ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⴳⴰⵔ ⵏ 300 ⵏ ⵜⴽⴻⴱⴱⴰⵏⵉⵢⵉⵏ ⵜⵉⵎⴻⵥⵢⴰⵏⵉⵏ ⴷⴻⴳ ⵜⴻⵙⵏⴰⵜⵡⵉⵍⵉⵏ ⵏ ⵜⴻⵖⵡⴰⵍⵜ

ⵍⴻⵖⵡⴰⵟ - ⵓⴳⴰⵔ ⵏ 300 ⵏ ⵜⴽⴻⴱⴱⴰⵏⵉⵢⵉⵏ ⵜⵉⵎⴻⵥⵢⴰⵏⵉⵏ ⴷ ⵜⵍⴻⵎⵎⴰⵙⵉⵏ ⴰⵢ ⵉⵅⴻⴷⴷⵎⴻⵏ ⴷⴻⴳ ⵓⵃⵔⵉⵛ ⵏ ⵜⴻⵙⵏⴰⵜⵡⵉⵍⵉⵏ ⵏ ⵜⴻⵖⵡⴰⵍⵜ (ⵜⵉⴽⵏⵓⵍⵓⴵⵉⵢⵢⴰⵜ ⴰⵍ-ⵉⵜⵜⵉⵚⴰⵍ), ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⴻⵏⵏⴰ ⵜⴻⵖⵍⴰⵎⵜ (ⵇⴰⴼⵉⵍⴰ) ⵜⴰⵖⴻⵍⵏⴰⵡⵜ ⵏ ⵜⴽⴻⴱⴱⴰⵏⵉⵜ ⵜⴰⵎⴻⵥⵢⴰⵏⵜ ⴷ ⵜⵍⴻⵎⵎⴰⵙⵜ ⵎⵉ ⵜⴻⵃⴱⴻⵙ ⴷⴻⴳ ⵍⴻⵖⵡⴰⵟ.

ⴰⵣⴰⵍ ⵏ 500 ⵏ ⵢⵉⵊⴻⵏⵢⵓⵕⴻⵏ ⴷ ⵢⵉⵎⴻⵙⵏⴰⵜⵡⵉⵍⴻⵏ (ⵜⵉⵇⵏⵉⵢⵢⵉⵏ) ⴰⵢ ⵢⴻⵖⵔⴰⵏ ⵖⴻⵔ ⵜⵢⵓⵏⵉⵏ-ⴰ, ⴷⵖⴰ ⴷ ⴰⵢⴰ ⴰⵢ ⵢⴻⴵⴵⴰⵏ ⵜⵉⴽⴻⴱⴱⴰⵏⵉⵢⵉⵏ-ⴰ ⵜⵉⵎⴻⵥⵢⴰⵏⵉⵏ ⴷ ⵜⵍⴻⵎⵎⴰⵙⵉⵏ « ⴰⴷ ⵔⴻⴱⵃⴻⵏⵜ » ⴷⴻⴳ ⵍⴻⵛⵖⴰⵍ-ⵏⵙⴻⵏⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵎⴹⴻⴱⴱⴻⵔ ⵏ ⵜⴻⵖⵍⴰⵎⵜ, ⴰⴱⴷⴻⵔⵔⴰⵧⵓⴼ ⵀⴰⵎⵎⵧⵓⵛⵀⴻ.

ⴷⴻⴳ ⵡⵓⵙⵙⴰⵏ ⴰⵢⴷⴻⴳ ⴷ-ⵜⴻⵣⵣⵉ ⵜⴻⵖⵍⴰⵎⵜ-ⴰ ⵖⴻⴼ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ, ⴰⵣⴰⵍ ⵏ 1200 ⵏ ⵢⵉⵍⴻⵎⵥⵉⵢⴻⵏ (ⴰⵢ ⵢⴻⵙⵙⵓⵜⵔⴻⵏ ⵍⴻⵎⵄⴰⵡⵏⴰ ⵉ ⵓⵙⵙⴻⴱⴷⴻⴷ ⵏ ⵜⴽⴻⴱⴱⴰⵏⵉⵢⵉⵏ ⵙⵖⵓⵔ ⵜⵜⴰⵡⵉⵍⴰⵜ ⵏ ⵓⵙⵙⴻⵅⴷⴻⵎ ⵏ ⵢⵉⵍⴻⵎⵥⵉⵢⴻⵏ) ⴰⵢ ⴷ-ⵢⵓⵙⴰⵏ ⴰⴷ ⵃⴻⴷⵕⴻⵏ ⴷⴻⴳ ⵍⴻⵛⵖⴰⵍ ⵏ ⵜⴻⵖⵍⴰⵎⵜ-ⴰ, ⵢⴻⵔⵏⴰ ⵉⵙⵙⵓⵜⵔⴻⵏ ⵏ ⵢⵉⵍⴻⵎⵥⵉⵢⴻⵏ-ⴰ « ⴰⴷ ⴷ-ⵍⵀⵓⵏ ⵢⵉⴷ-ⵙⴻⵏ ⵖⴻⴼ ⵣⵉⴽ ⵍⵃⴰⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵎⴹⴻⴱⴱⴻⵔ-ⴰ.

