ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵏ ⵓⵎⴰⴹⴰⵍ ⵏ ⵜⴰⵜⵍⵉⵜⵉⵜ: ⵙⵏⴰⵜ ⵏ ⵛⵛⵉⵄⴰⵜ ⵉ ⵍⴻⵣⵣⴰⵢⴻⵔ

ⴷⴷⵓⵃⴰ – ⵜⴻⵔⴱⴻⵃ-ⴷ ⵎⵧⵓⵏⵉⴰ ⴳⴰⵙⵎⵉ (ⴰⵣⴻⵍⵍⵉ ⵏ ⵍⵎⵉⵣⴰⵏ, ⵜ32) ⵜⴰⵣⴰⵍⵖⵉ ⵏ ⵓⵥⵔⴻⴼ (ⵍⴼⴻⵟⵟⴰ), ⴷⴻⴳ ⵡⴰⵍⵓⴷ ⴰⵢⴷⴻⴳ ⵎⴰⴷⵊⵉⵉⴷ ⴷⵊⴻⵎⴰⵉ (1500 ⵏ ⵍⵎⵉⵜⵔⴰⵜ, ⵜ37) ⵢⴻⵔⴱⴻⵃ-ⴷ ⵜⵉⵏ ⵏ ⵓⴱⵕⵓⵏⵣ ⴰⵙⵙ ⵏ ⵍⵊⴻⵎⵄⴰ ⴷⴻⴳ ⵓⵙⴰⵔⵉⵔ ⵏ ⵙⵓⵀⴰⵉⵎ ⴱⵉⵏ ⵀⴰⵎⴰⴷ ⴷⴻⴳ ⴷⴷⵓⵃⴰ, ⴷⴻⴳ ⵡⴰⵙⵙ ⵡⵉⵙ 9 ⵢⴻⵔⵏⴰ ⴷ ⴰⵏⴻⴳⴳⴰⵔⵓ ⵏ ⵜⴻⵍⵖⵓⵖⴰ ⵏ ⵓⵎⴰⴹⴰⵍ ⵏ ⵜⴰⵜⵍⵉⵜⵉⵜ ⵏ ⵢⵉⵎⴻⵄⴷⴰⵕ.

ⴳⴰⵙⵎⵉ ⵜⴻⵡⵡⵉ-ⴷ ⵜⴰⵣⴰⵍⵖⵉ-ⵏⵏⴻⵙ ⵏ ⵓⵣⴻⵍⵍⵉ ⵏ ⵍⵎⵉⵣⴰⵏ ⵙ ⵓⵣⴻⵍⵍⵉ ⵏ 4,54 ⵏ ⵍⵎⵉⵜⵔⴰⵜ ⴷⴻⴳ ⵓⵏⴻⵄⵔⵓⴹ-ⵏⵏⴻⵙ ⵡⵉⵙ 4.

ⵜⴰⵣⴰⵍⵖⵉ ⵏ ⵓⴱⵕⵓⵏⵣ ⴷⴻⴳ ⵓⵎⵙⵉⵣⵡⴻⵔ-ⴰ ⵜⴻⵔⴱⴻⵃ-ⵉⵜⵜ ⵜⵓⵙⵜⵕⴰⵍⵉⵜ ⵍⵧⵓⵉⵙⴻ ⴻⵍⵍⴻⵔⵢ (4,53 ⵏ ⵍⵎⵉⵜⵔⴰⵜ). ⵎⴰ ⴷ ⵜⵉⵏ ⵏ ⵡⵓⵔⴻⵖ ⵜⴻⵡⵡⵉ-ⵜⵜ ⵜⵜⵓⵏⵙⵉⵜ ⵎⴰⵔⵧⵓⴰ ⵉⴱⵔⴰⵀⵉⵎ ⵙ 6,18 ⵏ ⵍⵎⵉⵜⵔⴰⵜ.

