ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵙⴻⵃⵔⴰⵡⵉⵢⴻⵏ ⵡⴻⵊⴷⴻⵏ ⴰⴷ ⵄⴰⵡⴷⴻⵏ ⵜⴰⵎⵓⵖⵍⵉ ⵎⴰ ⵅⴻⵚⵕⴻⵏⵜ ⵍⴻⵎⵛⴰⵡⵕⴰⵜ
ⵛⵀⴰⵀⵉⴷ ⴻⵍ-ⵀⴰⴼⴻⴷ (ⵉⵎⴰⵣⵉⵔⴻⵏ ⵏ ⵢⵉⵣⵔⴰⵣⴰⵖⴻⵏ) – ⵢⴻⵏⵏⴰ-ⴷ ⵓⴳⴻⵏⵙⴰⵙ ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⵖⴻⵔ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴰⵀⵎⴻⴷ ⴱⵧⵓⴽⵀⴰⵔⵉ, ⴰⵙⵙ ⵏ ⵍⵊⴻⵎⵄⴰ ⴷⴰⴽⴽⴻⵏ ⴰⵖⵔⴻⴼ ⴰⵚⴻⵃⵔⴰⵡⵉ « ⵢⴻⵡⵊⴻⴷ ⴰⴷ ⵉⵇⴰⴱⴻⵍ ⵙ ⴽⵔⴰ ⵏ ⵜⴻⴳⵏⵉⵜ ⴰⴷ ⴷ-ⵢⴻⵜⵜⵡⴰⵃⴻⵜⵜⵎⴻⵏ ⴼⴻⵍⵍ-ⴰⵙ », ⵎⴰ ⵓⵔ ⵜⴻⵔⴱⵉⵃ ⴰⵔⴰ ⵜⵉⴷⴷⵉⵜ ⵏ ⴼⴻⵔⵔⵓ ⵏ ⵜⴻⵎⵙⴰⵍⵜ-ⵏⵏⴻⵙ ⵙ ⵜⴰⵍⵡⵉⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ « ⵎⴰ ⵜⴻⵙⵙⵖⴻⵔ ⵎⴻⵕⵕⵓⴽ ⵉⵖⴻⴼ-ⵏⵏⴻⵙ ⵙ ⵓⵔⴳⴰⵍ ⵏ ⵓⴱⵔⵉⴷ ⵉ ⵜⴰⵍⵡⵉⵜ, ⵜⴰⵎⴻⵀⵍⴰ (ⵉⴷⴰⵔⴰ) ⵜⴰⵚⴻⵃⵔⴰⵡⵉⵜ ⴰⴷ ⵜⵄⴰⵡⴻⴷ ⴰⴷ ⵜⵡⴰⵍⵉ ⵜⴰⵎⵓⵖⵍⵉ-ⵏⵏⴻⵙ ⵜⴰⵙⵓⴷⴷⵙⴰⵏⵜ (ⵉⵙⵜⵔⴰⵜⵉⴵⵉⵢⵢⴰ) » ⴰⴽⴽⴻⵏ ⴰⴷ ⵜⴻⵙⵙⵉⵡⴻⴹ ⵖⴻⵔ ⵢⵉⵙⵡⵉ-ⵏⵏⴻⵙ: ⴰⵣⴰⵔⵓⴳ.
