ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

Yessefk ad tettwanewweɛ tdamsa beṛṛa i upitṛul seg-a ɣer 2030

ⵡⴰⵔⴻⴳⵍⴰ – ⵢⴻⵏⵏⴰ-ⴷ ⵓⴷⴻⵎⵎⴰⵙ (ⵉⵇⵜⵉⵚⴰⴷⵉ) ⴰⴷⵣⴰⵢⵔⵉ ⴱⴰⵛⵀⵉⵔ ⵎⴻⵙⵙⴰⵉⵜⴼⴰ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵡⴰⵔⴻⴳⵍⴰ ⴷ ⴰⴽⴽⴻⵏ ⵢⴻⵙⵙⴻⴼⴽ ⵍⴻⵣⵣⴰⵢⴻⵔ ⴰⴷ ⵜⴻⴹⴼⴻⵔ ⴰⴱⵔⵉⴷ ⴰⴷ ⵜⵜ-ⵢⴻⵙⵙⵉⵡⴹⴻⵏ ⵖⴻⵔ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ⵢⴻⵜⵜⵡⴰⵏⴻⵡⵡⵄⴻⵏ ⴱⴻⵕⵕⴰ ⵉ ⵓⵒⵉⵜⵕⵓⵍ ⵙⴻⴳ-ⴰ ⵖⴻⵔ 2030, ⵢⴻⵔⵏⴰ ⵜⴰⵎⴻⵔⵔⵉⵜ (ⵙⵉⵢⴰⵃⴰ) ⴰⴷ ⵜⴻⵙⵄⵓ ⴰⵎⴽⴰⵏ ⴷ ⴰⵎⴻⵇⵔⴰⵏ ⴷⴻⴳ ⵜⴷⴰⵎⵙⴰ-ⴰ.

ⴰⵙⴻⴳⴳⴰⵙ-ⴰ ⵏ 2030 ⴰⴷ ⵢⵉⵍⵉ ⴷ ⵜⴰⵍⴰⵙⵜ ⵜⴰⵏⴻⴳⴳⴰⵔⵓⵜ ⵉ ⵍⵎⴻⵏⴷ ⵏ ⵓⵙⵙⵓⴼⴼⴻⵖ ⵏ ⵍⴻⵣⵣⴰⵢⴻⵔ ⵙⴻⴳ ⵜⴷⴰⵎⵙⴰ ⵢⴻⵜⵜⴻⴽⵍⴻⵏ ⵖⴻⴼ ⵓⵒⵉⵜⵕⵓⵍ ⵢⴻⵔⵏⴰ ⴰⴷ ⵜⴻⵙⵄⵓ ⵜⴰⴷⴰⵎⵙⴰ ⴰⴷ ⴷ-ⵢⴻⵜⵜⴰⴽⴼⴻⵏ ⵍⵖⴻⵍⵍⴰ ⵢⴻⵔⵏⴰ ⴰⴷ ⴷ-ⵜⴻⵙⵏⵓⵍⴼⵓⵢ ⵜⵉⴱⵓⵖⴰⵔ (ⵜⴰⵔⴰⵡⴰⵜ), ⴷ ⵜⵉⵏ ⴰⴷ ⵢⵉⵍⵉⵏ ⴷ ⵜⴻⵜⵜⵡⴰⵏⴻⵡⵡⴻⵄ ⵢⴻⵔⵏⴰ ⴰⴷ ⵜⴻⵙⵄⵓ ⴷⴻⴳ-ⵙ ⵜⵎⴻⵔⵔⵉⵜ ⴰⵎⴽⴰⵏ ⴷ ⴰⵎⴻⵇⵔⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵎⴻⵙⵙⴰⵉⵜⴼⴰ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵓⵎⵉ ⵙⴻⵎⵎⴰⵏ « ⴰⵙⵙⴻⴼⵔⴻⴽ ⵏ ⵜⵎⴻⵔⵔⵉⵜ ⵉ ⵓⵙⵏⴻⵔⵏⵉ ⴰⴷⴰⵎⵙⴰⵏ ⴷⴻⴳ ⵍⴻⵣⵣⴰⵢⴻⵔ ⵙⴻⴳ-ⴰ ⵖⴻⵔ 2030 ».

