ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵏⴻⵥⵔⵓⴼ ⵓⵜⵔⵉⵎ: ⵜⵉⵖⵔⵉ ⵏ ⵧⵓⵍⴷ ⴰⴽⴽⵉ ⵉ ⵓⵙⵙⵓⴽⴽⴻⵙ ⵏ ⵓⵖⵔⴻⴼ ⴰⵚⴻⵃⵔⴰⵡⵉ

ⵎⴰⴷⵔⵉⴷ – ⵉⴳⴻⵔ-ⴷ ⵜⵉⵖⵔⵉ ⵓⵏⴻⵖⵍⴰⴼ ⴰⵚⴻⵃⵔⴰⵡⵉ ⵏ ⵜⵖⴰⵡⵙⵉⵡⵉⵏ ⵏ ⵢⵉⴽⴰⵍⴻⵏ ⵢⴻⵜⵜⵡⴰⴹⴹⴼⴻⵏ, ⵎⵧⵀⴰⵎⵎⴻⴷ ⵧⵓⵍⴷ ⴰⴽⴽⵉ, ⴰⵙⵙ ⵏ ⵍⵃⴻⴷⴷ ⴷⴻⴳ ⵎⴰⴷⵔⵉⴷ, ⵉ ⵓⵎⵖⵉⵡⴰⵏ (ⵎⵓⴵⵜⴰⵎⴰⵄ) ⴰⴳⵔⴰⵖⵍⴰⵏ ⴰⴽⴽⴻⵏ ⴰⴷ ⴷ-ⵢⴻⵙⵙⵓⴽⴽⴻⵙ ⴰⵖⵔⴻⴼ ⴰⵚⴻⵃⵔⴰⵡⵉ.

« ⵉⵃⴰⵔ ⵍⵃⴰⵍ ⴷⴻⴳ ⵢⵉⴽⴰⵍⴻⵏ ⵢⴻⵜⵜⵡⴰⴹⴹⴼⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵧⵓⵍⴷ ⴰⴽⴽⵉ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ ⵢⵉⵡⴻⵏ ⵡⴰⵙⵙ ⴷⴻⴼⴼⵉⵔ ⵎⴰ ⵉⴼⵓⴽ ⵓⵙⴰⵔⴰⴳ ⵓⵕⵓⴼⵉ ⵏ ⵓⴷⵀⴰⵍ ⴷ ⵜⴻⵎⵙⴻⵜⵍⴻⵍⵜ ⴷ ⵓⵖⵔⴻⴼ ⴰⵚⴻⵃⵔⴰⵡⵉ (ⴻⵓⵛⵧⵛⵧ) ⴰⵢ ⴷ-ⵢⴻⵍⵍⴰⵏ ⴷⴻⴳ ⵎⴰⴷⵔⵉⴷ, ⵢⴻⵔⵏⴰ ⵉⴳⴻⵔ-ⴷ ⵜⵉⵖⵔⵉ ⵉ « ⵜⴳⴻⵔⵎⴰⵏⵜ (ⵜⴰⴷⴰⵅⵅⵓⵍ) ⵜⵓⵄⵊⵉⵍⵜ ⵏ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⴰⴽⴽⴻⵏ ⴰⴷ ⴷ-ⵢⴻⵙⵙⵓⴽⴽⴻⵙ ⴰⵖⵔⴻⴼ ⴰⵚⴻⵃⵔⴰⵡⵉ ⴰⵢ ⵢⴻⵏⴹⴻⵔⵔⴻⵏ 40 ⵏ ⵢⵉⵙⴻⴳⴳⴰⵙⴻⵏ ⴰⵢⴰ ».

ⵙⴻⴳ ⵡⴰⵙⵎⵉ ⴰⵢ ⴷ-ⵜⴻⵥⴷⴻⵎ ⵎⴻⵕⵕⵓⴽ ⴷⴻⴳ 1975, « ⵉⵎⴻⵣⴷⴰⵖⴻⵏ ⵉⵚⴻⵃⵔⴰⵡⵉⵢⴻⵏ ⵄⴻⴷⴷⴰⵏ ⴼⴻⵍⵍ-ⴰⵙⴻⵏ ⴰⴽⴽ ⵍⴻⵚⵏⴰⴼ ⵏ ⵍⴱⴰⵟⴻⵍ ».

