ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵎⵏⴰⴷⵉⵢⴻⵏ ⵉⴱⵔⵉⵟⴰⵏⵉⵢⴻⵏ ⵡⵜⴻⵏ-ⴷ ⴷⴻⴳ ⵓⵔⴽⴰⴹ ⵏ ⵢⵉⵣⴻⵔⴼⴰⵏ ⵏ ⵢⵉⴼⴰⵍⴻⵙⵟⵉⵏⵉⵢⴻⵏ
ⵍⵓⵏⴷⵓⵏ – ⵓⴳⴰⵔ ⵏ 340 ⵏ ⵢⵉⵎⵏⴰⴷⵉⵢⴻⵏ ⵉⵙⴷⴰⵡⴰⵏⴻⵏ ⵉⴱⵔⵉⵟⴰⵏⵉⵢⴻⵏ ⴰⵢ ⵉⴱⴻⴷⴷⴻⵏ, ⴰⵙⵙ ⵏ ⵜⵜⵍⴰⵜⴰ, ⵖⴻⵔ ⵢⵉⴷⵉⵙ ⵏ ⵢⵉⵎⴻⵏⵖⵉ ⴰⴼⴰⵍⴻⵙⵟⵉⵏⵉ ⵙ ⵓⵖⴰⵏⵣⵓ ⵏ ⵜⴻⵙⴷⴰⵡⵉⵢⵉⵏ ⵜⵉⵙⵕⴰⵢⵉⵍⵉⵢⵉⵏ ⴰⴽⴽⴻⵏ ⴰⴷ ⵢⵉⵍⵉ ⵡⴰⵢⴰ ⴷ ⵜⴰⵎⴻⵙⴱⴰⵏⵉⵜ ⵎⴳⴰⵍ « ⵓⵔⴽⴰⴹ ⵓⵔ ⵢⴻⵜⵜⵡⴰⵃⵎⴰⵍⴻⵏ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵏ ⵡⴰⴽⴽ ⴰⵖⵔⴻⴼ ⴰⴼⴰⵍⴻⵙⵟⵉⵏⵉ ».
« ⵙ ⵢⵉⵙⴻⵎ-ⵏⵏⴻⵖ, ⴷ ⵉⵎⵏⴰⴷⵉⵢⴻⵏ ⵉⵛⵔⵉⴽⴻⵏ ⴷ ⵜⴻⵙⴷⴰⵡⵉⵢⵉⵏ ⵜⵉⴱⵔⵉⵟⴰⵏⵉⵢⵉⵏ, ⵜⵛⴻⵡⵡⴻⵍ-ⴰⵖ ⵙ ⵜⴻⵍⵇⴻⵢ ⵜⵓⴹⴹⴼⴰ ⵜⵉⵙⵕⴰⵢⵉⵍⵉⵜ ⵢⴻⴼⴼⵖⴻⵏ ⵉ ⵍⵇⴰⵏⵓⵏ ⴷⴻⴳ ⵢⵉⴽⴰⵍⴻⵏ ⵉⴼⴰⵍⴻⵙⵟⵉⵏⵉⵢⴻⵏ, ⴰⵔⴽⴰⴹ ⵓⵔ ⵢⴻⵜⵜⵡⴰⵃⵎⴰⵍⴻⵏ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵏ ⵡⴰⴽⴽ ⴰⵖⵔⴻⴼ ⴰⴼⴰⵍⴻⵙⵟⵉⵏⵉ ⴷ ⵓⴳⴳⴰⵎⵉ ⵏ ⵜⵉⴼⵔⴰⵜ (ⵙⵖⵓⵔ ⵉⵚⵔⴰⵢⵉⵍ) » ⵖⴻⴼ ⵡⴰⴽⴽⴻⵏ ⴰⵢ ⴷ-ⵓⵔⴰⵏ 343 ⵏ ⵢⵉⵙⴷⴰⴰⵏⴻⵏ ⴷⴻⴳ ⵢⵉⵡⴻⵜ ⵏ ⵜⴻⴱⵕⴰⵜ ⵉⵔⴻⵥⵎⴻⵏ ⴰⵢ ⴷ-ⵢⴻⴼⴼⵖⴻⵏ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵓⵖⵎⵉⵙ ⵏ ⵜⵀⴻ ⴳⵓⴰⵔⴷⵉⴰⵏ.
