ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵖⵔⵉ ⵏ ⵢⵉⵖⵎⵉⵙⴻⵏ ⵉⴼⵕⴻⵏⵙⵉⵙⴻⵏ ⵉ ⵜⵓⵟⵟⴼⴰ ⴷⴻⴳ ⵡⴰⵣⴰⵍⴻⵏ ⵏ ⵓⵎⵙⵓⵔⴻⴼ
ⵒⴰⵔⵉⵙ – ⵜⴳⴻⵔ-ⴷ ⵜⵖⴻⵎⵙⴰ ⵜⴰⴼⵕⴻⵏⵙⵉⵙⵜ ⴰⵙⵙ ⵏ ⵍⴻⵜⵏⵉⵢⴻⵏ ⵜⵉⵖⵔⵉ ⵉ ⵢⵉⴼⵕⴻⵏⵙⵉⵙⴻⵏ ⴰⴽⴽⴻⵏ ⴰⴷ ⴹⴹⴼⴻⵏ ⴷⴻⴳ ⵡⴰⵣⴰⵍⴻⵏ ⵏ ⵜⴻⵥⵔⴰⵍⴻⵙⵜ (ⵉⵏⵙⴰⵏⵉⵢⵢⴰ) ⴷ ⵓⵎⵙⵓⵔⴻⴼ (ⵜⴰⵙⴰⵎⵓⵃ) ⵢⴻⵔⵏⴰ ⴰⴷ ⴱⴻⵄⴷⴻⵏ ⵉ ⵓⵛⴻⵎⵎⴻⵜ ⵏ ⵡⵉⵢⴰⴹ, ⴷⴻⴼⴼⵉⵔ ⵜⵅⴰⵣⵣⴰⴱⵉⵢⵉⵏ-ⵏⵏⵉ ⵏ ⵡⴰⵙⵙ ⵏ ⵍⵊⴻⵎⵄⴰ ⴰⵢ ⵢⴻⴳⵍⴰⵏ ⵙ 132 ⵏ ⵜⵎⴻⴷⴷⵓⵔⵉⵏ ⴷ ⵡⵓⴳⴰⵔ ⵏ 300 ⵏ ⵢⵉⵎⴻⵊⵔⴰⵃ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵖⴻⵎⵙⴰ ⴷ ⴰⴽⴽⴻⵏ ⴰⵢⴻⵏ ⴰⵢ ⵃⵓⴽⵕⴻⵏ ⵢⵉⵔⴻⴱⵔⴰⴱⴻⵏ ⵏⴻⵜⵜⴰ ⴷ ⴰⵀⵓⴷⴷⵓ ⵏ ⵓⵎⵙⵓⵔⴻⴼ ⵖⴻⵔ ⵢⴻⴼⵕⴻⵏⵙⵉⵙⴻⵏ. ⴷⵖⴰ ⵢⴻⵏⵏⴰ-ⴷ ⵓⵖⵎⵉⵙ ⴰⵢⴰⵍⵍⴰⵙ ⵏ ⵍⵉⴱⴻⵔⴰⵜⵉⵧⵏ ⴷⴻⴳ ⵜⴳⴻⵊⴷⵉⵜ-ⵏⵏⴻⵙ ⴷ ⴰⴽⴽⴻⵏ ⵉⵔⴻⴱⵔⴰⴱⴻⵏ ⵍⵍⴰⵏ ⴱⵖⴰⵏ « ⴰⴷ ⵃⴰⵣⴻⵏ ⵉⴼⵕⴻⵏⵙⵉⵙⴻⵏ ⵉⵏⴻⵎⵙⵓⵔⴼⴻⵏ (ⵎⵓⵜⴰⵙⴰⵎⵉⵃ). ⴷⵖⴰ ⴷ ⴰⵎⵙⵓⵔⴻⴼ ⴷ ⴼⵕⴰⵏⵙⴰ ⴰⵢ ⴷ-ⵢⴻⵍⵍⴰⵏ ⴷ ⵉⵙⵡⴰⵏ-ⵏⵙⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ « ⵜⵓⵛⵛⴹⴰ ⵜⴰⵎⴻⵇⵔⴰⵏⵜ ⴰⴽⴽ ⵏⴻⵜⵜⴰⵜ ⴵⴵⴰⵏ ⵢⵉⴼⵕⴻⵏⵙⵉⵙⴻⵏ ⵙ ⵜⵉⵎⵎⴰⴷ-ⵏⵙⴻⵏ ⴰⵎⵙⵓⵔⴻⴼ ».
ⵖⴻⴼ ⵍⴻⵃⵙⴰⴱ ⵏ ⵓⵖⵎⵉⵙ-ⴰ, ⵡⵉⴷ ⴰⵢ ⴷ-ⵢⴻⴳⵔⴻⵏ ⵜⵉⵖⵔⵉ ⵉ ⵓⵖⵍⴰⵇ ⵏ ⴼⵕⴰⵏⵙⴰ ⵙⵉⵎⴰⵍ ⵍⴰ ⴷ-ⵜⴻⵜⵜⴱⴰⵏ ⵜⴰⵖⴻⵛⵜ-ⵏⵙⴻⵏ, ⵎⴰⵛⴰ ⴰⵢⴰ ⵓⵔ ⴷ-ⵢⴻⵜⵜⴰⵔⵔⴰ ⴰⵔⴰ ⵜⵜⴰⵕ ⵉ ⵡⵉⴷ ⴰⵢ ⵉⵃⵓⵣⴰ ⵔⵔⴻⴱⵔⴰⴱ ⵉⵎⵉ ⵏⵉⵜⵏⵉ ⵍⵍⴰⵏ ⴷⴷⵔⴻⵏ ⵢⴰⵍ ⴰⵙⵙ ⵙ ⵡⴰⵣⴰⵍⴻⵏ ⵏ ⵓⵔⵥⴰⵎ ⵏ ⴼⵕⴰⵏⵙⴰ ⵖⴻⴼ ⵓⵎⴰⴹⴰⵍ.
ⴰⵖⵎⵉⵙ ⴰⵢⴰⵍⵍⴰⵙ ⵏ ⵜⵎⴰⵏⴻⵖⵜ, ⵍⴻ ⵒⴰⵔⵉⵙⵉⴻⵏ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⵉⵔⵉⵔⵉⵜ ⵜⵉⵎⵅⴻⵢⵢⴻⵔⵜ ⵉ ⵢⵉⵔⴻⴱⵔⴰⴱⴻⵏ ⵏⴻⵜⵜⴰⵜ ⴷ ⵜⵓⴹⴹⴼⴰ ⴷⴻⴳ ⵡⴰⵣⴰⵍⴻⵏ ⵏ ⵜⴻⵥⵔⴰⵍⴻⵙⵜ ⴷ ⵓⵎⵙⵓⵔⴻⴼ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷ ⴰⴽⴽⴻⵏ ⵓⵔ ⵢⴻⵙⵙⴻⴼⴽ ⴰⵔⴰ ⴰⴽⴽ ⴰⴷ ⵜⵜⵡⴻⴵⴵⴻⵏ ⵡⴰⵣⴰⵍⴻⵏ-ⴰ ⵢⴻⵔⵏⴰ ⵡⵉⴷ ⴰⴷ ⵜⴻⵏ-ⵉⵔⴻⴽⴹⴻⵏ ⴷ ⵉⵛⴻⵏⴳⴰ-ⵏⵏⴻⵖ.