ⵢⴻⵙⵎⴻⴽⵜⵉ-ⴷ ⵎⴰⵙⵙ ⵎⴻⵙⵙⴰⵉⵜⴼⴰ, ⴷⴻⴳ ⵜⴻⵎⵙⴰⵍⵜ-ⴰ, ⴷ ⴰⴽⴽⴻⵏ ⵍⴻⵣⵣⴰⵢⴻⵔ, ⵓⵍⴰ ⵎⴰ ⵜⴻⵙⵄⴰ ⴰⵟⴰⵙ ⵏ ⵜⵣⴻⵎⵎⴰⵔ ⵢⴻⴼⴼⵔⴻⵏ, ⵜⴻⴹⴹⴻⴼ ⴰⵎⴽⴰⵏ ⵡⵉⵙ 138 ⴷⴻⴳ ⵓⵎⴰⴹⴰⵍ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵎⴻⵔⵔⵉⵜ, ⵢⴻⵔⵏⴰ ⴰⵃⵔⵉⵛ-ⴰ ⵜⴻⵙⵙⴰⴷⴰⴼ-ⴷ ⴰⵍⴰ 1% ⵙⴻⴳ ⵢⵉⴷⵔⵉⵎⴻⵏ ⴰⵢ ⴷ-ⵜⵔⴻⴱⴱⴻⵃ ⵜⵎⵓⵔⵜ.

Ɣⴻⴼ ⵡⴰⵢⴰ, ⵢⴻⵏⵏⴰ-ⴷ ⵎⴰⵙⵙ ⵎⴻⵙⵙⴰⵉⵜⴼⴰ ⴷ ⴰⴽⴽⴻⵏ ⴰⵡⴰⵏⴰⴽ (ⴷⴰⵡⵍⴰ) ⵢⴻⵙⵙⴻⴼⴽ ⴰⴷ ⵢⴻⵙⵙⴻⴱⵖⴻⵙ ⴰⵙⵙⴻⴼⵜⵉ ⴷⴻⴳ ⵜⵎⴻⵔⵔⵉⵜ, ⵢⴻⵔⵏⴰ ⴰⴷ ⵢⴻⵙⵙⴻⵡⵍⵉⵡⴻⵍ ⵜⵉⵣⴻⵎⵎⴰⵔ ⵏ ⵜⵎⵓⵔⵜ ⵉ ⵍⵎⴻⵏⴷ ⵏ ⵍⴻⴱⵏⵉ ⵏ ⵢⵉⵙⴻⵏⵙⴰ, ⴰⵙⵙⴻⵍⵀⵓ ⵏ ⵢⵉⵎⴻⵥⵍⴰ ⵏ ⵜⵎⴻⵔⵔⵉⵜ, ⴰⵙⵙⴻⴱⵖⴻⵙ ⵏ ⵜⵏⵓⵙⵉ ⵖⴻⵔ ⵎⴻⴷⴷⴻⵏ ⵏ ⵎⴻⵏⵡⴰⵍⴰ ⴷ ⵓⵙⵙⴻⵇⴷⴻⵛ ⵏ ⵜⴻⵙⵏⴰⵜⵡⵉⵍⵉⵏ (ⵜⵉⴽⵏⵓⵍⵓⴵⵉⵢⵢⴰⵜ) ⵜⵉⵎⴰⵢⵏⵓⵜⵉⵏ ⴷ ⵓⴷⴻⵍⵍⴻⵍ ⵏ ⵜⵎⴻⵔⵔⵉⵜ ⵜⴰⵖⴻⵍⵏⴰⵡⵜ.