ⴷⴻⴳ ⵢⵉⵡⴻⵏ ⵏ ⵓⴷⵉⵡⴻⵏⵏⵉ ⴰⵢ ⵉⴳⴰ ⴷ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ ⴷⴻⴳ ⵢⵉⵊⵉⴼⴻⵕ ⵏ ⵓⵎⵢⴰⴳⴻⵔ ⴷ ⵓⵎⴰⵣⵓⵏ (ⵎⴰⴱⵄⵓⵜ) ⵓⴷⵎⴰⵡⴰⵏ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵏⴻⵥⵔⵓⴼ ⵓⵜⵔⵉⵎ, ⵛⵀⵔⵉⵙⵜⵧⵒⵀⴻⵔ ⵔⵧⵙⵙ, ⴷⴻⴳ ⵢⵉⵎⴰⵣⵉⵔⴻⵏ ⵏ ⵢⵉⵣⵔⴰⵣⴰⵖⴻⵏ, ⵢⴻⵏⵏⴰ-ⴷ ⵎⴰⵙⵙ ⴱⵧⵓⴽⵀⴰⵔⵉ ⴷⴰⴽⴽⴻⵏ « ⵉⴷⵉⵙ ⴰⵚⴻⵃⵔⴰⵡⵉ ⵢⴻⵡⵊⴻⴷ ⴰⴷ ⵢⴻⴱⴷⵓ ⵍⴻⵎⵛⴰⵡⵕⴰⵜ-ⵏⵏⵉ ⵡⵓⵖⵓⵔ ⴰⵢ ⴷ-ⵖⵔⴰⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵍⴰⴷⵖⴰ ⵉⵎⵉ ⴰⵢ ⵢⴻⴹⴹⴻⴼ ⵢⵉⴷⵉⵙ-ⴰ ⴷⴻⴳ ⴼⴻⵔⵔⵓ ⵏ ⵜⴻⵎⵙⴰⵍⵜ-ⴰ ⵙ ⵜⴰⵍⵡⵉⵜ », ⵎⴰⵛⴰ ⵢⴻⵔⵏⴰ-ⴷ ⴷⴰⴽⴽⴻⵏ « ⴰⵖⵔⴻⴼ ⴰⵚⴻⵃⵔⴰⵡⵉ ⵢⴻⵡⵊⴻⴷ ⴰⴷ ⵉⵇⴰⴱⴻⵍ ⵙ ⴽⵔⴰ ⵏ ⵜⴻⴳⵏⵉⵜ ⴰⴷ ⴷ-ⵢⴻⵜⵜⵡⴰⵃⴻⵜⵜⵎⴻⵏ ⴼⴻⵍⵍ-ⴰⵙ ⵎⴰ ⵓⵔ ⵢⴻⵔⴱⵉⵃ ⴰⵔⴰ ⴼⴻⵔⵔⵓ ⵏ ⵜⴰⵍⵓⴼⵜ-ⴰ ⵙ ⵜⴰⵍⵡⵉⵜ ».
ⵉⵎⴹⴻⴱⴱⴻⵔ-ⴰ ⴰⵚⴻⵃⵔⴰⵡⵉ ⵉⵡⴻⴽⴽⴻⴷ-ⴷ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷⴰⴽⴽⴻⵏ « ⴰⵄⴻⵡⵡⵉⵇ ⴰⵎⴻⵇⵔⴰⵏ » ⴰⵢ ⵉⵔⴻⴳⵍⴻⵏ ⴰⴱⵔⵉⴷ ⵉ ⵓⵙⴷⵓⵇⵇⴻⵙ ⵏ ⵍⴻⵎⵛⴰⵡⵕⴰⵜ ⵖⴻⴼ ⵜⴰⵍⵓⴼⵜ ⵜⴰⵚⴻⵃⵔⴰⵡⵉⵜ ⵏⴻⵜⵜⴰⵜ ⴷ « ⴰⵙⵙⵖⴰⵔ ⴰⵢ ⵢⴻⵙⵙⵖⴻⵔ ⵢⵉⴷⵉⵙ ⴰⵎⴻⵕⵕⵓⴽⵉ ⵉⵖⴻⴼ-ⵏⵏⴻⵙ ⵙ ⵜⵉⴳⵉⵜ ⴰⵢ ⵢⵓⴳⵉ ⵜⴰⴽⵜⵉ ⵏ ⵍⴻⵎⵛⴰⵡⵕⴰⵜ ».
