ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⵙⴻⴽⵛⴻⵎ ⵏ ⵜⵡⴻⵍⵀⵉⵡⵉⵏ ⵜⵉⵖⴻⵍⵏⴰⵡⵉⵏ ⴷⴻⴳ ⵢⵉⴷⵍⵉⵙⴻⵏ ⵏ ⵓⵖⴻⵔⴱⴰⵣ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵏⵏⴰ-ⴷ ⵜⵏⴻⵖⵍⴰⴼⵜ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⵏⵧⵓⵔⵉⴰ ⴱⴻⵏⴳⵀⴻⴱⵔⵉⵜ, ⴰⵙⵙ ⵏ ⵙⵙⴻⴱⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷⴰⴽⴽⴻⵏ ⴰⵖⵍⵉⴼ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ ⴰⴷ ⴷ-ⵢⴻⴱⴷⵓ ⴰⵙⵙⴻⴼⵄⴻⵍ ⵏ ⵢⵉⵡⴻⵏ ⵏ ⵡⴰⵀⵉⵍ ⵏ ⵓⵙⵙⴻⴳⵎⵉ ⴷ ⴰⵎⴻⵕⴽⴰⵏⵜⵉ ⵉ ⵍⵎⴻⵏⴷ ⵏ « ⵓⵙⵙⵉⴷⴻⴼ ⵏ ⵜⵡⴻⵍⵀⵉⵡⵉⵏ ⵜⵉⴷⴻⵍⵙⴰⵏⵉⵏ ⵜⵉⵖⴻⵍⵏⴰⵡⵉⵏ ⴷⴻⴳ ⵢⵉⴷⵍⵉⵙⴻⵏ ⵏ ⵓⵖⴻⵔⴱⴰⵣ, ⵍⴰⴷⵖⴰ ⴷⴻⴳ ⵢⵉⴷⵍⵉⵙⴻⵏ ⵏ ⵓⵎⴻⵣⵔⵓⵢ ⴷ ⵓⵙⵙⴻⴳⵎⵉ ⵉⵙⵍⴰⵎⴰⵏ ».
« ⴰⵀⵉⵍⴻⵏ ⵏ ⵓⵙⵙⴻⴳⵎⵉ ⴷ ⵢⵉⴷⵍⵉⵙⴻⵏ ⵏ ⵓⵖⴻⵔⴱⴰⵣ ⵓⵔ ⵜⵜⵄⴻⴹⴹⵉⵍⴻⵏ ⴰⵔⴰ ⴰⴷ ⵜⵜⵡⴰⵙⵎⴻⵕⴽⴰⵏⵜⵉⵏ ⵙ ⵜⵖⴰⵡⵙⵉⵡⵉⵏ ⵢⴻⵇⵇⵏⴻⵏ ⵖⴻⵔ ⵜⴳⴻⵎⵎⵉ ⵜⴰⵖⴻⵍⵏⴰⵡⵜ ⵜⴰⴷⴻⵍⵙⴰⵏⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵎⴰⵙⵙⴰ ⴱⴻⵏⴳⵀⴻⴱⵔⵉⵜ, ⴷⴻⴳ ⵢⵉⵡⴻⵜ ⵏ ⵜⵉⵏⴰⵡⵜ (ⵅⵉⵟⴰⴱ) ⴰⵢ ⴷ-ⵜⴻⵏⵏⴰ ⵉ ⵍⵎⴻⵏⴷ ⵏ ⴱⴻⴷⴷⵓ ⵏ ⵓⵙⴰⵔⴰⴳ ⴰⵖⴻⵍⵏⴰⵡ ⵖⴻⴼ ⵛⵛⵉⵅ ⵄⴻⴱⴷⴻⵕⵕⴻⵃⵎⴰⵏ ⴰⵜⵄⴰⵍⴱⵉ ⴷ ⵓⵙⴼⵓⴳⴻⵍ ⵏ ⵓⵎⵓⵍⵍⵉ ⵡⵉⵙ 600 ⵏ ⵓⵙⵙⴻⴱⴷⴻⴷ ⵏ ⵓⵖⴻⵔⴱⴰⵣ-ⵏⵏⴻⵙ.
ⴷⵖⴰ ⵜⴻⵏⵏⴰ-ⴷ ⵜⵏⴻⵖⵍⴰⴼⵜ ⵙ ⵜⵓⵎⴻⵔⵜ (ⵍⴼⴻⵕⵃ), ⴷⴻⴳ ⵓⵙⴰⵔⴰⴳ-ⴰ ⴰⵢ ⴷ-ⵜⴳⴰ ⵜⵉⴷⴷⵓⴽⵍⴰ ⵏ ⵙⵉⴷⵉ ⵄⴻⴱⴷⴻⵕⵕⴻⵃⵎⴰⵏ ⴰⵜⵄⴰⵍⴱⵉ, ⴷⴰⴽⴽⴻⵏ « ⵓⵏⴻⵙⵛⵧ ⵜⴻⵙⵜⴻⵄⵕⴻⴼ ⵙ ⵢⵉⵣⵓⵎⴰⵍ [ⵉⴷⵣⴰⵢⵔⵉⵢⴻⵏ] ⵎⵉ ⵜⴻⵙⵙⴰⴷⴻⴼ ⵉⵙⵎⴰⵡⴻⵏ ⵏ 3 ⵏ ⵢⵉⵎⴰⵙⵙⴰⵏⴻⵏ ⵉⴷⵣⴰⵢⵔⵉⵢⴻⵏ ⴳⴰⵔ ⵢⵉⵎⴷⴰⵏⴻⵏ ⴰⵢ ⴷ-ⵢⵓⴼⵔⴰⵔⴻⵏ ⴰⴽⴽ ⴷⴻⴳ ⵓⵎⴰⴹⴰⵍ ». ⴰⵙⴰⵔⴰⴳ-ⴰ ⵢⴻⵍⵍⴰ-ⴷ ⵉ ⵓⵙⵎⴰⵍ (ⵜⴰⵔⵇⵉⵢⴰ) ⵏ ⵜⴳⴻⵎⵎⵉ ⵢⴻⵔⵏⴰ ⵜⴻⵜⵜⴻⴽⴽⴰ ⴷⴻⴳ-ⵙ ⵜⵙⴻⵇⵇⴰⵎⵓⵜ ⵜⴰⵖⴻⵍⵏⴰⵡⵜ ⵜⴰⴷⵣⴰⵢⵔⵉⵜ ⵏ ⵓⵏⴻⵙⵛⵧ.