ⴰⵎⵓⵔ ⴰⵢ ⴷ-ⵉⵚⴰⵃⴻⵏ ⵜⴰⵡⵉⵍⴰⵢⵜ ⵏ ⵍⴻⵖⵡⴰⵟ ⴷⴻⴳ ⵜⴽⴻⴱⴱⴰⵏⵉⵢⵉⵏ ⵏ ⵓⵃⵔⵉⵛ-ⴰ (ⵖⴻⴼ ⵍⴻⵃⵙⴰⴱ ⵏ ⵍⴻⵄⵇⴻⴷ ⵏ 2011 ⴳⴰⵔ ⴰⵍⴳⴻⵔⵉⴻ-ⵜⴻⵍⴻⵛⵧⵎ ⴷ ⵜⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵓⴷⵀⴰⵍ ⵏ ⵓⵙⵙⴻⵅⴷⴻⵎ ⵏ ⵢⵉⵍⴻⵎⵥⵉⵢⴻⵏ – ⴰⵏⵙⴻⵊ) ⵏⴻⵜⵜⴰ 4 ⴽⴰⵏ ⵏ ⵜⴽⴻⴱⴱⴰⵏⵉⵢⵉⵏ, ⵢⴻⵔⵏⴰ ⵡⴰ ⴷ ⴰⵎⴹⴰⵏ (ⵄⴰⴷⴰⴷ) ⴷ ⴰⵎⴻⵥⵢⴰⵏ ⵎⵍⵉⵃ ⵖⴻⴼ ⵍⴻⵃⵙⴰⴱ ⵏ ⵡⴰⵢⴻⵏ ⴰⵢ ⵍⴰ ⵜⴻⵙⵙⴻⴼⵔⴰⵢ ⴰⵍⴳⴻⵔⵉⴻ ⵜⴻⵍⴻⵛⵧⵎ ⴰⴷ ⵜ-ⵜⴻⵙⵙⴻⴼⵔⵓ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵢⵉⵎⴹⴻⴱⴱⴻⵔ-ⴰ.

ⵜⵃⴰⵣ-ⴷ ⵜⵎⴻⵀⵍⴰ (ⵎⵓⴷⵉⵔⵉⵢⵢⴰ) ⵜⴰⵎⴰⵜⵓⵜ ⵏ ⴰⵍⴳⴻⵔⵉⴻ ⵜⴻⵍⴻⵛⵧⵎⵎ ⴷⴻⴳ 2015 ⵜⴰⵊⴻⵍⵍⴰⴱⵜ ⵏ 45 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⵉ ⵓⵚⴻⴳⴳⴻⵎ ⵏ ⵓⵥⴻⴹⴹⴰ ⵏ ⵓⵙⴰⵡⴰⵍ ⴷ ⵓⵙⵙⴻⵔⵙⵉ ⵏ ⵜⵏⴻⵍⵡⴰ ⵜⵉⵙⴻⴽⴷⴰⵏⵉⵏ (ⴰⵍⵢⴰⴼ ⴱⴰⵚⴰⵔⵉⵢⵢⴰ), ⴷⵖⴰ ⴷ ⴰⵢⴰ ⴰⵢ ⵢⴻⵃⵡⴰⴵⴻⵏ ⴰⵎⵄⵉⵡⴻⵏ ⴷ ⵡⴰⵟⴰⵙ ⵏ ⵜⴽⴻⴱⴱⴰⵏⵉⵢⵉⵏ ⵉ ⴼⴻⵔⵔⵓ ⵏ ⵛⵛⵖⴻⵍ-ⴰ ⴷ ⵓⴹⵎⴰⵏ ⵏ ⵜⵖⴰⵔⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵀⴰⵎⵎⵧⵓⵛⵀⴻ.