ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

95% ⵙⴻⴳ ⵜⴽⴻⵕⵕⵓⵙⵉⵏ ⵏ ⵔⴻⵏⴰⵓⵍⵜ ⵙⵢⵎⴱⵧⵍ ⵏⵣⴰⵏⵜ ⵉ ⵎⴻⴷⴷⴻⵏ

ⵡⴻⵀⵕⴰⵏ – 95% ⵙⴻⴳ ⵜⴽⴻⵕⵕⵓⵙⵉⵏ ⵏ ⵔⴻⵏⴰⵓⵍⵜ ⵙⵢⵎⴱⵧⵍ ⴰⵢ ⵢⴻⵏⵣⴰⵏ ⵉ ⵎⴻⴷⴷⴻⵏ ⵏ ⵎⴻⵏⵡⴰⵍⴰ, ⴷⴻⴳ ⵡⴰⴽⵓⴷ ⴰⵢⴷⴻⴳ ⴰⵍⴰ 5% ⴰⵢ ⵢⴻⵏⵣⴰⵏ ⵉ ⵜⴽⴻⴱⴱⴰⵏⵉⵢⵉⵏ ⵜⵉⵏⴰⴳⴷⵓⴷⵉⵏ (ⵄⵓⵎⵓⵎⵉⵢⵢⴰ) ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵡⴻⵀⵕⴰⵏ, ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⴻⴳⵔⴰⵡⵜ ⵏ « ⵔⴻⵏⴰⵓⵍⵜ ⴰⵍⴳⴻⵔⵉⴻ », ⴳⵓⵉⵍⵍⴰⵓⵎⴻ ⵊⵧⵙⵙⴻⵍⵉⵏ.

ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⴰⵢ ⵉⴳⴰ ⵖⴻⵔ ⵢⵉⴷⵉⵙ ⵏ ⵓⵙⴻⵍⵡⴰⵢ-ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⴽⴻⴱⴱⴰⵏⵉⵜ ⵏ « ⵔⴻⵏⴰⵓⵍⵜ ⴰⵍⴳⴻⵔⵉⴻ ⵒⵔⵧⴷⵓⵛⵜⵉⵧⵏ », ⴱⴻⵔⵏⴰⵔⴷ ⵙⵧⵍⵀⵉⵏⴰⵛ, ⵉ ⵍⵎⴻⵏⴷ ⵏ ⵓⵙⴼⵓⴳⴻⵍ ⵏ ⵓⵎⵓⵍⵍⵉ ⴰⵎⴻⵣⵡⴰⵔⵓ ⵏ ⵓⵔⵥⴰⵎ ⵏ ⵍⵍⵓⵣⵉⵏ ⵏ ⵡⴰⴷ ⵜⵍⵉⵍⴰⵜ ⴷ ⵡⵓⴼⴼⵓⵖ ⵏ ⵜⴽⴻⵕⵕⵓⵙⵜ ⵜⴰⵎⴻⵣⵡⴰⵔⵓⵜ ⵙⴻⴳ-ⵙ, ⵢⴻⵏⵏⴰ-ⴷ ⵎⴰⵙⵙ ⵊⵧⵙⵙⴻⵍⵉⵏ ⴷ ⴰⴽⴽⴻⵏ ⵍⵍⵓⵣⵉⵏ-ⴰ ⵜⴳⴰ-ⴷ ⵉⴳⵎⴰⴹ ⵢⴻⵍⵀⴰⵏ.

« ⵔⴻⵏⴰⵓⵍⵜ ⴷ ⵏⴻⵜⵜⴰⵜ ⴰⵢ ⴷ ⵜⴰⴽⴻⵕⵕⵓⵙⵜ ⴰⵢ ⵢⴻⵜⵜⵏⵓⵣⵓⵏ ⴰⵟⴰⵙ ⴰⴽⴽ ⴷⴻⴳ ⵍⴻⵣⵣⴰⵢⴻⵔ. ⴷⴻⴳ ⴽⵔⴰⴹ-ⴰ (3) ⵏ ⵡⴰⵢⵢⵓⵔⴻⵏ ⵉⵏⴻⴳⴳⵓⵔⴰ, ⵏⵓⵖⴰⵍ ⴷ ⵉⵎⴻⵣⵡⵓⵔⴰ ⴷⴻⴳ ⵙⵙⵓⵇ ⵙ ⵜⴽⴻⵕⵕⵓⵙⵜ ⵏ ⵙⵢⵎⴱⵧⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵙ ⵜⵓⵎⴻⵔⵜ (ⵍⴼⴻⵕⵃ) ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⴻⴳⵔⴰⵡⵜ ⵏ « ⵔⴻⵏⴰⵓⵍⵜ ⴰⵍⴳⴻⵔⵉⴻ », ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷ ⴰⴽⴽⴻⵏ ⵜⴰⴽⴻⵕⵕⵓⵙⵜ ⵏ ⵙⵢⵎⴱⵧⵍ « ⵜⴻⵔⴱⴻⵃ ⴷⴻⴳ ⵢⵉⴽⴰⵢⴰⴷⴻⵏ (ⵉⵅⵜⵉⴱⴰⵔⴰⵜ) ⵏ ⵜⵖⴰⵔⴰ ⴷ ⵍⴰⵎⴰⵏ ».