ⴰⵖⵎⵉⵙ ⵏ ⵍⴻ ⴼⵉⴳⴰⵔⵧ, ⵙⴻⴳ ⵢⵉⴷⵉⵙ-ⵏⵏⴻⵙ, ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵎⴳⴰⵔⵓ (ⵃⴰⵔⴱ) ⵢⴻⵃⵡⴰⴵ ⵉⵎⴳⴰⵔⴰⵢⴻⵏ ⴰⵢ ⵉⵄⴻⵡⵡⵍⴻⵏ ⴰⴽⴽⴻⵏ ⴰⴷ ⵏⵏⴰⵖⴻⵏ, ⵢⴻⵔⵏⴰ ⵎⵉ ⴷ-ⵉⵡⴻⵜ ⴷⴻⴳ ⵓⵏⴰⴱⴰⴹ (ⵃⵓⴽⵓⵎⴰ) ⵏ ⵎⴰⵏⵓⴻⵍ ⵠⴰⵍⵍⵙ, ⵢⴻⵏⵏⴰ-ⴷ ⵓⵖⵎⵉⵙ-ⴰ ⴷ ⴰⴽⴽⴻⵏ ⵓⵍⴰ ⴷ ⵢⵉⵡⴻⵏ ⵓⵔ ⵢⴻⵣⵎⵉⵔ ⴰⴷ ⴷ-ⵢⵉⵏⵉ ⴷ ⴰⴽⴽⴻⵏ ⴷ ⵜⵉⴳⵜⵉ ⵜⴰⵏⴻⵎⵍⴰⵢⵜ (ⴰⵖⵍⴰⴱⵉⵢⵢⴰ ⵉⵛⵜⵉⵔⴰⴽⵉⵢⵢⴰ) ⴷ ⵏⴻⵜⵜⴰⵜ ⴰⵢ ⵉⵡⴰⵜⴰⵏ ⴰⴽⴽⴻⵏ ⴰⴷ ⵜⴻⵏⵏⴰⵖ ⵉⵎⴻⵏⵖⵉ ⴰⵎⴻⵇⵔⴰⵏ ⵎⴳⴰⵍ ⵓⵡⴰⵏⴰⴽ ⵉⵙⵍⴰⵎⴰⵏ.
ⵖⴻⴼ ⵍⴻⵃⵙⴰⴱ ⵏ ⵓⵖⵎⵉⵙ ⵏ ⵍ’ⵀⵓⵎⴰⵏⵉⵜⴻ, ⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⵓⵔ ⴷ-ⵉⴳⴻⵍⵍⵓ ⵙ ⵍⴼⴰⵢⴷⴰ ⴰⵍⴰ « ⵎⴰ ⵏⴻⵇⵇⵉⵎ ⴷ ⵜⵉⵎⴻⵜⵜⵉ ⵉⵔⴻⵥⵎⴻⵏ, ⴷ ⵜⴰⵏⴻⵎⵙⵓⵔⴻⴼⵜ, ⵢⵓⴳⵉⵏ ⴰⵛⴻⵎⵎⴻⵜ ⵏ ⵡⵉⵢⴰⴹ, ⵢⴻⵔⵏⴰ ⵓⵔ ⵢⴻⵙⵙⴻⴼⴽ ⴰⵔⴰ ⴰⴷ ⵏⴻⵃⵙⴻⴱ ⴰⵔⵔⴰⵡ ⵏ ⵜⵎⵓⵔⵜ-ⵏⵏⴻⵖ ⵉⵏⵙⴻⵍⵎⴻⵏ ⴷ ⴰⵣⴰⵎⵓⵍ ⵏ ⵜⵎⴻⵜⵜⴰⵏⵜ ⵜⴰⴵⵉⵀⴰⴷⵉⵜ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⵏⴻⵏⵏⴰⵖ ⵎⴳⴰⵍ ⵜⴻⵎⵙⵉⵔⵉⵜ (ⵄⵓⵏⵚⵓⵔⵉⵢⵢⴰ) ⵙ ⵡⴰⴽⴽ ⵍⴻⵚⵏⴰⴼ-ⵏⵏⴻⵙ ».
ⴰⵖⵎⵉⵙ-ⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⴰⴳⴷⵓⴷⴰ ⴷ « ⵍⴻⵙⵍⴰⵃ ⵓⵛⵔⵉⴽ » ⵢⴻⵔⵏⴰ ⵜⴰⵎⵙⴻⵜⵍⴻⵍⵜ (ⵜⴰⴹⴰⵎⵓⵏ) ⴷ ⴰⵣⴰⵎⵓⵍ ⴰⴷ ⵉⵣⴻⵎⵔⴻⵏ « ⴰⴷ ⵢⴻⵙⵙⴻⴷⵔⴻⵎ ⵉⴷⵔⴰⵔⴻⵏ ⵏ ⵍⴽⴻⵕⵀ ⴷ ⴱⴻⴹⴹⵓ ⴰⵢ ⵢⴻⴱⵖⴰⵏ ⴰⴷ ⴷ-ⵙⵙⴰⵍⵉⵏ ⵜⵉⵡⵡⴻⵃⵛⵉⵜ ⵜⴰⵎⴻⵟⵟⴰⵔⴼⵓⵜ ⴷ ⵡⵉⴷ ⴰⵢ ⵉⵅⴻⴷⴷⵎⴻⵏ ⵢⴻⵙ-ⵙ ».
