ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵡⴻⴽⴽⴻⴷ-ⴷ ⵜⴷⵓⴽⵍⵉ ⵜⵓⵕⵓⴼⵉⵜ ⴰⴱⴷⴰⴷ-ⵏⵏⴻⵙ ⵖⴻⵔ ⵜⵉⴼⵔⴰⵜ ⵉ ⵍⴼⴰⵢⴷⴰ ⵏ ⵓⵖⵔⴻⴼ ⴰⵚⴻⵃⵔⴰⵡⵉ
ⴱⵔⵓⵅⴻⵍⵍⴻⵙ – ⵜⴻⵏⵏⴰ-ⴷ ⵜⴳⴻⵏⵙⴰⵙⵜ (ⵎⵓⵎⴰⵜⵜⵉⵍⴰ) ⵜⵓⵏⵏⵉⴳⵜ ⵏ ⵜⴷⵓⴽⵍⵉ ⵜⵓⵕⵓⴼⵉⵜ ⵉ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⴼⴻⴷⴻⵔⵉⵛⴰ ⵎⵧⴳⵀⴻⵔⵉⵏⵉ, ⴷ ⴰⴽⴽⴻⵏ ⵜⴻⵛⵖⴻⴱ-ⵉⵜⵜ ⵜⴻⵎⵙⴰⵍⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ, ⴰⵎ ⵡⴰⴽⴽⴻⵏ ⴰⵢ ⵜⵄⴰⵡⴻⴷ ⵜⵡⴻⴽⴽⴻⴷ-ⴷ ⴰⴱⴷⴰⴷ ⵏ ⵜⴷⵓⴽⵍⵉ ⵜⵓⵕⵓⴼⵉⵜ ⵖⴻⵔ ⵢⵉⴷⵉⵙ ⵏ ⵜⵉⴼⵔⴰⵜ « ⵜⵓⵖⴷⵉⵎⵜ » (ⵄⴰⴷⵉⵍⴰ) ⴰⴷ ⵉⴹⴻⵎⵏⴻⵏ ⴰⵣⵔⴻⴼ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⴰⴽⴽⴻⵏ ⴰⴷ ⵜⵜ-ⵉⴷ-ⵢⴻⴼⵔⵓ ⵖⴻⴼ ⵓⵣⴻⴽⴽⴰ-ⵏⵏⴻⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⴳⴳⴰ ⵏ ⴻⵓⵔⵧⵒⴰ ⵒⵔⴻⵙⵙ ⴰⵙⵙ ⵏ ⵙⵙⴻⴱⵜ.
« ⵜⴻⴱⴷⴻⴷ ⵜⴷⵓⴽⵍⵉ ⵜⵓⵕⵓⴼⵉⵜ ⵖⴻⵔ ⵢⵉⴷⵉⵙ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵍⵎⴻⵏⴷ ⵏ ⴼⴻⵔⵔⵓ ⵓⵖⴷⵉⵎ, ⴰⴷⵓⵎⴰⵏ ⴰⴷ ⵇⴻⴱⵍⴻⵏ ⵙⵉⵏ-ⵏⵏⵉ ⵏ ⵢⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴰⵍⵓⴼⵜ, ⴷ ⵜⵉⴼⵔⴰⵜ ⴰⴷ ⵉⵇⴰⴷⵔⴻⵏ ⴰⴳⴳⵓⵛⵛⴻⵍⵎⴰⵏ (ⵜⴰⵇⵔⵉⵔ ⴰⵍ-ⵎⴰⵚⵉⵔ) ⵏ ⵓⵖⵔⴻⴼ ⵏ ⵓⵏⴻⵥⵔⵓⴼ ⵓⵜⵔⵉⵎ ⵙ ⵓⵇⴰⴷⴻⵔ ⵏ ⵢⵉⵎⵜⴰⵡⴰⵢⴻⵏ (ⵉⵜⵜⵉⴼⴰⵇⴰⵜ) ⵢⴻⴷⴷⴰⵏ ⴷ ⵢⵉⵎⴻⵏⵣⴰⵢⴻⵏ ⴷ ⵢⵉⵙⵡⴰⵏ ⵏ ⵓⵔⴽⴰⵡⴰⵍ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵎⴰⵙⵙⴰ ⵎⵧⴳⵀⴻⵔⵉⵏⵉ ⴷⴻⴳ ⵢⵉⵡⴻⵜ ⵏ ⵜⵔⵉⵔⵉⵜ ⴰⵢ ⵜⴻⴼⴽⴰ ⵉ ⵜⵎⴰⵣⴰⵏⵜ ⵜⵓⵕⵓⴼⵉⵜ ⵒⴰⵍⵧⵎⴰ ⵍⵧⵒⴻⵣ.
