ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵕⴰⵍⵉ ⴰⴳⵔⴰⵖⵍⴰⵏ ⵏ ⵍⴻⵣⵣⴰⵢⴻⵔ ⴷ ⵜⴰⴳⵏⵉⵜ ⵉ ⵓⵃⴻⵡⵡⴻⵙ ⴷⴻⴳ ⵢⵉⴳⵓⵔⴰⵔⴻⵏ
ⴰⴷⵔⴰⵔ – ⵜⴰⵎⵏⴰⴹⵜ ⵏ ⵜⵉⵎⵉⵎⵓⵏ ⵜⴻⴷⴷⴰ-ⴷ ⴳⴰⵔ ⵜⴻⵎⵏⴰⴹⵉⵏ ⴰⵢⵖⴻⴼ ⴰⴷ ⵜⵄⴻⴷⴷⵉ ⵜⴻⵎⵙⵉⵣⵣⴻⵍⵜ ⵏ ⵓⵕⴰⵍⵉ ⴰⴳⵔⴰⵖⵍⴰⵏ ⵏ ⵍⴻⵣⵣⴰⵢⴻⵔ, ⵢⴻⵔⵏⴰ ⴰⴷ ⴷ-ⵢⵉⵍⵉ ⵡⴰⵢⴰ ⴷ ⵜⴰⴳⵏⵉⵜ ⵉ ⵓⴷⴻⵍⵍⴻⵍ ⵉ ⵜⵎⴻⵔⵔⵉⵜ (ⵙⵉⵢⴰⵃⴰ) ⴷⴻⴳ ⵜⴻⵎⵏⴰⴹⵜ-ⴰ ⵜⴰⵎⴻⵇⵔⴰⵏⵜ ⵏ ⵢⵉⴳⵓⵔⴰⵔⴻⵏ.
ⵉⵎⵜⵜⴻⴽⴽⵉⵢⴻⵏ ⴷⴻⴳ ⵜⴻⵎⵙⵉⵣⵣⴻⵍⵜ-ⴰ ⵡⵡⴹⴻⵏ ⵖⴻⵔ ⵓⵎⴷⴰ ⴰⵣⴻⵡⵡⴰⵖ ⵏ ⵜⵉⵎⵉⵎⵓⵏ ⴷⴻⴼⴼⵉⵔ ⵎⴰ ⴽⴽⴰⵏ-ⴷ ⵖⴻⴼ ⵍⴻⵎⵏⵉⵄⴰ (ⵜⴰⵖⴻⵔⴷⴰⵢⵜ), ⵢⴻⵔⵏⴰ ⵎⵎⵓⴳⵔⴻⵏ-ⵜⴻⵏ ⵢⵉⵎⴻⵣⴷⴰⵖⴻⵏ ⵙ ⵜⵓⵎⴻⵔⵜ (ⵍⴼⴻⵕⵃ) ⴷ ⵜⴰⵎⴻⵇⵔⴰⵏⵜ. ⵜⵉⵎⵉⵎⵓⵏ ⵜⵀⴻⵢⵢⴰ ⵉⵎⴰⵏ-ⵏⵏⴻⵙ ⵉ ⵡⴰⵢⴰ ⵙ ⵓⵎⵄⴰⵡⴻⵏ ⴷ ⵢⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴷ ⵡⵉⴷ ⴰⵢ ⵉⵅⴻⴷⴷⵎⴻⵏ ⴷⴻⴳ ⵜⵎⴻⵜⵜⵉ ⵜⴰⵖⴰⵔⵉⵎⵜ (ⵎⴰⴷⴰⵏⵉ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⵖⵉⵡⴰⵏⵜ ⵏ ⵜⴻⵎⴷⵉⵏⵜ-ⴰ.
