ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⵙⴻⵏⴳⴻⵔ ⵏ ⵔⵔⴻⴱⵔⴰⴱ ⴷⴻⴳ ⵙⵓⵔⵢⴰ ⴰⴷ ⵉⵃⵓⴷⴷ ⵜⵉⵎⵓⵔⴰ ⵏⵉⴹⴻⵏ ⵙⴻⴳ ⵓⵅⴻⵚⵚⴰⵔ-ⴰ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵉⵄⴻⵢⵢⴻⵏ-ⴷ ⵓⵙⴻⵍⵡⴰⵢ ⴰⵙⵓⵔⵉ, ⴱⴰⵛⵀⴰⵔ ⴰⵍ-ⴰⵙⵙⴰⴷ, ⵉ ⵜⵎⵓⵔⴰ ⵏ ⵍⴻⴵⵏⴰⵙ ⴷ ⴰⴽⴽⴻⵏ ⴰⵍⴰ ⵜⵉⵎⴻⵔⵏⵉⵡⵜ ⵏ ⵔⵔⴻⴱⵔⴰⴱ ⴷⴻⴳ ⵜⵎⵓⵔⵜ-ⵏⵏⴻⵙ ⴰⴷ ⵉⵣⴻⵎⵔⴻⵏ ⴰⴷ ⵜⵃⵓⴷⴷ ⵜⵉⵎⵓⵔⴰ ⵏⵉⴹⴻⵏ ⵙⴻⴳ ⵓⵅⴻⵚⵚⴰⵔ-ⴰ ⵢⴻⵔⵏⴰ ⴰⴷ ⵢⴻⴼⵔⵓ ⵜⴰⵍⵓⴼⵜ ⵏ ⵙⵓⵔⵢⴰ ⵙ ⵓⴱⵔⵉⴷ ⴰⵙⴻⵔⵜⵉ.
« ⵜⵉⵎⴻⵔⵏⵉⵡⵜ ⵏ ⵔⵔⴻⴱⵔⴰⴱ ⵎⴰⵛⵉ ⴰⵍⴰ ⴷ ⵙⵓⵔⵢⴰ ⴰⴷ ⵉⵃⵓⴷⴷ, ⵡⴰⵏⴰⴳ ⴰⴽⴽ ⵜⵉⵎⵓⵔⴰ ⵏⵉⴹⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⴰⵙⵓⵔⵉ ⵎⵉ ⵢⴻⵎⵎⵉⴳⴻⵔ ⵢⵉⵡⴻⵜ ⵏ ⵜⵎⴰⴳⵍⴰ (ⵡⴰⴼⴷ) ⵏ ⵢⵉⵡⴰⵎⵏⵉⵢⴻⵏ ⵉⵔⵓⵙⵉⵢⴻⵏ ⴰⵙⵙ ⵏ ⵍⵃⴻⴷⴷ ⴷⴻⴳ ⴷⵉⵎⴻⵛⵇ.
ⵉ ⵍⵎⴻⵏⴷ ⵏ ⴼⴻⵔⵔⵓ ⵏ ⵜⴰⵍⵓⴼⵜ ⵜⴰⵙⵓⵔⵉⵜ, ⵢⴻⵏⵏⴰ-ⴷ ⴰⵍ-ⴰⵙⵙⴰⴷ ⴷ ⴰⴽⴽⴻⵏ ⴰⴷ ⴷ-ⵉⵍⵉⵏⵜ ⵜⴻⴼⵔⴰⵏⵉⵏ ⵉⵔⴻⵥⵎⴻⵏ ⴰⵢⴷⴻⴳ ⴰⴷ ⵜⵜⴻⴽⴽⵉⵏ ⴰⴽⴽ ⵢⵉⵖⴰⵍⵍⴻⵏ ⵉⵙⴻⵔⵜⵉⵢⴻⵏ ⵏ ⵜⵎⵓⵔⵜ.
