ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵎⵓⵇⵕⴰⵏ ⵏ ⴷⴷⴻⵡⵍⴰ ⵢⴻⵟⵟⴻⴼ ⵉⴱⵓⴷⴷⴰⵏ ⵏ ⵡⴰⵟⴰⵚ ⵙⴻⴳ ⵢⴻⵎⵜⵉⵍⴻⵏ-ⵉⵙ ⴰⵍⵎⴻⵏⴷ ⵓⵎⵓⵍⵍⵉ ⵏ ⵜⴻⴳⵔⴰⵡⵍⴰ
ⵍⴻⵣⵣⴰⵢⴻⵔ- ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ ⵢⴻⵟⵟⴻⴼ ⴰⵟⴰⵚ ⵏ ⵢⵉⵣⴻⵏⴰⵏ ⵓⵙⵏⴻⵎⵎⴻⵔ ⵙⴻⴳ ⵡⴰⵟⴰⵚ ⵏ ⵢⴻⵎⵜⵉⵍⴻⵏ-ⵉⵙ ⴰⵍⵎⴻⵏⴷ ⵏ ⵡⴻⵙⵎⴻⴽⵜⵉ ⵡⵉⵙ 61 ⵏ ⴱⴻⴷⴷⵓ ⵏ ⵜⴻⴳⵔⴰⵡⵍⴰ ⵏ ⵓⵎⴻⵏⵣⵓ ⵏ ⵏⵓⴱⴰⵎⴱⴻⵕ 1954.
"ⵙ ⵍⴼⴻⵕⵃ ⴰⵎⵓⵇⵕⴰⵏ ⴰⵔⴰ ⴽ ⴷ-ⴰⵣⵏⴻⵖ ⵉⴱⵓⴷⴷⴰⵏ-ⵉⵡ ⵏ ⵡⴻⵙⵏⴻⵎⵎⴻⵔ ⴰⴽⴽ ⴷ ⵉⵃⵓⵍⴼⴰⵏ-ⵉⵡ ⵢⴻⵍⵀⴰⵏ ⴰⵍⵎⴻⵏⴷ ⵏ ⵜⵎⴰⵖⵕⴰ ⵜⴰⵖⴻⵍⵏⴰⵡⵜ ⵏ ⵜⵎⵓⵔⵜ-ⵉⴽ, ⴰⵙⵙ ⵏ ⵜⴻⴳⵔⴰⵡⵍⴰ ⵉ ⴽⴻⵞ", ⵉ ⵢⵓⵔⴰ ⵓⵙⴻⵍⵡⴰⵢ ⵓⵣⴱⵉⴽⵉⵙⵜⴰⵏⵉ, ⵉⵙⵍⴰⵎ ⴽⴰⵔⵉⵎⵧⵠ.
ⵙⵉ ⵜⴰⵎⴰ-ⵙ ⴰⵙⴻⵍⵡⴰⵢ ⴰⵒⵉⵔⵓⵠⵉ, ⵧⵍⵍⴰⵏⵜⴰ ⵀⵓⵎⴰⵍⴰ ⵜⴰⵙⵙⵧ ⵉⴱⴻⴳⴳⴻⵏ-ⴷ ⵉ ⵓⵎⵓⵇⵕⴰⵏ ⵏ ⴷⴷⴻⵡⵍⴰ "ⵜⵉⵙⵏⴻⵎⵎⴰⵔ ⵉⴳⴻⵔⵣⴻⵏ", ⴰⵎ ⵡⴰⴽⴽⴻⵏ ⴷ-ⵉⵡⴻⴽⴽⴻⴷ ⴱⴻⵍⵍⵉ ⵢⴻⵡⵊⴻⴷ ⴰⴽⴽⴻⵏ ⴰⴷ ⵢⴻⵙⵏⴻⵔⵏⵉ ⴰⵙⵙⴰⵖⴻⵏ ⵏ ⵜⴻⴳⵎⴰⵜⵜ ⵏ ⵍⴻⵎⵄⵉⵡⵏⴰ ⵢⴻⵍⵍⴰⵏ ⴳⴻⵔ ⵙⵏⴰⵜ ⵏ ⵜⵎⵓⵔⴰ.
ⴰⵙⴻⵍⵡⴰⵢ ⴰⵕⵓⵎⴰⵏⵉ, ⴽⵍⴰⵓⵙ ⵡⴻⵔⵏⴻⵔ ⵍⵧⵀⴰⵏⵏⵉⵙ, ⵢⴻⵏⵏⴰ ⴷⴻⴳ ⵢⵉⵣⴻⵏ-ⵉⵏⴻⵙ ⵓⵙⵏⴻⵎⵎⴻⵔ, "ⵓⵎⵏⴻⵖ" ⴱⴻⵍⵍⵉ ⵜⴰⵎⵓⵖⵍⵉ ⵙ ⵡⴰⵛⵓ ⴷ-ⵜⴻⴳⵍⵉⴹ ⵙ ⵜⴻⴱⵖⴻⵙⵜ ⴰⴷ ⵙⵄⵓⵏⵜ ⵃⴰⵍⴰ ⴰⵢⴻⵏ ⵢⴻⵍⵀⴰⵏ ⵉ ⵍⴻⵎⵅⴰⵍⵜⴰⵜ-ⵏⵏⴻⵖ".
