ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

27 ⵏ ⵢⵉⵙⴻⴳⴳⴰⵙⴻⵏ ⵙⴻⴳ ⵡⴰⵙⵎⵉ ⴰⵢ ⴷ-ⵜⴻⵜⵜⵡⴰⵙⵙⴻⴱⴷⴻⴷ ⴷⴷⵓⵍⴰ ⵜⴰⴼⴰⵍⴻⵙⵟⵉⵏⵉⵜ ⴷⴻⴳ ⵍⴻⵣⵣⴰⵢⴻⵔ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵉⵄⴰⵡⴻⴷ ⵉⵡⴻⴽⴽⴻⴷ-ⴷ ⵓⵏⵎⴰⵀⴰⵍ (ⵙⴰⴼⵉⵔ) ⴰⴼⴰⵍⴻⵙⵟⵉⵏⵉ ⴷⴻⴳ ⵍⴻⵣⵣⴰⵢⴻⵔ, ⵍⵧⵓⴰⵢ ⴰⵉⵙⵙⴰ, ⴰⵙⵙ ⵏ ⵍⵃⴻⴷⴷ, ⵖⴻⴼ ⵜⵓⴹⴹⴼⴰ ⵏ ⵓⵖⵔⴻⴼ ⴰⴼⴰⵍⴻⵙⵟⵉⵏⵉ ⴷⴻⴳ ⵓⵣⴰⵔⵓⴳ (ⵉⵙⵜⵉⵇⵍⴰⵍ) ⴷ ⵍⴻⴱⵏⵉ ⵏ ⵓⵡⴰⵏⴰⴽ ⴰⴼⴰⵍⴻⵙⵟⵉⵏⵉ ⴰⴷ ⵢⴻⵙⵄⵓⵏ ⵍⵃⴻⵕⵎⴰ ⵢⴻⵔⵏⴰ ⴷ ⵍⵇⵓⴷⵙ ⴰⵢ ⴷ ⵜⴰⵎⴰⵏⴻⵖⵜ-ⵏⵏⴻⵙ, ⴰⵎ ⵡⴰⴽⴽⴻⵏ ⴰⵢ ⵢⴻⵔⵔⴰ ⵜⴰⵊⵎⵉⵍⵜ ⵉ ⵍⴻⴱⵖⵉ ⴰⵢ ⵙⵄⴰⵏ ⴰⵙⵙ-ⴰ ⵢⵉⴼⴰⵍⴻⵙⵟⵉⵏⵉⵢⴻⵏ ⴷⴻⴳ ⵢⵉⵎⴻⵏⵖⵉ-ⵏⵙⴻⵏ ⴰⵢ ⵢⴻⵙⵙⵎⴰⴷⴻⵏ ⵉⵎⴻⵏⵖⵉ ⴰⵙⴻⵔⵜⵉ ⴷ ⵓⴷⵉⵒⵍⵓⵎⴰⵜⵉ.