ⵎⴰⵙⵙ ⴰⵍ-ⴰⵙⵙⴰⴷ « ⵢⴻⵡⵊⴻⴷ ⴰⴷ ⵢⴻⵙⵙⵓⴷⴷⴻⵙ ⵜⵉⴼⵔⴰⵏⵉⵏ ⵙ ⵓⵜⵜⴻⴽⴽⵉ ⵏ ⵡⴰⴽⴽ ⵉⵖⴰⵍⵍⴻⵏ ⵉⵙⴻⵔⵜⵉⵢⴻⵏ ⴰⵢ ⵢⴻⴱⵖⴰⵏ ⴰⴷ ⵜⵀⴻⵏⵏⵉ ⵙⵓⵔⵢⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵍⴻⵅⴰⵏⴷⵔⴻ ⵉⵧⵓⵛⵀⵜⵛⵀⴻⵏⴽⵧ, ⵢⵉⵡⴻⵏ ⵙⴻⴳ ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ ⵜⵎⴰⴳⵍⴰ-ⵏⵏⵉ ⵜⴰⵔⵓⵙⵉⵜ ⴰⵢ ⵢⴻⵎⵎⵓⴳⴻⵔ ⵓⵙⴻⵍⵡⴰⵢ ⴰⵙⵓⵔⵉ.
« ⵜⵉⴼⵔⴰⵏⵉⵏ-ⴰ ⵓⵔ ⵣⴻⵎⵎⵔⴻⵏⵜ ⴰⵔⴰ ⴰⴷ ⴷ-ⵉⵍⵉⵏⵜ ⴰⵔⵎⴰ ⵜⴻⵜⵜⵡⴰⵙⵍⴻⵍⵍⵉ ⵙⵓⵔⵢⴰ [ⵙⴻⴳ ⵜⴻⴳⵔⴰⵡⵜ ⵜⴰⵔⴻⴱⵔⴰⴱⵜ ⴰⵢ ⵉⵙⴻⵎⵎⴰⵏ ⵉ ⵢⵉⵎⴰⵏ-ⵏⵏⴻⵙ ⴰⵡⴰⵏⴰⴽ ⵉⵙⵍⴰⵎⴰⵏ/ⴷⴰⵄⴻⵛ], ⵢⴻⵔⵏⴰ ⵎⴰⵙⵙ ⴰⵍ-ⴰⵙⵙⴰⴷ ⵢⴻⵙⵙⴻⴼⵔⴰⵢ ⴰⴷ ⵢⴻⵜⵜⴻⴽⴽⵉ ⴷⴻⴳ-ⵙⴻⵏⵜ ⵎⴰ ⵓⵔ ⵢⵓⴳⵉ ⴰⵔⴰ ⵓⵖⵔⴻⴼ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵉⵧⵓⵛⵀⵜⵛⵀⴻⵏⴽⵧ.
ⴰⵙⴻⵍⵡⴰⵢ ⴰⵙⵓⵔⵉ ⵢⴻⵜⵜⵡⴰⵍⵉ ⴷ ⴰⴽⴽⴻⵏ ⵜⵉⴼⵔⴰⵜ-ⴰ « ⴰⴷ ⵜⴻⵃⵔⴻⵣ ⵜⴰⵏⴰⵢⴰ (ⵙⵉⵢⴰⴷⴰ) ⵏ ⵜⵎⵓⵔⵜ-ⵏⵏⴻⵙ, ⴰⵣⴰⵔⵓⴳ-ⵏⵏⴻⵙ ⴷ ⵜⵓⵎⵎⴷⴰ ⵏ ⵡⴰⴽⴰⵍ-ⵏⵏⴻⵙ ». ⵜⵉⵔⵣⵉ ⵏ ⵜⵎⴰⴳⵍⴰ-ⴰ ⵜⴰⵙⵓⵔⵉⵜ ⵖⴻⴼ ⴷⵉⵎⴻⵛⵇ ⵜⴻⵍⵍⴰ-ⴷ 5 ⵏ ⵡⵓⵙⵙⴰⵏ ⴷⴻⴼⴼⵉⵔ ⵜⴻⵔⵣⵉ ⵏ ⵎⴰⵙⵙ ⴰⵍ-ⴰⵙⵙⴰⴷ ⵖⴻⴼ ⵎⵓⵙⴽⵓ.
