ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵄⴰⵡⴻⴷ ⵜⵡⴻⴽⴽⴻⴷ-ⴷ ⵟⵟⴰⵍⵢⴰⵏ ⴰⴱⴷⴰⴷ-ⵏⵏⴻⵙ ⵖⴻⵔ ⵢⵉⴷⵉⵙ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ- ⴰⵏⴻⵖⵍⴰⴼ ⴰⵟⴰⵍⵢⴰⵏⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵒⴰⵧⵍⵧ ⴳⴻⵏⵜⵉⵍⵧⵏⵉ, ⵉⵄⴰⵡⴻⴷ ⵉⵡⴻⴽⴽⴻⴷ-ⴷ ⴰⵙⵙ ⵏ ⵍⴻⵜⵏⵉⵢⴻⵏ, ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴰⴱⴷⴰⴷ ⵏ ⵜⵎⵓⵔⵜ-ⵏⵏⴻⵙ ⵖⴻⵔ ⵢⵉⴷⵉⵙ ⵏ ⵓⵎⵜⴰⵡⴰ (ⵉⵜⵜⵉⴼⴰⵇ) ⴰⵙⴻⵔⵜⵉ ⴰⴷ ⵢⴻⵙⵙⵉⵡⴹⴻⵏ ⵖⴻⵔ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⴷⴻⴳ ⵍⵉⴱⵢⴰ.

« ⴰⵇⵍ-ⴰⵖ ⵏⴻⴱⴷⴻⴷ ⵖⴻⵔ ⵢⵉⴷⵉⵙ ⵏ ⵡⵓⵙⵙⵉⵙⴻⵏ (ⵍⵎⴻⴵⵀⵓⴷⴰⵜ) ⴰⴷ ⵢⴻⵙⵙⵉⵡⴹⴻⵏ ⵖⴻⵔ ⵓⵎⵜⴰⵡⴰ ⴰⵙⴻⵔⵜⵉ ⴷⴻⴳ ⵍⵉⴱⵢⴰ ⵉ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵉ ⵍⵎⴻⵏⴷ ⵏ ⵢⵉⵔⵉⵔⵉ ⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⴷⴻⴳ ⵜⴻⵎⵏⴰⴹⵜ ⴷ ⵢⵉⵍⴻⵍ ⴰⴳⵔⴰⴽⴰⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴳⴻⵏⵜⵉⵍⵧⵏⵉ ⴷⴻⴳ ⵜⵉⵏⴰⵡⵜ-ⵏⵏⴻⵙ ⵏ ⴱⴻⴷⴷⵓ ⵏ ⵜⴻⵎⵍⵉⵍⵉⵜ-ⵏⵏⵉ ⵏ 3 ⵏ ⵢⵉⴷⵉⵙⴰⵏ ⴰⵢⴷⴻⴳ ⵜⵜⴻⴽⴽⴰⵏⵜ ⵍⴻⵣⵣⴰⵢⴻⵔ, ⵎⴰⵚⴻⵔ ⴷ ⵟⵟⴰⵍⵢⴰⵏ ⵉ ⵓⵙⵙⵓⴽⴽⵓ ⵏ ⵜⵉⵟ ⵖⴻⴼ ⵜⴻⴳⵏⵉⵜ ⴷⴻⴳ ⵍⵉⴱⵢⴰ, ⵢⴻⵔⵏⴰ ⵢⴻⵍⵍⴰ-ⴷ ⵡⴰⵢⴰ ⴷ ⴰⵃⵔⵉⵛ ⵙⴻⴳ ⵓⵎⵛⵉⵡⴻⵕ ⴳⴰⵔ ⴽⵔⴰⴹⵜ-ⴰ (3) ⵏ ⵜⵎⵓⵔⴰ.

ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⵟⴰⵍⵢⴰⵏⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⴷ ⴰⴽⴽⴻⵏ « ⵕⵕⴰⵢ ⵏ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⴰⵜⴰⵏ ⴳⴰⵔ ⵢⵉⴼⴰⵙⵙⴻⵏ ⵏ ⵓⵖⵔⴻⴼ ⴰⵍⵉⴱⵉ ⴷ ⵜⵙⵓⴷⴰ-ⵏⵏⴻⵙ (ⵎⵓ’ⴰⵙⵙⴰⵙⴰⵜ) », ⵢⴻⵔⵏⴰ ⵉⵃⴻⵜⵜⴻⵜ-ⴷ ⴷ ⴰⴽⴽⴻⵏ ⵢⴻⵙⵙⴻⴼⴽ « ⴰⴷ ⵜⴻⵜⵜⵡⴰⵇⴰⴷⴻⵔ ⵍⵃⴻⵕⵎⴰ ⵏ ⵍⵉⴱⵢⴰ ».

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵏⵏⴰ-ⴷ ⴷ ⴰⴽⴽⴻⵏ ⴷⴻⴳ ⵜⴻⵎⵍⵉⵍⵉⵜ-ⴰ ⵏ 3 ⵏ ⵢⵉⴷⵉⵙⴰⵏ, ⴽⵔⴰⴹⵜ-ⴰ ⵏ ⵜⵎⵓⵔⴰ « ⵙⵙⴰⵡⴹⴻⵏⵜ ⵜⴰⴱⵕⴰⵜ ⵏ ⵜⴰⵍⵡⵉⵜ » ⵉ ⵍⵉⴱⵢⴰ, ⵢⴻⵔⵏⴰ ⵄⴰⵡⴷⴻⵏⵜ ⵡⴻⴽⴽⴷⴻⵏⵜ-ⴷ, ⴷⴻⴳ ⵜⴻⴳⵏⵉⵜ-ⴰ, ⴷ ⴰⴽⴽⴻⵏ « ⵡⴻⵊⴷⴻⵏⵜ ⴰⴷ ⵄⴰⵡⵏⴻⵏⵜ ⵢⴻⵔⵏⴰ ⴰⴷ ⴱⴻⴷⴷⴻⵏⵜ ⵖⴻⵔ ⵢⵉⴷⵉⵙ-ⵏⵏⴻⵙ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⵔⴽⴻⴷ ⴷ ⵓⵄⴰⵡⴻⴷ ⵏ ⵍⴻⴱⵏⵉ ⵏ ⵍⵉⴱⵢⴰ ».

Ɣⴻⴼ ⵍⴻⵃⵙⴰⴱ ⵏ ⵎⵙⵙ ⴳⴻⵏⵜⵉⵍⵧⵏⵉ, ⵢⴻⵙⵙⴻⴼⴽ ⴰⴷ ⴷ-ⵜⵉⵍⵉ ⵜⵉⴼⵔⴰⵜ ⵓⵔ ⵢⴻⵜⵜⵅⴻⵢⵢⵉⴱⴻⵏ ⴰⵔⴰ ⵉⵍⵉⴱⵉⵢⴻⵏ ⴰⵢ ⵍⴰ ⵢⴻⵙⵙⴰⵔⴰⵎⴻⵏ « ⴰⴷ ⴷ-ⵜⵓⵖⴰⵍ ⵜⴰⵍⵡⵉⵜ ⴷ ⵓⵔⴽⴰⴷ ⵖⴻⵔ ⵜⵎⵓⵔⵜ-ⵏⵙⴻⵏ».

ⵜⵉⵎⵍⵉⵍⵉⵜ ⵏ 3 ⵏ ⵢⵉⴷⵉⵙⴰⵏ ⴰⵢⴷⴻⴳ ⵢⴻⵜⵜⴻⴽⴽⴰ ⴷⴰⵖ ⵓⵏⴻⵖⵍⴰⴼ ⴰⵎⴰⵚⵔⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵙⴰⵎⴻⵀ ⵛⵀⵧⵓⴽⵔⵢ, ⵢⴻⵙⵙⴻⵍⵡⵉ-ⵜⵜ ⵓⵏⴻⵖⵍⴰⴼ ⴰⴷⵣⴰⵢⵔⵉ ⵏ ⵜⵖⴰⵡⵙⵉⵡⵉⵏ ⵏ ⵍⵎⴻⵖⵔⴻⴱ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ.