ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⴽⴻⵙⵙⴰⵡⵜ ⴷ ⵓⴼⴰⵔⴻⵙ ⵏ ⵓⴽⵙⵓⵎ ⴷ ⴰⵢⴻⵏ ⴰⴷ ⵢⴻⵙⵏⴻⵔⵏⵉⵏ ⵜⴰⴷⴰⵎⵙⴰ
ⵜⵉⴱⴻⵙⴽⴻⵔⵜ – ⵜⴰⴽⴻⵙⵙⴰⵡⵜ ⴷ ⵓⴼⴰⵔⴻⵙ (ⵉⵏⵜⴰⴵ) ⵏ ⵓⴽⵙⵓⵎ ⴷ ⵙⵉⵏ ⵏ ⵢⵉⵏⵓⵔⴰⵔ ⴰⴷ ⴷ-ⵢⴻⵔⵏⵓⵏ ⴰⵣⴰⵍ ⴷ ⴰⵎⴻⵇⵔⴰⵏ ⵉ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴻⴳ ⵡⵍⴰⴷ ⴵⴻⵍⵍⴰⵍ (98 ⵏ ⵢⵉⴽⵉⵍⵓⵎⵉⵜⵔⴻⵏ ⵖⴻⴼ ⵜⴱⴻⵙⴽⴻⵔⵜ) ⵓⵏⴻⵖⵍⴰⴼ ⵏ ⵜⴼⴻⵍⵍⴰⵃⵜ, ⵙⵉⴷ-ⴰⵀⵎⴻⴷ ⴼⴻⵔⵔⵧⵓⴽⵀⵉ ⵎⵉ ⵜⴻⴱⴷⴰ ⵜⵎⴻⵖⵔⴰ ⵏ ⵓⴽⵔⴰⵔ ⵏ ⵡⵍⴰⴷ ⴵⴻⵍⵍⴰⵍ.
ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷ ⴰⴽⴽⴻⵏ ⴰⵖⵍⵉⴼ ⵉⵄⴻⵡⵡⴻⵍ « ⴰⴷ ⵢⴻⴱⴷⴻⴷ ⵉ ⵍⵎⴻⵏⴷ ⵏ ⵢⵉⵎⴻⴽⵙⴰⵡⴻⵏ ⴷ ⵡⵓⵙⵙⵉⵙⴻⵏ-ⵏⵙⴻⵏ (ⵍⵎⴻⴵⵀⵓⴷⴰⵜ) ⴰⴽⴽⴻⵏ ⴰⴷ ⵙⵎⴻⵖⵔⴻⵏ ⵜⵉⵇⴹⵉⵄⵉⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ ⴰⵖⵍⵉⴼ ⵏ ⵜⴼⴻⵍⵍⴰⵃⵜ ⵢⴻⵡⵊⴻⴷ ⴰⴷ ⴷ-ⵢⴻⵍⵀⵓ ⵙ ⵢⵉⵖⴻⴱⵍⴰⵏ ⴰⵢ ⵣⴻⵎⵔⴻⵏ ⴰⴷ ⵜⴻⵏ-ⵙⵄⵓⵏ ⵢⵉⴼⴻⵍⵍⴰⵃⴻⵏ.
ⵜⴰⵎⴻⵖⵔⴰ ⵏ ⵓⴽⵔⴰⵔ ⵏ ⵡⵍⴰⴷ ⴵⴻⵍⵍⴰⵍ ⴳⴰⵏ-ⴷ ⴷⴻⴳ-ⵙ 40 ⵏ ⵢⵉⵎⴽⵓⵥⴻⵏ (ⵎⵓⵔⴰⴱⴱⴰⵄⴰⵜ) ⵉ ⵢⵉⵎⴻⴽⵙⴰⵡⴻⵏ ⵏ ⵡⴰⴽⵔⴰⵔⴻⵏ ⴰⴽⴽⴻⵏ ⴰⴷ ⴷ-ⵙⵙⴻⴽⵏⴻⵏ ⴰⴽⵔⴰⵔⴻⵏ-ⵏⵙⴻⵏ.
ⵀⴻⵢⵢⴰⵏ-ⴷ ⴷⴰⵖ ⵉⵎⵓⴽⴰⵏ ⴰⴽⴽⴻⵏ ⴰⴷ ⴷ-ⵇⴻⴷⴷⵎⴻⵏ ⵉⴼⴰⵔⵉⵙⴻⵏ (ⵎⴰⵏⵜⵓⴵⴰⵜ) ⵢⴻⵎⴳⴻⵔⵔⴰⴷⴻⵏ ⵢⴻⵇⵇⵏⴻⵏ ⵖⴻⵔ ⵜⴼⴻⵍⵍⴰⵃⵜ ⴰⵎ ⵍⵅⴻⴷⵎⴰ ⵏ ⵡⴰⴽⴰⵍ, ⴰⵎⵄⵉⵛ ⵏ ⵍⵎⴰⵍ ⴷ ⵢⵉⴼⴰⵔⵉⵙⴻⵏ ⵏⵉⴹⴻⵏ ⴰⵢ ⴷ-ⵢⴻⵜⵜⵡⴰⵅⴷⴰⵎⴻⵏ ⵙ ⵓⴳⵍⵉⵎ ⴷ ⵢⵉⵏⵥⴰⴷⴻⵏ ⵏ ⵍⵎⴰⵍ.
