ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵛⵉⵔⵜ ⵏ ⵓⴼⵓⵙ: ⴳⵙ ⵒⴻⵜⵔⵧⵍⵉⴻⵔⵙ ⵜⴻⵔⴱⴻⵃ ⵜⴰⵍⵖⵓⵖⴰ ⵜⴰⴳⵔⴰⵖⵍⴰⵏⵜ ⵏ ⵙⴰⵔⴰⵀ-ⴱⴰⴱⴰⵀⵧⵓⵏ

ⵡⴻⵀⵕⴰⵏ – ⵜⴻⵔⴱⴻⵃ ⵜⴻⵖⵍⴰⵎⵜ ⵏ ⴳⵙ ⵒⴻⵜⵔⵧⵍⵉⴻⵔⵙ (ⴰⵎⵙⴻⴳⵔⴰⵡ ⴰⵏⴰⴷⴷⴰⵍ ⵏ ⵢⵉⵒⵉⵜⵕⵓⵍⵉⵢⴻⵏ) ⵏ ⵜⵍⴰⵡⵉⵏ ⵜⴰⵍⵖⵓⵖⴰ ⵜⴰⴳⵔⴰⵖⵍⴰⵏⵜ ⵏ ⵜⵛⵉⵔⵜ ⵏ ⵓⴼⵓⵙ ⵏ ⵙⴰⵔⴰ-ⴱⴰⴱⴰⵀⵧⵓⵏ ⵎⵉ ⵜⴻⵔⵏⴰ, ⴷⴻⴳ ⵜⴻⵎⵍⵉⵍⵉⵜ ⵜⴰⵏⴻⴳⴳⴰⵔⵓⵜ, ⵜⴰⵖⵍⴰⵎⵜ ⵜⴰⵖⴻⵍⵏⴰⵡⵜ ⵏ ⵜⵓⵏⴻⵙ ⵏ ⴷⴷⴰⵡ 20 ⵏ ⵢⵉⵙⴻⴳⴳⴰⵙⴻⵏ ⵙ ⵓⴳⵎⵓⴹ ⵏ 24 ⵖⴻⵔ 15, ⴰⵙⵙ ⵏ ⵙⵙⴻⴱⵜ ⵜⴰⵎⴻⴷⴷⵉⵜ ⴷⴻⴳ ⵜⵣⴻⵇⵇⴰ ⵜⴰⴽⴽⴰⴷⴷⴰⵍⵜ ⵏ « ⵀⴰⵛⵀⴻⵎⵉ ⵀⴰⵏⵜⴰⵣ » ⵏ ⵜⵔⵧⵓⵠⵉⵍⵍⴻ ⴷⴻⴳ ⵄⵉⵏ ⵟⵟⴻⵔⴽ (ⵡⴻⵀⵕⴰⵏ).

ⴰⵎⴽⴰⵏ ⵡⵉⵙ 3 ⵉⵚⴰⵃ-ⴷ ⵜⴰⵖⵍⴰⵎⵜ ⵏ ⵀⴱⵛ ⵍⴻⴱⵢⴰⵔ (ⵜⵉⵎⴻⵇⵔⴰⵏⵉⵏ) ⴰⵢ ⵢⴻⵔⵏⴰⵏ ⵜⴰⵖⵍⴰⵎⵜ ⵜⴰⵎⴰⵚⵔⵉⵜ ⵏ ⴷⴷⴰⵡ 20 ⵏ ⵢⵉⵙⴻⴳⴳⴰⵙⴻⵏ ⵙ ⵓⴳⵎⵓⴹ ⵏ 25 ⵖⴻⵔ 24.

8 ⵏ ⵜⴻⵖⵍⴰⵎⵉⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵍⵖⵓⵖⴰ-ⴰ ⵜⴰⴳⵔⴰⵖⵍⴰⵏⵜ ⴰⵢ ⴷ-ⵢⴻⵍⵍⴰⵏ ⴷ ⵜⴰⵊⵎⵉⵍⵜ ⵉ ⵜⵎⴰⵔⵉⵔⵜ ⵜⴰⵇⴱⵓⵔⵜ ⵏ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ, ⵙⴰⵔⴰⵀ ⴱⴰⴱⴰⵀⵧⵓⵏ, ⵢⴻⵔⵏⴰ ⵜⵉ ⴷ ⵜⵉⵖⵍⴰⵎⵉⵏ ⵜⵉⵖⴻⵍⵏⴰⵡⵉⵏ ⵏ ⵜⵍⴰⵡⵉⵏ ⵏ ⵎⴰⵚⴻⵔ, ⵜⵓⵏⴻⵙ ⴷ ⵍⴻⵣⵣⴰⵢⴻⵔ ⵏ ⴷⴷⴰⵡ 20 ⵏ ⵢⵉⵙⴻⴳⴳⴰⵙⴻⵏ, 3 ⵏ ⵜⴻⵖⵍⴰⵎⵉⵏ ⵏ ⵜⵎⴻⵇⵔⴰⵏⵉⵏ ⵙⴻⴳ ⵓⴳⵎⵓⴹ (ⵛⵛⴻⵔⵇ), ⵜⴰⵍⴻⵎⵎⴰⵙⵜ ⴷ ⵓⵜⴰⵔⴰⵎ (ⵍⵖⴻⵔⴱ) ⵏ ⵜⵎⵓⵔⵜ, ⴷ ⵜⴻⵖⵍⴰⵎⵉⵏ ⵏ ⵓⵎⵙⴻⴳⵔⴰⵡ ⴰⵏⴰⴷⴷⴰⵍ ⵏ ⵢⵉⵒⵉⵜⵕⵓⵍⵉⵢⴻⵏ (ⴳⵙⵒ) ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷ ⵀⴱⵛ ⵍⴻⴱⵢⴰⵔ.

