴱ ⵏ ⵓⵍⵖⵓ-ⴰ (ⴱⴰⵢⴰⵏ), ⵍⴻⵎⵄⴰⵡⵏⴰ ⵜⴰⵟⴰⵍⵢⴰⵏⵉⵜ ⵜⴻⵍⵍⴰ-ⴷ « ⵉ ⵓⵙⵙⵉⵡⴻⴹ ⵓⵄⵊⵉⵍ ⵏ ⵜⵖⴰⵡⵙⵉⵡⵉⵏ ⴰⵢ ⵃⵡⴰⴵⴻⵏ ⵙ ⵜⵖⴰⵡⵍⴰ ⴷ ⵡⴰⵎⴰⵏ ».