ⴷ ⴰⵛⵓ ⴽⴰⵏ, ⵢⴻⵏⵏⴰ-ⴷ ⴷⴰⵖ ⴷ ⴰⴽⴽⴻⵏ ⵜⴰⵎⵙⴻⵜⵍⴻⵍⵜ (ⵜⴰⴹⴰⵎⵓⵏ) ⴰⴳⵔⴰⵖⵍⴰⵏ ⴰⵢ ⴷ-ⵉⴱⴰⵏⴻⵏ ⵉ ⵍⵎⴻⵏⴷ ⵏ ⵓⵙⴰⵔⴰⴳ ⵡⵉⵙ 40 ⵏ ⴻⵓⵛⵧⵛⵧ ⴰⵢ ⴷ-ⵢⴻⵍⵍⴰⵏ ⵓⵙⵙⴰⵏ ⵏ ⵍⵊⴻⵎⵄⴰ ⴷ ⵙⵙⴻⴱⵜ ⴷⴻⴳ ⵎⴰⴷⵔⵉⴷ (ⵙⵒⴻⵏⵢⵓⵍ) « ⵢⴻⵙⵙⴽⴰⵏⴰ-ⴷ ⵜⴰⵖⴰⵡⵙⴰ ⵢⴻⵍⵀⴰⵏ ⴷⴻⴳ ⵢⵉⵎⴻⵏⵖⵉ ⴰⵚⴻⵃⵔⴰⵡⵉ » ⵢⴻⵔⵏⴰ ⴰⵢⴰ ⴷ « ⵜⴰⴱⵕⴰⵜ ⵉⴱⴰⵏⴻⵏ ⵉ ⵜⵓⴹⴹⴼⴰ ⵜⴰⵎⴻⵕⵕⵓⴽⵉⵜ ⵢⴻⵔⵏⴰ ⵢⴻⵙⵙⴽⴰⵏⴰⵢ-ⴷ ⵡⴰⵢⴰ ⴰⵄⵣⴰⵍ ⴰⵢ ⵜⴻⵜⵜⵡⴻⵄⵣⴻⵍ ⵎⴻⵕⵕⵓⴽ ⵙⴻⴳ ⵓⵏⵔⴰⵔ ⵜⴰⴳⵔⴰⵖⵍⴰⵏⵜ ».

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵏⵏⴰ-ⴷ ⵎⴰⵙⵙ ⵧⵓⵍⴷ ⴰⴽⴽⵉ ⴷ ⴰⴽⴽⴻⵏ « ⵉⵚⴻⵃⵔⴰⵡⵉⵢⴻⵏ ⵢⴻⵏⵏⴻⵊⵍⵉⵏ ⴷⴻⴳ ⵜⵎⵉⵡⴰ ⵢⴻⵎⴳⴻⵔⵔⴰⴷⴻⵏ ⵏ ⵓⵎⴰⴹⴰⵍ, ⵍⴰⴷⵖⴰ ⴷⴻⴳ ⵙⵙⵡⵉⴷ, ⵏⵓⵕⵊⵉⵡ, ⴼⵕⴰⵏⵙⴰ, ⵠⴻⵏⴻⵣⵓⴻⵍⴰ ⴷ ⵙⵒⴻⵏⵢⵓⵍ, ⴳⴰⵏ ⴰⵅⴻⴷⴷⵉⵎ ⴷ ⴰⵎⴻⵇⵔⴰⵏ ⴷⴻⴳ ⵓⵙⵃⵓⵍⴼⵓ ⵏ ⵓⴳⴷⵓⴷ ⴰⴳⵔⴰⵖⵍⴰⵏ ⵖⴻⴼ ⵜⵓⴹⴹⴼⴰ ⵜⴰⵎⴻⵕⵕⵓⴽⵉⵜ ⵢⴻⴼⴼⵖⴻⵏ ⵉ ⵍⵇⴰⵏⵓⵏ ⴷⴻⴳ ⵢⵉⴽⴰⵍⴻⵏ ⵉⵚⴻⵃⵔⴰⵡⵉⵢⴻⵏ ».

ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ ⵓⵙⴰⵔⴰⴳ ⵡⵉⵙ 40 ⵏ ⴻⵓⵛⵧⵛⵧ ⴳⵔⴻⵏ-ⴷ ⵜⵉⵖⵔⵉ, ⴰⵙⵙ ⵏ ⵙⵙⴻⴱⵜ ⵜⴰⵎⴻⴷⴷⵉⵜ, ⴷⴻⴳ ⵜⵙⴻⵖⵔⵓⵜ-ⵏⵙⴻⵏ (ⵜⴰⵚⵔⵉⵃ) ⴰⵏⴻⴳⴳⴰⵔⵓ, ⵉ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⴰⴽⴽⴻⵏ « ⴰⴷ ⵢⴻⵔⵏⵓ ⴰⴷ ⵢⴻⵃⵕⴻⵙ ⵓⴳⴰⵔ ⵎⴻⵕⵕⵓⴽ » ⴰⴽⴽⴻⵏ ⴰⴷ ⵜⴼⴰⴽ ⵜⵓⴹⴹⴼⴰ ⴰⵢ ⵜⴻⴹⴹⴻⴼ ⵉⴽⴰⵍⴻⵏ ⵉⵚⴻⵃⵔⴰⵡⵉⵢⴻⵏ ⴱⴻⵕⵕⴰ ⵉ ⵍⵇⴰⵏⵓⵏ.