ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⴽⴰⵔⴹⴰ ⵏ ⵏⵏⴻⴽⵡⴰ ⵜⴰⴱⵢⵓⵎⵉⵜⵔⵉⵜ ⴰⴷ ⴷ-ⵜⴻⴼⴼⴻⵖ ⴷⴻⴳ ⵜⴻⵣⵡⴰⵔⴰ ⵏ 2016
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴰⴽⴰⵔⴹⴰ ⵏ ⵜⵎⴰⴳⵉⵜ (ⵀⵓⵡⵉⵢⵢⴰ) ⵜⴰⵖⴻⵍⵏⴰⵡⵜ ⵜⴰⴱⵢⵓⵎⵉⵜⵔⵉⵜ ⵜⴰⵎⴻⵣⵡⴰⵔⵓⵜ ⴰⴷ ⴷ-ⵜⴻⴼⴼⴻⵖ ⴷⴻⴳ ⵜⴻⵣⵡⴰⵔⴰ ⵏ 2016, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵙⵙⴻⴱⵜ ⵓⵏⴻⵎⵀⴰⵍ (ⵎⵓⴷⵉⵔ) ⴰⵎⴰⵜⵓ ⵏ ⵓⵙⵙⴻⵜⵔⴻⵔ ⵏ ⵓⵙⵙⴻⴼⵜⴻⵔ ⴷ ⵜⴻⵕⵛⵉⴱⵉⵏ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⴰⴱⴷⴻⵔⵔⴰⵣⴰⴽ ⵀⴻⵏⵏⵉ.
« ⵢⴻⵜⵜⵡⴰⵀⴻⵢⵢⴰ-ⴷ ⵓⵏⴰⴳⵔⴰⵡ (ⵏⵉⴹⴰⵎ) ⴷ ⵜⵜⴰⵡⵉⵍⴰⵜ ⵉ ⴱⴻⴷⴷⵓ ⵏ ⵓⵅⴷⴰⵎ ⵏ ⵜⴽⴰⵔⴹⵉⵡⵉⵏ ⵏ ⵜⵎⴰⴳⵉⵜ ⵜⵉⴱⵢⵓⵎⵉⵜⵔⵉⵢⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵙⴻⴼⵀⴻⵎ ⴷⴻⴳ ⵢⵉⵡⴻⵏ ⵏ ⵓⵎⵢⴰⴳⴻⵔ ⴳⴰⵔ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⵏⵧⵔⴻⴷⵉⵏⴻ ⴱⴻⴷⵧⵓⵉ, ⴷ ⵢⵉⵎⴹⴻⴱⴱⵔⴻⵏ ⴷ ⵢⵉⵊⴻⵏⵢⵓⵕⴻⵏ ⵏ ⵜⵎⴻⵀⵍⴰ ⵏ ⵢⵉⵣⵡⴰⵍ ⴷ ⵜⴻⴼⵜⴰⵔⵉⵏ ⵢⴻⵜⵜⵡⴰⵃⴻⵔⵣⴻⵏ ⴷⴻⴳ ⵜⵏⴰⵔⵉⵜ (ⵎⴰⴽⵜⴰⴱ) ⵏ ⵜⵎⴻⵀⵍⴰ-ⴰ.
ⴰⵎⵎⴰⵙ ⵏ ⵓⵙⵙⵓⴽⴽⴻⵙ ⴰⵢ ⴷ-ⵢⴻⵣⴳⴰⵏ ⴷⴻⴳ ⵜⵡⵉⵍⴰⵢⵜ ⵏ ⵍⴻⵖⵡⴰⵟ ⵢⴻⵔⵏⴰ ⵢⴻⵇⵇⴻⵏ ⵖⴻⵔ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵢⵉⵣⵡⴰⵍ ⴷ ⵜⴻⴼⵜⴰⵔⵉⵏ ⵢⴻⵜⵜⵡⴰⵃⴻⵔⵣⴻⵏ, ⴳⴰⵏ-ⴰⵙ ⴷⴰⵖ ⵜⵜⴰⵡⵉⵍ ⵉ ⵍⵎⴻⵏⴷ ⵏ ⵓⵅⴷⴰⵎ ⵏ ⵜⴻⴼⵜⴰⵔⵉⵏ (ⵡⴰⵜⴰ’ⵉⵇ) ⵜⵉⴱⵢⵓⵎⵉⵜⵔⵉⵢⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵖⴻⴼ ⵍⴻⵃⵙⴰⴱ-ⵏⵏⴻⵙ, ⴰⴽⴽ ⵡⵉⴷ ⴰⵢ ⴷ-ⵢⴻⵙⵙⵓⵜⵔⴻⵏ ⴰⵒⴰⵙⵒⵓⵕ ⴰⴱⵢⵓⵎⵉⵜⵔⵉ ⴷⴻⴳ 2015 ⵢⴻⵜⵜⵓⵏⴻⴼⴽ-ⴰⵙⴻⵏ-ⴷ.
ⴷⵖⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵜⴰⵎⴻⵀⵍⴰ-ⴰ ⵜⴻⵙⵙⴰⵡⴻⴹ ⵖⴻⵔ ⵢⵉⵙⵡⵉ-ⵏⵏⴻⵙ ⴰⵙⴻⴳⴳⴰⵙ-ⴰ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵜⴻⵙⵔⵉⵃ ⵏ ⵜⴻⵏⵀⴰⵕⵜ ⴰⴱⵢⵓⵎⵉⵜⵔⵉ, ⵢⴻⵏⵏⴰ-ⴷ ⵎⴰⵙⵙ ⵀⴻⵏⵏⵉ ⴷⴰⴽⴽⴻⵏ ⵓⵔ ⵜⵜⵄⴻⴹⴹⵉⵍⴻⵏ ⴰⵔⴰ ⴰⴷ ⴷ-ⴼⴼⵖⴻⵏ ⵡⴰⵍⵓⴳⴻⵏ (ⴷⴰⴼⴰⵜⵉⵔ) ⵏ ⵛⵛⵓⵔⵓⴹ ⴷ ⵜⴻⵖⵔⵉ ⵉ ⵜⴽⴻⴱⴱⴰⵏⵉⵢⵉⵏ ⴰⴷ ⴷ-ⵢⴻⵍⵀⵓⵏ ⵙ ⵡⴰⵢⴰ.
