ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵖⵍⵉⴼ ⵏ ⵓⵅⴻⴷⴷⵉⵎ ⵢⴻⵙⵙⴻⴼⵔⴰⵢ ⴰⴷ ⵢⴻⵎⵎⴻⵕⴽⵉ 2 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴼⴻⵍⵍⴰⵃⴻⵏ ⴷⴻⴳ ⴹⴹⵎⴰⵏⴰ
ⵄⵉⵏ ⴷⴷⴻⴼⵍⴰ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵓⵅⴻⴷⴷⵉⵎ, ⵎⵧⵀⴰⵎⴻⴷ ⴻⵍ ⴳⵀⴰⵣⵉ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵄⵉⵏ ⴷⴷⴻⴼⵍⴰ ⴷ ⴰⴽⴽⴻⵏ ⴰⵖⵍⵉⴼ-ⵏⵏⴻⵙ ⵍⴰ ⵢⴻⵙⵙⴻⴼⵔⴰⵢ ⴰⴷ ⵢⴻⵎⵎⴻⵕⴽⵉ 2 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴼⴻⵍⵍⴰⵃⴻⵏ ⴷⴻⴳ ⵓⵏⴰⴳⵔⴰⵡ ⵏ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ (ⴹⴰⵎⴰⵏ ⵉⴵⵜⵉⵎⴰⵄⵉ) ⵢⴻⵔⵏⴰ ⴷⴻⴳ ⵜⴰⴳⴳⴰⵢⵜ ⵏ ⵢⵉⵅⴻⴷⴷⴰⵎⴻⵏ ⴰⵢ ⵉⵅⴻⴷⴷⵎⴻⵏ ⵖⴻⵔ ⵢⵉⵎⴰⵏ-ⵏⵙⴻⵏ.
« ⵍⴰ ⵏⴻⵙⵙⴻⴼⵔⴰⵢ ⴰⴷ ⵏⴻⵎⵎⴻⵕⴽⵉ 2 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴼⴻⵍⵍⴰⵃⴻⵏ ⴷⴻⴳ ⵓⵏⴰⴳⵔⴰⵡ ⵏ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴷⴻⴳ ⵢⵉⵊⵉⴼⴻⵕ ⵏ ⵢⵉⵡⴻⵜ ⵏ ⵜⴻⵔⵣⵉ ⴰⵢ ⵉⴳⴰ ⵓⵏⴻⵖⵍⴰⴼ ⴰⵎⴻⵏⵣⵓ ⵖⴻⴼ ⵜⵡⵉⵍⴰⵢⵜ ⵏ ⵄⵉⵏ ⴷⴷⴻⴼⵍⴰ, ⵢⴻⵔⵏⴰ ⴰⵢⴰ ⴷ ⴰⵃⵔⵉⵛ ⵙⴻⴳ ⵜⵃⴻⵎⵍⴰ ⵏ ⵓⵙⵃⵓⵍⴼⵓ ⵏ ⵢⵉⵅⴻⴷⴷⴰⵎⴻⵏ ⴰⴽⴽⴻⵏ ⴰⴷ ⵎⵎⴻⵕⴽⵉⵏ ⵉⵎⴰⵏ-ⵏⵙⴻⵏ.
« ⵏⴻⵜⵜⴽⴻⵍ ⵖⴻⴼ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵏ ⵢⵉⴼⴻⵍⵍⴰⵃⴻⵏ ⵉⴷⵣⴰⵢⵔⵉⵢⴻⵏ ⴰⴷ ⵜⴻⵜⵜⴻⴽⴽⵉ ⴷⴻⴳ ⵡⴰⵏⴻⵛⵜ-ⴰ ⵢⴻⵔⵏⴰ ⴰⴷ ⵜⴻⵎⵎⴻⵕⴽⵉ ⴰⵏⴻⵛⵜ ⴰⴽⴽ ⵓⵎⵉ ⵜⴻⵣⵎⴻⵔ ⴷ ⵉⴼⴻⵍⵍⴰⵃⴻⵏ ⴷⴻⴳ ⵓⵏⴰⴳⵔⴰⵡ-ⴰ ⵢⴻⵔⵏⴰ ⵓⵍⴰⵛ ⵛⵛⴻⴽ ⴰⴷ ⵜⴻⵏ-ⵢⴻⵏⴼⴻⵄ ⵡⴰⵢⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ, ⴰⵢ ⴷ-ⵢⴻⵔⵏⴰⵏ ⴷ ⴰⴽⴽⴻⵏ « ⵛⵛⵖⴻⵍ-ⴰ ⵓⵔ ⵢⴻⵙⵄⵉ ⴰⵔⴰ ⵜⴰⵍⴰⵙⵜ ⴷⴻⴳ ⵡⴰⴽⵓⴷ ».