ⵎⴰ ⴷ ⴰⵖⵎⵉⵙ ⵏ ⴷⴻⵔⵏⵉⴻⵔⴻⵙ ⵏⵧⵓⵠⴻⵍⵍⴻⵙ ⴷ’ⴰⵍⵙⴰⵛⴻ ⵢⴻⵔⵏⴰ-ⴷ ⴷⴻⴳ ⵡⴰⵡⴰⵍ-ⴰ ⵎⵉ ⴷ-ⵉⵡⴻⴽⴽⴻⴷ ⴷ ⴰⴽⴽⴻⵏ ⵜⵓⴳⴷⵉ « ⵡⴻⵔⴵⵉⵏ ⵜⴻⵍⵍⵉ ⴷ ⵙⵙⴻⴱⴱⴰ ⵉ ⵜⵓⴼⴼⵖⴰ ⵏ ⵍⴻⵄⵇⴻⵍ », ⴰⵎ ⵡⴰⴽⴽⴻⵏ ⴰⵢ ⴷ-ⵉⵄⴻⵢⵢⴻⵏ ⵙⴻⴳ « ⵜⵣⴻⵎⵎⴰⵕⵉⵏ ⵏ ⵜⴷⵉⵎⴰⴳⵓⵊⵉⵏ ⴷ ⵢⵉⵏⴰⵡⴻⵏ (ⵅⵉⵟⴰⴱⴰⵜ) ⵏ ⵍⴽⴻⵕⵀ ⴰⴷ ⵓⵖⴰⵍⴻⵏ ⵙⵙⴻⵄⵥⴰⴳⴻⵏ ⴷⴻⴳ ⵡⵓⵙⵙⴰⵏ ⴰⵢ ⴷ-ⵢⴻⵜⵜⴻⴷⴷⵓⵏ ».
ⵖⴻⴼ ⵍⴻⵃⵙⴰⴱ ⵏ ⵓⵖⵎⵉⵙ-ⴰ, « ⴱⴻⴹⴹⵓ, ⵉⵔⵉⵔⵉ ⵏ ⵜⵜⴰⵕ ⴰⵢ ⵉⵄⴻⴷⴷⴰ ⵣⵣⵎⴰⵏ ⴷ ⵓⵙⵙⴻⵏⴽⴻⵔ ⵏ ⵢⵉⵎⴻⵏⵖⵉ ⴳⴰⵔ ⵎⴻⴷⴷⴻⵏ ⴷ ⴰⵃⵔⵉⵛ ⵙⴻⴳ ⵡⵓⵔⴰⵔ ⵏ ⵢⵉⵔⴻⴱⵔⴰⴱⴻⵏ ⴰⵢ ⴷ-ⵢⴻⵜⵜⴻⵙⵙⴻⵏ ⵙⴻⴳ ⵜⴰⵍⴰ ⵏ ⵓⵔⵡⴰⵢ ».