ⴳⴰⵔ ⵜⵖⴰⵡⵙⵉⵡⵉⵏ ⵏ ⵓⴷⴻⵍⵍⴻⵍ ⵏ ⵜⵎⴻⵔⵔⵉⵜ, ⵢⴻⵏⵏⴰ-ⴷ ⵎⴰⵙⵙ ⵎⴻⵙⵙⴰⵉⵜⴼⴰ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⴻⵜⵜⵡⴰⵀⴻⵢⵢⵉ ⵡⴰⵀⵉⵍ ⵉ ⵓⵙⵏⴻⵔⵏⵉ ⵏ ⵓⵃⴻⵡⵡⴻⵙ ⵏ ⵢⵉⴷⵣⴰⵢⵔⵉⵢⴻⵏ ⴷⴻⴳ ⵜⵎⵓⵔⵜ-ⵏⵙⴻⵏ, ⴰⵎ ⵜⴻⵔⵣⵉ ⵖⴻⴼ ⵣⵣⴰⵡⵢⴰⵜ ⵢⴻⵍⵍⴰⵏ ⴷ ⵢⵉⵡⴻⵏ ⵙⴻⴳ ⵢⵉⵃⵔⵉⵛⴻⵏ ⵉⵎⴻⵇⵔⴰⵏⴻⵏ ⵏ ⵜⵎⴻⵔⵔⵉⵜ ⴷⴻⴳ ⵍⴻⵣⵣⴰⵢⴻⵔ.

ⵢⴻⵍⵍⴰ-ⴷ ⵓⵎⵢⴰⴳⴻⵔ-ⴰ ⴷⴻⴳ ⵓⴷⵉⵡⴰⵏ ⵏ ⵜⵎⴻⵔⵔⵉⵜ ⵏ ⵜⵖⵉⵡⴰⵏⵜ ⵏ ⵍⵄⴰⵍⵢⴰ (ⵜⴰⴷⴰⵢⵕⴰ ⵏ ⵍⴻⵃⴵⵉⵕⴰ) ⵙ ⵓⵎⵄⴰⵡⴻⵏ ⴷ ⵜⵎⴻⵀⵍⴰ (ⵎⵓⴷⵉⵔⵉⵢⵢⴰ) ⵏ ⵜⵎⴻⵔⵔⵉⵜ ⵏ ⵜⵡⵉⵍⴰⵢⵜ ⵏ ⵡⴰⵔⴻⴳⵍⴰ ⴷ ⵜⵓⴷⴷⵙⴰ ⵜⴰⵖⴻⵍⵏⴰⵡⵜ ⵏ ⵓⵙⵏⴻⴼⵍⵉ ⵏ ⵜⴼⴻⵍⵍⴰⵃⵜ, ⵢⴻⵔⵏⴰ ⵢⴻⵍⵍⴰ-ⴷ ⵓⵎⵢⴰⴳⴻⵔ-ⴰ ⴷ ⴰⵃⵔⵉⵛ ⵙⴻⴳ ⵢⵉⵡⴻⵜ ⵏ ⵜⴻⴷⵢⴰⵏⵜ ⵏ 4 ⵏ ⵡⵓⵙⵙⴰⵏ ⵉ ⵍⵎⴻⵏⴷ ⵏ ⵓⵇⴻⴷⴷⴻⵎ ⵏ ⵢⵉⵅⴻⴷⴷⵉⵎⴻⵏ ⵏ ⵜⵎⴻⵔⵔⵉⵜ ⴷ ⵜⴼⴻⵍⵍⴰⵃⵜ ⴷⴻⴳ ⵜⴻⵎⵏⴰⴹⵜ-ⴰ.

ⴰⵀⵉⵍ ⵏ ⵜⴻⴷⵢⴰⵏⵜ-ⴰ ⵎⴰⵣⴰⵍ ⵢⴻⵙⵙⴻⴼⵔⴰ ⵉⵎⵢⴰⴳⵔⴻⵏ ⴷ ⵜⴻⵔⵣⴰ ⵖⴻⴼ ⵡⴰⵟⴰⵙ ⵏ ⵢⵉⵎⵓⴽⴰⵏ ⵏ ⵜⵎⴻⵔⵔⵉⵜ, ⵍⴰⵜⴻⵕ ⴰⵇⴱⵓⵔ ⴷ ⵜⴼⴻⵍⵍⴰⵃⵜ ⴷⴻⴳ ⵜⴻⵎⵏⴰⴹⵜ-ⴰ.