ⵜⴰⵎⴻⵖⵔⴰ ⵏ ⵜⵓⴽⵛⵉ ⵏ ⵜⵣⴰⵍⵖⵉⵡⵉⵏ ⵜⵄⴻⴹⴹⴻⵍ 4 ⵏ ⵜⵙⴰⵄⵜⵉⵏ ⵎⵉ ⴷ-ⵛⵛⴻⵜⴽⴰⵏ ⵢⵉⵎⴹⴻⴱⴱⵔⴻⵏ ⵓⵙⵜⵕⴰⵍⵉⵢⴻⵏ ⵖⴻⴼ ⵢⵉⵡⴻⵏ ⵏ ⵓⵏⴻⵄⵔⵓⴹ ⴰⵢ ⵜⴳⴰ ⵜⵏⴰⴷⴷⴰⵍⵜ-ⵏⵏⵉ ⵜⵓⵙⵜⵕⴰⵍⵉⵜ ⵎⴰⵛⴰ ⵓⵔ ⵙⵜⴻⵄⵕⴼⴻⵏ ⴰⵔⴰ ⵢⴻⵙ-ⵙ. ⵍⴻⵎⵎⴻⵔ ⴷ ⴰⵢ ⵉⵄⴻⴷⴷⴰ ⵓⵏⴻⵄⵔⵓⴹ-ⵏⵏⵉ, ⵜⵉⵍⵉ ⴷ ⵜⵓⵙⵜⵕⴰⵍⵉⵜ-ⵏⵏⵉ ⴰⴷ ⵢⴰⵡⵉⵏ ⵜⴰⵣⴰⵍⵖⵉ-ⵏⵏⵉ ⵏ ⵓⵥⵔⴻⴼ.

ⴰⵔⵎⵉ ⴷ 9ⵙ35 ⴰⵢ ⴷ-ⵢⴻⵜⵜⵡⴰⴽⵛⴻⴼ ⵓⴳⵎⵓⴹ ⵓⵏⵚⵉⴱ (ⵜⵓⵏⴻⵙ, ⵍⴻⵣⵣⴰⵢⴻⵔ, ⵓⵙⵜⵕⴰⵍⵢⴰ).

« ⵓⵎⴰⵔⴻⵖ ⴰⵟⴰⵙ ⵉⵎⵉ ⴰⵢ ⴷ-ⵡⵡⵉⵖ ⵙⵏⴰⵜ ⵏ ⵜⵣⴰⵍⵖⵉⵡⵉⵏ ⵏ ⵓⵥⵔⴻⴼ ⴷⴻⴳ ⵜⴻⵍⵖⵓⵖⴰ-ⴰ ⵏ ⵓⵎⴰⴹⴰⵍ. ⵎⴻⵏⵏⴰⵖ ⵍⴻⵎⵎⴻⵔ ⴷ ⴰⵢ ⴷ-ⵡⵡⵉⵖ ⵉⴳⵎⴰⴹ ⵢⵉⴼⴻⵏ ⵡⵉ, ⵍⴰⴷⵖⴰ ⴷⴻⴳ ⵓⵎⵙⵉⵣⵡⴻⵔ ⵏ ⵜⴻⵖⵍⴰⵎⵜ (ⴼⴰⵔⵉⵇ), ⵎⴰⵛⴰ ⵛⵉⴽⴽⴻⵖ ⴷ ⴰⴽⴽⴻⵏ ⴳⵉⵖ ⴰⵟⴰⵙ ⵏ ⵜⵓⵛⵛⴹⵉⵡⵉⵏ ⴷⴻⴳ ⵙⵉⵏ-ⵏⵏⵉ ⵏ ⵢⵉⵎⵙⵉⵣⴻⵡⵔⴻⵏ ⴰⵢⴷⴻⴳ ⵜⵜⴻⴽⴽⴰⵖ. ⴰⴷ ⵄⴻⵔⴹⴻⵖ ⴰⴷ ⵙⵙⴻⵖⵜⵓⵖ ⵜⵓⵛⵛⴹⵉⵡⵉⵏ-ⴰ ⵖⴻⴼ ⵣⵉⴽ ⵍⵃⴰⵍ, ⴰⵛⴽⵓ, ⴷⴻⴳ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵢⵉⵎⴻⵄⴷⴰⵕ, ⵜⵓⵛⵛⴹⵉⵡⵉⵏ ⴰⴷ ⴷ-ⵙⵇⴰⵎⴻⵏⵜ ⵓⴳⴰⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵎⵧⵓⵏⵉⴰ ⴳⴰⵙⵎⵉ ⵓⵔ ⵢⴻⴼⴼⵉⵔⴻⵏ ⴰⵔⴰ ⵜⵓⵎⴻⵔⵜ-ⵏⵏⴻⵙ ⵖⴻⴼ ⵜⵣⴰⵍⵖⵉⵡⵉⵏ ⴰⵢ ⴷ-ⵢⴻⵔⴱⴻⵃ, ⵎⴰⵛⴰ ⵓⵔ ⵜⵓⵎⴰⵔ ⴰⵔⴰ ⵙ ⵢⵉⴳⵎⴰⴹ-ⵏⵏⴻⵙ.