ⴰⵖⵎⵉⵙ ⵏ ⵍ’ⵧⵒⵉⵏⵉⵧⵏ, ⵙⴻⴳ ⵢⵉⴷⵉⵙ-ⵏⵏⴻⵙ, ⵢⵓⵔⴰ-ⴷ ⴷ ⴰⴽⴽⴻⵏ ⴰⵜⵄⴻⴷⴷⵉ ⵖⴻⴼ ⴼⵕⴰⵏⵙⴰ ⵉⵄⴻⴷⴷⴰ ⵖⴻⵔ ⵓⵙⵡⵉⵔ ⵉⴵⴻⵀⴷⴻⵏ ⵓⴳⴰⵔ, ⴷⵖⴰ ⵓⵍⴰ ⴷ ⵜⵉⵔⵉⵔⵉⵜ ⵏ ⵜⵢⵉⵜⴰ ⵙⵖⵓⵔ ⵢⵉⵎⴻⵥⵍⴰ (ⵎⴰⵚⴰⵍⵉⵃ) ⵏ ⵜⵖⴻⵍⵍⵉⵙⵜ ⴷ ⵢⵉⵙⴻⵔⴷⴰⵙⴻⵏ ⵢⴻⵙⵙⴻⴼⴽ ⴰⴷ ⵜⵄⴰⵡⴻⴷ ⴰⴷ ⵜⴻⵜⵜⵡⴰⵇⴻⵢⵢⴻⵎ. ⵎⴰ ⴷ ⴰⵖⵎⵉⵙ ⵏ ⵒⵔⴻⵙⵙⴻ ⴷⴻ ⵍⴰ ⵎⴰⵏⵛⵀⴻ ⵉⵡⴻⴽⴽⴻⴷ-ⴷ ⴷ ⴰⴽⴽⴻⵏ ⵢⴻⵙⵙⴻⴼⴽ « ⴰⴷ ⴷ-ⵢⵉⵍⵉ ⵢⵉⵎⴻⵏⵖⵉ ⵡⴰⵔ ⴰⵃⴱⴰⵙ ⵉ ⵍⵎⴻⵏⴷ ⵏ ⵓⵙⵙⴻⵏⴳⴻⵔ ⵏ ⵢⵉⵎⴻⴹⴹⵓⵔⴼⴰ ⵉⵎⵉ ⴷ ⵡⴰ ⴰⵢ ⴷ ⵉⵙⵡⵉ ⵏ ⵓⴹⵎⴰⵏ ⵏ ⵍⴰⵎⴰⵏ ⴷⴻⴳ ⵜⵎⵓⵔⵜ », ⴰⵎ ⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⴻⵜⵜⵡⴰⵇⵍⴻⵄ ⵜⵉⵙⵙⴻⵍⴱⵉ-ⴰ ⵏ ⵜⵎⴻⵏⵖⵉⵡⵜ ⴰⴽⴽⴻⵏ « ⴰⴷ ⵢⴻⵜⵜⵡⴰⵃⵔⴻⵣ ⵓⵎⵜⴰⵡⴰ ⴳⴰⵔ-ⴰⵏⴻⵖ ⴰⴽⴽ, ⵡⴰⵔ ⵎⴰ ⵜⴻⵡⵡⵉ-ⴰⵖ ⵍⵀⴰⵡⴰ ⵏ ⵍⴽⴻⵕⵀ ⴷ ⵓⵄⵣⴰⵍ ⵏ ⵡⵉⵢⴰⴹ ».
ⵜⴰⵎⵓⵖⵍⵉ-ⴰ ⵉⵡⵓⴼⴻⵇ-ⵉⵜⵜ ⴷⴰⵖ ⵓⵖⵎⵉⵙ ⵏ ⵧⵓⴻⵙ-ⴼⵔⴰⵏⵛⴻ ⴰⵢ ⴷ-ⵢⴻⵏⵏⴰⵏ ⴷ ⴰⴽⴽⴻⵏ ⴰⵢⴰ ⴰⴷ ⴷ-ⵢⴻⴳⵍⵓ ⵙ ⵓⴱⴻⴷⴷⴻⵍ ⵓⵔ ⵜⴻⵍⵍⵉ ⴼⴻⵍⵍ-ⴰⵙ ⵜⵔⴻⵡⵍⴰ, ⵢⴻⵔⵏⴰ ⴰⴷ ⵉⵃⴰⵣ ⴰⴽⴽ ⵉⵙⵡⵉⵔⴻⵏ. ⴷⵖⴰ ⵢⵓⵔⴰ-ⴷ ⴷ ⴰⴽⴽⴻⵏ « ⵔⵔⴻⴱⵔⴰⴱ ⵢⴻⵔⵣⴰ ⴰⵍⴰ ⵛⵡⵉⵟ ⴽⴰⵏ ⵏ ⵢⵉⵎⴷⴰⵏⴻⵏ, ⵎⴰⵛⴰ ⴰⴽⴽⴻⵏ ⴰⴷ ⵢⴻⵜⵜⵡⴻⵔⵏⵓ, ⵢⴻⵙⵙⴻⴼⴽ ⴰⴷ ⵜⵜⵡⴰⴼⴻⵔⵙⴻⵏ ⴰⴽⴽ ⵢⵉⵎⵓⴷⴰⵖ ⴰⵢ ⴰⵙⴻⵏ-ⴷ-ⵢⴻⵣⵣⵉⵏ ».
