ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵎⴰⵙⵙ ⵙⴻⵍⵍⴰⵍ ⴰⴷ ⵢⴻⵔⵣⵓ ⵜⵉⵔⵣⵉ ⵏ ⵓⵎⴰⵀⵉⵍ ⴰⵙⵙ ⵏ ⵍⴻⵅⵎⵉⵙ ⵖⴻⵔ ⵄⵉⵏ ⴷⴻⴼⵍⴰ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵏⴻⵖⵍⴰⴼ ⴰⵎⴻⵣⵡⴰⵔⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ ⴰⴷ ⵢⴻⵔⵣⵓ, ⴰⵙⵙ ⵏ ⵍⴻⵅⵎⵉⵙ, ⵢⵉⵡⴻⵜ ⵏ ⵜⵉⵔⵣⵉ ⵏ ⵓⵎⴰⵀⵉⵍ ⴰⴽⴽⴻⴷ ⵜⴻⵙⵡⴻⴹⵜ ⵖⴻⵔ ⵄⵉⵏ ⴷⴻⴼⵍⴰ, ⵉ ⴷ-ⵢⴻⵏⵏⴰ ⴰⵙⵙ ⵏ ⵍⴰⵔⴻⴱⵄⴰ ⵢⵉⵡⴻⵏ ⵏ ⵓⵍⵖⵓ ⵏ ⵢⵉⵎⴻⵥⵍⴰ ⵏ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ.

ⵜⵉⵔⵣⵉ-ⴰ ⵢⴻⵔⵙⴻⵏ ⴷⴻⴳ ⵓⴽⴰⵜⴰⵔ ⵏ ⵓⵙⴻⴷⴷⵓ ⴰⴽⴽⴻⴷ ⵓⴹⴼⴰⵔ ⵏ ⵓⵀⵉⵍ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ‘’ⴰⴽⴽⴰ ⴰⴷ ⵢⴻⵣⵎⴻⵔ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⴰⴷ ⵉⵡⴰⵍⵉ ⵙ ⴰⵏⴷⴰ ⵢⴻⵙⵙⴰⵡⴻⴹ ⵓⵀⵉⵍ ⵏ ⵜⵏⴻⴼⵍⵉⵜ ⵏ ⵜⵡⵉⵍⴰⵢⵜ-ⴰ ⴰⴽⴽⴻⴷ ⵓⵍⴷⴰⵢ ⴰⴽⴽⴻⴷ ⵓⵙⵡⴰⴹ ⵏ ⴷⴷⴻⵇⵙ ⵏ ⵢⵉⵙⴻⵏⴼⴰⵔⴻⵏ ⵢⴻⵙⵄⴰⵏ ⵉⵙⵡⵉ ⴰⴷⴰⵎⵙⴰⵏ ⴰⴽⴽⴻⴷ ⵡⵉⵏ ⵢⴻⵔⵣⴰⵏ ⵜⵉⵎⴻⵜⵜⵉ’’, ⵉ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⵏⵏⵉ.

ⵎⵉ ⴰⵔⴰ ⴷ-ⵜⵉⵍⵉ ⵜⴻⵎⵍⵉⵍⵉⵜ-ⴰ, ⵎⴰⵙⵙ ⵙⴻⵍⵍⴰⵍ, ⴰⵔⴰ ⵜⵔⴰⴼⴻⵇ ⵜⵎⴰⴳⵍⴰ ⵜⴰⵖⵍⵉⴼⴰⵏⵜ, ⴰⴷ ⵢⴻⵃⴷⴻⵔ ⵉ ⵓⵙⴼⵓⴳⴻⵍ ⵏ ⵓⵎⵓⵍⵍⵉ ⵡⵉⵙ 41 ⵏ ⵓⵖⵏⴰⵡ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵏ ⵢⵉⴼⴻⵍⵍⴰⵃⴻⵏ ⵉⵣⵣⴰⵢⵔⵉⵢⴻⵏ (ⵓⵏⵒⴰ), ⵉ ⵜⴻⵔⵏⴰ ⵜⴻⵏⵏⴰ-ⴷ ⵜⴻⵖⴱⴰⵍⵓⵜ-ⵏⵏⵉ.