ⵜⴰⵣⴰⵍⵖⵉ ⵜⴰⴷⵣⴰⵢⵔⵉⵜ ⵏⵉⴹⴻⵏ ⴷ ⵜⵉⵏ ⵏ ⵓⴱⵕⵓⵏⵣ, ⵢⴻⵡⵡⵉ-ⵜⵜ-ⵉⴷ ⵎⴰⴷⵊⵉⴷ ⴷⵊⴻⵎⴰⵉ ⴷⴻⴳ ⵜⴻⵎⵙⵉⵣⵣⴻⵍⵜ ⵏ 1500 ⵏ ⵍⵎⵉⵜⵔⴰⵜ (ⵜⴰⵙⴻⵔⴽⴻⵎⵜ ⵏ ⵜ37). ⴷⴻⴳ ⵜⴻⵎⵙⵉⵣⵣⴻⵍⵜ-ⴰ, ⴷ ⵓⵙⵜⵕⴰⵍⵉ ⴱⵔⴰⴷ ⵙⵛⵧⵜⵜ ⴰⵢ ⵢⴻⴹⴹⴼⴻⵏ ⵉⵖⴻⴼ ⴷⴻⴳ 1200 ⵏ ⵍⵎⵉⵜⵔⴰⵜ ⵜⵉⵎⴻⵣⵡⵓⵔⴰ, ⵙⴰⴽⴽⵉⵏ ⴷ ⵉⵔⵍⴰⵏⴷⵉ ⵎⵉⵛⵀⴰⴻⵍ ⵎⵛⴽⵉⵍⵍⵧⵒ ⴰⵢ ⵜ-ⵢⴻⵣⵡⴰⵔⴻⵏ ⴰⵔⵎⵉ ⴷ ⵜⴰⴳⴰⵔⴰ, ⵎⴰ ⴷ ⴰⴷⵣⴰⵢⵔⵉ ⴷⵊⴻⵎⴰⵉ ⵢⴻⴹⴼⴻⵔ ⵜⵉⵎⵙⵉⵣⵣⴻⵍⵜ ⴰⵔⵎⵉ ⴷ 150 ⵏ ⵍⵎⵉⵜⵔⴰⵜ ⵜⵉⵏⴻⴳⴳⵓⵔⴰ ⴰⵏⴷⴰ ⴰⵢ ⵢⴻⵥⴷⴻⵎ ⵢⴻⵔⵏⴰ ⵢⵓⴷⴻⴼ ⴷ ⵡⵉⵙ 3, ⴷ ⴰⵢⴻⵏ ⴰⵢ ⴰⵙ-ⴷ-ⵢⴻⵙⵔⴻⴱⵃⴻⵏ ⵜⴰⵣⴰⵍⵖⵉ-ⵏⵏⴻⵙ ⵏ ⵓⴱⵕⵓⵏⵣ, ⴷ ⵜⴰⵎⴻⵣⵡⴰⵔⵓⵜ ⴷⴻⴳ ⵓⵎⴻⵛⵡⴰⵕ-ⵏⵏⴻⵙ.

ⴷⵊⴻⵎⴰⵉ ⵉⴼⵓⴽ ⵜⵉⵎⵙⵉⵣⵣⴻⵍⵜ-ⵏⵏⴻⵙ ⵏ 1500 ⵏ ⵍⵎⵉⵜⵔⴰⵜ ⵙ ⵡⴰⴽⵓⴷ ⵏ 4:29.94, ⴷⴻⴼⴼⵉⵔ ⴱⵔⴰⴷ ⵙⵛⵧⵜⵜ (ⵡⵉⵙ ⵙⵉⵏ ⵙ 4:12.12) ⴷ ⵎⵉⵛⵀⴰⴻⵍ ⵎⵛⴽⵉⵍⵍⵧⵒ (ⴰⵎⴻⵣⵡⴰⵔⵓ ⵙ 4:16.19).