ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⵣⵣⴰⵢⴻⵔ ⵜⴻⵙⵎⴻⵏⵢⴰⴼ ⵍⴻⵎⵛⴰⵡⵕⴰⵜ ⵉ ⵡⴰⵡⵡⴰⴹ ⵖⴻⵔ ⵜⴰⵍⵡⵉⵜ
ⵔⵉⵢⴰⴷⵀ – ⵉⵡⴻⴽⴽⴻⴷ-ⴷ ⵓⵙⴻⵍⵡⴰⵢ ⵏ ⵓⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⵎⵧⵀⴰⵎⴻⴷ ⵍⴰⵔⴱⵉ ⵧⵓⵍⴷ ⴽⵀⴻⵍⵉⴼⴰ, ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵔⵉⵢⴰⴷⵀ, ⴷ ⴰⴽⴽⴻⵏ ⵍⴻⵣⵣⴰⵢⴻⵔ ⵜⴻⵙⵎⴻⵏⵢⴰⴼ ⴰⴱⵔⵉⴷ ⵏ ⵍⴻⵎⵛⴰⵡⵕⴰⵜ ⵉ ⵍⵎⴻⵏⴷ ⵏ ⵢⵉⵔⵉⵔⵉ ⵏ ⵜⴰⵍⵡⵉⵜ ⵖⴻⵔ ⵜⴻⵎⵏⴰⴹⵜ ⵏ ⵙⵙⴰⵃⴻⵍ ⴷ ⵓⵎⴰⴹⴰⵍ, ⵢⴻⵔⵏⴰ ⵜⴻⵅⴹⴰ, ⴷⴻⴳ ⴰⴱⵔⵉⴷ-ⴰ ⵢⴻⵅⴹⴰ ⴰⵏⴻⴽⵛⵓⵎ ⴷⴻⴳ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⵏ ⵜⵎⵓⵔⴰ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⵏⴻⵖ ⵜⴰⴳⴻⵔⵎⴰⵏⵜ (ⵜⴰⴷⴰⵅⵅⵓⵍ) ⵜⴰⵙⴻⵔⴷⴰⵙⴰⵏⵜ.
« ⵜⴰⵎⵓⵔⵜ-ⵉⵏⵓ ⵜⴻⵜⵜⵡⴰⵙⵙⴻⵇⵏⴻⵄ ⵙ ⵡⴰⵣⴰⵍ ⵏ ⵓⵙⵙⴻⴵⵀⴻⴷ ⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ (ⴰⵎⵏ) ⴷⴻⴳ ⵜⴻⵎⵏⴰⴹⵜ ⵏ ⵙⵙⴰⵃⴻⵍ ⴷ ⵓⵎⴰⴹⴰⵍ, ⵢⴻⵔⵏⴰ ⵜⴻⴹⴼⴻⵔ ⴰⴱⵔⵉⴷ ⵏ ⵓⵎⵛⵉⵡⴻⵕ ⴷ ⵜⴰⵍⵡⵉⵜ ⵉ ⴼⴻⵔⵔⵓ ⵏ ⵡⵓⴳⵓⵔⴻⵏ ⴷ ⵜⵍⵓⴼⴰ ⵜⵉⵎⵏⴰⴹⴰⵏⵉⵏ ⴱⴻⵕⵕⴰ ⵉ ⵜⴳⴻⵔⵎⴰⵏⵜ ⵜⴰⴱⴻⵕⵕⴰⵏⵉⵜ ⵏⴻⵖ ⵜⴰⵙⴻⵔⴷⴰⵙⴰⵏⵜ ⵉⵎⵉ ⴰⵢ ⵏⵡⴰⵍⴰ ⴷ ⴰⴽⴽⴻⵏ ⴰⵢⴰ ⵢⴻⵙⵎⴻⵏⴷⴰⴳ ⴽⴰⵏ ⵜⵉⵎⴻⵙ ⵢⴻⵔⵏⴰ ⵉⵔⴻⵏⵏⵓ ⵢⴻⵙⵙⴻⵡⵄⴰⵕ ⵜⴰⴳⵏⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴻⴳ ⵢⵉⵡⴻⵜ ⵏ ⵜⵉⵏⴰⵡⵜ (ⴽⴰⵍⵉⵎⴰ) ⴷⴻⴳ ⵜⵇⴰⵛⵓⵛⵜ ⵜⵉⵙ 4 ⴳⴰⵔ ⵓⵎⴰⴹⴰⵍ ⴰⵄⵕⴰⴱ ⴷ ⵜⴻⵎⵔⵉⴽⵜ ⵏ ⵓⵏⵥⵓⵍ ⴰⵢⴷⴻⴳ ⵢⴻⵃⴷⴻⵕ ⵙ ⵢⵉⵙⴻⵎ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ.
