ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⴳⴰⵔ ⵏ 130 ⵏ ⵢⵉⵎⴰⵣⵣⴰⵍⴻⵏ ⴷⴻⴳ ⵓⵣⴳⴻⵏ ⵏ ⵓⵎⴰⵔⴰⵟⵓⵏ ⵏ ⵓⵀⴰⴳⴳⴰⵕ

ⵜⴰⵎⴻⵏƔⴻⵙⵜ – ⵜⵜⴻⴽⴽⴰⵏ, ⵎⴰ ⵓⵍⴰⵛ, 136 ⵏ ⵢⵉⵎⴰⵣⵣⴰⵍⴻⵏ, ⴰⵢ ⴷ-ⵢⵓⵙⴰⵏ ⵙⴻⴳ 18 ⵏ ⵜⵡⵉⵍⴰⵢⵉⵏ, ⴷⴻⴳ ⵓⵣⴳⴻⵏ ⵏ ⵓⵎⴰⵔⴰⵟⵓⵏ ⵏ ⵓⵀⴰⴳⴳⴰⵕ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵍⵃⴻⴷⴷ ⴷⴻⴳ ⵜⵎⴻⵏⵖⴻⵙⵜ ⵉ ⵍⵎⴻⵏⴷ ⵏ ⵓⵙⴼⵓⴳⴻⵍ ⵏ ⵓⵎⵓⵍⵍⵉ ⵡⵉⵙ 61 ⵏ ⵜⴻⴳⵔⴰⵡⵍⴰ ⵜⴰⴷⵣⴰⵢⵔⵉⵜ ⵏ ⵓⵎⴻⵣⵡⴰⵔⵓ ⵏ ⵏⵡⴻⵎⴱⴻⵕ.

ⵜⵉⵎⵙⵉⵣⵣⴻⵍⵜ-ⴰ ⵜⴻⵍⵍⴰ-ⴷ ⴷⴻⴳ ⵢⵉⵡⴻⵏ ⵏ ⵓⵎⴻⵛⵛⴰⵇ ⵏ 15 ⵏ ⵢⵉⴽⵉⵍⵓⵎⵉⵜⵔⴻⵏ ⵙⴻⴳ ⵓⴷⵔⴰⵔ ⵏ ⵓⵀⴰⴳⴳⴰⵕ ⵖⴻⵔ ⵓⵅⵅⴰⵎ ⵏ ⵢⵉⴷⵍⴻⵙ ⴷⴻⴳ ⵜⵍⴻⵎⵎⴰⵙⵜ ⵏ ⵜⴻⵎⴷⵉⵏⵜ ⵏ ⵜⵎⴻⵏⵖⴻⵙⵜ, ⵢⴻⵔⵏⴰ ⵜⵜⴻⴽⴽⴰⵏⵜ ⴷⴻⴳ-ⵙ 27 ⵏ ⵜⵍⴰⵡⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵎⴰⵙⴰⵢⴻⵏ (ⵎⴻⵙ’ⵓⵍⵉⵏ) ⵏ ⵜⴻⵎⵖⵓⵏⵜ ⵏ ⵜⵡⵉⵍⴰⵢⵜ ⵏ ⵡⴰⴷⴷⴰⵍ ⴷ ⵓⵅⴻⴷⴷⵉⵎ.

ⴰⵎⵙⵉⵣⵡⴻⵔ-ⴰ ⵢⴻⵍⵍⴰ-ⴷ ⴷ ⵜⴰⴳⵏⵉⵜ ⵉ ⵓⵙⴷⵓⵇⵇⴻⵙ ⵏ ⵡⴰⴷⴷⴰⵍⴻⵏ ⵏ ⵜⴰⵜⵍⵉⵍⵉⵜ ⴳⴰⵔ ⵢⵉⵅⴻⴷⴷⴰⵎⴻⵏ ⵏ ⵜⴻⵎⵏⴰⴹⵜ-ⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵍⵍⴰ ⴷⴰⵖ ⵜⴰⴳⵏⵉⵜ ⵉ ⵓⵇⴻⴷⴷⴻⵎ ⵏ ⵛⵛⴱⴰⵃⴰ ⵏ ⵜⴻⵎⵏⴰⴹⵜ ⵏ ⵓⵀⴰⴳⴳⴰⵕ ⵉ ⵡⵉⴷ ⴰⴷ ⵢⴻⴱⵖⵓⵏ ⴰⴷ ⵎⴻⵔⵔⵃⴻⵏ ⴷⴻⴳ-ⵙ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵏⵏⴰⵏ.

ⵓⵇⴱⴻⵍ ⵎⴰ ⵜⴻⴱⴷⴰ ⵜⴻⵎⵙⵉⵣⵣⴻⵍⵜ-ⴰ, ⴳⴰⵏ ⵛⵡⵉⵟ ⵏ ⵓⵙⵙⵉⵍⴻⵖ (ⵜⴰⴽⵡⵉⵏ) ⴷⴻⴳ ⵓⵎⴰⵔⴰⵟⵓⵏ ⵉ ⵡⵉⴷ ⴰⴷ ⵢⴻⵜⵜⴻⴽⴽⵉⵏ ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ, ⵢⴻⵔⵏⴰ ⴷ ⵜⴰⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵡⴰⴷⴷⴰⵍ ⵏ ⵓⵎⴰⵀⵉⵍ ⴰⵢ ⴷ-ⵢⴻⵍⵀⴰⵏ ⵙ ⵡⴰⵢⴰ. ⴰⵙⵙⵉⵍⴻⵖ-ⴰ ⴰⴷ ⵉⴽⴻⵎⵎⴻⵍ ⴰⵔⵎⴰ ⴷ ⴰⵙⵙ ⵏ ⵍⴻⵜⵏⵉⵢⴻⵏ ⵢⴻⵔⵏⴰ ⴰⴷ ⵜⵜⴻⴽⴽⵉⵏ ⴷⴻⴳ-ⵙ 84 ⵏ ⵢⵉⵎⴷⴰⵏⴻⵏ ⵙⴻⴳ ⵜⵡⵉⵍⴰⵢⵉⵏ ⵏ ⵉⵍⵍⵉⵣⵉ, ⴰⴷⵔⴰⵔ, ⵜⵉⵏⴷⵓⴼ ⴷ ⵜⵎⴻⵏⵖⴻⵙⵜ.