ⵜⵜⵡⴰⵀⴻⵢⵢⴰⵏⵜ-ⴷ ⴷⴰⵖ ⵜⵏⴻⴼⵙⴰⵔⵉⵏ (ⴰⴵⵏⵉⵃⴰ) ⴷⴻⴳ ⵙⵉⵏ-ⴰ ⵏ ⵡⵓⵙⵙⴰⵏ ⵏ ⵜⵎⴻⵖⵔⴰ ⵉ ⵡⵓⴷⵓⵙⴻⵏ (ⵀⴰⵢ’ⴰⵜ) ⴰⵢ ⵉⵅⴻⴷⴷⵎⴻⵏ ⴷⴻⴳ ⵜⴼⴻⵍⵍⴰⵃⵜ ⴰⵎ ⵓⵙⴻⵏⴷⵓⵇ ⴰⵎⵏⴰⴹⴰⵏ ⵏ ⵜⵎⵉⵍⴰⵍⵜ ⵏ ⵜⴼⴻⵍⵍⴰⵃⵜ ⴷ ⵜⴻⵏⵎⵉⵔⴻⴳⵜ ⵏ ⵜⴼⴻⵍⵍⴰⵃⵜ ⵜⴰⵎⵏⴰⴹⴰⵏⵜ ⵜⴰⴳⵜⴰⵣⴰⵍⵜ ⵏ ⵢⵉⵔⵎⵓⴷⴻⵏ (ⵛⴰⵔⵒⴰ).
ⵜⴰⵎⴻⵖⵔⴰ ⵏ ⵓⴽⵔⴰⵔ ⵏ ⵡⵍⴰⴷ ⴵⴻⵍⵍⴰⵍ ⵜⴻⵍⵍⴰ-ⴷ ⴷⴻⴳ-ⵙ ⵜⵓⵛⴽⵉ ⵏ ⵡⴰⵔⵔⴰⵣⴻⵏ ⵏ ⵡⵉⴷ ⴰⵢ ⵉⵔⴻⴱⵃⴻⵏ ⴰⵎⵙⵉⵣⵡⴻⵔ ⵏ ⵜⵡⵉⵍⴰⵢⵜ ⴷⴻⴳ ⵜⴽⴻⵙⵙⴰⵡⵜ ⵏ ⵡⴰⴽⵔⴰⵔⴻⵏ. ⴷⵖⴰ ⵢⴻⵜⵜⵓⵏⴻⴼⴽ ⵡⴰⵔⵔⴰⵣ ⵏ ⵓⴼⴻⵃⵍⵉ ⵉⵎⵅⴻⵢⵢⴻⵔ ⵏ ⵡⵍⴰⴷ ⴵⴻⵍⵍⴰⵍ ⵉ ⵓⵎⴻⴽⵙⴰⵡ ⴽⵀⴻⵍⵉⴼⴰ ⴱⵧⵓⴼⴰⵜⴻⵀ ⵙⴻⴳ ⵜⵖⵉⵡⴰⵏⵜ ⵏ ⴱⴻⵙⴱⴰⵙ, ⴰⵔⵔⴰⵣ ⵏ ⵢⵉⵣⵉⵎⴻⵔ ⵉⵎⵅⴻⵢⵢⴻⵔ ⵢⴻⵜⵜⵓⵏⴻⴼⴽ ⵉ ⴷⵊⴰⵎⴰⵍ ⵍⴰⴰⵢⴰⴷⵀⵉ, ⵙⴻⴳ ⵜⵖⵉⵡⴰⵏⵜ-ⵏⵏⵉ, ⵎⴰ ⴷ ⵡⵉⵏ ⵏ ⵜⴻⵖⵙⵉ ⵜⵉⵎⵅⴻⵢⵢⴻⵔⵜ ⵉⵚⴰⵃ-ⴷ ⴰⵀⵎⴻⴷ ⴽⵀⴻⵍⵉⴼⴰ, ⵙⴻⴳ ⵜⵖⵉⵡⴰⵏⵜ ⵏ ⵡⵍⴰⴷ ⴵⴻⵍⵍⴰⵍ.