ⵉⴳⴻⵏⵙⴰⵙⴻⵏ ⵏ ⵓⴽⴰⴱⴰⵔ ⴰⵙⵒⴻⵏⵢⵓⵍⵉ ⵏ ⵒⵧⴷⴻⵎⵧⵙ ⵢⴻⵍⵍⴰⵏ ⴷⴻⴳ ⵓⵎⵏⵉ (ⴱⴰⵔⵍⴰⵎⴰⵏ) ⵓⵕⵓⴼⵉ ⴳⵔⴻⵏ-ⴷ ⵜⵉⵖⵔⵉ ⵉ ⵎⴰⵙⵙⴰ ⵎⵧⴳⵀⴻⵔⵉⵏⵉ ⴰⴽⴽⴻⵏ « ⵜⴰⴷⵓⴽⵍⵉ ⵜⵓⵕⵓⴼⵉⵜ ⴰⴷ ⵜⴻⴳ ⵜⵉⵖⴰⵡⵙⵉⵡⵉⵏ ⵏ ⵜⵉⴷⴻⵜ ⵢⴻⵔⵏⴰ ⵡⴰⵔ ⵍⴻⵄⴹⵉⵍ ⵉ ⵍⵎⴻⵏⴷ ⵏ ⵢⵉⵔⵉⵔⵉ ⵏ ⵍⴻⵎⵛⴰⵡⵕⴰⵜ » ⴳⴰⵔ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⴷ ⵎⴻⵕⵕⵓⴽ ⵉ ⵍⵎⴻⵏⴷ ⵏ ⴼⴻⵔⵔⵓ ⵏ ⵜⴻⵎⵙⴰⵍⵜ ⵏ ⵓⵏⴻⵥⵔⵓⴼ ⵓⵜⵔⵉⵎ, ⴰⵎ ⵡⴰⴽⴽⴻⵏ ⴰⵢ ⴷ-ⴳⵔⴻⵏ ⵜⵉⵖⵔⵉ ⵉ ⵜⴷⵓⴽⵍⵉ ⵜⵓⵕⵓⴼⵉⵜ ⴰⴽⴽⴻⵏ ⴰⴷ ⴷ-ⵜⵙⴻⵎⵎⵉ ⴰⵎⴰⵣⵓⵏ ⵓⵣⵣⵉⴳ (ⵎⴰⴱⵄⵓⵜ ⵅⴰⵚⵚ) ⵉ ⵓⵏⴻⵥⵔⵓⴼ ⵓⵜⵔⵉⵎ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵔⴽⴰⴹ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷ ⵓⴳⴷⴰⵍ (ⵎⴰⵏⵄ) ⵏ ⵜⴻⴳⵔⴰⵡⵉⵏ ⵜⵉⴱⴻⵕⵕⴰⵏⵉⵢⵉⵏ ⴰⴽⴽⴻⵏ ⴰⴷ ⴰⴷⴼⴻⵏⵜ ⵖⴻⵔ ⵓⵏⴻⵥⵔⵓⴼ ⵓⵜⵔⵉⵎ, ⵜⴻⵏⵏⴰ-ⴷ ⵎⴰⵙⵙⴰ ⵎⵧⴳⵀⴻⵔⵉⵏⵉ ⴷ ⴰⴽⴽⴻⵏ ⵜⴰⴷⵓⴽⵍⵉ ⵜⵓⵕⵓⴼⵉⵜ ⵎⴰⵣⴰⵍ-ⵉⵜⵜ ⵜⴻⵙⵄⴰ ⴰⵏⴻⵔⵎⵉⵙ (ⵉⵜⵜⵉⵚⴰⵍ) ⴷ ⵜⵓⴷⴷⵙⵉⵡⵉⵏ ⵏ ⵜⵎⴻⵜⵜⵉ ⵜⴰⵖⴰⵔⵉⵎⵜ ⴷ ⵜⵉⴷ ⵢⴻⴽⴽⴰⵜⴻⵏ ⵖⴻⴼ ⵢⵉⵣⴻⵔⴼⴰⵏ ⵏ ⵓⵎⴷⴰⵏ.
ⴰⵏⴻⵥⵔⵓⴼ ⵓⵜⵔⵉⵎ ⴷ ⵏⴻⵜⵜⴰ ⴰⵢ ⴷ ⵜⴰⵀⵔⴻⵙⵜ (ⵎⵓⵙⵜⴰⵄⵎⴰⵔⴰ) ⵜⴰⵏⴻⴳⴳⴰⵔⵓⵜ ⴷⴻⴳ ⵜⴻⴼⵔⵉⵇⵜ ⵢⴻⵔⵏⴰ 40 ⵏ ⵢⵉⵙⴻⴳⴳⴰⵙⴻⵏ ⴰⵢⴰ ⵙⴻⴳ ⵡⴰⵙⵎⵉ ⴰⵢ ⵜⴻⵍⵍⴰ ⴷⴷⴰⵡ ⵜⵓⴹⴹⴼⴰ ⵜⴰⵎⴻⵕⵕⵓⴽⵉⵜ ⵢⴻⴼⴼⵖⴻⵏ ⵉ ⵍⵇⴰⵏⵓⵏ.
