ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵙⴻⵇⵇⴰⵎⵓⵜ ⴰⴷ ⵉⴼⴻⵔⵏⴻⵏ ⵉⵏⴻⵖⵎⴰⵙⴻⵏ ⵉⵙⴰⴷⵓⵔⴰⵏⴻⵏ ⵓⵔ ⵜⴻⵜⵜⵄⴻⵟⵟⵉⵍ ⴰⴷ ⴷ-ⵜⴻⵜⵜⵡⴰⴼⵔⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵖⵍⵉⴼ ⵏ ⵜⴻⵖⵡⴰⵍⵜ (ⵉⵜⵜⵉⵚⴰⵍ), ⵀⴰⵎⵉⴷ ⴳⵔⵉⵏⴻ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷ ⴰⴽⴽⴻⵏ ⵡⵉⴷ ⴰⴷ ⵢⴻⵜⵜⴻⴽⴽⵉⵏ ⴷⴻⴳ ⵜⵙⴻⵇⵇⴰⵎⵓⵜ ⵜⴰⵖⴻⵍⵏⴰⵡⵜ ⵜⴰⵎⴻⵖⵍⴰⵍⵜ (ⴷⴰ’ⵉⵎⴰ) ⵉ ⵓⵄⵇⴰⵍ ⵏ ⵢⵉⵏⴻⵖⵎⴰⵙⴻⵏ ⵉⵙⴰⴷⵓⵔⴰⵏⴻⵏ ⵓⵔ ⵜⵜⵄⴻⴹⴹⵉⵍⴻⵏ ⴰⵔⴰ ⴰⴷ ⴷ-ⵜⵜⵡⴰⴼⴻⵔⵏⴻⵏ.

ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⵉ ⵜⵖⴻⵎⵙⴰ ⴷⴻⴳ ⵜⴳⴰⵔⴰ ⵏ ⵓⵇⴻⴷⴷⴻⵎ ⵏ ⵜⵙⴻⵔⵜⵉⵜ ⵏ ⵓⵖⵍⵉⴼ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵎⴻⵔⵔⵉⵜ (ⵙⵉⵢⴰⵃⴰ), ⵉⴷⵍⴻⵙ ⴷ ⵜⴻⵖⵡⴰⵍⵜ ⴷⴻⴳ ⵓⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⵢⴻⵏⵏⴰ-ⴷ ⵎⴰⵙⵙ ⴳⵔⵉⵏⴻ ⴷ ⴰⴽⴽⴻⵏ « ⴰⴼⵔⴰⵏ ⵏ ⵡⵉⴷ ⴰⴷ ⵢⴻⵜⵜⴻⴽⴽⵉⵏ ⴷⴻⴳ ⵜⵙⴻⵇⵇⴰⵎⵓⵜ ⵜⴰⵖⴻⵍⵏⴰⵡⵜ ⵏ ⵓⵄⵇⴰⵍ ⵏ ⵢⵉⵏⴻⵖⵎⴰⵙⴻⵏ ⵉⵙⴰⴷⵓⵔⴰⵏⴻⵏ (ⵎⵓⵃⵜⴰⵔⵉⴼⵉⵏ) ⵓⵔ ⵢⴻⵜⵜⵄⴻⴹⴹⵉⵍ ⴰⵔⴰ ⴰⴷ ⴷ-ⵢⵉⵍⵉ », ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷ ⴰⴽⴽⴻⵏ « ⵡⵉⴷ ⴰⴷ ⵢⴻⵜⵜⴻⴽⴽⵉⵏ ⴷⴻⴳ ⵜⵙⴻⵇⵇⴰⵎⵓⵜ-ⴰ ⵢⴻⵙⵙⴻⴼⴽ ⴰⴷ ⴷ-ⴼⴽⴻⵏ ⵜⵜⴱⵓⵜ ⴷ ⴰⴽⴽⴻⵏ ⵙⵄⴰⵏ 10 ⵏ ⵢⵉⵙⴻⴳⴳⴰⵙⴻⵏ ⵏ ⵜⵜⴻⵊⵕⵉⴱⴰ ».