« ⵙ ⵜⵔⵉⵔⵉⵜ ⵉ ⵜⴻⵖⵔⵉ ⴰⵢ ⴷ-ⵜⴳⴻⵔ ⵜⵎⴻⵜⵜⵉ ⵜⴰⵖⴰⵔⵉⵎⵜ ⵜⴰⴼⴰⵍⴻⵙⵟⵉⵏⵉⵜ, ⴰⴷ ⴷ-ⵏⵉⵏⵉ, ⵉⵀⵉ, ⴷ ⴰⴽⴽⴻⵏ ⵓⵔ ⵏⵇⴻⴱⴱⴻⵍ ⴰⵔⴰ ⵉⵏⴻⵄⵔⵓⴹⴻⵏ ⵏ ⵜⵙⵓⴷⴰ ⵜⵉⵙⴷⴰⵡⴰⵏⵉⵏ ⵜⵉⵙⵕⴰⵢⵉⵍⵉⵢⵉⵏ (…) ⵢⴻⵔⵏⴰ ⵓⵔ ⵏⴻⵜⵜⴻⴽⴽⴰⵢ ⴰⵔⴰ ⴷⴻⴳ ⵢⵉⵙⴰⵔⴰⴳⴻⵏ ⴰⵢ ⴷ-ⵢⴻⵡⵡⵉⵏ ⵉⴷⵔⵉⵎⴻⵏ ⵙⵖⵓⵔ-ⵙⴻⵏⵜ, ⴳⴰⵏⵜ-ⵜⴻⵏ ⵜⵙⵓⴷⴰ-ⴰ ⵏⴻⵖ ⴷ ⵍⵍⴰⵏ-ⴷ ⴷⴷⴰⵡ ⵍⴻⵄⵏⴰⵢⴰ-ⵏⵙⴻⵏⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ.
ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵢⵉⵙⴷⴰⵡⴰⵏⴻⵏ ⴰⵢ ⵢⴻⵙⵜⴻⵏⵢⴰⵏ ⵜⴰⴱⵕⴰⵜ-ⴰ ⵅⴻⴷⴷⵎⴻⵏ ⴷⴻⴳ ⴽⵔⴰ ⵙⴻⴳ ⵜⴻⵙⴷⴰⵡⵉⵢⵉⵏ ⵢⴻⵙⵄⴰⵏ ⵛⵛⵉⵄⴰ ⵜⴰⵎⴻⵇⵔⴰⵏⵜ ⴰⴽⴽ ⴷⴻⴳ ⴱⵔⵉⵟⴰⵏⵢⴰ ⵜⴰⵎⴻⵇⵔⴰⵏⵜ ⴰⵎ ⵜⵉⵏ ⵏ ⵧⵅⴼⵧⵔⴷ, ⵛⴰⵎⴱⵔⵉⴷⴳⴻ, ⵍⴻⵙ ⴷ ⵓⵛⵍ.
« ⴰⵖⴰⵏⵣⵓ-ⴰ ⴷ ⵛⵛⵖⴻⵍ ⴰⵎⴻⵥⵢⴰⵏ ⴰⴽⴽⴻⵏ ⴰⴷ ⴷ-ⵏⵉⵏⵉ ⵜⴰⵖⴰⵡⵙⴰ ⴷ ⵜⴰⵎⴻⵇⵔⴰⵏⵜ: ⵢⴻⵙⵙⴻⴼⴽ ⴰⴷ ⴷ-ⵜⵉⵍⵉ ⵜⴳⴰⴷⴷⴰ (ⵎⵓⵙⴰⵡⴰⵜ) ⴷ ⵜⴻⵖⴷⴻⵎⵜ ⵙ ⵜⵉⴷⴻⵜ, ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵇⴰⴷⴻⵔ ⵍⵇⴰⵏⵓⵏ ⴰⴳⵔⴰⵖⵍⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵙⴻⴳ ⵡⵉⴷ ⵢⴻⵙⵜⴻⵏⵢⴰⵏ, ⴰⵒⵕⵓⴼⵉⵙⵓⵔ ⵛⵧⵏⵧⵔ ⴳⴻⴰⵔⵜⵢ ⵏ ⵍⵙⴻ.
ⵓⴳⴰⵔ ⵏ 1000 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⴹⴹⴼⴻⵏ ⵢⵉⵙⴻⵔⴷⴰⵙⴻⵏ ⵏ ⵜⵓⴹⴹⴼⴰ ⵜⵉⵙⵕⴰⵢⵉⵍⵉⵜ ⵙⴻⴳ ⵡⴰⵙⵎⵉ ⴰⵢ ⴷ-ⵢⴻⴱⴷⴰ, ⴷⴻⴳ ⵜⴻⵣⵡⴰⵔⴰ ⵏ ⵜⵓⴱⴻⵕ, ⵛⵛⵡⴰⵍ ⴷ ⴰⵎⴻⵇⵔⴰⵏ ⴷⴻⴳ ⵓⴳⴻⵎⵎⴰⴹ ⵓⵜⵔⵉⵎ, ⵍⵇⵓⴷⵙ ⴷ Ɣⴻⵣⵣⴰ, ⴷ ⵡⵉⵏ ⴰⵢⴷⴻⴳ ⵎⵎⵓⵜⴻⵏ ⵓⴳⴰⵔ ⵏ 50 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ.