ⵢⴻⵏⵏⴰ-ⴷ ⵓⵏⵎⴰⵀⴰⵍ ⴰⴼⴰⵍⴻⵙⵟⵉⵏⵉ ⴰⵢⴰ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵓⵎⵉ ⵙⴻⵎⵎⴰⵏ « ⴰⵡⴰⵏⴰⴽ ⴰⴼⴰⵍⴻⵙⵟⵉⵏⵉ… ⴷ ⵜⴰⵔⴻⵏⵏⴰⵡⵜ (ⵏⴰⵚⵔ) ⵜⴰⴷⵉⵒⵍⵓⵎⴰⵜⵉⵜ ⴷⴻⴳ ⵓⴱⵔⵉⴷ ⵏ ⵓⵣⴰⵔⵓⴳ », ⴷ ⴰⵙⴰⵔⴰⴳ ⴰⵢ ⴷ-ⵉⴳⴰ ⵓⵖⵎⵉⵙ ⴰⵢⴰⵍⵍⴰⵙ ⵏ ⴻⵛⵀⴰⴰⴱ ⵉ ⵍⵎⴻⵏⴷ ⵏ ⵓⵎⵓⵍⵍⵉ ⵡⵉⵙ 27 ⵏ ⵓⵙⵙⴻⴱⴷⴻⴷ ⵏ ⵓⵡⴰⵏⴰⴽ ⴰⴼⴰⵍⴻⵙⵟⵉⵏⵉ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷⴻⴳ 1988, ⵢⴻⵔⵏⴰ ⵢⴻⵃⴽⴰ-ⴷ ⵓⵏⵎⴰⵀⴰⵍ ⴰⴼⴰⵍⴻⵙⵟⵉⵏⵉ ⴷⴻⴳ ⵓⵙⴰⵔⴰⴳ-ⴰ ⵖⴻⴼ ⵢⵉⵃⵔⵉⵛⴻⵏ ⵢⴻⵎⴳⴻⵔⵔⴰⴷⴻⵏ ⴰⵢⵖⴻⴼ ⴷ-ⵢⴻⴽⴽⴰ ⵢⵉⵎⴻⵏⵖⵉ ⴰⴼⴰⵍⴻⵙⵟⵉⵏⵉ, ⴷ ⵢⵉⵙⵓⵔⵉⴼⴻⵏ ⴰⵢ ⴷ-ⵢⴻⵔⴱⴻⵃ ⵖⴻⵔ ⵙⴷⴰⵜ ⵢⵉⵎⴻⵏⵖⵉ-ⴰ ⵙⴻⴳ ⵢⵉⴷⵉⵙ ⴰⴷⵉⵒⵍⵓⵎⴰⵜⵉ ⴷ ⵢⵉⵙⵡⵉ ⵏ ⵓⵙⵙⴻⴱⴷⴻⴷ ⵏ ⵓⵡⴰⵏⴰⴽ ⴰⴼⴰⵍⴻⵙⵟⵉⵏⵉ ⴷⴻⴳ ⵡⴰⴽⴰⵍ ⴰⵢ ⵢⴻⵜⵜⵡⴰⴹⴹⴼⴻⵏ ⴷⴻⴳ 1967.

ⴰⵙⴰⵔⴰⴳ-ⴰ ⵃⴻⴷⵕⴻⵏ ⴷⴻⴳ-ⵙ ⵡⵓⴷⵎⴰⵡⴻⵏ ⵉⵙⴻⵔⵜⵉⵢⴻⵏ, ⵉⵎⵊⴰⵀⴷⴻⵏ ⴷ ⵢⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵏ ⵜⴻⴳⵔⴰⵡⵉⵏ ⵜⵉⴼⴰⵍⴻⵙⵟⵉⵏⵉⵢⵉⵏ ⵢⴻⵎⴳⴻⵔⵔⴰⴷⴻⵏ ⴷⴻⴳ ⵍⴻⵣⵣⴰⵢⴻⵔ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵍⵍⴰ ⴷ ⵜⴰⴳⵏⵉⵜ ⵉ ⵢⵉⵔⵉⵔⵉ ⵏ ⵜⴻⵊⵎⵉⵍⵜ ⵉ ⵢⵉⵎⴹⴻⴱⴱⴻⵔ ⴰⴼⴰⵍⴻⵙⵟⵉⵏⵉ ⵢⴰⵙⵙⴻⵔ ⴰⵔⴰⴼⴰⵜ.

