ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵎⴰⵍⵉ: ⵜⴻⵜⵜⵡⴰⴽⴽⴻⵙ ⵜⴻⵎⵏⴰⴹⵜ ⵏ ⵍⴰⵎⴰⵏ ⴰⵢ ⴷ-ⵢⴻⵣⵣⵉⵏ ⵖⴻⴼ ⵜⴻⵎⴷⵉⵏⵜ ⵏ ⴽⵉⴷⴰⵍ

ⴱⴰⵎⴰⴽⵓ – ⵜⴻⵏⵏⴰ-ⴷ ⵜⵓⵖⴷⴰⴹⵜ ⵏ ⵜⴰⵍⵡⵉⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵎⴰⵍⵉ (ⵎⵉⵏⵓⵙⵎⴰ) ⴷ ⴰⴽⴽⴻⵏ ⵜⴻⴽⴽⴻⵙ ⵜⴰⵎⵏⴰⴹⵜ-ⵏⵏⵉ ⵏ ⵜⵖⴻⵍⵍⵉⵙⵜ (ⴰⵎⵏ) ⵏ 20 ⵏ ⵢⵉⴽⵉⵍⵓⵎⵉⵜⵕⴻⵏ ⴰⵢ ⴷ-ⵢⴻⵣⵣⵉⵏ ⵖⴻⴼ ⵜⴻⵎⴷⵉⵏⵜ ⵏ ⴽⵉⴷⴰⵍ, ⴷⴻⴳ ⵎⴰⵍⵉ. ⵉ ⵓⵙⵎⴻⴽⵜⵉ, ⵜⴰⵎⵏⴰⴹⵜ-ⴰ ⵏ ⵜⵖⴻⵍⵍⵉⵙⵜ ⵙⴱⴻⴷⴷⴻⵏ-ⵜⵜ-ⵉⴷ ⴷⴻⴳ Ɣⵓⵛⵜ ⵢⴻⵣⵔⵉⵏ, ⵎⵉ ⵏⵏⵓⵖⴻⵏⵜ ⴳⴰⵔ-ⴰⵙⴻⵏⵜ ⴽⵔⴰ ⵏ ⵜⴻⴳⵔⴰⵡⵉⵏ ⵜⵉⵎⵙⴻⵍⵍⵃⵉⵏ ⵢⴻⵎⵅⴰⵚⴰⵎⴻⵏ.

« ⵕⵕⴰⵢ-ⴰ ⵎⵙⴻⴼⵀⴰⵎⴻⵏ ⴼⴻⵍⵍ-ⴰⵙ ⵢⵉⴷⵉⵙⴰⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵎⵜⴰⵡⴰ (ⵉⵜⵜⵉⴼⴰⵇ) ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴷⴻⴳ ⵎⴰⵍⵉ ⴷⴻⴼⴼⵉⵔ ⵜⴻⵎⵍⵉⵍⵉⵜ ⵜⴰⵜⴻⴽⵏⵉⵜ ⵏ ⵜⵖⴻⵍⵍⵉⵙⵜ ⴰⵢ ⴷ-ⵢⴻⵍⵍⴰⵏ ⵓⵙⵙⴰⵏ ⵏ 22 ⴷ 23 ⵜⵓⴱⴻⵕ ⴷⴻⴳ ⴱⴰⵎⴰⴽⵧ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵎⵉⵏⵓⵙⵎⴰ ⴷⴻⴳ ⵢⵉⵡⴻⵏ ⵏ ⵍⴱⴰⵢⴰⵏ ⴰⵢ ⴷ-ⵢⴻⴼⴼⵖⴻⵏ ⵙⴻⴳ ⵎⴻⵍⵎⵉ ⴽⴰⵏ.