« ⵏⴻⵡⵡⴻⴹ ⵖⴻⵔ ⵓⵙⵡⵉⵔ-ⵏⵏⵉ ⵏ ⵜⵖⴰⵔⴰ (ⴵⴰⵡⴷⴰ) ⵡⵓⵖⵓⵔ ⵏⴻⴹⵎⴻⵄ ⴰⴷ ⵏⴰⵡⴻⴹ, ⵢⴻⵔⵏⴰ ⵜⵉⴽⴻⵕⵕⵓⵙⵉⵏ-ⵏⵏⴻⵖ ⵡⴰⵜⴰⵏⵜ ⴰⴽⴽ ⵉⵍⵓⴳⴰⵏ ⴷ ⵜⴻⴳⵏⴰ (ⵎⴰⵄⴰⵢⵉⵔ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵍⴻⴱⵏⵉ ⵏ ⵍⵍⵓⵣⵉⵏ ⵏ ⵜⴽⴻⴱⴱⴰⵏⵉⵜ ⵜⴰⴼⵕⴻⵏⵙⵉⵙⵜ ⵏ ⵒⴻⵓⴳⴻⵧⵜ ⴰⴷ ⵉⴱⴻⵄⴷⴻⵏ 10 ⴽⴰⵏ ⵏ ⵢⵉⴽⵉⵍⵓⵎⵉⵜⵔⴻⵏ ⵖⴻⴼ ⵜⵉⵏ ⵏ ⵔⴻⵏⴰⵓⵍⵜ, ⵢⴻⵏⵏⴰ-ⴷ ⵊⵧⵙⵙⴻⵍⵉⵏ ⴷ ⴰⴽⴽⴻⵏ « ⴰⵢⴰ ⴰⴷ ⴷ-ⵢⴻⵙⴷⵓⵇⵇⴻⵙ ⵕⵕⵓⵃ ⵏ ⵓⵎⵙⵉⵣⵡⴻⵔ ⵖⴻⵔ ⵔⴻⵏⴰⵓⵍⵜ ⴰⵢ ⵢⴻⴱⵖⴰⵏ ⴰⴷ ⵜⴻⴹⴹⴻⴼ ⴰⵎⴽⴰⵏ ⴰⵎⴻⵣⵡⴰⵔⵓ ⴷⴻⴳ ⵙⵙⵓⵇ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷ ⴰⴽⴽⴻⵏ ⵔⴻⵏⴰⵓⵍⵜ ⵜⵙⴻⵄⵄⵓ ⵢⴰⵍ ⴰⵙⴻⴳⴳⴰⵙ 100.000 ⵏ ⵢⵉⵎⴻⵛⵜⵓⵔⴰ ⵉⵎⴰⵢⵏⵓⵜⴻⵏ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵡⴻⴽⴽⴻⴷ ⵏ ⵍⴻⵛⵖⴰⵍ ⵉ ⵜⴽⴻⴱⴱⴰⵏⵉⵢⵉⵏ ⵏⵉⴹⴻⵏ, ,ⵏⵏⴰⵏ-ⴷ ⵢⵉⵎⴰⵙⴰⵢⴻⵏ (ⵎⴰⵙ’ⵓⵍⵉⵏ) ⵏ ⵔⴻⵏⴰⵓⵍⵜ ⵅⴻⴷⴷⵎⴻⵏ ⴷ ⵜⴽⴻⴱⴱⴰⵍⵉⵜ ⵏ « ⵊⵧⴽⵜⴰⵍ », ⵢⴻⵔⵏⴰ ⵔⵏⴰⵏ ⴳⴰⵏ ⵍⴻⵄⵇⵓⴷⴰⵜ ⴷ 3 ⵏ ⵜⴽⴻⴱⴱⴰⵏⵉⵢⵉⵏ ⵏⵉⴹⴻⵏ ⴰⴽⴽⴻⵏ ⴰⴷ ⴷ-ⴰⵖⴻⵏ ⵜⵉⵛⴻⵇⵇⵓⴼⵉⵏ ⵙⴻⴳ ⵙⵙⵓⵇ ⴰⴷⵣⴰⵢⵔⵉ. « ⵎⴰⵔⵜⵓⵔ ⴰⵍⴳⴻⵔⵉⴻ » ⴰⴷ ⵜⵓⵖⴰⵍ ⴰⴷ ⴰⵖ-ⴷ-ⵜⴻⵙⵏⵓⵣⵓⵢ ⵉⴽⴻⵔⵙⵉⵢⴻⵏ ⵙⴻⴳ ⵢⴻⵏⵏⴰⵢⴻⵔ ⴷ ⴰⵙⴰⵡⴻⵏ. « ⵙⵉⵜⴻⵍ » ⴰⴷ ⴰⵖ-ⴷ-ⵜⴻⵙⵏⵓⵣⵓⵢ ⵉⴳⵓⵜⴰ (ⴽⴰⴱⵍⴰⵜ) ⵏ ⵜⵔⵉⵙⵉⵜⵉ ⵙⴻⴳ ⵜⴳⴰⵔⴰ ⵏ 2016 ⴷ ⴰⵙⴰⵡⴻⵏ, ⵎⴰ ⴷ « ⵙⴰⵔⴻⵍ » ⴰⴷ ⴰⵖ-ⴷ-ⵜⴻⵙⵏⵓⵣⵓⵢ ⴰⵣⴰⵍ ⵏ 30 ⵏ ⵜⵛⴻⵇⵇⵓⴼⵉⵏ ⵏ ⵓⵒⵍⴰⵙⵜⵉⴽ ⵙⴻⴳ ⵜⴻⵣⵡⴰⵔⴰ ⵏ 2017 ⴷ ⴰⵙⴰⵡⴻⵏ.