ⵢⴻⵙⵃⴰⵙⵙⴻⴼ ⵎⴰⵙⵙ ⵍⵧⵓⴰⵢ, ⴷⴻⴳ ⵓⵙⴰⵔⴰⴳ-ⵏⵏⴻⵙ, ⵖⴻⴼ ⵍⴻⵅⵚⴰⵔⴰ ⴰⵢ ⵢⴻⵅⵚⴻⵔ ⵓⵎⵖⵉⵡⴰⵏ (ⵎⵓⴵⵜⴰⵎⴰⵄ) ⴰⴳⵔⴰⵖⵍⴰⵏ ⴰⴽⴽⴻⵏ ⴰⴷ ⵢⴻⴼⵔⵓ ⵓⴳⵓⵔ ⴰⴼⴰⵍⴻⵙⵟⵉⵏⵉ-ⵉⵙⵕⴰⵢⵉⵍⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⴰⴷⴷⵓⴷ ⵏ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⵏ ⵎⴰⵔⵉⴽⴰⵏ ⴰⵢ ⵢⴻⵙⵙⴻⴼⴽⴻⵏ, ⵍⴻⵎⵎⴻⵔ ⴷ ⵍⴻⴱⵖⵉ, ⴰⴷ ⵜⵉⵍⵉ ⴷ ⵜⴰⴱⴷⴰⵎⵎⴰⵙⵜ (ⵡⴰⵙⵉⵟⴰ) ⵢⴻⵜⵜⴻⴷⴷⵓⵏ ⵙ ⵚⵚⴼⴰ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ, ⵎⴰⵛⴰ « ⵜⴳⴻ-ⴰⵖ ⴷⴻⴳ ⵍⴻⵎⵛⴰⵡⵕⴰⵜ ⵓⵔ ⵢⴻⵙⵄⵉⵏ ⵍⴼⴰⵢⴷⴰ ⴷⴻⴳ ⵡⴰⴽⵓⴷ ⴰⵢⴷⴻⴳ ⵍⴰ ⵏⴻⵙⵙⴻⵡⵊⴰⴷ ⵉⵎⴰⵏ-ⵏⵏⴻⵖ ⴰⴷ ⴷ-ⵏⴻⴱⴷⵓ ⴰⵎⴻⵛⵡⴰⵕ ⴷ ⴰⵎⴰⵢⵏⵓ ».

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵔⵔⴰ ⵓⴷⵉⵒⵍⵓⵎⴰⵜⵉ-ⴰ ⴰⴼⴰⵍⴻⵙⵟⵉⵏⵉ ⵜⴰⵊⵎⵉⵍⵜ ⵉ ⵍⴻⵣⵣⴰⵢⴻⵔ ⴰⵢⴷⴻⴳ ⴷ-ⵜⴻⵍⵍⴰ ⵜⴻⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⴰⵖⴻⵍⵏⴰⵡ ⴰⴼⴰⵍⴻⵙⵟⵉⵏⵉ ⴰⵢ ⴷ-ⵢⴻⵙⴱⴻⴷⴷⴻⵏ ⴰⵡⴰⵏⴰⴽ ⴰⴼⴰⵍⴻⵙⵟⵉⵏⵉ.

« ⴷⴻⴳ 1974, ⴷ ⵍⴻⵣⵣⴰⵢⴻⵔ, ⵙ ⵜⴰⵖⴻⵛⵜ ⵏ ⵓⵏⴻⵖⵍⴰⴼ-ⵏⵏⴻⵙ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵏ ⵜⴰⵍⵍⵉⵜ-ⵏⵏⵉ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵜⴻⵔⵥⴻⵎ ⴰⴱⵔⵉⴷ ⵉ ⵓⵎⴻⵖⵔⵓⵙ (ⵛⴰⵀⵉⴷ) ⵢⴰⵙⵙⴻⵔ ⴰⵔⴰⴼⴰⵜ ⴰⴽⴽⴻⵏ ⴰⴷ ⴷ-ⵢⴻⵙⵙⵉⵡⴻⵍ ⴷⴻⴳ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⵓⵏⵎⴰⵀⴰⵍ ⴰⴼⴰⵍⴻⵙⵟⵉⵏⵉ.

