ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵎⵎⵓⴳⴻⵔ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵏ ⴱⵔⵉⵣⵉⵍ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵎⵎⵓⴳⴻⵔ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵏ ⴱⵔⵉⵣⵉⵍ, ⵎⴰⵓⵔⵧ ⵍⴻⵛⴽⴻⵔ ⵠⵉⴻⵉⵔⴰ.
« ⵜⵚⴰⵃ-ⵉⵢⵉ-ⴷ ⵜⴻⴳⵏⵉⵜ, ⴰⵙⵙ-ⴰ, ⴰⴷ ⴷ-ⵙⵙⵉⵡⴹⴻⵖ ⵉ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⴰⴼⵔⴰⵢⴻⵏ ⵏ ⵜⴰⵎⵎⵉⴷⵡⴰ ⴷ ⵜⴻⴳⵎⴰⵜ ⵏ ⵓⵖⵔⴻⴼ ⴷ ⵓⵏⴰⴱⴰⴹ ⵏ ⴱⵔⵉⵣⵉⵍ, ⵍⴰⴷⵖⴰ ⵏ ⵜⵙⴻⵍⵡⴰⵢⵜ ⴷⵉⵍⵎⴰ ⵔⵧⵓⵙⵙⴻⴼ, ⴰⵎ ⵡⴰⴽⴽⴻⵏ ⴰⵢ ⵜ-ⵏⴻⵙⵏⴻⵎⵎⵉⵔ ⵖⴻⴼ ⵓⵏⴻⵄⵔⵓⴹ-ⵏⵏⴻⵙ ⵉ ⵜⵙⴻⵍⵡⴰⵢⵜ ⴰⴽⴽⴻⵏ ⴰⴷ ⴷ-ⵜⴻⵔⵣⵓ ⵖⴻⴼ ⵍⴻⵣⵣⴰⵢⴻⵔ ⴷⴻⴳ 2016 », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵠⵉⴻⵉⵔⴰ ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⵉ ⵜⵖⴻⵎⵙⴰ ⵎⵉ ⵉⴼⵓⴽ ⵓⵎⵢⴰⴳⴻⵔ-ⵏⵏⴻⵙ ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ.
ⵢⴻⵙⵏⴻⵎⵎⴻⵔ ⴷⴰⵖ ⵎⴰⵙⵙ ⵠⵉⴻⵉⵔⴰ ⵜⴰⵎⵓⵔⵜ ⵏ ⵍⴻⵣⵣⴰⵢⴻⵔ ⵉⵎⵉ ⴰⵢ ⵜⴻⵎⵎⵓⴳⴻⵔ ⴰⴽⴽⴻⵏ ⵉⴳⴻⵔⵔⴻⵣ ⴰⵟⴰⵙ ⵏ ⵢⵉⴱⵔⵉⵣⵉⵍⵉⵢⴻⵏ ⴰⵢ ⴷ-ⵉⵔⴻⵡⵍⴻⵏ ⵖⴻⵔ ⵜⵎⵓⵔⵜ-ⴰ ⴰⵙⵎⵉ ⴰⵢ ⵜⴻⵍⵍⴰ ⴱⵔⵉⵣⵉⵍ ⴷⴻⴳ ⵢⵉⵙⴻⴳⴳⴰⵙⴻⵏ-ⵏⵏⴻⵙ ⵉⵡⴻⵄⵕⴻⵏ, ⵢⴻⵔⵏⴰ ⵉⵡⴻⴽⴽⴻⴷ-ⴷ ⴷ ⴰⴽⴽⴻⵏ ⴰⵢⴰ « ⴷ ⵍⵍⵙⴰⵙ ⵉ ⵜⴰⵎⵎⵉⴷⵡⴰ (ⵚⴰⴷⴰⵇⴰ) ⵜⴰⵎⴻⵇⵔⴰⵏⵜ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ ».
ⵎⴰⵙⵙ ⵠⵉⴻⵉⵔⴰ ⵢⵓⵎⴰⵔ ⵙ ⵡⴰⵙⵙⴰⵖⴻⵏ (ⵄⴰⵍⴰⵇⴰⵜ) ⴰⵢ ⵢⴻⵍⵍⴰⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⵉⵔⵣⵉ-ⵏⵏⴻⵙ ⵖⴻⴼ ⵍⴻⵣⵣⴰⵢⴻⵔ ⵜⴻⵍⵍⴰ-ⴷ ⵜⴻⵍⵀⴰ ⵢⴻⵔⵏⴰ ⴰⵎⵢⴰⴳⴻⵔ-ⵏⵏⴻⵙ ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵍⵍⴰ-ⴰⵙ-ⴷ ⴷ « ⵉⵙⴻⵖ ».
« ⵓⵎⴰⵔⴻⵖ (ⴼⴻⵕⵃⴻⵖ) ⵢⴻⵔⵏⴰ ⵢⴻⵍⵍⴰ-ⵉⵢⵉ-ⴷ ⴷ ⵉⵙⴻⵖ ⵉⵎⵉ ⴰⵢ ⵉⵢⵉ-ⵢⴻⵎⵎⵓⴳⴻⵔ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵉ ⵜⵉⴽⴽⴻⵍ ⵜⵉⵙ ⵙⵏⴰⵜ, ⴷⴻⴼⴼⵉⵔ ⵓⵎⵢⴰⴳⴻⵔ-ⵏⵏⵉ ⵏ 2003 ⴰⵢ ⴷ-ⵢⴻⵍⵍⴰⵏ ⵉ ⵍⵎⴻⵏⴷ ⵏ ⵜⴻⵎⵍⵉⵍⵉⵜ ⵏ ⵜⴻⴳⵔⴰⵡⵜ ⵏ 7 ⴷⴻⴳ ⴻⵠⵉⴰⵏ (ⴼⵕⴰⵏⵙⴰ) », ⴷ ⵜⵉⵎⵍⵉⵍⵉⵜ ⴰⵢ ⴰⵙ-ⴷ-ⵢⴻⴳⴳⵔⴰⵏ ⴷ ⵛⵛⴼⴰⵡⴰⵜ ⵢⴻⵍⵀⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⴰⵎⵢⴰⴳⴻⵔ-ⴰ ⵢⴻⵍⵍⴰ-ⴷ ⵙ ⵓⵃⴷⴰⵕ ⵏ ⵓⵏⴻⵖⵍⴰⴼ ⴰⴷⵣⴰⵢⵔⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵎⴰⵙⵙ ⵔⴰⵎⵜⴰⵏⴻ ⵍⴰⵎⴰⵎⵔⴰ.
