ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵏ ⵉⵜⴼ ⵏ ⵓⵜⵉⵏⵉⵙ ⵏ ⵜⵍⴰⵡⵉⵏ: ⴱⴻⵏⴰⵉⵙⵙⴰ ⵜⴻⵔⵏⴰ ⵍⴰⵣⴰⵔⴻⵠⴰ

ⵜⵓⵏⴻⵙ ⵜⴰⵎⴰⵏⴻⵖⵜ – ⵜⴻⵔⵏⴰ ⵜⵎⴰⵔⵉⵔⵜ ⵜⴰⴷⵣⴰⵢⵔⵉⵜ ⵏ ⵓⵜⵉⵏⵉⵙ, ⴰⵎⵉⵔⴰ ⴱⴻⵏⴰⵉⵙⵙⴰ, ⵜⴰⵅⵚⵉⵎⵜ-ⵏⵏⴻⵙ ⵜⴰⵔⵓⵙⵉⵜ ⵎⴰⵔⴳⴰⵔⵉⵜⴰ ⵍⴰⵣⴰⵔⴻⵠⴰ ⵙ 2 ⵖⴻⵔ 0, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵜⴻⵎⵍⵉⵍⵉⵜ ⵢⴻⵍⵍⴰⵏ ⴷ ⴰⵃⵔⵉⵛ ⵙⴻⴳ ⵜⵓⵣⵣⵢⴰ ⵜⴰⵎⴻⵣⵡⴰⵔⵓⵜ ⵏ ⵜⴻⵍⵖⵓⵖⴰ ⵏ ⵉⵜⴼ ⵏ ⵜⵍⴰⵡⵉⵏ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⵓⵙⵙⴰⵏ-ⴰ ⴷⴻⴳ ⴻⵍ ⴽⴰⵏⵜⴰⵧⵓⵉ, ⴷⴻⴳ ⵜⵓⵏⴻⵙ.

ⵓⵍⴰ ⵎⴰ ⴱⴻⵏⴰⵉⵙⵙⴰ ⵜⴻⵍⵍⴰ ⵜⴻⵄⵢⴰ, ⵜⴻⵙⵙⴰⵡⴻⴹ ⴰⴷ ⵜⴻⵔⵏⵓ ⵜⴰⵅⵚⵉⵎⵜ-ⵏⵏⴻⵙ ⵜⴰⵔⵓⵙⵉⵜ ⵙ ⵜⴻⴼⵙⴻⵙ (6-2, 6-1).

ⴱⴻⵏⴰⵉⵙⵙⴰ ⵜⴻⵡⵡⴻⴹ ⵖⴻⵔ ⵜⵓⵏⴻⵙ ⵜⴰⵎⴰⵏⴻⵖⵜ ⴰⵙⵙ ⵏ ⵍⴻⵜⵏⵉⵢⴻⵏ, ⵢⵉⵡⴻⵏ ⴽⴰⵏ ⵡⴰⵙⵙ ⴷⴻⴼⴼⵉⵔ ⵎⴰ ⵜⴻⵔⴱⴻⵃ ⵜⴰⵍⵖⵓⵖⴰ ⵏ ⵍⴻⵣⵣⴰⵢⴻⵔ ⴰⵢⴷⴻⴳ ⵜⴻⵜⵜⴻⴽⴽⴰ ⴳⴰⵔ 4 ⴷ 7 ⵏⵡⴻⵎⴱⴻⵕ ⴷⴻⴳ ⵓⵙⵔⵉⵔ ⵏ ⵓⵜⵉⵏⵉⵙ ⵏ ⴱⵓⴼⴰⵔⵉⴽ (ⵍⴻⴱⵍⵉⴷⴰ).

ⵉⵎⵉ ⴰⵢ ⴰⵙ-ⴷ-ⵉⵚⴰⵃ ⵓⵏⴻⵄⵔⵓⴹ ⵏ ⵡⵉⵍⴷ ⵛⴰⵔⴷ, ⴱⴻⵏⴰⵉⵙⵙⴰ ⵜⴻⵜⵜⴻⴽⴽⴰ ⵙⵔⵉⴷ ⴷⴻⴳ ⵜⴼⴻⵍⵡⵉⵜ (ⴵⴰⴷⵡⴰⵍ) ⴰⵏⴻⴳⴳⴰⵔⵓ ⵏ ⵜⴻⵍⵖⵓⵖⴰ-ⴰ ⵜⴰⴳⵔⴰⵖⵍⴰⵏⵜ ⵏ ⵉⵜⴼ, ⵡⴰⵔ ⵎⴰ ⵜⵓⵔⴰⵔ ⵜⵉⵎⵍⵉⵍⵉⵢⵉⵏ ⵏ ⵓⵙⵙⵉⵖⴻⵔ (ⵜⴰ’ⴰⵀⵀⵓⵍ).

«ⵜⴰⵍⵖⵓⵖⴰ ⵏ ⴻⵍ ⴽⴰⵏⵜⴰⵧⵓⵉ ⵍⵍⴰⵏ ⴷⴻⴳ-ⵙ 10.000 ⵏ ⵢⵉⴷⵓⵍⴰⵕⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵓⵜⵉⵏⵉⵙ ⴷⴻⴳ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ).