ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⴱⵏⵉ ⵏ ⵜⵎⴻⵙⴳⵉⴷⴰ ⵜⴰⵎⴻⵇⵔⴰⵏⵜ ⵏ ⵍⴻⵣⵣⴰⵢⴻⵔ ⵢⴻⵜⵜⵇⴰⴷⴰⵔ ⵎⵍⵉⵃ ⵍⴰⵎⴰⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⵏⴻⵣⴷⵓⵖⵜ ⴷ ⵜⴻⵎⴷⵉⵏⵜ, ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵧⵓⵏⴻ, ⴰⵙⵙ ⵏ ⵙⵙⴻⴱⵜ ⴷ ⴰⴽⴽⴻⵏ ⴰⵙⴻⵏⴼⴰⵔ ⵏ ⵍⴻⴱⵏⵉ ⵏ ⵜⵎⴻⵙⴳⵉⴷⴰ ⵜⴰⵎⴻⵇⵔⴰⵏⵜ ⵏ ⵍⴻⵣⵣⴰⵢⴻⵔ ⵢⴻⵜⵜⵇⴰⴷⴰⵔ ⵉⵍⵓⴳⴰⵏ ⴷ ⵓⵃⵕⵉⵙⴻⵏ ⵎⵍⵉⵃ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵖⴻⵍⵍⵉⵙⵜ (ⵍⴰⵎⴰⵏ).
ⴷⵖⴰ ⵢⴻⵏⵏⴰ-ⴷ ⵓⵏⴻⵖⵍⴰⴼ, ⴷⴻⴳ ⵜⴻⵔⵣⵉ-ⵏⵏⴻⵙ ⵏ ⵓⵙⵙⴻⴼⵇⴻⴷ ⵏ ⵓⵙⴻⵏⴼⴰⵔ-ⴰ ⴷ ⵍⵎⵓⵃⴻⵎⵎⴰⴷⴻⵢⵢⴰ, ⴷ ⴰⴽⴽⴻⵏ ⴷⴷⵉⵄⴰⵢⴰⵜ-ⵏⵏⵉ ⵏ ⵍⵇⴻⵍⵍⴰ ⵏ ⵓⵇⴰⴷⴻⵔ ⵏ ⵢⵉⵍⵓⴳⴰⵏ ⵏ ⵜⵖⴻⵍⵍⵉⵙⵜ « ⵓⵔ ⵙⵄⵉⵏⵜ ⵍⵍⵙⴰⵙ », ⵢⴻⵔⵏⴰ ⵡⵉⴷ ⴰⵢ ⵍⴰ ⵢⴻⵙⵙⴻⴷⴷⴰⵢⴻⵏ ⴷⴷⵉⵄⴰⵢⴰⵜ-ⴰ ⴷ ⵉⵎⴷⴰⵏⴻⵏ ⴰⵢ ⵢⴻⴱⵖⴰⵏ ⵍⴻⵅⵚⴰⵔⴰ ⵢⴻⵔⵏⴰ ⴽⴽⴰⵜⴻⵏ-ⴷ ⴷⴻⴳ ⵡⴰⴽⴽ ⵍⴱⴻⵏⵢⴰⵏⴰⵜ ⵉⵎⴻⵇⵔⴰⵏⴻⵏ ⴰⵢ ⵍⴰ ⵜⴻⵜⵜⴻⴳ ⵍⴻⵣⵣⴰⵢⴻⵔ.
ⵢⴻⵔⵏⴰ-ⴷ ⵓⵏⴻⵖⵍⴰⴼ ⴷ ⴰⴽⴽⴻⵏ ⴰⵙⴻⵏⴼⴰⵔ-ⴰ ⵢⴻⵜⵜⵡⴰⴱⵏⴰ ⵖⴻⴼ ⵍⵍⵙⴰⵙ ⵏ ⵢⵉⵡⴻⵜ ⵏ ⵜⴻⵣⵔⴰⵡⵜ (ⴷⵉⵔⴰⵙⴰ) ⵢⴻⵍⵀⴰⵏ ⵢⴻⵜⵜⵇⴰⴷⴰⵔⴻⵏ ⵉⵍⵓⴳⴰⵏ ⵢⴻⵍⵍⴰⵏ ⵢⴰⴳⵉ ⵢⴻⵔⵏⴰ ⵓⵍⴰⵛ ⴰⵙⴻⵏⴼⴰⵔ ⵓⵎⵉ ⵢⴻⵜⵜⵓⵏⴻⴼⴽ ⵜⵜⴰⵡⵉⵍ ⴰⵏⴻⵛⵜ ⵏ ⵡⴰ.
ⵓⵍⴰ ⵎⴰ ⴰⴽⴰⵍ ⴰⵢⵖⴻⴼ ⵢⴻⵜⵜⵡⴰⴱⵏⴰ ⵢⴻⵇⵇⵓⵔ, ⵜⴰⵣⵔⴰⵡⵜ-ⴰ ⵜⴻⵏⵏⴰ-ⴷ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵖⵣⴻⵏ ⵍⵍⵙⴰⵙ ⵏ 72 ⵏ ⵢⵉⵎⵉⵜⵔⴻⵏ ⵉ ⵜⵎⴻⵙⴳⵉⴷⴰ-ⴰ, ⴷⵖⴰ ⴷ ⴰⵢⴰ ⴰⴷ ⵢⴻⵃⵡⵉⴵⴻⵏ ⴰⵟⴰⵙ ⵏ ⵡⵓⵣⵣⴰⵍ ⴷ ⵓⴱⵉⵟⵓⵏ (ⴰⵣⴰⵍ ⵏ 200 ⵏ ⵢⵉⴽⵉⵍⵓⴳⵕⴰⵎⴻⵏ ⵉ ⵓⵎⵉⵜⵔ ⴰⴳⴰⵙⴰⵙ [ⵎ3]).
ⵜⴰⵣⴻⵇⵇⴰ ⵏ ⵜⵥⴰⵍⵍⵉⵜ ⴰⴷ ⵜⴻⵙⵄⵓ ⵉⵙⴻⴹⵔⴰ ⴰⵢ ⵉⵣⴻⵎⵔⴻⵏ ⴰⴷ ⵙⵏⴻⵇⵙⴻⵏ ⵙ ⵜⵉⵙ 4 ⵍⴵⴻⵀⴷ ⵏ ⵜⵣⴻⵏⵣⴻⵍⵜ. ⵜⵉⴼⵜⵉⵍⵉⵏ ⵏ ⵜⵎⴻⵙⴳⵉⴷⴰ-ⴰ ⴰⴷ ⵙⵄⵓⵏⵜ ⵜⵜⴰⵡⵉⵍ ⴰⴷ ⵜⴻⵏⵜ-ⵢⴻⴵⴵⴻⵏ ⵓⵖⴻⵏⵜ ⵓⵍⴰ ⵎⵉ ⴰⴷ ⴷ-ⵜⵡⴻⵜ ⵜⵣⴻⵏⵣⴻⵍⵜ ⴰⴽⴽⴻⵏ ⵓⵔ ⵜⵜⵉⵍⵉⵏ ⴰⵔⴰ ⵢⵉⵅⴻⵚⵚⴰⵔⴻⵏ ⵉⵎⴻⵇⵔⴰⵏⴻⵏ ⴷⴻⴳ ⴽⵔⴰ ⵏ ⵜⴻⵎⵏⴰⴹⵉⵏ ⵏ ⵍⴱⴻⵏⵢⴰⵏ-ⴰ.
ⵖⴻⴼ ⵍⴻⵃⵙⴰⴱ ⵏ ⵜⴻⵖⵍⴰⵎⵉⵏ (ⴼⵉⵔⴰⵇ) ⵜⵉⵜⴻⴽⵏⵉⵢⵉⵏ ⴰⵢ ⴷ-ⵢⴻⵍⵀⴰⵏ ⵙ ⵓⵙⴻⵏⴼⴰⵔ-ⴰ, ⵜⵉⵣⴻⵏⵣⵍⵉⵏ ⵜⵉⵍⴻⵎⵎⴰⵙⵉⵏ ⵓⵔ ⵙⴻⵄⵄⵓⵏⵜ ⴰⵔⴰ ⴽⵔⴰ ⵏ ⵍⴰⵜⴻⵕ ⵖⴻⴼ ⵜⵎⴻⵙⴳⵉⴷⴰ-ⴰ, ⵎⴰ ⴷ ⵜⵉⵣⴻⵏⵣⵍⵉⵏ ⵉⴵⴻⵀⴷⴻⵏ (7,5 ⵏ ⵜⴼⴻⵙⵏⵉⵡⵉⵏ ⴷⴻⴳ ⵢⵉⵙⵉⵍⵉ ⵏ ⵔⵉⵛⵀⵜⴻⵔ) ⵓⵔ ⴷ-ⴳⴻⵍⵍⵓⵏⵜ ⴰⵔⴰ ⵙ ⵢⵉⵅⴻⵚⵚⴰⵔⴻⵏ ⵉⵎⴻⵇⵔⴰⵏⴻⵏ.