ⴷⴻⴳ ⵢⵉⵊⵉⴼⴻⵕ ⵏ ⵓⵎⵙⵉⵣⵡⴻⵔ-ⴰ ⴰⵏⴰⴷⴷⴰⵍ, ⴰⵢ ⵢⴻⴹⴹⴼⴻⵏ 4 ⵏ ⵡⵓⵙⵙⴰⵏ ⴷⴷⴰⵡ ⵍⴻⵄⵏⴰⵢⴰ ⵏ ⵜⵎⴻⵀⵍⴰ ⵏ ⵢⵉⵍⴻⵎⵥⵉⵢⴻⵏ ⵏ ⵡⴰⴷⴷⴰⵍ ⵙ ⵓⵎⵄⴰⵡⴻⵏ ⴷ ⵜⴻⵎⵖⵓⵏⵜ (ⵔⴰⴱⵉⵟⴰ) ⵜⴰⵎⵏⴰⴹⴰⵏⵜ ⵏ ⵜⵛⵉⵔⵜ ⵏ ⵓⴼⵓⵙ, ⵔⵣⴰⵏ ⴷⴰⵖ ⵢⵉⵎⵜⵜⴻⴽⴽⵉⵢⴻⵏ ⵖⴻⴼ ⵢⵉⵎⵓⴽⴰⵏ ⵏ ⵓⵃⴻⵡⵡⴻⵙ ⴷ ⵡⵉⴷ ⵏ ⵓⵎⴻⵣⵔⵓⵢ ⵢⴻⵍⵍⴰⵏ ⴷⴻⴳ ⵜⵡⵉⵍⴰⵢⵜ ⵏ ⵡⴻⵀⵕⴰⵏ, ⴰⵎ ⵡⴰⴽⴽⴻⵏ ⴰⵢ ⵃⴻⴷⵕⴻⵏ ⵢⵉⵡⴻⵏ ⵏ ⵓⵀⴰⵏⴰⵢ (ⵄⴰⵔⴹ) ⴷⴻⴳ ⵓⵎⴽⴰⵏ ⴰⵏⴷⴰ ⴰⵢ ⵏⵙⴰⵏ.

ⵜⵜⵉⵄⴰⴷ-ⴰ ⴰⵏⴰⴷⴷⴰⵍ ⵏ ⵜⵍⴰⵡⵉⵏ ⵉⴼⵓⴽ ⵙ ⵜⵎⴻⵖⵔⴰ ⵏ ⵜⵓⴽⵛⵉ ⵏ ⵡⴰⵔⵔⴰⵣⴻⵏ ⴷ ⵢⵉⵙⴻⴼⴽⴰ (ⵀⴰⴷⴰⵢⴰ) ⵉ ⵡⵉⴷ ⴰⵢ ⵉⵔⴻⴱⵃⴻⵏ, ⵙ ⵓⵃⴷⴰⵕ ⵏ ⵢⵉⴷⵓⴱⴰ ⵉⴷⵉⴳⴰⵏⴻⵏ, ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵎⵖⵓⵏⵜ ⵜⴰⵎⵏⴰⴹⴰⵏⵜ ⵏ ⵜⵛⵉⵔⵜ ⵏ ⵓⴼⵓⵙ, ⵉⴳⴻⵏⵙⴰⵙⴻⵏ ⵏ ⵜⵎⴻⵀⵍⴰ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ ⴷ ⵜⵎⴰⵔⵉⵔⵉⵏ ⵜⵉⴳⵔⴰⵖⵍⴰⵏⵉⵏ ⵜⵉⵇⴱⵓⵔⵉⵏ ⵏ ⵜⵛⵉⵔⵜ ⵏ ⵓⴹⴰⵔ.