ⵉⵎⴰⵙⵙⴰⵏⴻⵏ ⴰⵢⵢⴻⵙ ⵜⴻⵙⵜⴻⵄⵕⴻⴼ ⵓⵏⴻⵙⵛⵧ ⴷ ⵛⵛⵉⵅ ⵃⵎⴻⴷ ⵍⵄⴰⵍⴰⵡⵉ ⴰⵎⴻⵙⵜⵖⴰⵏⵎⵉ, ⵢⴻⵍⵍⴰⵏ ⴷ ⴰⵎⴻⴷⵢⴰ ⵏ ⵓⵎⵙⵓⵔⴻⴼ (ⵜⴰⵙⴰⵎⵓⵃ) ⴳⴰⵔ ⵍⴻⴷⵢⴰⵏ, ⵛⵛⵉⵅ ⵄⴻⴱⵍⴻⴷⵇⴰⴷⴻⵔ ⵎⴻⴵⴵⴰⵡⵉ, ⴷ ⴰⵎⴰⵣⵣⴰⴳ ⴷⴻⴳ ⵜⵓⵜⵍⴰⵢⵜ ⵜⴰⵄⵕⴰⴱⵜ ⴷ ⵛⵛⵉⵅ ⵄⴻⴱⴷⴻⵕⵕⴻⵃⵎⴰⵏ ⴰⵜⵄⴰⵍⴱⵉ, ⴰⵢ ⴷ-ⵢⴻⴼⴽⴰⵏ ⴰⵟⴰⵙ ⵉ ⵜⴰⵍⵙⴰ ⴷⴻⴳ ⵢⵉⵏⵓⵔⴰⵔ ⵏ ⵜⵎⵓⵙⵙⵏⵉ ⴷ ⵢⵉⴷⵍⴻⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⵖⵍⴰⴼⵜ.
« ⵍⴻⵣⵣⴰⵢⴻⵔ ⴷ ⵜⴰⵎⵓⵔⵜ ⵜⴰⵡⵃⵉⴷⵜ ⴰⵢ ⵢⴻⵙⵄⴰⵏ 3 ⵏ ⵡⵓⴷⵎⴰⵡⴻⵏ ⴰⵢⵢⴻⵙ ⵜⴻⵙⵜⴻⵄⵕⴻⴼ ⵓⵏⴻⵙⵛⵧ ⵖⴻⴼ ⵡⴰⵢⴻⵏ ⴰⵢⵢⴻⵙ ⴷ-ⵜⵜⴻⴽⴽⴰⵏ ⴷⴻⴳ ⵜⴳⴻⵎⵎⵉ ⵜⴰⴳⴳⴰⴳⴰⵏⵜ (ⴼⵉⴽⵔⵉⵢⵢⴰ) ⴷ ⵜⴷⴻⵍⵙⴰⵏⵜ ⵏ ⵓⵎⴰⴹⴰⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⴰⵔⴰⴳ ⴰⵖⴻⵍⵏⴰⵡ ⵏ ⵛⵛⵉⵅ ⵄⴻⴱⴷⴻⵕⵕⴻⵃⵎⴰⵏ ⴰⵜⵄⴰⵍⴱⵉ, ⵢⴻⵛⴽⴻⵕ-ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴷⵉⵏ, ⵎⵧⵀⴰⵎⴻⴷ ⴰⵉⵙⵙⴰ, ⴷⴷⵓⵕ ⴰⵎⴻⵇⵔⴰⵏ ⴰⵢ ⵢⵓⵔⴰⵔ ⵛⵛⵉⵅ ⵄⴻⴱⴷⴻⵕⵕⴻⵃⵎⴰⵏ ⴰⵜⵄⴰⵍⴱⵉ ⴷⴻⴳ ⵓⵣⵔⴰⵄ ⵏ ⵜⵎⵓⵙⵙⵏⵉ ⴷⴻⴳ ⵜⵎⴻⵜⵜⵉ ⵜⴰⴷⵣⴰⵢⵔⵉⵜ, ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⴰⵎⴷⴰⵏ-ⴰ ⴷ « ⴰⴽⴻⵔⵡⴰ ⵢⴻⵔⵏⴰ ⴷ ⴰⵙⴻⵍⵎⴰⴷ ».