ⵙ ⵡⴰⵢⴰ, ⵢⴻⵏⵏⴰ-ⴷ ⵎ’ⵀⴰⵎⴻⴷ ⵙⵧⵓⴼⵉ ⴷ ⴰⴽⴽⴻⵏ ⴰⴽⴽ ⵜⵉⵣⴻⵎⵎⴰⵔ ⵏ ⵢⵉⵎⴷⴰⵏⴻⵏ ⴷ ⵜⵜⴰⵡⵉⵍ ⵜⵜⵡⴰⵀⴻⵢⵢⴰⵏⵜ-ⴷ ⵉ ⵓⵙⵙⴻⵔⴱⴻⵃ ⵏ ⵓⵎⵙⵉⵣⵡⴻⵔ-ⴰ, ⵢⴻⵔⵏⴰ ⴼⵓⵕⵙⴻⵏ ⴰⴷ ⴳⴻⵏ ⴷⴰⵖ ⴰⴷⴻⵍⵍⴻⵍ ⵉ ⵜⵎⴻⵔⵔⵉⵜ ⴷⴻⴳ ⵜⴻⵎⵏⴰⴹⵜ ⵏ ⵢⵉⴳⵓⵔⴰⵔⴻⵏ ⴰⵢ ⵢⴻⵜⵜⵡⴰⵙⵙⵏⴻⵏ ⵙ ⵛⵛⴱⴰⵃⴰ-ⵏⵏⴻⵙ.
ⴷⵖⴰ ⵉ ⵍⵎⴻⵏⴷ ⵏ ⵡⴰⵢⴰ, ⵓⵙⴰⵏ-ⴷ ⵡⵉⴷ ⴰⵢ ⵉⵡⵜⴻⵏ ⵜⵉⵇⴻⴱⵇⴰⴱⵉⵏ ⴷ ⵓⴱⴰⵕⵓⴷ, ⵉⵎⵏⴰⵢⴻⵏ ⵙ ⵢⵉⵢⵙⴰⵏ ⴷ ⵢⵉⵍⴻⵖⵎⴰⵏ ⵉ ⵍⵎⴻⵏⴷ ⵏ ⵓⵎⵎⴰⴳⴻⵔ ⵏ ⵢⵉⵎⵜⵜⴻⴽⴽⵉⵢⴻⵏ ⵓⵎⵉ ⵢⴻⵄⵊⴻⴱ ⵓⵀⴰⵏⴰⵢ-ⴰ (ⵄⴰⵔⴹ) ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⵎⴰⵣⵉⵔ ⵏ ⵓⵎⵎⴰⴳⴻⵔ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵍⵍⴰ ⵙⵙⴻⵀⵕⴰ ⵙ ⵢⵉⵙⴻⴼⵔⴰ ⵏ ⵓⵀⴻⵍⵍⵉⵍ.
ⵔⴰⵛⵀⵉⴷ ⵧⵓⵍⴷ ⵏⴰⵛⵉⵔ, ⴱⴰⴱ ⵏ ⵢⵉⵡⴻⵏ ⵏ ⵓⵎⴰⵣⵉⵔ ⵏ ⵜⵎⴻⵔⵔⵉⵜ ⴷⴻⴳ ⵜⵉⵎⵉⵎⵓⵏ, ⵢⵓⵎⴰⵔ (ⵢⴻⴼⵕⴻⵃ) ⵉⵎⵉ ⴰⵢ ⴼⴻⵔⵏⴻⵏ ⴰⴷ ⵜⵉⵍⵉ ⵜⵉⵎⵉⵎⵓⵏ ⴷⴻⴳ ⵓⴱⵔⵉⴷ ⵏ ⵓⵕⴰⵍⵉ-ⴰ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵢⴰ ⴰⴷ ⴷ-ⵢⴻⵙⴷⵓⵇⵇⴻⵙ ⵜⴰⵎⴻⵔⵔⵉⵜ ⴷⴻⴳ ⵢⵉⴳⵓⵔⴰⵔⴻⵏ ⴰⵎ ⵡⴰⴽⴽⴻⵏ ⴰⴷ ⵢⴻⵔⵥⴻⵎ ⵡⴰⵢⴰ ⴰⴱⵔⵉⴷ ⵉ ⵓⵙⵙⴻⵏⵣⵉ ⵏ ⵜⵖⴰⵡⵙⵉⵡⵉⵏ ⵏ ⵜⴻⵏⴹⵉ (ⵚⵉⵏⴰⵄⴰ ⵜⴰⵇⵍⵉⴷⵉⵢⵢⴰ).