ⵢⴻⵙⵎⴻⴽⵜⵉ-ⴷ ⵎⴰⵙⵙ ⴳⵔⵉⵏⴻ ⴷ ⴰⴽⴽⴻⵏ ⵓⴳⴰⵔ ⵏ 4000 ⵏ ⵜⴽⴰⵔⴹⵉⵡⵉⵏ ⵏ ⵢⵉⵏⴻⵖⵎⴰⵙⴻⵏ ⵉⵙⴰⴷⵓⵔⴰⵏⴻⵏ ⴰⵢ ⵜⴻⴼⵔⴻⵇ ⵜⵙⴻⵇⵇⴰⵎⵓⵜ ⵜⵓⵄⴹⵉⵍⵜ ⵏ ⵓⵄⵇⴰⵍ ⵏ ⵢⵉⵏⴻⵖⵎⴰⵙⴻⵏ ⵉⵙⴰⴷⵓⵔⴰⵏⴻⵏ ⴰⵔ ⴰⵙⵙ-ⴰ.

ⴷⵖⴰ, ⵉ ⵍⵎⴻⵏⴷ ⵏ ⵡⴰⵢⴰ, ⵉⵡⴻⴽⴽⴻⴷ-ⴷ ⵎⴰⵙⵙ ⴳⵔⵉⵏⴻ ⴷ ⴰⴽⴽⴻⵏ ⵉⵏⴻⵖⵎⴰⵙⴻⵏ ⵢⴻⵙⵙⴻⴼⴽ ⴰⴷ ⴰⴽⵉⵏ ⵉ ⵜⵉⵙⵙⵓⴷⴻⵔⵜ (ⵉⵃⵔⵉⵔⴰⴼⵉⵢⵢⴰ) ⵏ ⵓⵅⴻⴷⴷⵉⵎ-ⵏⵙⴻⵏ ⴰⴽⴽⴻⵏ ⵓⵔ ⴷ-ⵙⵙⴰⵡⴰⴹⴻⵏ ⴰⵔⴰ ⵉⵙⴰⵍⴰⵏ ⴰⵢⴷⴻⴳ ⵢⴻⵍⵍⴰ ⵛⵛⴻⴽ ⵢⴻⵔⵏⴰ ⵓⵔ ⴷ-ⵜⵜⵛⴻⵎⵎⵉⵜⴻⵏ ⴰⵔⴰ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⴷ-ⵙⵙⵓⴼⴼⵖⴻⵏ ⵉⵙⵡⵉ ⵏ ⵜⴻⵣⴷⴻⴳ ⵏ ⵚⵚⴻⵏⵄⴰ ⵖⴻⵔ ⵜⵉⴷⴻⵜ.

ⵎⴰⵙⵙ ⴳⵔⵉⵏⴻ ⵢⴻⵏⵏⴰ-ⴷ ⴷ ⴰⴽⴽⴻⵏ « ⴰⵏⵇⴰⵙ » ⴷⴻⴳ ⵓⵛⴻⵎⵎⴻⵜ ⵢⴻⵍⵍⴰ-ⴷ ⵉⵎⵉ ⴰⵢ « ⵓⴽⵉⵏ » ⵢⵉⵏⴻⵖⵎⴰⵙⴻⵏ ⴷ ⵢⵉⵎⴰⵥⵔⴰⴳⴻⵏ (ⵏⴰⵛⵉⵔⵉⵏ) ⵙ ⵜⴻⵎⵙⴰⵍⵜ-ⴰ, ⵢⴻⵔⵏⴰ ⵢⴻⵙⵙⴰⵔⴰⵎ ⴷ ⴰⴽⴽⴻⵏ ⴰⵢⴰ « ⴰⴷ ⵢⴻⵜⵜⵡⴰⴽⴽⴻⵙ ⵙ 99% ⴷⴻⴳ ⵢⵉⵙⴻⴳⴳⴰⵙⴻⵏ ⴰⵢ ⴷ-ⵢⴻⵜⵜⴻⴷⴷⵓⵏ ».