« ⵜⴰⵖⵜⴰⵙⵜ-ⴰ (ⵇⴰⵔⴰⵔ) ⵢⴻⵍⵍⴰ-ⴷ ⴷⴻⴼⴼⵉⵔ ⵎⴰ ⴷⴷⴰⵏⵜ ⵖⴻⵔ ⵙⴷⴰⵜ ⵍⴻⵎⵛⴰⵡⵕⴰⵜ ⴷⴻⴳ ⴰⵏⴻⴼⵉⵙ, ⴳⴰⵔ ⵜⴻⴳⵔⴰⵡⵉⵏ ⵜⵉⵎⵙⴻⵍⵍⵃⵉⵏ ⵏ ⵓⴳⴰⴼⴰ (ⵜⴰⵙⴻⵎⵢⵓⴷⴷⴻⵙⵜ ⵏ ⵓⵣⴰⵡⴰⴷ ⴷ ⵜⵖⴻⵔⵖⴻⵔⵜ) ⴰⵢ ⴷ-ⵢⴻⵏⵏⴰⵏ ⴷ ⴰⴽⴽⴻⵏ ⴼⵔⴰⵏ ⵉⵎⴳⴻⵔⵔⴰⴷⴻⵏ-ⵏⵙⴻⵏ ⵉⵙⴻⵔⵜⵉⵢⴻⵏ ⴷ ⵢⵉⵙⴻⵔⴷⴰⵙⴰⵏⴻⵏ ».

ⵎⵉⵏⵓⵙⵎⴰ ⵜⴻⵏⵏⴰ-ⴷ ⴷⴰⵖ ⴷ ⴰⴽⴽⴻⵏ « ⴷⴻⴳ ⵜⴻⵎⵍⵉⵍⵉⵜ ⵏ ⴱⴰⵎⴰⴽⵧ, ⴰⴽⴽ ⵉⴷⵉⵙⴰⵏ ⵙⵙⴻⴽⵏⴻⵏ-ⴷ ⵍⴻⴱⵖⵉ-ⵏⵙⴻⵏ ⴰⴽⴽⴻⵏ ⴰⴷ ⴷ-ⴰⴼⴻⵏ ⵜⵉⴼⵔⴰⵜⵉⵏ ⴷ ⵜⵓⵛⵔⵉⴽⵉⵏ ⵉ ⵜⴻⵎⵙⴰⵍ ⴰⵢ ⴷ-ⵢⴻⵍⵍⴰⵏ ⴷⴻⴳ ⵍⴻⵎⵛⴰⵡⵕⴰⵜ ⴰⵢ ⴷ-ⵢⴻⵍⵍⴰⵏ ⵙⴻⴳ ⵡⵓⵍ ⵉ ⵍⵎⴻⵏⴷ ⵏ ⵍⴻⴱⵏⵉ ⵏ ⵡⴰⵢⴻⵏ ⴰⴷ ⴷ-ⵢⴰⵡⵉⵏ ⵏⵏⴼⴻⵄ », ⵢⴻⵔⵏⴰ « ⵜⴻⵍⵍⴰ-ⴷ ⴷⴰⵖ ⵜⵉⴷⴷⵉⵜ ⵖⴻⵔ ⵙⴷⴰⵜ ⴷⴻⴳ ⵓⵎⵛⵉⵡⴻⵕ ⵖⴻⴼ ⵢⵉⵎⵓⴽⴰⵏ ⴰⵏⴷⴰ ⴰⴷ ⵇⵇⵉⵎⴻⵏⵜ ⵜⴻⴳⵔⴰⵡⵉⵏ ⵜⵉⵎⵙⴻⵍⵍⵃⵉⵏ ».

ⵜⴰⴱⴷⴰⵎⵎⴰⵙⵜ (ⵡⴰⵙⴰⵟⴰ) ⵜⴰⴳⵔⴰⵖⵍⴰⵏⵜ ⴰⵢ ⴷ-ⵢⴻⴱⴷⴰⵏ ⴷⴻⴳ 2014 ⴷⴷⴰⵡ ⵕⵕⴰⵢ ⵏ ⵍⴻⵣⵣⴰⵢⴻⵔ, ⵙⵙⴰⵡⴹⴻⵏⵜ ⴷⴻⴳ ⵎⴰⵢⵓ ⴷ ⵢⵓⵏⵢⵓ ⵏ 2015 ⵖⴻⵔ ⵓⵙⵜⴻⵏⵢⵉ ⵏ « ⵓⵎⵜⴰⵡⴰ ⵉ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴷⴻⴳ ⵎⴰⵍⵉ » ⴳⴰⵔ ⵓⵏⴰⴱⴰⴹ ⵏ ⵎⴰⵍⵉ, ⵜⵉⵖⴻⵔⵖⴻⵔⵜ ⴷ ⵜⵙⴻⵎⵢⵓⴷⴷⴻⵙⵜ ⵏ ⵢⵉⵎⵓⵙⵙⴰ ⵏ ⵓⵣⴰⵡⴰⴷ.