« ⵎⴰ ⵜⴻⵙⵙⵖⴻⵔ ⵎⴻⵕⵕⵓⴽ ⵉⵖⴻⴼ-ⵏⵏⴻⵙ ⵢⴻⵔⵏⴰ ⵜⴽⴻⵎⵎⴻⵍ ⵜⴻⵔⴳⴻⵍ ⴰⴱⵔⵉⴷ ⵉ ⵜⵉⴼⵔⴰⵜ ⵙ ⵜⴰⵍⵡⵉⵜ, ⵜⴰⵎⴻⵀⵍⴰ ⵜⴰⵚⴻⵃⵔⴰⵡⵉⵜ ⴰⴷ ⵜⵜ-ⵜⴻⵔⵔ ⵜⵎⴰⵔⴰ ⴰⴷ ⵜⵄⴰⵡⴻⴷ ⴰⴷ ⵜⵡⴰⵍⵉ ⵜⴰⵎⵓⵖⵍⵉ-ⵏⵏⴻⵙ ⵜⴰⵙⵓⴷⴷⵙⴰⵏⵜ ⴰⴽⴽⴻⵏ ⴰⴷ ⴷ-ⵜⴰⴼ ⵜⵜⴰⵡⵉⵍⴰⵜ ⵉⵡⴰⵜⴰⵏ ⴰⴽⴽⴻⵏ ⴰⴷ ⵜⴻⵙⵙⵉⵡⴻⴹ ⵖⴻⵔ ⵢⵉⵙⵡⵉ-ⵏⵏⴻⵙ ⴰⴳⴻⵊⴷⴰⵏ: ⴰⵣⴰⵔⵓⴳ (ⵉⵙⵜⵉⵇⵍⴰⵍ) ⴷ ⵢⵉⵔⵉⵔⵉ ⵏ ⵜⵏⴰⵢⴰ (ⵙⵉⵢⴰⴷⴰ) ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⴷⴻⴳ ⵡⴰⴽⴽ ⵉⵃⵔⵉⵛⴻⵏ ⵏ ⵡⴰⴽⴰⵍ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵏⵏⵉⴳ ⵡⴰⵢⴰ, ⵢⴻⵏⵏⴰ-ⴷ ⴷⴰⴽⴽⴻⵏ ⵉⴱⴰⵏ « ⵎⴻⵕⵕⵓⴽ ⵓⵔ ⵜⵇⴻⴱⴱⴻⵍ ⴰⵔⴰ ⵙ ⵏⵏⴻⵢⵢⴰ ⵣⴻⴷⴷⵉⴳⴻⵏ ⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ » ⵉ ⵍⵎⴻⵏⴷ ⵏ ⵓⵏⴰⴷⵉ ⵏ ⵜⵉⴼⵔⴰⵜ ⵏ ⵜⴰⵍⵡⵉⵜ ⵉ ⵜⴻⵎⵙⴰⵍⵜ ⵜⴰⵚⴻⵃⵔⴰⵡⵉⵜ.
ⵎⴰⵙⵙ ⴱⵧⵓⴽⵀⴰⵔⵉ ⵉⴳⴻⵔ-ⴷ ⵜⵉⵖⵔⵉ ⵉ « ⵢⵉⵎⴹⴻⴱⴱⵔⴻⵏ ⵉⵎⴻⵕⵕⵓⴽⵉⵢⴻⵏ ⴰⴽⴽⴻⵏ ⴰⴷ ⴵⴵⴻⵏ ⵜⵉⴽⵜⴰ ⵏ ⵓⵙⵙⴻⵎⵖⴻⵔ ⵏ ⵡⴰⴽⴰⵍ », ⵢⴻⵔⵏⴰ « ⵙ ⴽⵔⴰ ⵏ ⵛⵛⵖⴻⵍ ⵏ ⵓⵙⵙⴻⵎⵖⴻⵔ ⵏ ⵡⴰⴽⴰⵍ ⵢⴻⵍⵍⴰⵏ ⵎⴳⴰⵍ ⵓⵣⵔⴻⴼ ⵏ ⵓⴳⴳⵓⵛⵛⴻⵍⵎⴰⵏ (ⵜⴰⵇⵔⵉⵔ ⴰⵍ-ⵎⴰⵚⵉⵔ) ⵏ ⵓⵖⵔⴻⴼ ⴰⵚⴻⵕⵀⴰⵡⵉ ⵍⴰ ⵢⴻⵜⵜⴻⴷⴷⵓ ⴽⴰⵏ ⵖⴻⵔ ⵍⴻⵅⵚⴰⵔⴰ ».