« ⴷⵖⴰ ⵢⴻⵍⵍⴰ-ⴰⵖ-ⴷ ⵡⴰⵢⴰ ⴷ ⵜⴰⴳⵏⵉⵜ ⴰⴽⴽⴻⵏ ⴰⴷ ⴷ-ⵏⵇⴻⴷⴷⴻⵎ ⵉⵎⴻⵏⵖⵉ-ⵏⵏⴻⵖ ⵉ ⵓⵎⴰⴹⴰⵍ ⵢⴻⵔⵏⴰ ⴰⴷ ⴷ-ⵏⴻⵙⵙⴽⴻⵏ ⴷ ⴰⴽⴽⴻⵏ ⴰⵇⵍ-ⴰⵖ ⵖⴻⵔ ⵢⵉⴷⵉⵙ ⵏ ⵜⴰⵍⵡⵉⵜ ⴷ ⵓⵔⴽⴰⴷ ⵢⴻⵔⵏⴰ ⵢⴻⵍⵍⴰ ⵓⵖⵔⴻⴼ ⵢⴻⵜⵜⵡⴰⴹⴻⵍⵎⴻⵏ ⵢⴻⵔⵏⴰ ⵢⴻⴷⴷⴻⵔ ⴷⴷⴰⵡ ⵜⵓⴹⴹⴼⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵍⵧⵓⴰⵉ.

ⵙⵄⴻⴷⴷⴰⵏ-ⴷ ⵢⵉⵡⴻⵏ ⵏ ⵓⴼⴻⵜⵔⴰⵡ (ⵛⴰⵔⵉⵟ) ⴷⴻⴳ ⵓⵙⴰⵔⴰⴳ-ⵏⵏⵉ ⵖⴻⴼ ⵡⴰⵎⴻⴽ ⴰⵢ ⴷ-ⵜⴻⵍⵍⴰ ⵜⴻⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⴰⵖⴻⵍⵏⴰⵡ ⴰⴼⴰⵍⴻⵙⵟⵉⵏⵉ ⴷⴻⴳ ⵍⴻⵣⵣⴰⵢⴻⵔ ⴷⴻⴳ 1988 ⴷ ⵓⵙⵙⴻⵖⵔⴻⵜ (ⵉⵄⵍⴰⵏ) ⵙ ⵓⵙⵙⴻⴱⴷⴻⴷ ⵏ ⵓⵡⴰⵏⴰⴽ ⴰⴼⴰⵍⴻⵙⵟⵉⵏⵉ. ⵙⵄⴻⴷⴷⴰⵏ-ⴷ ⴷⴰⵖ ⵉⵃⵔⵉⵛⴻⵏ ⵙⴻⴳ ⵢⵉⵏⴰⵡ ⵏ ⵓⵎⴻⵖⵔⵓⵙ ⵢⴰⵙⵙⴻⵔ ⴰⵔⴰⴼⴰⵜ ⴰⵢⴷⴻⴳ ⴰⵢ ⴷ-ⵉⴳⴻⵔ ⵜⵉⵖⵔⵉ ⵉ ⵓⵖⵔⴻⴼ ⴰⴼⴰⵍⴻⵙⵟⵉⵏⵉ ⴰⴽⴽⴻⵏ ⴰⴷ ⵢⴻⵡⵍⵉⵡⴻⵍ ⵉ ⵃⵓⴷⴷⵓ ⵏ ⵜⵎⵓⵔⵜ-ⵏⵏⴻⵙ.

ⴷⴻⴳ ⵜⴳⴰⵔⴰ ⵏ ⵓⵙⴰⵔⴰⴳ-ⵏⵏⵉ, ⵜⴻⴼⴽⴰ ⵜⵏⴻⵎⵀⴰⵍⵜ (ⵎⵓⴷⵉⵔⴰ) ⵏ ⵓⵖⵔⵎⵉⵙ ⴰⵢⴰⵍⵍⴰⵙ ⵏ ⴻⵍ ⵛⵀⴰⴰⴱ ⵢⵉⵡⴻⵏ ⵏ ⵓⴷⵍⵉⵙ ⵏ ⵛⵀⴻⵎⵙ ⴻⴷⴷⵉⵏⴻ ⵛⵀⵉⵜⵧⵓⵔ ⵉⵙⴻⵎ-ⵏⵏⴻⵙ « ⴼⴰⵍⴻⵙⵟⵉⵏ… ⴰⵏⴹⴻⵔⵔⵉ ⵏ ⵓⵖⵔⴻⴼ ».