ⴰⵙⴻⵍⵡⴰⵢ ⴰⴽⵓⴱⵉ, ⵔⴰⵓⵍ ⵛⴰⵙⵜⵔⵧ ⵔⵓⵣ ⵏⴻⵜⵜⴰ, ⵢⵓⵍⴻⵙ-ⴷ ⵍⴻⴱⵖⵉ-ⵙ ⵉ "ⵓⵙⴻⴵⵀⴻⴷ ⴷ ⵓⵙⴻⵡⵙⴻⵄ ⵏ ⵡⴰⵙⵙⴰⵖⴻⵏ ⵏ ⵜⴻⴳⵎⴰⵜⵜ, ⵏ ⵍⴻⵎⵄⵉⵡⵏⴰ ⴰⴽⴽ ⴷ ⵜⵡⵉⵣⵉ ⵢⴻⵍⵍⴰⵏ ⵢⴰⴽⴰⵏ ⴳⴻⵔ ⵢⵉⵖⴻⵔⴼⴰⵏ ⴷ ⵢⵉⵏⴰⴱⴰⴹⴻⵏ".
ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵏ ⵜⴷⵓⴽⴽⵍⵉ ⵎⵢⴰⵏⵎⴰⵔ, ⵜⵀⴻⵉⵏ ⵙⴻⵉⵏ, ⵉⴱⴻⵔⵔⴰⵃ-ⴷ ⵙⴻⴳ ⵢⵉⴷⵉⵙ-ⵉⵙ ⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵉⴱⵓⴷⴷⴰⵏ-ⵉⵙ ⵢⴻⵍⵀⴰⵏ ⴷ ⵓⵏⴻⴳⵎⵓ ⵢⴻⵙⵙⴰⵔⴰⵎ ⵉ ⵍⴻⵣⵣⴰⵢⴻⵔ.
ⵙⴻⴳ ⵢⵉⴷⵉⵙ-ⵉⵏⴻⵙ ⴰⵙⴻⵍⵡⴰⵢ ⵏ ⵙⵉⵏⴳⴰⵒⵧⵔⴻ, ⵜⵧⵏⵢ ⵜⴰⵏ ⴽⴻⵏⴳ ⵢⴰⵎ, ⵢⴻⵏⵏⴰ ⴱⴻⵍⵍⵉ ⵍⴻⵣⵣⴰⵢⴻⵔ " ⵙ ⵍⴰⵄⵏⴰⵢⴰ ⵏ ⵜⵇⴰⵛⵓⵛⵜ-ⵉⵙ,ⵜⵓⴼⴰ ⵜⴰⵍⵡⵉⵜ ⴷ ⵍⴰⵀⵏⴰ ", ⴰⵎ ⵡⴰⴽⴽⴻⵏ ⵢⴻⵙⵏⴻⵎⵎⴻⵔ ⴰⴼⵓⴷ ⵓⵔ ⵏⴽⴻⵏⵏⵓ ⵏ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ.
ⴷⵉ ⵜⴰⴳⴳⴰⵔⴰ, ⴰⵙⴻⵍⵡⴰⵢ ⴰⴽⵉⵏⵉ, ⵓⵀⵓⵔⵓ ⴽⴻⵏⵢⴰⵜⵜⴰ, ⵢⴻⴼⵕⴰⵃ ⵙ ⵓⵙⵏⴻⵔⵏⵉ ⵏ ⵍⴻⵎⵅⴰⵍⵜⴰⵜ ⵢⴻⵎⵎⴻⵣⴷⵉⵏ ⴳⴻⵔ ⵙⵏⴰⵜ ⵏ ⵜⵎⵓⵔⴰ ⵍⴰⴷⵖⴰ ⵙ ⵓⵙⴻⵏⵢⵉ ⵏ ⵡⴰⵟⴰⵚ ⵏ ⵍⵓⴼⴰⵇⴰⵜ ⴷ ⵓⵎⴱⴰⴷⴷⴰⵍ ⵓⵔ ⵏⵃⴻⴱⴱⴻⵙ ⵏ ⵜⴻⵎⵍⵉⵍⵉⵢⵉⵏ ⴳⴻⵔ ⵢⴻⵎⴹⴻⴱⴱⵕⴻⵏ ⵏ ⵙⵏⴰⵜ ⵏ ⵜⵎⵓⵔⴰ.