« ⵜⴰⵎⵓⵖⵍⵉ-ⴰ ⵜⴻⵡⵡⵉ-ⴷ ⵍⴼⴰⵢⴷⴰ ⴷⴻⴳ ⴼⴻⵔⵔⵓ ⵏ ⵜⴰⵍⵓⴼⵜ ⵜⴰⵎⴰⵍⵉⵜ. ⴷⴻⴳ ⵍⴻⵣⵣⴰⵢⴻⵔ ⴰⵢ ⴷ-ⵢⴻⵍⵍⴰ ⵓⵙⴰⵔⴰⴳ ⵏ ⵓⵎⵛⵉⵡⴻⵕ ⴳⴰⵔ ⵢⵉⵎⴰⵍⵉⵢⴻⵏ ⴰⵢ ⵢⴻⵙⵙⴰⵡⴹⴻⵏ ⵖⴻⵔ ⵜⵉⴼⵔⴰⵜ ⵜⴰⵙⴻⵔⵜⵉⵜ ⵜⴰⵎⴰⵜⵓⵜ ⵢⴻⵔⵏⴰ ⴷ ⴰⵢⴰ ⴰⵢ ⵢⴻⵙⵙⴰⵡⴹⴻⵏ ⵉⴷⵉⵙⴰⵏ ⵉⵎⴰⵍⵉⵢⴻⵏ ⴰⵢ ⵢⴻⵎⵅⴰⵚⴰⵎⴻⵏ ⴰⴷ ⵙⵜⴻⵏⵢⵉⵏ ⴰⵎⵜⴰⵡⴰ (ⵉⵜⵜⵉⴼⴰⵇ) ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴷⴻⴳ ⴱⴰⵎⴰⴽⵧ ⴷⴻⴳ 15 ⵎⴰⵢⵓ 2015 », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵎⴰⵙⵙ ⵧⵓⵍⴷ ⴽⵀⴻⵍⵉⴼⴰ.
« ⵍⴻⵣⵣⴰⵢⴻⵔ ⵜⵓⴽⵉ ⴷⴰⵖ ⵙ ⵡⵓⴳⵓⵔ ⵏ ⵜⵖⴻⵍⵍⵉⵙⵜ ⴰⵢ ⵢⴻⵍⵍⴰⵏ ⴷⴻⴼⴼⵉⵔ ⵜⴰⵍⵓⴼⵜ ⵜⴰⵍⵉⴱⵉⵜ ⵢⴻⵔⵏⴰ ⵓⴳⵓⵔ-ⴰ ⵢⴻⵣⵎⴻⵔ ⴰⴷ ⵢⴻⵙⵡⴰⵖ ⵜⴰⴷⵓⴽⵍⵉ ⵏ ⵓⵖⵔⴻⴼ ⴰⵍⵉⴱⵉ ⴷ ⵜⵓⵎⵎⴷⴰ ⵏ ⵡⴰⴽⴰⵍ ⵏ ⵜⵎⵓⵔⵜ-ⵏⵏⴻⵙ, ⴷⵖⴰ ⵉⵎⵉ ⴰⵢ ⵜⴻⵜⵜⴰⴽⴼ ⵍⴻⵣⵣⴰⵢⴻⵔ ⴰⵣⴰⵍ ⵉ ⵡⴰⵙⵙⴰⵖⴻⵏ ⵏ ⵜⵉⵏⵏⴰⵔⴻⴳⵜ (ⴵⵉⵡⴰⵔ), ⵜⴻⴱⴷⴰ ⴰⵅⴻⴷⴷⵉⵎ ⵡⴰⵔ ⴰⵃⴱⴰⵙ ⴰⴽⴽⴻⵏ ⴰⴷ ⵜⴻⵙⵙⴻⵎⵇⴰⵔⴰⴱ ⵉⵅⵚⵉⵎⴻⵏ ⵉⵍⵉⴱⵉⵢⴻⵏ ⴳⴰⵔ-ⴰⵙⴻⵏ ⵙ ⵓⵎⵄⴰⵡⴻⵏ ⴷ ⵜⵎⵓⵔⴰ ⵜⵉⵏⴰⵔⴰⴳⵉⵏ (ⵜⵉⵊⵉⵔⴰⵜⵉⵏ) ⴷ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵢⴻⵔⵏⴰ ⵍⵍⴰⵏⵜ-ⴷ ⵜⴻⵎⵍⵉⵍⵉⵢⵉⵏ ⴳⴰⵔ ⵢⵉⴽⴰⴱⴰⵔⴻⵏ ⵉⵙⴻⵔⵜⵉⵢⴻⵏ ⵉⵍⵉⴱⵉⵢⴻⵏ ⴷⴷⴰⵡ ⵍⴻⵄⵏⴰⵢⴰ ⵏ ⵓⵎⴰⵣⵓⵏ ⵓⵣⵣⵉⴳ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⴽⴻⵎⵎⴻⵍ.
ⵢⴻⵔⵏⴰ-ⴷ ⵎⴰⵙⵙ ⵧⵓⵍⴷ ⴽⵀⴻⵍⵉⴼⴰ ⴷ ⴰⴽⴽⴻⵏ « ⵍⴻⵣⵣⴰⵢⴻⵔ ⵜⵓⵎⴰⵔ (ⵜⴻⴼⵕⴻⵃ) ⵙ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⴷⴻⴳ ⵍⵉⴱⵢⴰ », ⵢⴻⵔⵏⴰ ⵉⵡⴻⴽⴽⴻⴷ-ⴷ ⴷ ⴰⴽⴽⴻⵏ ⵍⴻⵣⵣⴰⵢⴻⵔ ⵜⵄⴻⵡⵡⴻⵍ « ⴰⴷ ⵜⴻⴱⴷⴻⴷ ⵉ ⵍⵎⴻⵏⴷⴰⴷ ⵏ ⵓⵏⴰⴱⴰⴹ ⴰⵍⵉⴱⵉ ⴰⵎⴰⵢⵏⵓ ⵢⴻⵔⵏⴰ ⴰⴷ ⵜⵄⴰⵡⴻⵏ ⴰⵖⵔⴻⴼ ⴰⵍⵉⴱⵉ ⴰⴳⵎⴰⵜ ⴰⴽⴽⴻⵏ ⴰⴷ ⴷ-ⵢⴻⵙⵙⵓⴼⴼⴻⵖ ⴰⵙⵙⵉⵔⴻⵎ-ⵏⵏⴻⵙ ⵏ ⵜⵍⴻⵍⵍⵉ ⴷ ⵜⵓⴳⴷⵓⵜ ⵖⴻⵔ ⵜⵉⴷⴻⵜ ».
